ديوانية حوامل البحرين

[أم حماني]

بس حاسبي وانت تطحنينها بلخلاط لانها بتكون حاره ,,, مره مرت خالي احترقت بهالسبب تبطل الخلاط بسبب الحرارة وصار على رقبتها وصدرها ,, كان الحرق مأساة

[حبيبي]

ام حماني بتفصيل وبصور ههههههههههه شكرا للمقادير وطريقه
ولد اختي اسمه احمد ونسميه حماني
يله بنات بروح للقلي اشوي وياذن بروح اسخن الاكل واقلي السمبوس والقيمات اشوفكم اليله
على الشاي والقهوه والحلى ههههههههه

[أم حماني]

اوكي ... بالعافيه مقدما ,,,, سلمي لي على حماني مالكم ههههههههههه

[حبيبي]

يؤؤؤؤؤؤؤؤؤؤه الحمده الله على سلامتها خالتك انا اليوم الجدر لسعني هئ
المطبخ ضروري الحذر فيه انا ولدي اطبخ وهو ما سك رجلي امعذبني والله ومتعبني وخاف عليه

[حبيبي]

مدام قلتي السلم عليه بيوصل بس لو قايله بوسيه ما ابوسه شيطان مجنني عمره 4 سنوات ههههههههههه

[أم حماني]

كأنه قلتي من قبل انه عندج بنت خخخ ,,,, شكلي خرفت كالعادة .. حاسبي عليه الله يحفظه ,, خلي ابوه يمسكه عنده

[حبيبي]

عندي بنت عمرها 6 والولد عمره سنه وشهر البنت امسافره مع جدتها ورتحت منها باغي لصغير
ولا تقولين ليش حملتي ترى بلغلط هئ هئ حسبنها غلط وصار الحمل والله جنيت بس تعودت من اتحرك ببطني حبيتها هي بنت

[بنت المحرق]

قوووووه بنـآت شخبـآركم ..

مآدخلت من ذآك اليوم ..

هالثقل مب مخليينه نسوي شي الصرآحه خخخخخخ ..

وهالكوآبيس اللي مآتخليني ارقد عدل :( ..

انتو بعد جذي والـآ بس انه هلون ؟ خخخخخخخخخخخخخخخخخ

وعن النسـآة لاتذكرووني بلييييييييييز لان للحين متعقده من هالسالفه ؟؟

انزين سين سؤال بنات .. الحين حبوب منع الحمل حق بعد الولـآده

بجم يستخدمووونه ؟ بعد النفاس مبـآشره ؟ ويقولون الحبوب يمتن ؟

وفي ناس يقولون على حسب النوع اللي يعطوونج اياه .. وبعضهم يقولون

على حسب الجسم في ناس يمتنهم وناس يضعفهم وناس عادي ؟؟ !

اللي عنده خبره بهالسوالف يخبرنااااااا .. وانخاف مانستخدم شي

يعني المانع الطبييعي اخاف منه احس مو مضمون والا شرايكم انتووو ؟؟

[أم حماني]

هلا وغلا اختي بنت المحرق ... الله يهون علينا اجمعين وبخصوص الاحلام لاتخافين وتعلمي تحلمين وتنسين ... عادي الحامل وايد تحمل ويمكن تحلمين حتى بأجنه مشوهه بس تعوذي من ابليس وانسي الحلم ولا تقولينه لاحد ,,, بخصوص حبوب منع الحمل ,, انا ماعندي خبره بس ما في شي مضمون من ناحيه التأثير على الجسم وبعد يفرق من وحدة لوحدة ,, انا ريلي مب راضي اخذ هالحبوب ,, يعني على الله ثم على الجدول والمانع الطبيعي
وياريت الخوات الي عندهم خبره اكثر يفيدونا

[حبيبي]

مرحبا بنات انا رجعت بعد عنا الفطور وتعب البيت
وبنسبه للحلم عند الحامل عادي
والحبوب انا استخدمته سنتين بعد النفاس ودورت الاربعين بديت اخذه ولمدت سنتين
وسمنت اشوي بس مو مشكله السمنه انا سبب لي عقم مؤاقت
ضعف البويضه عندي وصار مافي امل احمل بدون منشطات مع اني اخذته بستشارت دكتوره وتحليل دم قبل الاستخدام
وضليت اتعالج ثلاث سنوات اخذ حبوب كلوميد وابر لتفجير البويضات والله تعبت من العلاجات
بعدها قرارت ما استخدم احبوب منع حمل اطلاقا وعلى الطبيعي بس

[بنت الأياويد]

طق طق طق في احد اهني؟

[حروف عاشقة]

هلا هلا ام حماني تفضلي آآآنا هني حياش :)

[حروف عاشقة]

هههههه قصدي بنت الاياويد صرت اخربط ،، ما ادري ليش عندي احساس انه ام حماني على وشك ولاده إن شاء الله يطلع احساسي صج وتولد بالسلامة

[بنت الأياويد]

هلا فيج اختي حروف شكله الحمل مأثر عليج صرتي ماتقرين زين ههههههههههههههههه، انا اليوم رحت مجمع الواحة مذركير عندهم اشياء حلوة بس انا تعبت مرة وحده وماكان اهناك فيه كراسي الظاهر كان عندي هبوط صادني ثقل اسفل بطني ودورة وقمت ماشوف عدل على طول رجعنا السيارة معنا من المحرق طاقين درب على ولا شي كنت بشتري بس التعب ماخلاني اخذ راحتي
ام حماني تبي تولد ليلة العيد مسكينة ماتبي الحين يصير عليها دين

[أم حماني]

احم احم اناااااااااا هني ... ليحين ماولدت ههههههههههههههههه

[بنت الأياويد]

حروف تحسين بتغييرات في الجنين حركته او شي في الاسبوع خمسة وعشرين او اربع وعشرين؟ ولا نفس الشي؟

[حروف عاشقة]

ادا الحمال مأثر فهو مأثر صدقتي هههههههه على طول اخربط ،، اووو ما تشوفي شر اهم شي الحين انتي تمام وادا عندش هبوط يمكن ما تفطرتي عدل غدي روحج عدل معاج روح ثانية تبي تتغدى وادا على التسوق اتسوقي بعد شهر رمضان مب لازم الحين ..

اما اذا جينا على سالفه ام حماني عجل إن شاء الله يطلع احساسي غلط وتولد وقت ما تبي معنه الولادة ما تحارس وقت ما نبي ادا قال البيبي بيطلع يطلع هههههه الله يسهل عليها إن شاء الله وتولد بالسلامة ...

[بنت الأياويد]

هلا والله اسفرت ونورت واستهلت وامطرت ، وينج اليوم عليج تأخير

[حروف عاشقة]

هههههههههههه حظرت ام حماني هلا والله

هههههههه يعني طلع احساسي غلط اشوة خخخخخ

بنت الاياوويد اني عندي الحركة زايدة هل الفترة وعندي الثقل بعد زايد لاني توأم احس ضلوعي بتتكسر ما اقدر حتى انام عدل .. وحتى الحركة ساعات اشير مكاني واني امشي احس رجولي ما تساعدني ..

[بنت الأياويد]

انا في رمضان احس روحي ماكل زين عكس الفطر اكلي كللش قليل

[أم حماني]

هههههه قصدي بنت الاياويد صرت اخربط ،، ما ادري ليش عندي احساس انه ام حماني على وشك ولاده إن شاء الله يطلع احساسي صج وتولد بالسلامة

هلا اختي حروف ,, من زمان ما تلاقيت معاج

[أم حماني]

هلا والله اسفرت ونورت واستهلت وامطرت ، وينج اليوم عليج تأخير


والله كنت فاتحه صفحه المنتدى بس شغاله ع التوزيعات .. الشكل الثاني

[بنت الأياويد]

الله يعينج ويسهل عليج يارب وينقلج لي تمامه ، عندكم أحد في اهلكم يايب توأم ولا انتي أول وحده؟

[حروف عاشقة]

اي من زمان ما اشاركم الموود صاير كلش بس اتابع سوالفكم لانه النساة ما ادري ليش رادة لي بس الليلة اشوه من كل ليلة .. انتي شخبارش ؟

[أم حماني]

اي من زمان ما اشاركم الموود صاير كلش بس اتابع سوالفكم لانه النساة ما ادري ليش رادة لي بس الليلة اشوه من كل ليلة .. انتي شخبارش ؟

سلامتج والله يساعدج ... لاتغيبين جذي .. نحاتيج ... نخاف تكونين زلقتي للمره الثالثه hwaml02

[حروف عاشقة]

الله يعينج ويسهل عليج يارب وينقلج لي تمامه ، عندكم أحد في اهلكم يايب توأم ولا انتي أول وحده؟

يعينج وسهل عليج وعلى الجميع إن شاء الله

والله في عائلة امي عندنا وراثة بس في عايلة ابوي انا اول وحد والكل مستانس بالبيت بصير عندنا توااائم :)

[حروف عاشقة]

ام حماني

بس خلاااااااااااااص ما اتحرك ويايد عشان ازلق خخخخخ معنة الكل يراقبني من اقوم امشي
الله يعدي الايام الباقيه لي على خير خايفه من زود الثقل اولد بالسابع لانه اغلب التوائم ما يكملون لتاسع الله يسهل يا رب ..

[أم حماني]

بنت الاياوووويد ,,, عطيناااا ويه ,,, سلامتج اش هاللي صار معاج ...؟؟ شكلج ماتفطرتي عدل ... شريتي شي من مذركير ولا لا؟

[أم حماني]

ام حماني

بس خلاااااااااااااص ما اتحرك ويايد عشان ازلق خخخخخ معنة الكل يراقبني من اقوم امشي
الله يعدي الايام الباقيه لي على خير خايفه من زود الثقل اولد بالسابع لانه اغلب التوائم ما يكملون لتاسع الله يسهل يا رب ..

الله يسهل عليج اختي ,,, ان شاء الله تكملين التاسع او ع الاقل بنص التاسع تولدين

[بنت الأياويد]

ويهي كله لج انتي بس آمري ، اقولج ماقدرت اخذ شي مو حاطين كراسي اهناك حق الواحد يقعد حرام عليهم وانا كلش تعبانه وريلي فقير يراويني بس انا الثقل صايدني تحت بطني ورجفة ودورة احس ماشوف عدل جني بطب على الارض بالزور حصلت كرسي صغير ، وراح ريلي يشوف اسعار الاسره فيه على 65 وعلى 80 من الحين نشوف الاسعار احسن، انتي خذتي حق ولدج سرير؟

[حروف عاشقة]

ام حماني

الله يسمع منش إن شاء الله

بنت الاياويد هذه كلها اعراض الهبوط انا صادني جدي وبعد قالوا لي من قله الاكل يصير الهبوط يعني يبي ليش تغدية عدل وعن الاسرة اي هذولة اساعرهم يبتدوون من الخمسين وهو رايح انا شريت سرير من مذركير بس 160 دينار لانه قوي وااسع ونزلت صورة بعد هني

[أم حماني]

انا ماخذيت سرير من الحين .. خذيت سله مع الستاند مالها ,,, بصورها لكم ان شاء الله ... اذا خلصت النفاس بشتري سرير عود

[حروف عاشقة]

وهذه صورته

http://www.hwaml.com/kleeja/download.php?img=806 (http://www.hwaml.com/kleeja/download.php?img=806)

[بنت الأياويد]

شفت هالسرير في مذركير؟ بس انتي يبيلج الحين سريرين ماشاء الله توأم الله يحفظهم ولا بس واحد وحطيهم طوالي

[أم حماني]

هذي السرير دبل حق اثنين

[حروف عاشقة]

يقولون مب زين تباعدين التوأم عن بعض هههههههه هذا كلام امي من جدي اخذت هذا السرير لانه واسع يشيل اثنين وبخليهم باطول مثل ما قلتي .. الله يوصلهم بالسلامة :) فديتهم

[أم حماني]

لا تبعدينهم عن بعض ... وعليه 9 شهور كله مع بعض وعقب تبعدينهم ,,, هذي قسوة خخخخ

[بنت الأياويد]

الله يوصلهم بالسلامة وان شاء الله مافيهم الا العافيه ، اول حملة لج ولا ؟

[حروف عاشقة]

ويش اخبار التوزيعاااات ام حماني

والله طلعتي خطيرة عجبني النوع الاولي وايد ذوووووووق ما شاء الله ..

[بنت الأياويد]

سري طالع على برع وايد يفشل ليكون بيطلع بعد زيادة احسه ينقز من الدفة ههههههههههههههه

[بنت الأياويد]

حروف متى ماعطينج موعد ولادة؟ والحركة تحسينها في الصوبين ولا عادي ؟ يعني احنا لان طفل واحد نحسها في صوب واحد يايمين يايسار اما التوأم شلون؟

[حروف عاشقة]

الله يوصلهم بالسلامة وان شاء الله مافيهم الا العافيه ، اول حملة لج ولا ؟
الله يسمع منج يالغالية ، هذه ثالث حمل لي عندي اولاد اثنين واحد بصف الاول بروح الثاني والثاني عمرة 3 سنوات ونص >> عجزنا خلاص هههههه

[بنت الأياويد]

ربي يخليهم لج ويحفظهم من كل شر

[حروف عاشقة]

عطوني موعد الولاد 16 \12 وساعات يقدمون أويأخرون يومين هذا حسب السونار بس حسب التاريخ إلي حاسبته 11\12 الولادة وادا عن الحركة فهي في كل مكان في البداية ما كنت احس بحركتهم وايد بس الحين زايد الحركة ما شاء الله احسهم ما ينامون أبد ..

[أم حماني]

بدى النت يستهبل عندي hwaml4 مب وقته فيني هذره ابي اسوووولف ...
حروف صج عجبتج التوزيعات ولاتجامليني hwaml02 لانه شغل يدي فأنا طايحين من عيني شوي ... اليوم اشتغلت ع التوزيعات مالت اليهال الحين بنزل لكم الصور

[حروف عاشقة]

لا مب حزته النت مالش انا بعد فيني هذرة ههههههههههههه عقليه :)

لا والله مب مجاملة افتكرتهم جاهزين شغل عدل ويش رايج تسوين توزيعاتي ههههههههههههه

يالله ننتظر نشوف التوزيعات الجديدة وتسلم ايدج ..

تصدقون صاير خاطري ارسم >> عن حسب الاخت رسامة هههه لكن من حملت وانا كاره الرسم ما ادري ويش فيني الليلة صاير خاطري ارسم ..

براويكم جم رسمة لي بس مو تضحكون عليهم

[حروف عاشقة]

هذه رسمة رسمتها العام إلي راح في شهر رمضان

http://farm3.static.flickr.com/2687/4197383676_ebbb6192ee.jpg

[أم زهـور]

سلام عليكم
شخباركم كلكم ؟؟

ادري صار ليي دهر ما دخلت بس شسوي كنت مشغولة حدي في الفترة اللي طافت ههههههههه

ها بشروا من اللي ولدت هههههه؟ ان شاء الله يكون فيه أخبار حلوة

أم حماني شخبارها ولدت والله لا ؟؟
وشخبار البنات كلهم ؟؟

[حروف عاشقة]

هلا هلا ام زهور

عليكم السلام والرحمة ، والله احنا تمام الحمد الله ومعذورة خيوتي كلنا نشغل كل واحد وظروفه
على البنات في بنتين ولدووو بس نسيت اسمائهم اما ام حماني عازمة ما تولد الحين تبي تولد في العيد إن شاء الله والله يحقق لها ما تتمنى :) ..

إلا انتي شخبارش ؟؟

[حروف عاشقة]

شكلي قمت اهذر بروحي وينكم كلكم وين رحتوووووووووووو؟؟؟؟؟؟؟

[بنت الأياويد]

وينكم اليوم ام حماني راحت تتسحر شكلها، ماشاء الله الرسمة روعة طلعتي رسامة واحنا ماندري

[حروف عاشقة]

واخيرا

وين رحتون وخليتوني بروحي .. :( ، آنا قلت خلاص شكلهم قامو كلهم

بنت الاياوويد هذه إلا خرابيش عن الملل وين انا وين الرسم :) ومشكورة على التشجيع

[بنت الأياويد]

يمكن ام حماني عندها مشكلة في النت ، لا بالعكس ماشاء الله فنانة زين عشان عقب يكبر المشروع وتفتحين لج مرسم :) ههههههههه
يالله انا بصلي وبقرى قرآن وانشوفكم باجر على خير

[أم حماني]

آآآآآآآآه ياقلبي ... انا شكلي بولد اليوم والسبه هالنت ... ترى من مساعه احاول افتح الصفحه واهوة مشيرررر .. اللي نازل ضغطها بس اتيي تستخدم جهازي شوي وبيطق فوووووووووووق

[أم حماني]

بنزل لكم الصور دام الله هداه شوي

[بنت الأياويد]

نزلي الصور احنا موجودين ، حروف انا موعد ولادتي المفروض 19-12 بس عطتني 21 مزيدة يومين واول طفل دايمن يتأخر عن موعده ربي يسهل علينا يارب ، ام حماني نزلي الصور على ماروح اصلي وارجع

[بنت الأياويد]

شكله مابيمديني اطالع الصور لان ريلي على وصول الحين من المسيد بقوم اقرالي جم صفحة من القرآن صرت وايد متأخرة توني في الجزء 17 ، ام حماني اذا جذي انا الظهر اذا الله كتب لنا عمر بادش وبشوف الصور اذا حطيتيهم ولازم برد عليج بس ان شاء الله تكونين موجودة على الساعه 3 تقريبا بادش ، تصبحون على خير مع السلامة

[أم حماني]

صبااااااااح الظهيرة خخخ

[بنت الأياويد]

هلا والله صباح الورد ، وينج أمس ؟ نطرناج جفنا مالج حس

[أم حماني]

هاذي الصورة مالت توزيعات اليهال ... خبركم لازم لليهال نصيب منهم اعيال اختي واعيال خالتي ... يعني عشان نفرحهم واتوقع بتكون ايام عيد فاحتمال احط عيادي بعد

http://forum.hwaml.com/uploaded/9892_11283169853.jpg

http://forum.hwaml.com/uploaded/9892_11283169989.jpg

[بنت الأياويد]

وعليه عليج وااايد مخسره ربي يبلغج فيه وتقر عينج بشوفته ان شاء الله وخشي حق بنتي واحد هههههههههههههههه على ماييبها جود ذاب الكاكو

[أم حماني]

هلا والله صباح الورد ، وينج أمس ؟ نطرناج جفنا مالج حس

هلا والله ... سامحوني والله حاولت مع النت وايد بس مادري اشفيه امس .. حتى انتوا طلعتوا وانا ليحين وياه ,, بط جبدي اخر شي ايست وطلعت

[أم حماني]

بعد بصور لكم اللي اختي مسويته وبقى عندي شكل ماشتغلت عليه ليحين .. مب عارفه شنو احط فيه .. ساعات افكر احط عطر بس متردده وشاريه 30 قطعه كروشيه صغار مب عارفه شسوي فيهم ههههههههههههه

[بنت الأياويد]

انا جني رديت على حروف مادري من ان شكله عندج مشكلة في النت ، سكتي اانا من الم ريولي ماقدرت ارقد عدل رقادي مقطع هذي توني في الحمد وهلون الحين يصيدني في ركبتي والبطه الي في ريولي من ورى وايد يألم ، اليوم بعد مابطبخ شي وايد تعبانه بس بسوي شوربة العدس حصلت مقادير سهلة بجرب

[أم حماني]

تستااااااااااااااااهل الشيخه ريم ,,,, hwaml84

[أم حماني]

تصدقين انا صار لي يومين ريولي تعورني وقت النوم ,,, ههههههههههههههه حسدت روحي
مادري اش منه ؟؟ اذا رحتي موعدج الياي قولي للدكتورة عن هالالام ... بس اتوقع تقول لج من ضغط الرحم لانه يكبر ... بالشهور الاخيره الثلاثه الياهل يكبر وايد

[أم حماني]

فاصل ونواصل

[بنت الأياويد]

شكله جذي وسااعات اخاف لاني ماشرب حليب الحين رفيجتي تقولي خلطيه مع شربت ورد وشربيه بحاول ، الا بسألج السله حق حماني ويا الستاند من وين خذتيها؟
لان افكر ان حق بيت امي مابودي السرير الي باخذه باخليه في شقتي وبيت امي باخلي له سلة انا اختي ماخذه حق ولدها سلة جنها سرير مع الستاند مالها من شارع سويكت في السعودية جنه على 30 دينار

[شمس الصباح]

شمس الصباح وصلت الووووووووووووووووووووو

شلونكم كروشات

[أم حماني]

انا سويت تفصيل من فارنا اللي في بوكواره ... بس كأنه في شي جاهز في مذركير

[بنت الأياويد]

هلا والله شمس الصباح ، احنا بخير انتي شلونج

[أم حماني]

شمس الصباح وصلت الووووووووووووووووووووو

شلونكم كروشات

هلا هلا ,,,, تو ما اشرقت الشمس يا شمس

[بنت الأياويد]

فارنا سوولج السله مع الستاند الي يصير جنه سرير مرتفع وتحته تواير ولا شنو؟

[أم حماني]

اهيه سله تقدرين تستخدمينها بروحها والستاند منفصل .. مع الستاند يصير نفس السرير

[بنت الأياويد]

اهاا بشوف اول شي في السعودية في سويكت لان عجبني السرير مال ولد اختي ، واذا الله كتب عقب العيد بخلي ريلي يوديني السعودية اتشرى

[شمس الصباح]

هلاوغلا

ظهري بعده يألمني وايد وامس بالليل دهن زوجي ظهري بكريم الحار ما اعرف شنو اسمة المهم اليوم امه تسئل عني وقال لها قامت تهاوشت معاه ليش تحط لها ليش تتصرفون على كيفكم موزين ليها لانها حامل هههههههههه وانا طايحه فيه امس اي حط اكثر خخخخخخخخخخ والله يستر والله تمللت من التبطح

[أم حماني]

انا ايام ضلوعي تعورني ريلي حط لي من هاذي الكريم مال العضلات ههههههههههههههههه

[أم حماني]

اهاا بشوف اول شي في السعودية في سويكت لان عجبني السرير مال ولد اختي ، واذا الله كتب عقب العيد بخلي ريلي يوديني السعودية اتشرى

اغراض السعوديه حلوة و رخيصه ... المشكله ريلي مايدل مكان هناك ههههههههههههه تخيلي يشتغل هناك وحتى الدمام مايدل يروحها

[بنت الأياويد]

احسه عادي الكريم في الظهر مابسبب لج شي ، انا اخلي ريلي يحط لي فكس في ريولي ههههههههههههههههه من الالم الواحد يبي اي شي بس يروح الالم له

[حروف عاشقة]

هههههههههههههه

لحد يضحك توني قاعدة من النوم

شخباركم قصيتووو علي البارحة كلهم اختفيتوو مره وحده وبعدين انا نمت وانا انتظر ،، دقايق اقوم اشوف ويش صاير وارد لكم خبركم المدام توها قاعده ههههههه ..

[أم حماني]

بس ساعات الرياييل يهببون ,, انا يوم بالرابع ريلي وداني دوحة عراد ومشاني ساعه او ساعه ونص ... هههههههههههههه اثنينا هبلاااان ماندري انه مب زين ,, خواته هاوشوه وحتى الدكتورة زفته هههههههههههههه

[بنت الأياويد]

بيييه حالته صعبه ريلج يشتغل اهناك ومايدل ههههههههههههههههه المفروض يدل كل داعوس ، الحين اي احسن مكان حق الولادة السلمانية ولا العسكري بس مشكلتهم العسكري ان ريلي مايخلوني اولد عندهم قالولي دفعي 500 دينار وغير الغرفة الخاصة حسابها بروحها مايسوى بصراحة

[شمس الصباح]

لا مو خايفه من الكريم بس اضحك على نفسي لان حسيت نفسي مع زوجي قاعدين في مختبر تجارب ههههههههههه

حلوة التوزيعات ام حماني

من وين شريتي الأغراض لان حابة اسوي توزيعات بنفسي بس ما اعرف من وين اشتري

[أم حماني]

هههههههههههههه

لحد يضحك توني قاعدة من النوم

شخباركم قصيتووو علي البارحة كلهم اختفيتوو مره وحده وبعدين انا نمت وانا انتظر ،، دقايق اقوم اشوف ويش صاير وارد لكم خبركم المدام توها قاعده ههههههه ..

صح النوم يا حلووووووووووووووووو

[بنت الأياويد]

انا قبل لا ادري اني حامل بس كنت احس بأعراض غريبة ، كنت اموت على شي اسمه مشي رحنا دوحة عراد مشيته كله بكبره خخخخخخخخخ بس الحمدلله الله ستر

[أم حماني]

انا خذيتهم من الانوار ... بس عندج طيور الجنه و روشان بعد عندهم اشياء ... بس روشان لويه وعفسه ماتعرفين شتجوفين

[أم حماني]

العسكري سألتهم قالوا من 500 الى 600 دينار ,,, بس اختي ارخص من المستشفيات الخاصه ,,, سعرهم يقارب الامريكي بس اهمه احسن من الامريكي .. انا قلت اذا مادخلوني السلمانيه بروح العسكري

[شمس الصباح]

شفتهم في الأنوار عندهم اشياء حلوة بس انتي شريتي بالجمله لو المفرد لان الجمله ارخص وما ادري اذا يبيعون في الأنوار بالجمله

[شمس الصباح]

ام حماني ما دام محولينج على السلمانية يعني عادي تولدين هناك بس السلمانية زحمة

[أم حماني]

يعني الاعواد االي بالصورة ... يبيعونهم في جيس ... 4 ب 500 فلس

[أم حماني]

نعرف وحدة هناك من اهل ريلي ... بنحاول نكلمها تدبر لنا غرفه ... سألتهم يقولون يصير تحجزين الغرفه قبل بيومين

[بنت الأياويد]

انا ماعتقد اروح العسكري على ظروف ريلي وايجار الشقة وهاللوية الي عندنا من اغراض الياهل ماحس بنقدر ندفع هالمبلغ ان شاء الله السلمانيه يدخلوني واذا كلش كلش ان شاء الله على حظي يفتحون مستشفى الملك حمد

[بنت الأياويد]

قصدج وين الي يصير نحجز غرفه قبل بيومين؟

[شمس الصباح]

اشوفكم بالليل بروح اريح ظهري

الي اللقاء

[حروف عاشقة]

hwaml7

عدنا لكم من جديد كشفت شي اشوف المكان صخة إلا الليلة عيد ميلادي وآنا ناسية

وقاعدين يجهزون عن حسب ما يبوني اعرف وما حبيت اخرب عليهم رديت رجعت الغرفة hwaml02 كانه شياً لم يكن ...

[أم حماني]

بنت الاياويد .. اقصد السلمانيه

[أم حماني]

hwaml7

عدنا لكم من جديد كشفت شي اشوف المكان صخة إلا الليلة عيد ميلادي وآنا ناسية

وقاعدين يجهزون عن حسب ما يبوني اعرف وما حبيت اخرب عليهم رديت رجعت الغرفة hwaml02 كانه شياً لم يكن ...


هههههههههههههههههههههه كل عااااااااااااااام وانتي بخيرررررررررر hwaml84

[بنت الأياويد]

انا كل ماسأل يقولون لي السلمانية وايد احسن ، كل عام وانتي بخير حروف
انا في المطبخ يالسه اسوي الشوربة في احد له خاطر نطرش له صحن؟

[أم حماني]

وين رحتوا ؟؟

[بنت الأياويد]

انا موجودة

[أم حماني]

السلمانيه احسن لانهم خبره بس المشكله الزحمة وانهم يحولون بعض الحالات على آريف وجدحفص

[بنت الأياويد]

ايييي هذي الويعه الي خايفه منها

[أم حماني]

انا خطتي اني اروح لهم جريب بولد ... ما في مجال يحولوني مكان هههههههههههه

[بنت الأياويد]

هههههههههههههههههههههههههه حلوة روحي لهم جريب الراس بيطلع عشان يولدونج في الممر خخخخخخخخخخخخخخخخخخخ

[أم حماني]

ههههههههههههههه لا حرام عليج ... بس انه مب بدايه الطلق لانه حزتها يا بيحولوني او بيرجعوني البيت

[بنت الأياويد]

اي انا خايفة اروح لهم بداية الطلق ماحب احد يحوس فيني مافيني شدة ، بس يقولج اذا نزل عليج الماي بس خلاص اهني روحي لهم

[أم حماني]

اي صح ... حزتها انتي تحت رحمتهم عقب رحمه الله طبعا

[أم حماني]

انا جربت اخر مره الفحص انه يجوفون عنق الرحم مفتوح ولا مسكر ,,,, كررررررريه الفحص .. يعوووووووووور

[بنت الأياويد]

بل الله يعيينج اكره شي ، لازم يجيكون يعني ولا مو لازم؟ مافيني شدة انا

[أم حماني]

هههههههههههههه اكيييييييد لازم ... شلون بيعرفون عيل اشكثر انفتحتي ,,,, ومب مره ولا مرتين ... وايد يجيكون

[بنت الأياويد]

برزت الشوربة ، تدرين خفت من كلامج امس زين الي قلتي لي ابتعدت عن الخلاط لان حار الاكل الي داخلها قلت لايتنطر علي، بس تصدقين شكلها صار عجييب حتى ريحتها بس شنو ماحطيت فيها جزر مخلص بس آلو

[بنت الأياويد]

يمممممه ، انزين ليش يجيكون واحنا مافينا الام طلق بس مني والدرب يجيكون؟

[أم حماني]

بس احلى شي تروحين لهم مفتوحة اكثر من 4 او 5 .. خلاص تدشين ولادة ... انا ودي اروح خلاص فوق ال 8 ... عشان ماطول عندهم

[أم حماني]

لا اكيد مب مني والدرب ... انا لاني في شهري .. واذا بعيد الشر فيج اعراض طلق او ولادة مبكره هني يفحصون بس اذا ما في مشكله ما بيفحصون ولا شي

[بنت الأياويد]

انا مرت حماي ماشاء الله راحت لهم ناضيه مفتوحة 8 خلاص جريب ولادتها تقولج فيها طلق وداشة تتسبح ومادري شعندها وتقول يوم رجعت عرفت ان خلاص جريب بتولد لان اهيه كله ترجع جريب الولادة وسيدة يوم راحت لهم دخلوها ماتأخرت ماشاء الله ، الله يعطينا يارب ولا تخلينا تحت رحمتهم يلعبون فينا

[بنت الأياويد]

اي اشوة اذا هلون زين خرعتيني عبالي في الشهر التاسع لازم يصير هلون كله يجيكون عشان ولا موعد اروح كله بشرد ههههههههههههههههههه

[أم حماني]

عاد اهيه مسكينه ام اعيال ,,, البجر تطول ,,, من 8 إلى 12 ساعه هذي اول مرحله من الولادة

[بنت الأياويد]

تدرين ان مب شرط
انا اعرف وحده دخلوها ست مادري سبع ثمان ونص ولدت بجر بعد ، يختلف ترى من جسم لي جسم الله يسهل عليج ويعطيج طلقة سهلة ان شاء الله اكلي رطب وايد يحمي الطلق مابقى شي عن موعدج تبرزي بس هههههههههههههه

[أم حماني]

اي اشوة اذا هلون زين خرعتيني عبالي في الشهر التاسع لازم يصير هلون كله يجيكون عشان ولا موعد اروح كله بشرد ههههههههههههههههههه

انا اول موعد لي بالتاسع مافحصوني ,,, بس يوم حولتني ع طواري السلمانيه هناك الدكتورة فحصتني

[أم حماني]

يوووووووه لاتخرعيني ... باقي 8 ايام ع موعدي .. تو الناااااااااس يمكن اخذ اسبوع ع موعدي عادي ترى .. يعني ممكن يكون باقي اسبوعين

[أم حماني]

هاي الي تعرفينها ... راحت لهم بدايه الطلق ولا راحت لهم فيها طلق من البيت ونطرت لحد ما حمى ؟؟

[بنت الأياويد]

خلج عادية ليش تخافين ماتبين تشوفين ضناج الي تعبتي عليه تسع شهور تبين تشوفين شكله فديته ابروحه تملل داخل من الظلمة يبي يطلع عشان يغربلج ، عادي انا وايد يخرعوني بس انا مافتكر لاني جذي جذاك بولد يعني اخاف ليش توكلي على الله وخلاص

[بنت الأياويد]

هذي الي اعرفها ماكانت تدري ان هذي طلق تقول فيها الم في بطنها وظهرها شوي وعقب راحت البيت على اساس ان عادي بس يوم نزل عليها ماي ودوها المستشفى

[أم حماني]

لازم الوحدة شوي تخاف من الولادة ... بس انا عندي اللي ماجربت اهون من اللي مجربه ... احنا ع الاقل ندخل ع عمانا ... هههههههههههه .. انا متوكله ع الله ... ربج مايضيع عباده
ملايين ولدوا قبلنا .. صج الم وتعب بس بالاخير بتعدي ومثل ماقلتي بجوف حماني .. اذا اجوف الشريط مالي شلون الياهل منرعص داخل اتخيله مسكين .. قبل يلعب ويرافس الحين هبابه يتمقط وساعات يزمبر ههههههههههههههه يضحكني يحليله فديته ... كله اقوله متى اشووووووووووفك نظر عيني تنور عمري وسنيني ... الله يبلغنا وياكم ان شاء الله

[بنت الأياويد]

اي والله، الله يبلغج وتشوفينه ان شاء الله ، اي احلى شي ندش على عمانا هههههههههههههههه ماندري شسالفة ، اي فقير يصير ضيج عليه مافي شدة يتحرك ، بطنج شلون عود ولا عادي؟

[أم حماني]

كان حجمه اوكي لانه انا اولردي كان فيني كريشه صغيره .. ماكان بطني مسطح ,, بس بالشهور الاخير كبر بسرعه ... حجمه عادي مب عود ولا صغير . الدكتورة تقول لي البيبي حجمه زين ع قد عمره بالضبط ,, مسكين ريلي ما انسى فضله في حملي .. صج كنت اتملل واتهاوش معاه لانه يجبرني ع الاكل والادويه ..

[بنت الأياويد]

انا بعد اخر موعد لي تقولي حجم البيبي وايد زين ، عاد الي يسمع يقول الحين كله حجم الياهل اكثر هالنفاخ كله ماي ، اي فقير والله انا ريلي احسه وايد يعاني وياي وايد مغربلته تخيلي اقوله ابي اروح ذي المكان نطق درب واقوله تعبانه ابي ارجع السيارة ههههههه

[أم حماني]

هههههههههه لازم يعانون شوي عشان يحسون بالياهل عقب ... ريلي يضحكني اذا نتكلم عن الامومة والابوة ... يقول لي مايصير امومة وابوة .. لازم امومة وابوبة ... من صجه مقتنع هههههههههههههههههه .. ماعرف شلون بيكون مع الياهل لانه ماقط شال ياهل حتى اعيال خواته من بعيد يشوفهم .. اهوة اخر العنقود واخر ياهل جافه الحين عمره 8 سنوات

[أم حماني]

ووي ع فكره ... الياهل ماينعرف من حجم البطن ,,, يمكن وحدة بطنها عود بس الياهل وايد صغير ... اهمه يجوفون حجم الرحم وبالالتراساوند يجوفون قياسات الراس والبطن وعظمة الفخذ ,,, من هالقياسات يعرفون عمر الياهل و حجمه ويتوقعون وزنه

[بنت الأياويد]

ههههههههههههههههههههههههههههه ابوبه عيل يحليلاته ، حاسبي له عيل لين بتعطينه ايود ولدج خلي عينج كله عليه لان اذا الياهل توه مولود الواحد يخاف يشيله ، يمكن ريلج مايحب اليهال وايد

[بنت الأياويد]

شفطووركم عيل اليوم؟

[حروف عاشقة]

وانتوا طيبين يا أم حماني وبنت الاياويد

والله حلوة سوالفكم كل وحده تعلم الثانية ههههههههههه

[بنت الأياويد]

اي وعليه علينا مافي الا انا واهيه متجابلين انتوا ماتدشون وايد ههههههههههههههههه نفيد ونستفيد

[حروف عاشقة]

زين تسووون عن الملل

وادا تسألون عن الفطور اكا زوجي رايح يشتري مشويات من بره اليوم تغير عن حسب :)

[أم حماني]

ريلي قضى عمره سفر للدراسه وشغل ... ماعاش الجو العائلي وايد .. عشان جذي ساعات احسه مايحب اليهال بس يموت ع اعيال اختي .. اذا ايي يتنا كله يلعب مع ولد اختي عمره سنه ونص حتى انا انقهر اقوله ماتعطيني ويه كله معاه ... عباله اغار منه هههههههههههه من يشوفه كله معاه وياخذ ويطلعه يوقف معاه بالشارع يوريه القطاوة ... بس بعد ماعرف شلون بيكون مع الياهل اللي بالمهاد ,, يعني الياهل بالمهاد مايتفاعل معاج وايد ,,, يالله اذا ولدت بجوفه شلون بيكون وبخبركم خخخخخخخ ... الله يسلمج فطورنا هريس وثريد وشوربة وسمبوسه ,,, والمشروبات طبعا لبن وفيمتو وماااي ... بس hwaml23

[بنت الأياويد]

عاد ولده محبته غير يبه ولا ولد اختج ولا ولد اخته ، هذي ولي العهد ، هههههههه اي شوفيه شلون وقوليلنه اهم شي ماتقطعينا لان بنفتقدج وااايد ، خوشي عليكم بالعافيه احنا ثريد ومعكرونة وسمبوسة وهالسوالف وعصير ومسوية انا شوربة عدس مايندرى شخانتها هههههههههههههههه

[أم حماني]

احنا فطورنا بحريني ستاندرد هههههههههههه .. هريس ثريد سمبوسه فيمتو ... خخخخخخخخخخخ ... متى بتدشون بعدين ابي اخذ رايكم في اخر شكل توزيعات بسويه

[أم حماني]

فطوووور تااااااااايم

[بنت الأياويد]

انا مالي وقت بس بدش

[بنت المحرق]

قووووه كرووشـآت .. آنه ماعندي الا هالوقت ادش خخخخخخ

مساعه دشيت قعدت اتقره السوالف ..

عيل شلوووووون الحين عن الماانع خرعتووني خخخخخ

اجوف صديقتي استعملت حبوب منع الحمل عقب ولدها الاولي

وعقب كلت حبوب منع الحمل ويوم تبي تحمل هدته وماشاء الله

على طول حملت .. شكله من جسم لي جسم

وانه وام حماني شكلنه في يوم واحد بنوولد خخخخخخ

ام حماني انتي ماعطينج عقب العيد لو في رمضان موعد الولاده ؟؟؟؟؟

[بنت الأياويد]

محد اهنييي؟

[أم حماني]

انا ييت ... توه ريلي رايح و ع طول دخلت

[أم حماني]

قووووه كرووشـآت .. آنه ماعندي الا هالوقت ادش خخخخخخ

مساعه دشيت قعدت اتقره السوالف ..

عيل شلوووووون الحين عن الماانع خرعتووني خخخخخ

اجوف صديقتي استعملت حبوب منع الحمل عقب ولدها الاولي

وعقب كلت حبوب منع الحمل ويوم تبي تحمل هدته وماشاء الله

على طول حملت .. شكله من جسم لي جسم

وانه وام حماني شكلنه في يوم واحد بنوولد خخخخخخ

ام حماني انتي ماعطينج عقب العيد لو في رمضان موعد الولاده ؟؟؟؟؟

انا موعدي الله يسلمج 7 - 9

[أم حماني]

hwaml94 وينكم ؟؟

[بنت الأياويد]

طق طق طق في احد عند الباب؟

[أم حماني]

هلا هلا خيتي بنت الاياويد ... زين دخلتي .. انا من 11 هني .. تمللت وايد

[بنت الأياويد]

هلا فيج انا تميت اهني من عقب الفطور لي عشر مافي حس ولا شي بس طلعت مرتني رفيجتي ورحت شقتها يلست وعقب زوجي يه خذني ، وانتي ماطلعتي اليوم؟

[أم حماني]

طلعت شوي بس .. رحت التراويح وعقب مشيت مع ريلي ورجعنا البيت

[بنت الأياويد]

زين سويتي انا تدرين نزلت البرادة شوي اشتري وجان اييني التعب دورة ومادري شنو ماجوف شي جدامي واحس ريولي ماتشيلني سيدة رحت السيارة ، لا واقول بعد ابي اروح السعودية يقولي ريلي تبين اطلعين عيني

[أم حماني]

هههههههههههههههه ..... شوفي اش سالفتج مع هالدورة ... يمكن دمج قاصر

[بنت الأياويد]

دمي 11 ، بس الدكتورة تقولي هذي شي طبيعي من يصيدج هلون سيدة قعدي عاد لي متى مايندرى حتى السوق مب كفو اروح

[بنت الأياويد]

رقدتي يمه ام حماني ؟

[أم حماني]

لااااااااا مارقدت .... بس توه اخوي يقول انه ميناتليكوم من امس لليوم عندهم خلل

[بنت الأياويد]

شله انتي تعانين من مشكلة ويا الانترنت؟

[أم حماني]

من امس لليوم عل قلبي

[بنت الأياويد]

سلامت قلبج يمه ، شنو سحورج اليوم؟ وماحطيتي صور التوزيع مو جنه قلتي بتراوينه شي اليوم؟

[أم حماني]

في شكل باقي ماشتغلت عليه ليحين ... عندي له فكره بس ابي رايكم

[بنت الأياويد]

حاضرين لج بآرائنا؟

[أم حماني]

بحط الصورة الحين

[بنت الأياويد]

اوووجي انا بنبطح شوية واللاب توب يمي لان الياهل شكلها تعبانه من كثر القعدة يالسه ترفسني من مساعه

[أم حماني]

http://forum.hwaml.com/uploaded/9892_11283212920.jpg


الحين هذي شاحط فيها غير الجوكلت

[بنت الأياويد]

مايناسبها شي غير الجوكليت احس

[أم حماني]

انا احط هديه وجوكلت .. اللي رويتكم اياها اول وحدة فيها مسباح صغير

[بنت الأياويد]

او فيه يبيعون نفس القرآن صغيرون كلش حطي مع جوكليت

[بنت الأياويد]

انتي شنو في بالج تحطين؟

[أم حماني]

لايختج يقولون مب زين لانه القرآن مب للزينه ... لازم ينقرى

[بنت الأياويد]

جيكتي مري شوكولا يحطون لج بستوك عليه اشكال بأسم الياهل وعندهم يمكن شغلات حلوة ، او حطي ميدالية داخل وجوكليت

[أم حماني]

سويت كب كيك من مري ... انا مفكره احط عطر ربع توله بس اخاف يطلع مب حلوو واتفشل جدام الناس

[بنت الأياويد]

عندي رقم محل يسسون توزيعات حاطين مسك ويا هالتوزيع ريحته ريحة ياهل اينن تبين رقمهم؟\

[أم حماني]

اااااااي عطيني ,,,, تعرفين بجم يبيعونه ؟؟ و وين يصير محلهم

[بنت الأياويد]

جايفته في توزيع ناس ، يمكن بثلاث ربيات الواحد مايندرى اتصلي وتفاهمي وياهم تفضلي الرقم
39802040

[أم حماني]

مشكووووووووووووورة يا ام الشيخه ريم .. باجر بتصل لهم .. تعالي ماستقريتوا على اسم؟

[بنت الأياويد]

حاضرين لج فديتج ، اسم شيخة داش في خاطري

[بنت الأياويد]

تسحرتي ؟ ترى مابقى شي وبيأذن؟

[أم حماني]

اي الحمدلله تسحرت .. بس باقي اشرب حليب وعسل

[بنت الأياويد]

شربي الحليب هههههههههههههههههه ماباقي شي

[أم حماني]

محد بين اليوم من الجماعه ..... لو ما انتي .. جان بمل ومابدخل هالكثر

[بنت الأياويد]

اي كلش صخه مايشجعون ، انا بعد لو مب انتي جان مادخلت ، اكو اذن حان موعد نومك يافريد خخخخخ بقوم اصلي واقرى قرآن اشوفج باجر باذن الله تصبحين على خير واحلام سعيدة

[أم حماني]

وانتي من هله حبيبتي .. نشوفج ع خير

[شمس الصباح]

ادري الحين ام حماني راحت تنام بس قلت اطل عليكم قبل لا تنامون

[شمس الصباح]

التوزيعات كشخه بالعافية ام حماني والله يسهل عليك وتقومين بالسلامة

بنت المحرق بخصوص حبوب منع الحمل استخدمت منع الحمل اكثر من اربع سنوات وبعدين تركت حبوب منع الحمل وحملت ما شاء الله في نفس الشهر ام بخصوص زيادة الوزن على حسب جسم الشخص لان جسمي ما تغيروبعد ولاتي بأذن الله راح استخدمه بس لازم قبل لاتستخدمينه تشوفين دكتورة وخصوصا اذا ترضعين الطفل طبيعي

[بنت الأياويد]

صبااااااااااااااااااح الخير

[شمس الصباح]

هلوووووووووووووووووووووو

شلونج بنت الأياويد صباح النور والورد والياسمين

[بنت الأياويد]

هلا والله ، انا الحمدلله بخير بس تعبانه من ألم ريولي صايرة مارقد زين كلش، وانتي شخبارج وشخبار البنوتة، ماقلتي لي شنو بتسمينها جنه قلتي ملاك ؟ ولا غلطانه

[شمس الصباح]

ما تشوفين شر

اي ملاك لان دورت اسماء وايد بس ما ارتحت الا الي ملاك اسم حلو وخفيف مشتاقة اوصل للتاسع ابغي اشوف اشلون شكلها بتطلع

اقول انتي كنتي تسئلين عن ميني جلابية ولا انا غلطانه

[بنت الأياويد]

الله يبلغج وتشوفينها انا توني اليوم داشة 24 اسبوع :)
اي كنت اسأل تعرفين وين يبيعونها واسعارهم؟

[شمس الصباح]

اسعارهم ما اعرف بس في الوسيط حاطين اعلان عن محل جدايل في مجمع اللؤلؤة وحلوه الجلابيات اللي في الأعلان روحي وشوفي

[بنت الأياويد]

مشكورة ماقصرتي معلي بقول حق صديقتي لان اهيه الي تسألني، ماطبختي عيل اليوم؟

[شمس الصباح]

لا ما طبخت لان عندي صالونة لحم ومجبوس دجاج من امس بس بسوي شاي وشربت ولقيمات ما نمت الا الساعه ثمان الصبح في الليل تطير النومه واقوم اقراء ما تيسر من القراءن الكريم

دخلت عليكم الصبح الديوانية بس كنتو في ساااابع نومه ههههههه

[بنت الأياويد]

الله يعطيج الصحة والعافيه ، اي لان نرقد الفجر مانقوم الا الظهر

[شمس الصباح]

انه اسهر بس ما ادخل الديوانية احاول اشغل وقتي بالعباده ولما اخلص ادخل اشوف سوالفكم

شريتي اغراض البيبي

[أم حماني]

صباح العصر hwaml23

[شمس الصباح]

هلاااااااااااااااا ام حماني صباح الورد

[أم حماني]

شمس شخباااااااااااارج ؟؟؟ بنت الاياووويد وينج

[أم حماني]

انا اليوم دخلت 39 اسبوع ... يمة يخوف

[شمس الصباح]

بخير انتي شخبارج

بنت الأياويد اختفت مرة وحده

[بنت الأياويد]

صباااح الورد

[أم حماني]

انا قعدت مساعه الساعه 11 ونص وصليت الظهر ورديت رقدت ... حدي دايخه ,,, بعد لو ماقعدتني امي يمكن للحين ماقعدت

[بنت الأياويد]

ههههههههههههههههههههههه انا موجودة كنت اكلم اختي في التلفون ، الله يهون عليج ام حماني وانا اليوم دخلت 24 اسبوع مشوار طويل جدامي بيني وبينج 15 اسبووع ههههههههههه، اليوم ليش داشة متأخر؟

[شمس الصباح]

انا اليوم دخلت 39 اسبوع ... يمة يخوف

خخخخخخخخخخخخخخ شوفي ام حماني بقول ليج نصيحه واسمعيها وحفظيها لا تخافين من الولادة ابدا اهم شي انك وقت الولاده علشان تولدين تاخذين نفس قوي وتدفعين والله بيسهل عليج

وحاول وانتي على النت او اي مكان كل تاخذين شهيف وزفير لان يساعد وايد

وخلي الخوف عنك لان الخوف يخليج تتالمين اكثر دائما فكري في حماني الله يحفظة ويخله لك

[أم حماني]

ساعات اتييني هالحاله ... اني دايخه وحالتي حاله يمكن لاني ما ارقد عدل ... ذبحني الحارج على اني رقدت عقب ماتسحرت ب 3 ساعات

[شمس الصباح]

ما اعرف انام وايد راسي يعورني نمت ثمان الصبح وقعدت الساعه 12 ونصف

[أم حماني]

خخخخخخخخخخخخخخ شوفي ام حماني بقول ليج نصيحه واسمعيها وحفظيها لا تخافين من الولادة ابدا اهم شي انك وقت الولاده علشان تولدين تاخذين نفس قوي وتدفعين والله بيسهل عليج

وحاول وانتي على النت او اي مكان كل تاخذين شهيف وزفير لان يساعد وايد

وخلي الخوف عنك لان الخوف يخليج تتالمين اكثر دائما فكري في حماني الله يحفظة ويخله لك

صح كلامج ,, لازم الخوف شوي بس مثل ماقالت بنت الاياويد .. انا جذي جذي بولد .. يعني مايحتاي اذبح روحي من الخوف بس احساس غريب كل ما قربت المدة

[أم حماني]

مساعه وانا راقده كنت احلم احلام غريبه وبعدين بالحلم كأني ماقدر اتنفس وفزيت من النوم وانا فعلا مختنقه ماتنفس وقلبي يدق بسرعه

[بنت الأياويد]

لان يبتي سيرته ذيج المرة ان راح عنج اكو رد رجع لج ، شربي لبن اكتيفيا خل يروح عنج الحارج ، انا محتارة من الم ريولي ماتييني النودة كلش كله اتألم

[شمس الصباح]

لا تفكرين بالألم لاني كنت مثلك في ولدي الأول ودبحني الخوف عدل وهو اللي دوخني بس بولدي الثاني لو اقول لج بتضحكين في فرق بين ولاتي الأولى والثانية هههههههههههه

[أم حماني]

لان يبتي سيرته ذيج المرة ان راح عنج اكو رد رجع لج ، شربي لبن اكتيفيا خل يروح عنج الحارج ، انا محتارة من الم ريولي ماتييني النودة كلش كله اتألم

اي غريب الم ريلج ... روحي المستشفى لاتسكتين عن روحج

[بنت الأياويد]

تهقين يعني اروح المستشفى؟ انا قالولي عادي جم وحده يصيدها هلون لان الياهل قاعد يكبر ويضغط على الرحم

[أم حماني]

لا تفكرين بالألم لاني كنت مثلك في ولدي الأول ودبحني الخوف عدل وهو اللي دوخني بس بولدي الثاني لو اقول لج بتضحكين في فرق بين ولاتي الأولى والثانية هههههههههههه

انا ما اقدر افكر اصلا ... لانه ماقدر اتخيل الوضع شلون .. انا حاطه في بالي التنفس بس واني اكون متوكله ع ربي وحزتها بحاول قد ما اقدر اكون هاديه

[شمس الصباح]

بنت الأياويد يمكن عندش تورم مال الحمل لما تنامين حاولي ترفعين ريلج على مخده علشان يخف الألم

[أم حماني]

تهقين يعني اروح المستشفى؟ انا قالولي عادي جم وحده يصيدها هلون لان الياهل قاعد يكبر ويضغط على الرحم

اذا تجوفين الالم زياده عن اللزوم ليل ونهار لازم تتأكدين احسن

[بنت الأياويد]

لا بس لين راقدة ، واول ماقعد شوي وعقب كلش اصير طبيعية

[شمس الصباح]

اعتقد هذا ثقل الحمل

[أم حماني]

صار لي جذي بالضبط قلت لج من قبل ... الم فظيع حتى ما اقدر امشي ... ويتم وبعدين يروح .. انا لاني كنت اجفس ريلي وانا راقده .. انتي اتجفسينها ؟

[بنت الأياويد]

اذا اجفسها يعورني وايد ، وقلتي لي وتميت امدها بس بعد لين اتمقط اييني الالم بعد

[شمس الصباح]

ليش ما تحاولين قبل لا تقومين من السرير او حتى قبل النوم سوي مساج علشان العضلات والدورة الموية تتحرك وحاولي ترفعينها على مخده يمكن ترتاحين اكثر

[أم حماني]

اذا اجفسها يعورني وايد ، وقلتي لي وتميت امدها بس بعد لين اتمقط اييني الالم بعد

عيل دريتي ... اذا رحتي موعد الياي خبري الدكتورة احسن .. بس اتوقع من الثقل وانتي ضعيفه

[بنت الأياويد]

بحاول بشوف ، ام حماني كلمتي المحل مال التوزيعات؟

[أم حماني]

اتصلت الصبح التلفون مسكر .. شفت بالمنتدى محل ثاني يبيعون نفس الشي اتصلت لهم وماشاء الله يابوه نفس الوقت لي .. الدرزن بدينارين ونص والريحه اتينن ... ريحه يهال hwaml84

[أم حماني]

شمس بسألج اذا البطن ينزل معناها الولادة قربت ؟؟

[بنت الأياويد]

اي بخبر الدكتورة لازم مابسكت

[شمس الصباح]

اي معناه انج قربتي وايد من الولادة وخصوصا لما يكون نازل وايد على تحت

[أم حماني]

نزل بس مب واااااااايد

[شمس الصباح]

مبروك ام حماني قرب حماني للوصول

الحين توقعي الطلق في اي وقت جهزي اوراق المستشفى واغراض البيبي والله يسهل عليج

[أم حماني]

امبيه شمس لا لاتقولين جذي ... تو الناس بطني بس شوي نزل ... يمكن يرد يرتفع ماتدرين

[شمس الصباح]

شنو يرتفع ههههههههه ام حماني لا تخافين الوحده من ينزل بطنها معناه انها قربت كلش على الولادة افرحي ولا تحاتين وذكري الله

[أم حماني]

لا اله لا الله ... الصراحه خفت شوي هههههههههههه .... بس يمكن بعد اتخيل ما ادري ,, اذا اقعد شكله عادي بس اذا وقفت ينزل خخخخخ
مادري اشفيني شكلي خرفت

[بنت الأياويد]

يمه شمس لاتقولين هلون انا خفت هههههههههههههههههه ، انزين ام حماني يعني الحبة بجم حسبوها لج ، اذا ماعليج امر تعطيني رقمهم ويوصلونه بروحهم لي البيت؟

[شمس الصباح]

عادي انه ينزل بطنج الحين لانج بنهايه التاسع وتوقعي الطلق في اي لحظة وتركي عنج الخوف وتذكري حماني وهو بين يدج اش حلاته

تدرين انه جوعااااااااااااااانة حدي لاني اتسحر الساعه 12 بالليل ما احب اتسحر متاخر واحس اني بمسح الطاولة من الأكل اليوم وما بخلي شي

مع اني بس اكل شوي واقوم على الفطور حتى زوجي يقول انتي بس جوعانه ومن تاكلين شوي تقولين خلاص بس جوعانه وجوعانه وقت الجد ما تاكلين اكلي خلي بنتي تصير قويه خخخخخخخخ

يالله ضحكي ام احماني

[أم حماني]

مادري والله بجم تصير الحبه ... يمكن 200 فلس وشوي .. بعطيج رقمهم بعدين لانه تلفوني داخل الحجره .. يوصلونه للبيت وياخذون دينار ع التوصيل . محلهم اظن في ستره اسمه دوحة الروائع .. انا شفت اعلانهم بالمنتدى بس اللي يوصل طلع عيني وانا اوصف له البيت ... هههههههههههه اقوله ثالث بيت يروح لاخر الشارع ,,, اقوله ارجع ويروح لاخر الشارع الصوب الثاني ,, عصبني والله بغيت ازفه بس يودت روحي فشيله ازف ريال

[بنت الأياويد]

ام حماني شكلها راحت تصيح هههههههههههههههههههههههههههه خرعتيها انا عورني بطني من الخوف

[شمس الصباح]

يمه شمس لاتقولين هلون انا خفت هههههههههههههههههه ، انزين ام حماني يعني الحبة بجم حسبوها لج ، اذا ماعليج امر تعطيني رقمهم ويوصلونه بروحهم لي البيت؟

هههههههههههههههه ما قلت شي يخوف الكلام اللي قلته عادي كلش

اي ام حماني انه بعد ابغي الرقم والتوصيل مجانا لو اروح المحل عندهم

[أم حماني]

عادي انه ينزل بطنج الحين لانج بنهايه التاسع وتوقعي الطلق في اي لحظة وتركي عنج الخوف وتذكري حماني وهو بين يدج اش حلاته

تدرين انه جوعااااااااااااااانة حدي لاني اتسحر الساعه 12 بالليل ما احب اتسحر متاخر واحس اني بمسح الطاولة من الأكل اليوم وما بخلي شي

مع اني بس اكل شوي واقوم على الفطور حتى زوجي يقول انتي بس جوعانه ومن تاكلين شوي تقولين خلاص بس جوعانه وجوعانه وقت الجد ما تاكلين اكلي خلي بنتي تصير قويه خخخخخخخخ

يالله ضحكي ام احماني


انا ما احس باليوع بس عطش ... اهوة احسن تتسحرين من وقت عشان مايصيدج حارج بس دامج تسهرين خلي السحور ع الاقل 2 ... ترى الصايم كل شي يصير خاطره فيه ... بس انا اول رمضان لي ماتصيدني هالحاله ..

[شمس الصباح]

تدرون ولا بجاوب على اي احد يسئل سؤالhwaml4hwaml4


خلكم انتو كلش خوافين هذا كلام عادي شنو يخوف فيه hwaml15

[أم حماني]

يوصلون بدينار ومحلهم في ستره ... مايسوى الدينار ويوصلونه لج وانتي بمكانج ... صج يطلع عينج اللي يوصل هههههههههههه بس معليه ع الاقل انتي مرتاحه في بيتج خصوصا اني ماقدر اسوق ريلي مانعني عن السياقه

[أم حماني]

تدرون ولا بجاوب على اي احد يسئل سؤالhwaml4hwaml4


خلكم انتو كلش خوافين هذا كلام عادي شنو يخوف فيه hwaml15


ههههههههههههههه لاتعصبين بروحج يوعانه .. العصبيه بتيوعج زياده خخ
شنسوي لازم نخاف شوي .. عاد احنا اذا خفنا انتي خليج شريرة وضحكي علينا

[بنت الأياويد]

شمس الصباح هههههههههههههههههههههههههههههههههههههه اي وايد خوافين مانصلح احد يقولنا شي

[شمس الصباح]

ههههههههههههههه لاتعصبين بروحج يوعانه .. العصبيه بتيوعج زياده خخ
شنسوي لازم نخاف شوي .. عاد احنا اذا خفنا انتي خليج شريرة وضحكي علينا

والله تخوفوني عليكم جدي hwaml15 انه لما اجاوب لاني احب افيدكم

كيفكم اليوم شكلي باكلكم من الجوع

المهم ام حماني اعطيني الرقم يمكن اروح عندهم واختار الريحه اللي تعجبني

[بنت الأياويد]

ام حماني شسمه المسك الي خذتيه؟ عاد اكيد ريحته زينه مب عقب يتغير هههههههههههه

[أم حماني]

ان شاء الله بطلعه لكم الحين من المنتدى الثاني ... انا نصحتني اخذ نعومة تقول حلو حق توزيعات ياهل بس كان عندها 3 درازن الباقي خذيت مسك ابيض تقريبا نفس الريحه بس نعومه خلطه اساسها المسك الابيض

[بنت الأياويد]

انتي شكثر خذتي؟ انا يمكن اسوي بس 30 حبة توزيعات واختي شارية من قطر توزيع بتسويه وبسوي كب كيك بعد بنوع بس مابسوي وايد يعني حدي تسعين حبه

[شمس الصباح]

الحين بخليكم وبروح اجهز الفطور ام حماني بعدين برجع وباخذ الرقم اشوفكم على خير

[أم حماني]

نسيت اقولكم انه عندهم خدمه التغليف بعد وياخذون مبلغ بسيط بس انا خذتهم مب مغلفين لانه بس بحط شريطة فضيه عليهم بس ... هذا الموضوع مالهم في المنتدى وفيه وصله لموقعهم الخاص
http://www.bahrainevents.com/forum/showthread.php?t=369847

[أم حماني]

طبعا اهوة مب ماركة عشان ايتم يعني يوم غسلت يدي بصابون راحت الريحه ,,, يعني حده حق توزيعات بس ريحته مثل ماقلتج لج ريحه يهال

[بنت الأياويد]

زين يعني فدتج برايي عشان قلت لج حطي مسك ههههههههههههههههه اشوة سويت شي زين في الديوانية ، من وين تاخذون الصور في ردودكم؟

[بنت الأياويد]

مايتبطل اللنك يمكن ممنوع تحطينه على العام مادري شسالفة

[أم حماني]

افا بنت الاياويد اش هالكلام؟؟ انتي بس وجودج اكبر فايده

[بنت الأياويد]

ماتقصرين فديتج لا بس كان ودي والله اخدمج بو بأقل شي، شكله لين ولدتي انا مابدش اهني واااااايد تعودت عليج وعلى سوالفج

[أم حماني]

لا يتبطل بس اذا شفتي الصفحه اللي طلعت تنتظرين جم ثانيه وعقب يحولج ع الموقع

[أم حماني]

بنتواصل ان شاء الله ... لاتحاتين .. انتي اخت عزيزة وغاليه ... الله الشاهد اني ارتحت لج وايد