دردشة حوامل اهل فلسطين الغاليات ^_^

[سما الدنيا]

انا بالشهر السابع فتت فيه اجديد الي خمس ايام...شو فيكي بنوته ولا صبي

[احساس أنثى]

مسا الخير هل من احد هنا ؟؟

[سما الدنيا]

هلا احساس ..نحن هنا ..شو اخبارك يا حلوه وكيف النونو الزغنون معك ان شاء الله انو مش مغلبك

[سما الدنيا]

هلا جارة حبيبتي..الله يبعد عنك الزعل انتي وزوجك...
مين ما بتتخانق هيه وزوجها..
انا اكتر شي عالبيت بضل انق عليه عشان يطلعني من البيت لبيت تاني ..بس بتعرفي مرات بتندم انو كتير بدقق عليه بالموضوع لانو حاسو مل من الموضوع وهو حاليا صعب ينقل ..
لازم انخف عنهم شوي ..
بس يلا مرات الزعل حلو بيجي من وراه مراضاه من كلا الطرفين

[سما الدنيا]

ما في حد هون..بدي استغل الوقت معكم قبل ما تخلص سهرة الهازبند مع اصحابو ...ووووووووووووووينكم

[جارة القمر]

لساك هووووووووووووووون

[سما الدنيا]

ياس ايم هير ...تعي اندردش وانم شوي عالعالم*:هههههههه

[جارة القمر]

يلااااااااااااا سما :


وين رايحين ببيت لحم وين بدكم تاكلو

[سما الدنيا]

والله انا يا جاره انا رايحه مع صاحبه الي معلمه بدها اتروح وهيه المعلمات الي بالمدرسة بدهم يضلو لليل انا هاد الي بس بعرفو يعني المهم عندي نتركهم انا وصاحبتي انروح نشتري اغراض ونلف هون وهون..بجوز عاالكنيسه يمكن او مكان الاحتفال لراس السنه

[جارة القمر]

عند لكنيسه ولجوا اسالو عن السوق ............فيه سوق كبير
واسعار منيحه بشتري احيانا لابني من السوق

شو عماتي اكل
انا والله على سادوش جبنه صفرا ما طبخت

[سما الدنيا]

انا والله ما طبخت اليوم..معلبات وسلطات ..بس بكره جاي عبالي اعمل ملوخية..
اها فيه سوق حكتلي عنو حواء اسمو سوق الفواغره ازا صحلنا منروح عليه...طيب مش انتي من القدس ليش حاسسيتك من بيت لحم كانو اكتر طلعاتك هناك..
انا اكتر طلعاتي عرام الله..هوو في غيرها منروح عليها

[جارة القمر]

ههههههههههههههه سبحان الله نفسي مره وحده اجي على رام الله واعرف اشتري منها

انا درست بجامعة بيت لحم وبعرف كل مكان فيها لانها كمان قريبه كتير من بلدنا بينا 15 دقيقه بالسيارة من كون فيها يعني مثلا لما يجي على بالنا بنطلع نتعشا او بنشتري ساندويشات منها

وكمان في لنا شقه و ارض...............يعني والله بحب اشتري منها ولا اروح على شارع صلاح الدين او البلده القديمه لانه ما في مصفات وازا بدي صف بالايجار بدفعونا كتير فبختصر

[سما الدنيا]

ههههههههههههههه سبحان الله نفسي مره وحده اجي على رام الله واعرف اشتري منها

ليش مالها رام الله لانها غاليه ولا ما بتعرفي محلات؟؟؟؟؟؟
خلص ليوم انا بدلك عمحلات برام الله ..في محلات كتير اللبس فيها حلو...خلص بس اتفوتي الخامس تعي اشتري لابنك او بنوتك من هناك انا بكون بالتاسع ان شاء الله منشتري انا وياكي الا ازا بتخافي من مرافقة الغرباء ههههههههههههههههههههه.

[um ameen]

ممكن اسأل سؤال وحدا يساعدني

[um ameen]

ممكن اسأل سؤال وحدا يساعدني

[ام قمر سارة]

يا بنات ردو علي انا بعلكم رسالة قبل ايام ومش مبينة انا ما بعرف للمنتدى كتير واول مرهة بسجل بمنتدى بدي رايكم و مساعدتكم ردووووووووو انا من القدس

[عسولة فلسطين]

مساء الخير
كيفكم بناااااااااات
سبحان الله بس أطل بتختفيوا ههههههههه
وينك غموض ولولو مش باينين؟؟؟؟
أهلين ام قمر سارة ايش سؤالك بركي حد يفيديك يارب

[حواء مثالية]

صباحكم عسل يا بنات كيفكم شو اخباركم يارب تكونوا بخير

انا مبارح عملت كبسة زوجي اكل اصابعوا وراها وبالليل اجو دار صاحبو عندنا كثير انبسطنا

اليوم بدي اعمل كبد بالفرن واعمل مقبلات معها

مممممممم صبح الاكل جاي عبالي بس مش جوعانة

[جارة القمر]

مرحبااااااااااااااااا بنات مال الدردشه بدون دردشة بجد انكم كسلانين
حتى ست احساس اللي كانت تتواجد بطلت ثقلانه علينا
وعموض ولولو ,,,,,,,,,,,,,,

المهم سما ما بعرف اشتري منها ما بعرف محلات ......وخاصة الاخذيه ما بعرف

بس ياريت والله انا موافقه اجي ونطلع سوا ...........واللي بتحب من الصبايا ترافقنا
اتوقع حواء ممكن..........

حوائتي صحتين وهنا انا بعمل الكبسه طيبه كتير بس ما في مانع تقولي كيف طريقتك...

احساس تعي وين غاطسة يا بنت

عسولتي اشتئتلك ازا انت بالدردشة تعي ندردش شو قبل ما اطلع

اللي يومين ما باااااااااااااااااكول ولا بطبخ

[جارة القمر]

ام امييين وام قمر هلا وغلا فيكم ..........

تفضلو اسالوا ازا بنعرف منجاوبكم

[حواء مثالية]

هلا جارة منورة يا عسل شو اخبارك حبيبتي


الك وحشة معدتي اليوم من الاخر وصداع فظيع

[سما الدنيا]

صباحو ..شو اخباركم..وشو عامليييييييييييييين...
حواء وجارة منورات والله...
حواء ما اتكتري اكل الكبدة بهدول الاشهر الاولى بعرف انو مش كويس للحامل بالاشهر الولى ..
كمان ساعه برجعلكم بدي استحم بلاش اتروح عليه الصلاه...ههههههههههههههههه..

[جارة القمر]

نعيما سلفا يا سما
هلا حواء
الدكتور تبعي كتبلي حبوب للوحام تاخديها اول لنهار او قبل الاكل بساعات بتهدا
معدتك

[سما الدنيا]

الله ينعم عليكي يا جارة...جارة انا بلشت استخدم بعد الحمام احط زيت بلدي على الصدر وبغطي بقطن عشان لبكره ان شاء الله لما ارضع البيبي ما يكون في وجع انتي جربتي هيك اشي انا قاتو من المنتدى وحبيت اجربو..
بالنسبة للكبسة يا حواء انا هاي اكتر طبخةبعرف اعملها منيح كتير هية والاوزي بتطلع اتشهي ..يلا انا اليوم عاملة ملوخية ..

[لولو حمادة]

مرحبا كيفكم يابنات اشتقتكم كثير

[لولو حمادة]

اختفيت كم يوم كنت تعبانة كان عندي الم اسفل في عضمي من اسفل الرحم وعضمات العانة مابعرف اقعد اواتحرك بحسو مكسر ولهلا مين صار معها هيك
وابني خربط نومو وتعبني معاه طول اليوم نعسانة صداع

[سما الدنيا]

هلا لولو كيفك يا بطة شو وين هالغيبه نحنا اشتقنالك...شو عاملة وكيف حملك وحماده كيفو..
ما حكيتي شو بان معك جنس البيبي؟؟؟؟

[سما الدنيا]

الف سلامه عليكي...انا بالخامس حسيت بهاد الوجع بس هاد اشي طبيعي ...خففي الجماع بهاي الفتره وارتاحي بروح الوجع ..معافاه يا ربي..

[لولو حمادة]

انااحسن حمادة مجنني ما بياكل صار سنة حليب وقليل اكل يعني دوق الاكل بس مش عارفة شو اعمل انا بحسو بيقرف من الاكل
الحمل كويس الحموضة موتتني الحمل كوم والحموضة كوم
الدكتورة قالت 70في المية ولد

[سما الدنيا]

الله يعينك والله انا اختي برضو انها سنة عمرو وبرضو مغلبها بالاكل يعني بس بيرضع حليب من امو ويا دوب بياكل شي عالخفيف بس راحت عالصيدليه وكنت معها كتبتلها مكمل لابنها ..بس المشكة منها هيه عودتو عالرضاعه وما كانت اطعميه...
يلا الله يطعمك الي ببالك شو ناويه اتسميه عخير يا ربي؟؟؟

[لولو حمادة]

بدي اسمي محمد انا نفسي باسم ايهم بس جوزي مش راضي لو بنت مش عارفة
اسم غيداء بموت فيه من وانا بالمدرسبة بحبو واقنعت جوزي وكل شي راحت اختو سمت قبل اربع شهور نجنيت منها
هلا ريتاج عاجبني بس الباشا مش عاجبو

[لولو حمادة]

سما شواسم المكمل هو زي الحليب ولا اكل
ابني مارضع كثير مني خفيف عشان الاجهاض والحمل
والباقي خارجي

[سما الدنيا]

حلو اسم محمد وايهم كمان..انا والله متلك كان نفسي اسمي ابني بس زوجي اعترض واصر انو هوه يسميه ..بالاخر حكيت خلص يلا معليش عشان اول بيبي خليه هوه يسميه..
بس لبكره ازا الله اعطاني كمان انا رح اسمي مش هوه...

[حواء مثالية]

كل النهار مشغوله

شو عاملات

عارفه سما بدي اعمل مقبلات وكوكتيل الي الكبده عشان زوجي

[سما الدنيا]

والله ما بعرف اسمو المكمل ما ركزت ..بس انتي روحي عالصيدليه واحكي مشكلتك وانو ابن ما بياخد منك حليب وما بياكل حليب الصيدلي بيوصفلك ...بس ما شاء الله عنو ابنك زاكي وامور ربنا يخليلك اياه واتشوفي ابنك التاني على خير..

[سما الدنيا]

اها يلا صحتين يا حواء ..انا والله كمان شوي بدري اروح اطبخ الجاجه عشان اعمل عليها ملوخية ورز....

[لولو حمادة]

كل وحدة تعمل اكلة تكتب طريقتها
طلعت مابعرف اطبخ كل يوم بسمع اكلة شكل انا بعرف اكلات بس مابعرف الاسماء
كيف الكبدة بالفرن والاوزي والكبسة وعسولة بتحكي طبيخ كشك حيرتوني بس منكم بستفيد

[حواء مثالية]

حبيبتي الكبدة بالفرن

بتجيبي الكبده بتقطعيها بتكوني منظفيتها بتفرمي بصل شرائح بتحطي تكة ليمون وبهارات شوي شوي صغيرة مي بتحطيها بالصينية وبعدين ربع ساعة ل 25 دقيقة بالفرن يعني حسب الكمية

الكبسة طريقتها حلوه وسهلة وزاكيه بتقعطي شو بدك تحطي معها خضار مثلا انا بحط فلفل حلو بطاطا بندورة جزر بهارات كبسة بتطبخي الدجاج مع الخضراء بتعمليها مثل الصلصا وبتخليها تغلى لتستوي ما تنسي تحطي شوية ماجي وكمان معجون بندورا وفلفل اسود وقرنفل وهال
طبعا بارز امريكي بتنعمل بتكوني ناقعة الرز بعد ما يستوي الدجاج بتضيفي الرز عليهم وبتحطي شوية مي عشان الرز يستوي واذا بدك بتحمري الجاج كمان بتطلع ازكى وبتزينها بمكسرات وصحة وهنا

الاوزي كثير سهلة بتفلفلي رز على جنب بتجيبي جزر بزيلا لحمة مفرومة بتقليهم كل نوع لحال بزيد وسمن حسب الرغبة عشان الطعم بتكوني سالقة الدجاج ومحمريته او اللحمة بتحطي البزيلا والجزر واللحمة كيف ما بدك على وجه الارز او بتخلطيهم حسب كيف بدك وبعدها بتحطي اللحمة او الدجاج

وصحة وهنا في ناس بعملوا البزيلا واللحمة والجزر زي صلصة كمان لزيز

الكشك ما بعرف اش هو يمكن بعرفه باسم تاني انا كمان

[لولو حمادة]

شكرن حواء الكبدة نفس القلي بس في الفرن شوي
الاوزي بعرفها انتي حكيتي لحمة مفرومة وحكيتي جاج مع بعض
والكبسة الجاج بطبخو مع الخضار كيف احمرواطلعو يعني والخضار المطبوخة استوي فيها الرز بدل المية غلبتك يا حواء
بس انتبهي الكبدة في اول الحمل مش كويسة الدكتور قالتلي والبدونس والجزر

[سما الدنيا]

مش عارفين الكشك....هاد الي بينعمل مع المنسف بكون لونو ابيض واصفر مرات...بينطبخ مع شوربة اللحمة ...انا طبختي لسا عالنار ...جعت قبل ميعاد الاكل

[احساس أنثى]

مسا الخير صبايا

ماشاء الله عليكم ... طباخات ماهرات

والله انا مابطبخ حماتي بتطبخ ^_^

صحتين وهنا على قلوب الجميييييييييع

صبري حالك ياسما باي شي حرام انتي حامل ..

[احساس أنثى]

والله يالولو حمادة اول مرة اعرف انه الكبدة مو كويسة أول الحمل

وانا حماتي يوم بعد يوم بتقليلي اياها ... مع اني مابقدر اكل الا قطعتين

مابحبها على لاصبح .. بتقلب معدتي

[احساس أنثى]

واسم ريتاج حلو كتير انا حطاه ببالي بس جوزي بدو يسمي البنت لو طلعت على مزاجو هوا وماعجبوا الاسم .. بس معناه حلو كمان

[لولو حمادة]

كيفك احساس الرجال بجننو بتحكمو في الاسماء
الكبدة فيها فيتامين a والجزر والبقدونس بتعمل تشوهات للجنين

[ام حمود2]

مسا الخيرات عليكم صبايا

[احساس أنثى]

ومساكي ياعسل وميسعد مسا ام حمود

منكم نستفيد الحمد لله انا أكلي خفيف جدا جدا ...

انا عادي عشان اول حمل الي قلت لزوجي لو بنت سميها انت والولد أكيد على اسم حمايا

بس وصيت زوجي لو متت بالولادة سمي البنت على اسمي عشان تضل فاكرني ... هبلة اه

هههههههههه بس من كتر التفكير والله

[احساس أنثى]

شكلهم الصبايا نايمين

شو لسى بكرة الخميس مو اليوم

اشوفكم على خير انا مليت وتعبت من الاب توب على رجليا

سي يوووووووووووووو

[ام حمود2]

هلااا حبيبتي احساس انثى

اسمعي لاااااااااااااااااااااتفكري كتييييير بالولادة والله التساهيل من ربناااااا وكليها ع الله

[لولو حمادة]

احساس لاتحطي الاب توب على رجليكي اوبطنك مش كويس عشان الحمل

[سما الدنيا]

مسائو يا حلوين...كيفكم اخ اخير زوجي عتقني وطلع من البيت هههههههههه..هلا احساس منورة وام حمود ولو وكل الصبايا وين البافي عسولة وغموض يلا بستنا فيكم...جايبلكم معي اشي زاكي

[لولو حمادة]

كويس انو جوزك بيسليكي يا سما انا من اول ماروح اكل وقعد على الاب توب لهلا ولا كاني موجودة في البيت جنني

[سما الدنيا]

طيب حبيبتي ازا بتدايقي من هالاشي روحي اتحركشي فيه اقعدي جنبو لما يكون عالاب توب ..
انا مش دايما كمان بحب اضل عندو بحب اتركو بشغلو على الكمبيوتر مرات بحبو يضلو لحالهم ..وبرضو احنا مش لازم انضل لازقين فيهم....وما شا الله هي ابنك حماده بيسليكي انا ان شاء الله بس ييجي الصبي يمكن انسا زوجي من كتر حبي بالصغار...

[لولو حمادة]

ماعندو شغل تسلايه اخبار وانجليزي وبرامج بيغيب كل يوم 12 ساعة ولمن ييجي على الكمبيوتر زهقت
اتحركش فيه ههههههههههههههههههه
على الفاضي كل يوم بدي اتحركش زهقت

[سما الدنيا]

هههههههههههههههههههههه....الله بعين يا لولو....لا بس تحركشي فيه غيري الطريه انتي ..وازا ما زبطت اعمليها زعله هوه لحالو رح ييجي يراضيكي ..الله يديم المحبة بيناتكم ويخليكم لبعض

[سما الدنيا]

مممممممممم..شكلكو ما بتسهرو يا صبايا ..هيني هون بستنا في وحده اطل عليه...

[لولو حمادة]

انا موجودة زهقانة
ببعبش في الاخبار عن غزة

[عسولة فلسطين]

أنا هنااااااااااا
يارب ألاقي وحدة فيكم
لأني كل ليلة بقعد بكون لحالي اهئ اهئ اهئ
والله يا لولو اليوم سمعت قال اليهود ناويين ع نية لغزة الله يسترنا

[لولو حمادة]

ربنا يستر كيفك انتي عسولة

[عسولة فلسطين]

الحمدلله بخير
هيني ميييييييييييييتة برد
كيفك انتي وحمود والبيبيه

[لولو حمادة]

الحمد لله بخير وحمادة مغلبني والحمل كويس

[عسولة فلسطين]

هههههههههه يللا الحمدلله
بيعين الله
الله يخليلك اياه وتقومي بالسلامة يارب

[حواء مثالية]

الله يسعد صباحكم يا صبايا كيفكم شو اخباركم كثير مشتاقلكم

حبيبتي لولو بالنسبة للكبسة طلعي الجاج من الصلصه وحطي بالفر خمس او عشر دقائق بس يتحمر والصلصة اطبخي فيها الرز وضيفي عليها شوية مي عشان يستوي كويس

انا مبارح روحت من الشغل نمت ساعة بعدها زوجي روح عملتله العشا وقعدنا تسلينا

اقلكم شغلة بحس زوجي غير عن كل الرجال بموت على البيت وجونا كثير حلو واقلكم شغلة في برامج معينة بتابعها انا واياه انا من اول حياتنا اتطلعت وانتبهت شو بفضل من البرامج والمواضيع واي شي بحبه يعني مثل ما تحكو فهمته كويس مرات بنحضر برنامج بعد ما يخلص يمكن ساعة او اكثر ونحنا نتناقش في وكمان شغلة ما بحب يتركني لحالي واذا صار هالشي بكون مضطر بهالوقت بطلع برا البيت عشان يدخن وزياراتنا كلها مشتركة يعني بكون معو عند اصحابو اهلو حتى لما بدنا نتمشى انا بكون رفيقته الله يخليلي اياه ... بس كمان في وقت خاص فيه بهالوقت بحب اتركه براحته شو بده بعمل ... بعد الحمل الحمدلله قربنا من بعض اكثر وصار الفة اكثر ... بس اقلكم شغلة بدكم تحلوا مشكلة ازواجكم خليهم يتثقفوا دينيا ويلتزموا انا الحمدلله مع انه معرفتي بزوجي بس فترة الخطوبة وبعد ما تزوجنا لكن ما شاء الله علي كني بعرفوا من زمان ...

بس كمان الحياة ما بتخلا انا المنغصات بتجيني من برا حماتي والي حولي
بتعرفوا يا بنات بكل صلاة بدعي الله يسخره الي ويحنن قلبه علي والحمدلله من اختار طريق الهداية والصواب ربنا بسهلها الو خليكوا ناويين نية خير كل رجل اله طريقة زوجته تفوتله فيها

يعني ما بنفع يكون مستقل او شبه موجود بالبيت لازم كلشي يكون جزء منه

دوشتكم على هالصبح ما بعرف اذا في داعي لكل هالحكي بس يالله فرصة نعرف كيف نتعامل مع ازواجنا ونشوف شو اكثر مشكله مشتركة بينهم عشان نوصل لحل

نشوف شو عندكم خلينا نتناقش بهالموضوع وكل وحده بتحس حالها عندها مشكله باي شي مع زوجها تطرحه هون يمكن نلاقي حل ونساعد بعض

خلينا نغير عن سيرة الطبخ ههههههههههههههه ريحة دردشتنا واصلة الدردشات التانية هههههه

[سما الدنيا]

اها والله بالك يا حواء ...انغير مواضيع الطبخ شويه..صباحك سعيد...
الله يخلينا ازواجنا يا رب ويسخرنلنا اياهم ويجعلنا فرة اعين لهم واحب النساء الي فلوبهم امين يا رب العالمين..
بتعرفي الموضوع هاد بيرجع للست كيف هية فاهمة زوجها ولا لاء وكيف انو تتعامل معو..
يعني انا بصراحه في اوقات بحب اكون قاعده لحالي لما يكون هوه بالبيت ..واكيد هوه نفس الشي ...يعني زي ما انا باخد عحالي بحسب الو برضو نفس الشي...بالنسبة للبرامج التلفزيونيه واللله اتغلبت شوي معو انا كنت احب الرياضه التنس والمصارعه بما اني ضلي تاخر بنت اتزوجت عند اهلي وبين ست شباب فاكيد بحب هالمواضيع كنت اتابع معهم امن زوجي ما بحب الرياضة بحب الاخبار والافلام الاجنبي وبرامج الثقافية...بس عودت حالي بالنهايه اني احضرهم معو عشانو وعشان نتسلا سوا...
بس بدك يضلو هيك وما يتغيرو ههههههههههههه...

[لولو حمادة]

صباح الخير حواء وسما كيفكم
الحمد لله جوزي كويس كثير بحبني وبيخاف على وكل طلعاتو بكون معو لانو لوحدنا انا وياه مافي قرايب عنا ولا اهل كلهم بغزة والمشاكل بتيجي من عمتي بس خفيف لانو بنكلمهم مرة في الاسبوع
جوزي مابيحب يطلع من البيت وبيحب البرامج الثقافية وبرامج الكمبيوتر

[حواء مثالية]

هههههههه صحيح بس بتعرفي اسهل شي انك تاقلمي حالك مع كل الامورالي بتخصه هاي الامور الي ما بتقدري تغيرها في

[سما الدنيا]

هلا لولو منوره حبيبتي....
مهوه لانهم ما بيتاقلمو معنا وعحسب رغباتنا منضطر نتاقلم معهم همه...حكم القوي هههههههههههه....

[حواء مثالية]

انا زوجي مزاجي بس وقت ما يتقلب مزاجه بنقلب على طول معو

هداك اليوم بحكيلي انتي جبارة كيف بكون مخي بتسايريني حكيتله ممتاز اذا بتعرف ادي انا بعاني

بس والله حنون يقبر قلبي انا

بنات ازواجكم حكولكم عن ماضيهم حبهم قصدي

[حواء مثالية]

لولو منوره

ان شاء الله يشرفوا باقي الصبايا احساس جارة القمر عسولة غموض وكل البنات

[لولو حمادة]

شو نعمل يعني المهم كويس وخلص هو هيك طبعو كيف اغيرو صعب بس جوزي صراحة مش رمانسي مابيقلي كلام حلو (انتم فاهمين )بس انا بعود فيه شوي شوي

[لولو حمادة]

انا سالتو حكالي ماكان يفكر في الحب كان يدرس وبس مع انو اصحابو بيبدعوا كانو
جوزي بيتوتي وهو متغرب وبيحكي اهلي بيدفعو فلوس عشان ادرس ولا احب بيحكيلي الحب حرام بعد الزواج بييجي

[سما الدنيا]

واحنا انحب بعض ما حكالي خوف اتركو انو كان يحب...بس خطبنا اعترفلي وااااااء بتعرفي ازعلت يوميها فكرت انا اول حب الو بس بعدين حكيت بيني وبين حالي ما الي انا بماضيه الي انا اصلا ما كنت موجوده وقتيها فيه...المهم انو نسيها وشالها من قلبو ...
يعني هو كان يشتغل بمحل صيانه برام الله ما شاء الله كانو الصبايا فايتين طالعين عليه ...
وانا الي اوقعت باشباكو ...كيف ما بعرف....
بتعرفي قعدنا انحب بعض 9 اشهر وبس كانو خواتي عارفين يعني اخوتي وابوي ما كانو يعرفو يعني لما اطلع عالجامعه اشوفو وهيك..كانو بيت حماي يعرفو وانو بدو اياني ...
ومرت اخوي كانت لاقطه خبر وحاكية لاخوي الكبير بس ما اجا راجعني لانو حكتلو متاخر وكنا قربنا نخطب..
بس الي صار لما قرب وقت العارس الا الحماه اتنغص عالموضوع بتحكي للوالد عالتلفون مهي بنتك كانت تعرف ابني عشر اشهر ...بتعرفي صحيح هيه منيحه معي هلا بس حاقده عليها من هالموفق الي عملتو انو كيف حسيتها زي الي بدها انو اهلي يعملولي مشكلة او نترك ما بعرف بشو كانت اتفكر مع انو بناتها ما شا الله بحبين وافري....
بس ربك يومها ستر وما حكو اشي الا انهم عاتبوني انو ما كنت حاكيه القصه الصح الهم واخوي يوميها حكالي انو كان يعرف بس هاد عصب عليه لانو فكر انو حماتي بتعاير بهالشي..وجعت راسكم باهالقصه بس هاد الي صار معي..الحمد لله هلاء ما في احلا منا مع بعض والله يخليلي اياه وكل واحد بدو يخرب علينا الله يبعد شرو عنا..

[حواء مثالية]

شوفي حب البنت بختلف عن حب الشب يعني يمكن تحكي لجوزك بين كل كلمة وكلمة حبيبي وانت عمري ومن هالحكي بس في ناس بالمناسبات ليحكو

انا زوجي رومنسي كثير بتعرفوا مرات بصحيني من النوم بحكيله مالك بحكيلي سلامتك بس بدي اقلك اني بموت فيكي

كمان بين اهله ومين ماكان يكون بنادي علي بحكيلي نعم ياعمري ياقلبي انا هيك عودته وانا داوشته بهيك حكي

بس بتعرفوا مرات بحس حالي مقصرة يعني انا طبعي جدية شوي وبستحي كثير لهلأ مو ماخده علي كثير بالحركات والدلع وقصص الانوثة المبالغ فيها بس من وقت للتاني بساله اذا حابب اكون او اعمله شي بحبه من هالحركات مره عادي حكالي انتي بتجنني بس في حركات هي جواتك بس لسه الخجل طاغي عليكي قلتله كلشي اكيد جوا بس كويس انك عارف السبب والله يا بنات مرات بعمل شغلات بضل احكي بعقلي هلا هو شو بفكر بتكون جرئية شوي بس دائما وهاد اكتشفته جديد الزلمه بموت بالست الي بتكون جريئة معه بكل ما تعنيه الكلمة من معنى معو بس مو مع الكل وهيني عن اشتغل على حالي والله بس الحمل والشتا مش مساعديني بتعرفوا للبس بالشتا وهالقصص وانا نوعي بكون عند الصوبة وبردانة

[لولو حمادة]

ربنا يسعدك يا حواء واني وسما
كويس انو مو رومانسي بكون مطمنة لمن سافر اولد هيك نصيبي

[حواء مثالية]

الله يهديهم ويسخرهم النا يارب ويجعلنا قرة اعينهم ياكريم

[جارة القمر]

مرحبا بنات كيفكم.
الشغل لفوق راسي مع اني حابه شاركم بالحكي بس ما معي وقت

المهم انا وزوجي ايام سمنه وعسل و ايام بصل هههههههههه هيك الدنيا بس بالاخر بنرجع مالنا غير بعض

[ام حمود2]

مرحبا صبااااااااااايااااااااااااااااااااا
http://forum.hwaml.com/imgcache2/hwaml.com_1325168953_464.gif


اخ مووووووووووولعة متخااااااااااااانأة مع جوزي

[سما الدنيا]

هلا ام حمود..الله يبعد عنكم المشاكل يا ربي...احنا هيك الحوامل منرفز بسرعه عليهم ونفسياتنا بتكون مرات سيئه الله يعينهم مه كمان شو بدهم يتحملو ليتحملو..

[ام حمود2]

هلا سما

والله رح افأع هيني والله اكلت ولا شربت خليه ينبسط
http://forum.hwaml.com/imgcache2/hwaml.com_1325170501_364.gif

[ام حمود2]

الباشا اجى من الشغل رد السلام ورديت بعدها ما كلمته كنا متخانئين الليلة مشان مابدو ياني اولد عند اهلي قال اولدي ببيتك وانا مصرة انه ببيت اهلي لاني لما ولدت حمود رحت عند اهلي واهله ماعجبهم فعملو خناأة معاه يومها...اصلا ما اجوني ع المستشفى ولا دورو علي يومها رغم اني منيحة كتير معهم بس خلص ناس متسلطين

[ام حمود2]

قال اجى من الشغل وكنت مجهزة غدا وتعبانة من الصبح كلمني مارديت عليه لاني زعلانة كتير منو فحمل حالو تشيك وتعطر وطلع ولهلا ما اجى حكتلو وين رايح حكالي مشوار وطلع..

[ام حمود2]

http://forum.hwaml.com/imgcache2/hwaml.com_1325171290_594.gif
http://forum.hwaml.com/imgcache2/hwaml.com_1325171290_594.gifhttp://forum.hwaml.com/imgcache2/hwaml.com_1325171290_594.gif

http://forum.hwaml.com/imgcache2/hwaml.com_1325171290_594.gifhttp://forum.hwaml.com/imgcache2/hwaml.com_1325171290_594.gifhttp://forum.hwaml.com/imgcache2/hwaml.com_1325171290_594.gif

[سما الدنيا]

الله بعين طيب حبيبتي ازا ما بدو اتروحي خلص ما اتزعليه يعني اكيد صار الك خبرة مع التعامل مع البيبي...لازم اتسايريه واداريه..
او خلي امك تيجي اتنام عندك ببيتك..
انا لاني بكرية وما بعرف بهاي الامور رح اضطر اترك زوجي وافعد عند امي ادير بالها عليه بما انو حماتي مش ساكنه عندي خلص بس ييجي احكيلو خلص حبيبي رح الد عندك ورح اتكون جنبي وجنب البيبي ..اضحكي عليه بكم كلمة ولو معصبه..موفقه يا رب..

[ام حمود2]

لاااااااااااااااااااا ما بتنازل انا مابدي كلام اهلو يمشي علي والله مابسالو فيني ولا بولادة ولاغيرها رغم انا يلي قمت ببنات حماتي

وبعدين بخاف ع الغرز لاني ساكنة ع الطابق الثالث فعند اهلي احسن

[سما الدنيا]

الله يعينك يا رب..طيب خليها تيجي امك اتنام عندك..عادي ما فيها شي ..بعدين مش عشان بيت حماكي عشان زوجك..ربي يهدي نفوسكم والله يقيمك بالسلامه يا ربي...باينتك عصبيه

[ام حمود2]

والله هما خلوني عصبية يا بنت الحلال حاجة بتنرفز
وماما مابتاخد راحتها من شوفتهم يعني ما حتجي عندي لكن زوجي الحمدلله ممتاز كتير معي بس هالمرة متنح

[جآلكسيه]

http://forum.hwaml.com/imgcache2/hwaml.com_1325173052_972.gif

[ام حمود2]

هيو قاعد برن عجوالي الباشا

طفيت بوجهو

[سما الدنيا]

معلش يلا اتحمليهم عشان زوجك..بيت الحما الا يكونو عقبة للكنة وحياتها...انا حماتي منيحه بس مرات بتحط تعليقاتها الي ما بحبها...خلص هلاء فكري بالبيبي وتجهيزو وبنفسك..
شو جهزتي للبيبي ولا لسا ؟؟؟؟

[ام حمود2]

هاد البيبي التاني الي لسة ما جهزت ناوية الشهر الجاي
انا نكبتي غير شكل ابوه لزوجي هو حماتي

[ام حمود2]

بعين الله رح اقوم انيم حمود وانام مكفيني ابحص بحالي

ماحد مستاهل بهالدنيا

[لولو حمادة]

مسا الخير وينكم مختفيين ياصبايا

[غُمُوض أُنثَى]

صَبآح لورد لآحلَى صبآيآ بالدنيآ .. http://forum.hwaml.com/imgcache2/hwaml.com_1325214117_601.gif

والله مشتقآلكم كتير كتير بس كنت مشغولة بالبيت وبجوزي خصوصآ كان لي فترة مو مشتغلة شي وانتو عآرفين ..!

كيفكو يآ بنآت , عسُولة وحوآء واحسآس وجآرة وسمآ وام حمود ان شآء الله كل شي تمآم يآ حلوآت ..

ريتني كنت معآكو بوقت الحوآر الحلو عن الازواج ههههههه ^^
مآ علينآ .. ام حمود الله يعينك العصبية ما بتخلي بالعقل شي لاني انا عصبية موت بس من زماااااااااااان ما عصبت الحمدلله .. بس بصرآحة ع قد ما انا عصبية عمري ما سكرت الخط بوجه جوزي ما بعملها بالمرة بصراحة وما بسترجي لانه لازم الزواج يكون مبني ع احترام والحركة هاي بتستفز الراجل بالزات هههههه بلاش يقلب الدنيا

وانا بحكي خلي الماما تيجي عندك بعدين ببيتك بترتاحي اكتر نفسيا واعملي يلي بيرضي زوجك صدقيني رح تكسبيييييه ويمكن هو ما بدو تطلعي من عندو لانه بيشتقالك شو بيعرفك !!

عموما خبرينا شو بصير معك ياحلوة وهدي اعصابك :))


كيفك لولو شو اخبارك ناوية تولدي بغزة ان شاء الله ؟ ومتى ناوية تسافري ؟ نيالك انا كنت رح سافر بشهر 4 عشان ولادتي بس يلا مافي نصيب ان شاء الله بسافر اشوف اهلي ادعيلي


ممممممم عجبني حواركو يا بنات والله هههههه
احكيلكو عني انا طيب احم احم ..

اول شي انا اول حب بحياة جوزي وهوا اول حب بحياتي لانه حبنا كان منذ الطفولة وكبر معانا وعمالو بيكبر الحمدلله
جوزي الله يخليلي ياه انا ما بحب احكي جوزي بحب احكي حبيبي .. ما بناديني غير حبيبتي او عمري او قلبي اي كلمة حلوة حتى قدام اهلي واهلو او اي حد لانه لسانه متعود وبدون وعي منو ههههههههه انا متلو وشي حلو كتير هادا بجد
المرة الماضية قدام الدكتورة حكالي حبيبتي . بحكي مالو الراجل انجن احنا في مكان عام خخخخ

والله ياحواء عجبني نمط حياتكو انتي وجوزك لانه انا تقريبا نفس الشي
جوزي حنوووووووووووووووووووووووووون ع قد ما اقول حنون ما بوفيه حقه وطيب طيب طيب طيب يا الله شو طيب يؤبرني وبيموت فيا ع فكرة هو بحبني اكتر ما انا بحبو
اول ما تجوزنا كان لزقة لزقة لزقة كان يصحيني من النوم واكون مش شبعانة نوم شو بدك قال اشتقتلك خلص قومي ااااااااخ انجن منه كل يوم اصحى ع كلمة ما اتقل دمك يسمعها مني خخخخخ !!

بس الحمدلله حياتنا حلوة وعشان احنا بعاد عن الكل ما بتصير نكشات الا نادرا جدا ع شغلات بسيطة بس لما كنا بغزة كان يصير بينا تتشات كتير خصوصا لما قعدنا اكم يوم عند اهلو خخخخ الحمدلله انه سافرنا

مممممم طبعا جوزي بيتوتي جدااااااا ما بيحب يطلع غير ازا بنطلع مع بعض بلمرة ما بيسيبني لحالي خصوصا انا في بلد غريب غير ازا بيطلع ع دوامو وبس وباقي اليوم بالبيت
بنحضر فيلم مع بعض بنحكي كتير مع بعض بنضحك " بنتهابل " خخخخخخخخ ويييي ما اكترو الهبل هههههه احلى لحظات, لازم كل شي مشاركة عنجد شي حلو انه كل شي يكون
بالتشارك .. هيك لازم يكون الزواج السليم :)) ... مفتية البنت خخخ

احلآ شي انه في النا زكريات كتير مع بعض يعني احيانا بنقعد نتزكر في ايام ماقبل الخطوبة والزواج وكيف كان حبنا سايلنت هههههههه نظرات من بعيد لبعيد بعدين تطورنا رسائل ونت ومابعرف شو والذي هو :))

غير هيك انه بيكون ابن عمتي يعني اهلي هما اهلو فيعني كل واحد بيزكر التاني بأهلو لانه من ريحته خصوصا بالغربة هاي :(

مممممممممممممم والحمدلله انه متفاهمين , صح بالاول كنا نعند كتير خصوصا انا عنيييييييييييدة وعصبية موت كنت اخبط الباب خبط لما ازعل منه وكسرت جوالي مرة اهئ اهئ


ياااااه زكرتوني بالذي مضى ههههه حلو الموضوع هادا لزيز
المهم يا بنات كيفكو انتو وشو اخباركو .. طبعا انتو نايمين وانا القردة الوحيدة الي صاحية لهلأ هههه بنات شو كل وحدة جوزها بدلعها او كلمة دايما بحكيلها ياها ؟؟؟؟؟

بالنسبة الي .. بغض النظر عن حبيبتي وعمري وروحي .. بحكيلي دايما زغلولتي الحلوة خخخخ عشان انا زغلولة وقد الكبشة بالنسبة الو طبعا :))

يسعدكو كلكو يارب ويخليلكو ازواجكو
http://forum.hwaml.com/imgcache2/hwaml.com_1325214116_645.gif

[سما الدنيا]

هلا غموض حبيبتي منورة يا عمري والله اشتقنالك....
مممممممممممممممم يا عمي عالناس الفاهمه والواعيه الله يخليلك زوجك يا ربي وما تنحرمو من بعض امين....
بالنسبة شو زوجي بناديني اكتر شي يا عمري ان كان بالبيت او عند بيت حماي بس عند اهلي بيستحي يحكي هههههههههه..
سنفورتي اكتر اسم بما اني سنفورة شكلي متلك بالنسبة لالو....
يا ستي شو كيف يوك شو رح تعملي وتطبخي او تطلعي..
انا والله من الصبح طلع عبيت اهلو لشغل وانا ضليت نايه ولهلاء فقت وليت وقعدت هون اسلي حالي وما جاي عبالي اطبخ...بحكيلو اتغدا عند اهلك بس بس المشكلة انو ما بيرضا يتغدا او يتعشا بدوني فبيجيني ميت من الجوع وبغلبني اعملو اكل هههههههههه....

[احساس أنثى]

ههههههههههههه

يسعد مساكم صبايا

طبعا ياسما مين بدو يفتح نفسوا على السفرة

[سما الدنيا]

هلا احساس منورة ..شو وين هالغيبه كنو حملك مغلبك شوي يلا معلشي برضو لازم ترتاحي احسن ما اتعبي حالك هون عالنت ...ربي يتمملك على خير..

[لولو حمادة]

صباح الخير طبعا كلكم نايمين اشتقتلكم

[حواء مثالية]

يسعد اوقاتكم يارب كيفكم شو اخباركم يارب تكونوا بخير

كثير مشتاقلكم

انا بخير الحمدلله

جربت الرمان يا بنااااااااااااات بجنن كثير خف وجع معدتي حتى الاستفراغ

جربوا ما بتندمو

انا جوزي بناديني بكذا اشي اكثر شي حياتي وعمري وباسمي كمان

[كوثر سمودي]

السلام عليكم انا مشتركه جديده متزوجه من ثلاث شهور واتوق شوقا للحمل وان اصبح اما

[ام حمود2]

صَبآح لورد لآحلَى صبآيآ بالدنيآ .. http://forum.hwaml.com/imgcache2/hwaml.com_1325214117_601.gif


مآ علينآ .. ام حمود الله يعينك العصبية ما بتخلي بالعقل شي لاني انا عصبية موت بس من زماااااااااااان ما عصبت الحمدلله .. بس بصرآحة ع قد ما انا عصبية عمري ما سكرت الخط بوجه جوزي ما بعملها بالمرة بصراحة وما بسترجي لانه لازم الزواج يكون مبني ع احترام والحركة هاي بتستفز الراجل بالزات هههههه بلاش يقلب الدنيا

وانا بحكي خلي الماما تيجي عندك بعدين ببيتك بترتاحي اكتر نفسيا واعملي يلي بيرضي زوجك صدقيني رح تكسبيييييه ويمكن هو ما بدو تطلعي من عندو لانه بيشتقالك شو بيعرفك !!

عموما خبرينا شو بصير معك ياحلوة وهدي اعصابك :))



هههههههههههه

هلااااااااااااا حبيبتي كيفك

منورة خيتو

ما حكتلكم الحمدلله تصااااااااالحنا ويوم الخميس الي هو يوم الطوشة كان اروع يوم نعيشو رغم الزعل اجا صالحني وطشينا وقضينا ليلة كتير حلوة رجعنا زكرياتنا وسهرنا...........

واعتذرلي كالعادة والحمدلله امورنا ماشية تمام

على فكرة قفلت الجوال لاني ماكنت بدي ارد وانا معصبة بلاش ازعلو مني وتكبر اكتر
انتي المهم كيفك

وكيف باقي الصبايا يارب تكونو سهرانين الليلة

[لولو حمادة]

مسا الخير ياصبايا

[لولو حمادة]

يارب تكون السنة الجديدة سنة خير وامان عليكم ياصبايا وتكون حلوة ومافي مشاكل

[جارة القمر]

صباح الخير يسعد صباحكم جميعااااااااااااااااااااااااااا

يجعلها سنة خير عليكم

بنات الحمد لله تتذكروا شو دعينا مع بعض انه ما تجي السنه الجاي الا ونحن حوامل والحمدلله حصل
وان شالله عسوله وغموض يفرحونا عن قريب


وان شالله الشعوب العربيه تهدا وصير فيها امن وامان


وان شالله اتصالح انا وزوجي ههههههههههههههههههههههههه

والله اني قالبها زعل وزوجي كمان زعلان بس من جوا احنا التنين قاتلين حالنا نحكي مع بعض

ههههههههههههههههههه على فكره الله يخليلنا ازوجنا ...........

حبيبتي ام حمودة انت باين عليك كتير عصبيه والحلو فيك انك بتفضفضي وهاد شي ممتاز
والاحسن انكم تصالحتو
الزعل هو ملح الحياة ..........

باقي البنات انااااااااااااااااا مشتقالكم فردا فردا

[جارة القمر]

لاااااااااااااااااااااااااااا وينكم والله انكم ................تعالوا ندردش شووووووووووووي

[احساس أنثى]

مسا الخير على احلى بنات بالدنيا

والله انا الي اشتقتلكم كتيييييييييير

معلش مع التعب مابفوت كتير واحيانا اجي افوت ياالنت عندي بطئ ياسيرفر المنتدى يغلبني

المهم اليوم دخلت عشان اتطمن على الجميع

واقلكم كل عام وانتوا بخييييييييييييرر

ويارب كل امانيكم تتحقق بهالسنة الجديدة

وما يجيب زعل بين احد خاصة بين الأزواج

بس والله انا بحس الزعل دلع وبزيد الحب بين الأزواج

[جارة القمر]

صباح الخير ياااااااااااااا علينا وينكم
لا بجد وضعكم صعب
متى مفكرين تجو نطمن عليكم,,,,,,,,,

[ام حمود2]

صباااااااااااااااااااااااااااح الورررررررررررد لجميع يلي موجودين هلا

وينكم

هل من احد هنا؟؟؟؟؟؟؟؟؟؟؟؟؟؟؟hwaml13hwaml13

[حواء مثالية]

صباحكم خير ورضا ومحبه

صباح كلشي حلو بالدنيا

صباح المطر الي باخد العقل

كل عام وانتو اسعد الناس انا كنت مشغوله كان عندنا برنامج لراس السنة كثير انبسطنا سهرنا نحنا اواصحابنا تمينا للساعة3 الصبح وتاني يوم الي هو مبارح كان اجازة عندي رحنا عند اهلي

اليوم العودة الى الروتين والعمل

اشتقتلكم شو اول شي عملتوا باول دقيقة بالسنة للجديدة للي كانوا صاحين فيها وناطرين يتغير التاريخ

انا حضنت زوجي

[ام حمود2]

يسعد صباااااااااااااااحك حواء انتي والموجودين
ان شاء الله بتكون سنة حب وسعادة علينا وعليكي و عالجميع

[ام حمود2]

حمود ابني رح يجبلي الضغط فايئ من الصبح مو راضي ينام وراسي صدعت من طيور الجنة

[جارة القمر]

ام حموده هههههههههههه الله يعين هيك لولاد

حواء ما شالله ماشالله ان شالله كل ايامك هنا

انا كنت مريضه ونمت وما حسيت بشي

[ام حمود2]

هلا جارة القمر

منورة

حموووووووود هبلني

سلااااااااااااااااااااااااامتك خير؟؟؟؟؟؟
باي شهر حامل ولا لسة؟

[حواء مثالية]

هلا ام حمود الله يسعدك

حبيبتي جارة الله يخليكي ما عليكي شر

[maya123]

مرحبا انا من فلسطين ومتزوجة جديد من 3 اشهر وصارلي كم يوم بحس حالي تعبانة كتير ومرات غثيان وكمان وجع بالثديين وبشوف خيوط بيضاء بالبول

ممكن يكون حمل؟

[ام حمود2]

هلا فيكم يا حلوين

زغرتوووووووووووو حمووووووووووووود نااااااااااااااااااااام


هلا مايا

يسعدنا انضمامك لنا

بس حبيبتي من الها فيتاكي الدورة عن موعدها؟؟؟؟

[maya123]

مو فايتني الدورة المفروض تيجيني كمان 8 ايام بس الشي اني حاسة بكتير تعب وكتير ببكي بدون سبب مو عارفة ليش وما بنام

[ام حمود2]

حبيبتي طالما الدورة مو فيتاكي فهاي مو اعراض حمل اعراض الحمل بتجي بس تفوتك الدورة بكام يوم وسبب البكاء عادي تغيرات بالهرمونات مع الزواج طالما انك عروس جديدة اغلبنا مرينا بهالشغلات ما تقلقي

[maya123]

يعني ما اتامل كتير انو يكون حمل؟:(

[ام حمود2]

حبيبتي يااااااااااااااارب تحملي

بس ما توهمي حالك هلا خصوصا لسة الدورة ما اجى موعدها

ما تتعجلي لانه ممكن لاسمح الله ياثر على نفسينك وبعيد الشر يصرلك حمل كاذب خصوصا نفسك تحملي

انسي الحمل والدورة لوقت تفوتك باسبوع افحصي بالمختبر وباكدولك النتيجة وبتمنى من ربي تكوني حامل

[maya123]

بس ليش اعمل فحص بعد ما تفوتني الدورة وهو في اجهزة كشف حمل بيتية اللي بنبين النتيجة قبل الدورة ب 6 ايام؟

[ام حمود2]

اضمنلك حبيبتي والنتيجة بالمختبر بتكون ممتازة وباكدولك ان كان الحمل ضعيف لاسمح الله او قوي

[maya123]

ماشي راح استنى الدورة ان شاء الله ما تيجي

[ام حمود2]

يارب ما تجي مشان تشاركينا هووووووون وتصيري حااااامل

[maya123]

الله يسمع منك ام حمود لاني صراحة كتير خايفة وكل الوقت بفكر بالموضوع وخايفة اكون ما بحمل او عندي مشاكل :(

[ام حمود2]

له يا بنت الحلال بعدك عروووووس مااااااااااتخاااااااااافي وكليها على ربنا

انا بصراحة متفائلة الك بالحمل

[ام حمود2]

بكرر اهم شي ماااااااااااااااتفكري خااااااااااااااااااااالص بالموضوع ع الاقل انسي الموضوع لوقت تفوتك الدورة لانه بتخافي مع الفكر يصرلك خربطة هرموناااااااات وهاد باثر سلبي ع الحمل

[maya123]

ان شاء الله الي وللكل

انتي عندك اولاد؟

[ام حمود2]

اها

عندي حمود عمره سنة ونصف

[maya123]

الله يخليلك اياه

[ام حمود2]

تسلمي

انتي من فلسطين ما؟hwaml5

غزة ولا الضفة؟hwaml13hwaml13

[maya123]

انا صراحة فلسطينية من عرب الدخل انتي من وين؟

[ام حمود2]

انا من غزة

هلا فيكي خيتو

[maya123]

يا هلا باهلا غزة كلهم انا كافلة ولد يتيم من اهل غزة:)
انت كديش عمرك؟

[ام حمود2]

والله برافو عليكي

بميزان حسناتك ان شاء الله
عمري 22سنة ونص وانتي؟

[جارة القمر]

مايا هلا وغلا فيك وان شالله بتطلعي حامل

ام حمودة اه انا حامل 4 اشهر وعندي ولد عمره 3سنين ونص
الاولاد بيغلبو ............الله يخليهم
وحلوين
ام حمودة انت حامل؟؟؟

[maya123]

انا عمري 22

[maya123]

تسلمي اخت جارة القمر الله يخليك ابنك ويثبت حملك ان شاء الله

[ام حمود2]

نووووووورت جارة القمر

ربنا يكمل حملك على خير يااااااااااااااارب

اها حامل بالسابع......الحمل معاااااااااااانااااااااااااة حتى لبعد الولادة الله يعيننا يارب

العمر كله مايا

[maya123]

ام حمود عندك ولد عمره سنة ونص وحامل بالسابع مو صعب عليكي هيك؟

[ام حمود2]

بس اولد بكون حمود كبر شوي مقرب ع السنتين

بعد الولادة رح اعمل مانع لاجل غير مسمى
انهدت صحتي

[maya123]

ايش قالولك ولد ويلا بنت؟

[ام حمود2]

حمود اخ منو قاعد بياكل شوكلاتة مو راضي يطعمينيhwaml11

[ام حمود2]

بالشهر الرابع فحصت حكتلي الدكتورة احتمال بنت بس ما باكدلك لانه في مية زايدة ع الجنين

[maya123]

الله يثبت حملك ويعطيكي بنت

[ام حمود2]

والله مو عارفة شو اعمل بس اولد حمود جدااااا متعلئ فيني وبغاااااااااااااار اذا لعبت اي حد من الصغار

[جارة القمر]

من هلا هيئي ابنك بانه في بوبو ببطنك والاطفال بيفهم
والغيره لابد منها موجوده
انا ابني بدو بنت ومسميها دانه .....ان شالله تجي بنت

[ام حمود2]

اخ لو تعرفي شو بعمل لما بؤله في بيبي بضربني وبصير يعيط


بغاااااااااااااااااااااااااااااااااااااااااااااااا ار

هههههههه

حلو دانة ربنا يعطيكي ما تتمني

[maya123]

اولها بغار بعدها بتعود هاي طبيعي ولد بجيلو يغار

[ام حمود2]

بلعب بنت اختي الصغيرة حمود بشوفني بضربها وبعذبها وبشدلها شعرهااااااااhwaml15

غيرة قاتلة من الاولاد او البنات

[maya123]

حبيبتي انا بدرس طب اطفال وبشوف كتير حالات متل هيك اهم شي لما تولدي اهتمي بابنك حمود كتير وما تتجاهليه لانو بصير يحس انو بتفضلي اختو عليه وحاوليه حببيه فيها لانه ادا ظل يغار ويشوف انو الكل قلل اهتمامه فيه باثر على شخصيته كثير

[ام حمود2]

ماتقلقي حبيبتي انا واعية من هالناحية

وابوه حكالي رح اتولى مهمته بس مو هاين علي لدرجة اني مو مهتمة كتير في البيبي يلي ببطني

[maya123]

بهاد الجيل بكون الولد متعلق بالام مشان هيك ما تخلي ابوه بس يهتم فيه انتي برضو قربي منك

[لولو حمادة]

مسا الخير كيفكم اليوم ياعسولات
هلا فيكي ام حمود انتي ومايا
كيفك حواء وانتي وجارة منورين*********************
سما وعسولة واحساس اختفو
اول مابدت السنة الجديدة اتصلت على جوزي وحكيت معو كان شغلو مسائي بيروح 3 الفجر كثير زعلت راح عليه كل العروض والحتفالات في دبي
ابنك شو اسمو ام حمود متى بتولدي انا بولد بشهر اربعة

[maya123]

هلا فيكي اخت لولو نورتي

[لولو حمادة]

انا لسا مابعرف ابني بيغار ولا كيف عمري ماشلت حدى قدامو
بس شفتها على اخوتي لمن كانو صغار

[ام حمود2]

هلاااااااااااا لولو كيفك

شكلك حامل بالسابع متلي

اعطوني اخر موعد ولادة 10/4
شكلنا حنولد سوا

بس انا الحمدلله ما بخلص كل الشهر التاسع بولد ببدايته هيك حاسة خصوصا ولدت حمود باول اسبوع بالتاسع

[ام حمود2]

حموووودي اسمه

محمد

[جارة القمر]

لولو هلا فيك ...........اشتقنالك

يلا اتقومو بالسلامة ان شالله

البنات مختفيات
سمااااااااااااااااااااااا وينك عسوله واحساس وغموض...........

[لولو حمادة]

انا دكتور قالت 6\4 على حسب السونار انا مابعرف اخر دورة يمكن اليوم دخلت السابع

[ام حمود2]

يلا على خير يااااااااااااااارب

كم عمر ابنك؟

[ام حمود2]

امممممممم شووووو طبختو اليوم؟؟؟؟؟؟

[maya123]

انا ما طبخت شي لسا زوجي بتاخر بالشغل وانتو؟

[لولو حمادة]

ابني عمرو سنة و اسمو احمد وبدلعو حمادة
البيبيى حسميه محمد ودلعو حمودة

[ام حمود2]

مايا

انا طبخت بازيلاء جوزي رح يتاخر بالشغل رح يجي العشا بس طبخت كرمال حمود كمان

لولو كتير حلوين الاسمين

ربي يحفظلك ياهم يارب

[جارة القمر]

انا مش مفكره اطبخ امي حاسبه حسابي بالاكل
صيديه سمك

[maya123]

كيف الجو عندكم؟ عنا مطر غزير

[لولو حمادة]

ام حمود متى دخلتي بالسابع متى اخر دورة انا تقريبا اخر دورة 2\7 اتوقع لاني حملت بعد اجهاض

[ام حمود2]

جارة القمر امك مريحاكي الله يخليلك ياها

[ام حمود2]

لولو اخر دورة الي 25/6 الي عشر ايام بالسابع

[لولو حمادة]

جوزي بييجي 3 الفجر بطبخ بليل بس مش عارفة شو اعمل

[ام حمود2]

الفجر!!!!!!!!!!!!الله يعينك ويعيننا لولو

جوزي بطلع الشغل الساعة 7 الصبح بجي بعد العشا يادوب بشوفو ساعة وبنام وكل يوم على هالحال......ماعدا يوم الجمعة

[لولو حمادة]

مثلك انا بيطلع من الساعة 6 الصبح الى 6 المسا ولمن يكون مسائي من 3 العصر ال 3 الفجر
شو جوزك بيشتغل انتي درستي جامعة

[ام حمود2]

موعد الكهربا تقطع عنا الساعة 3 يعني قربت والله حرام بهالبرد شو بدنا نعمل الله يعيننا

الله يصلح هالحال بهالعيشة المملة

[maya123]

انا جوزي بطلع 7 الصبح لل 3 العصر

وما يكون مسا من ال 2 لل 10

شو بشتغلو جيزانكن وانتن ايش عاملات بالحياة؟ دراسة؟ شغل؟

[maya123]

ليش الكهربا بتقطع عندكم؟

[ام حمود2]

اها لولو درست جامعة وخلصت جديد

زوجي حاليا بشتغل بالشرطة بس احتمال يقدم للتعليم يصير مدرس

وانتي؟؟؟؟؟

[ام حمود2]

بتقطع عنا الكهربا لاننا من غزة وعنا حصار مولدات الكهربا قليلة جدا ومافي سولار بالبلد النا 4سنين على هاي الحال
والله قرفنا الدنيا كل يوم قطع كهربا لمدة 8ساعات واوقات بتزيد

[maya123]

الله يفك حصاركم ويعينكم على الحياة:(

[لولو حمادة]

انا خلصت جامعة و انا ما بشتغل جوزي مهندس

[حواء مثالية]

مساكم عسل

منورات صبايا هلا وغلا بالجدد واحلى عالم 48مايا هلا فيكي ياقلبي

[maya123]

يسلمو حواء هلا فيك كيفكم صبايا؟ ادهولي اطلع حامل هالشهر

[لولو حمادة]

مسا الخير وينكم في حدا موجود

[try_deny]

السلام عليكم ورحمة الله وبركاته
انا حامل في الشهر السادس واعاني من الم في البطن واسفل الظهر كما انني اشعر بحركة اكثر من المعتاد للجنين ، هل لمن لديه الخبرة ان يساعدني اذا كان هادي الاعراض خطر عليا وعالجنين ولا لا ؟؟
مع العلم انو انا بمر في فترة نفسية كئيبة جدا بسبب امتحانات نهاية الفصل ودائما مكتئبة بسبب الدراسة فهل هذا الشئ له علاقة بالاعراض التي اعاني منها ؟
وانا رحت على الطبيبة قبل 3 ايام وطمنتني على حملي ولكن هذه الاعراض عانيت منها اليوم

[احساس أنثى]

حبيبتي ممكن من التقل عشان هيك تحسي بألم لنك ماشاء الله بالسادس

ويمكن التهابات انا الالتهابات حكتلي الدكتورة تسبب وجع بالظهر

ومادام طمنتك الدكتورة يبقى مافي شي تخافي منو

ويمكن الوجع من الجلسة الطويلة عشان بتدرسي

ربي يرفع عنك

[احساس أنثى]

ان شاء الله حبيبتي مايا ربي يكرمك هالشهر مع بداية السنة ^_*