ديوانية حوامل البحرين [الأرشيف] - الصفحة 8

الفتاة الذهبية

08-26-2010, 03:27 PM

اهليييييييين الفتاه .. احنا بخير الحمدلله .. وانتي شخبارج ؟؟ طمنينا عليج
اشفيكم مادخلتوا امس ؟

انا تمام اسأل عنج حبيبتي

انا مب كل وقت اقدر ادخل لانه اخت زوجي
متزوجة اماراتي وتيي في الاجازة بيت عمي وترجع عقب الامارات

من جذي ايلس معاها وما ادخل خخخخخخخ

أم حماني

08-26-2010, 03:29 PM

الفتاه .. اهاااااااااا ... بس طلي علينا شوي ,,, تعودنا عليج

الفتاة الذهبية

08-26-2010, 03:31 PM

ولا يهمج حبيبتي كثر ما اقدر بطل عليكم

أم حماني

08-26-2010, 03:33 PM

ولا يهمج حبيبتي كثر ما اقدر بطل عليكم

ماقلتي لي شخبارج مع الحمل ...؟ ان شاء الله مب تعبانه ,,, انا حولوني ع الفاتح .. الله يعيني ع السنداره

الفتاة الذهبية

08-26-2010, 03:36 PM

الله يسلمج انا من دخلت الخامس وانا احس بألم خفيف في بطني

الله يعينج بس ليش حولوج هناك

أم حماني

08-26-2010, 03:38 PM

لانه جسمي متنفخ وايد ... من ويهي لحد ريلي ... الله لا يراويج ريلي وايد وايد متنفخه

الفتاة الذهبية

08-26-2010, 03:39 PM

ما عليج شر ان شاء الله

بس ما بقى شي وتولدين وتبشرينا

أم حماني

08-26-2010, 03:41 PM

ان شاء الله يااااااااااارب ... تعبت من التنفخ والثقل .. الحمدلله ع كل حال
الفال لكم تفتكوووون ياررررب

الفتاة الذهبية

08-26-2010, 03:43 PM

ان شاء الله
ام حماني خشمي صار عود يقول لي زوجي وحتى اختي تقول بعد اي صار عود

أم حماني

08-26-2010, 03:45 PM

هههههههههههههه انا طول عمري افوشر بخشمي ... بس حملت صار خشمي منكر .. وتغير شكلي كلش ... على انه فيني ولد .. يقولون اللي فيها ولد تصير حلوة وماتتغير ... انا اشوف روحي وايد تغيرت وحتى رقبتي وايد اسمرت اهيء اهيء ... اللي مايدرون فيني ولد يقوولون شكلج بنت

الفتاة الذهبية

08-26-2010, 03:46 PM

ههههههههههههههههههههه

لا انا سمعت العكس انا سمعت الي فيها بنت ما يتغير شكلها وتصير حلوة
والولد هو الي يسمر الرقبة ويصير ويه الام باهت

أم حماني

08-26-2010, 03:48 PM

ههههههههههههههههههههه

لا انا سمعت العكس انا سمعت الي فيها بنت ما يتغير شكلها وتصير حلوة
والولد هو الي يسمر الرقبة ويصير ويه الام باهت

ههههههههههههههه صدقيني انه مب شررررط ... كل وحدة جسمها يختلف ... اعرف بنات ماتغيروا بالاولاد وغيرهم تغيروا بالبنات .. صاروا كريهين

الفتاة الذهبية

08-26-2010, 03:50 PM

اي صح مب شرط
بس كل وحده تقولج كلام غير ههههههه
انا ما تغير فيني شي غير ان زاد وزني وهذا شي طبيعي وخشمي صار عود هه يفشل عاد

أم حماني

08-26-2010, 03:52 PM

اي صح مب شرط
بس كل وحده تقولج كلام غير ههههههه
انا ما تغير فيني شي غير ان زاد وزني وهذا شي طبيعي وخشمي صار عود هه يفشل عاد

يالله حبيبتي انا بروح .... نشوفج بعدين ان شاء الله

الفتاة الذهبية

08-26-2010, 03:56 PM

انا بعد الحين بروح اكوي
تحملي بروحج

أم حماني

08-26-2010, 05:22 PM

انا رررررجعت .. اكيد ما في احد ... وعليه عليكم كل وحده لاهيه اللي مع اعيالها او ريلها او طباخها .... احس مافي الا انا اللي لا وراي ولا دوني ... لا ريل ولا طباخ ولا شي .. ما في الا هالنت والتلفزيون مجابلتهم هههههههه .. بس صج ملل

بنت الأياويد

08-26-2010, 05:34 PM

ام حماني انا هني بس قريت سوالفكم مساعه كل وحده طلعت قلت شكله ماميش احد اليوم ، اليوم ماطبخت اجازة ولا امس ولا الي قبله اليوم ريلي بييب من برع بس قليت السمبوسة وهالسوالف وسويت الشوربة والعصير

أم حماني

08-26-2010, 05:42 PM

عيل هني ومنخشه يالمجرمه ... ههههههههههههه تكلمي يا ماما ... حني على الفقيره ام حماني اللي ذبحها الملل .. هالاسبوع اول مره ما اروح مع ريلي بالويك اند .. امي كلش كلش مب راضيه .. مسكين يلوي بروحه كالعاده

بنت الأياويد

08-26-2010, 05:56 PM

ههههههههههههههههههه رحت اسوي لي مهره جفتكم كله كاتبين بنطلع قلت شله اسولف بروحي الا من شوي جفتج رديتي من جذي كتبت، امج مب راضية عن شنو؟ ان تروحين وياه او ان ماتروحين؟

أم حماني

08-26-2010, 05:59 PM

امي مب راضيه اروح .. تبيني كله جدام عينها مسكينه ... تقول ريلج لاصار فيج شي مابيعرف يتصرف

بنت الأياويد

08-26-2010, 06:02 PM

واحنا بروحنا نبيها من الله لين قالولنا هلون هههههههههههههههههههه ، خل اقوم اصب الشوربة اكو ريلي جريب بيوصل انشوفج بعدين اليوم بحاول اروح اشتري شي حق بنتي فقيرة ماشرينالها شي للحين باخذ من مذركير جم غرض وعقب ان شاء الله بدش الديوانية نتلاقى وياكم، برررررب

أم حماني

08-26-2010, 06:03 PM

يالله مابقى شي ع الفطوور .. بدخل ان شاء الله ع الساعه 11 .. او قبل شوي
بالعافيه مقدما ع الفطور

بنت الأياويد

08-26-2010, 09:06 PM

الله يعافيج ....

دوحة الأمل

08-26-2010, 09:50 PM

أم حماني

08-27-2010, 12:10 AM

سلالالالالام شلونكم حوامل؟
خاطري مره ادخل وألاقي احد يسولف وياي؟؟
ولالالالالالالالا مره
شخباركم؟
انا اليوم ذابحتني اللوعه بس اللي مزيد الوضع ان ما اطلع ولا احد يزورني كل بروحي وبناتي يلعبون في حجرتهم بروحهم واني كل مقابله التلفزيون والنت
والسبب من نزل علي دم صرت اخاف بالذات ان من قبل اني صار لي نفس الشي واخر شي طرحت في الخامس
الله يعينا لاودعواتكم الله يكمل لينا على خير

هلاااااا اختي ... والله انا كله مطيحه هني وادخل اتكلم مع نفسي .. بس الحين صرت اتملل واطلع .. ماعرف اي وقت انتي تدخلين ... بخصوص اللوعه ... الله يساااااااااااااااااااااااعدج ... ودامج كله ع النت دخلي هذري معاي hwaml7

بنت الأياويد

08-27-2010, 12:41 AM

مساء الخير والاحساس والطيبة مساء ما يليق الا باحبابه :)

أم حماني

08-27-2010, 12:48 AM

هلا هلا ... اسفرت وانورت بقدوم ام الريم

بنت الأياويد

08-27-2010, 01:00 AM

هلا فيج حبيبتي ، النور نورج فديت قلبج بدونج الديوانية مالها طعم والله

أم حماني

08-27-2010, 01:03 AM

لا لا اثتحي ع هالكلام ... النووور نوركم والله ,,, بشري شخبارج ؟ انا حماني يتحرك اليوم احسه متضايق ,,,, ضاق عليه المكان مسكين ههههههههههههه

بنت الأياويد

08-27-2010, 01:04 AM

تستاهلين احسن من هالكلام ، اانا اليووم بعد بنتي تتحرك بس الي يألمني خاصة اذا اتيي صوب اليسار وايد اتألم ، اي بس كبر حماني يبي يطلع يشم هوى تغربل واهو منحكر

أم حماني

08-27-2010, 01:10 AM

الله يبلغج وتجوفينهاا ,,, انا بالنسبه لي عذااااااااب اذا انسدح ... واكره وقت النوم لانه لازم انسدح ,,, والياهل يصير صوب واحد ... واااااااااااااايد يعووور هذا غير التنفخ ... كل من يقول لي كأنها مب ريلج ههههه ... صايرة دبل 3 مرات .. انا مب قاعده اتشكى بس اهيئكم حق بعدين خخخخخ

بنت الأياويد

08-27-2010, 01:12 AM

تدش النعال في ريولج؟ سؤال ذكي خخخخخخخخخخخ
حطي موسدة بين ريولج ورقدي الله يعينج انا في السادس وماقدر ارقد الله يعينج والله ويهون عليج ويعطيج طلقة سهله يارب

أم حماني

08-27-2010, 01:17 AM

خذيت نعال اكبر من مقاسي ... بس يوم تتنفخ ريلي ماتدش بس امشي اموري ... اليوم رحت امشي بس ماقدرت اطوول لانه صادني شد بريلي من فوق لتحت .. ورجعت البيت
انا ماحب احط مخده بين ريولي ,,, تعور ريلي .. بس امد ريلي سيده لاني اذا جفستها تعورني وااااااايد

بنت الأياويد

08-27-2010, 01:26 AM

وعليه عليج ، صج الام تعاني لين قالوا الجنة تحت اقدام الامهات مو من عبث قالوها

بنت الأياويد

08-27-2010, 01:28 AM

ام حماني عندج اهني صور ميني جلابية الي ذيج المرة حطيتيهم لي؟

أم حماني

08-27-2010, 01:29 AM

خلنا شوي نذوق الي ذاقوه امهاتنا .. احنا بعد عايشين في راحه يختج .. قبل كانوا يشتغلون بالبيت ويربون اعيالهم ولا في راحه لهم ابد

أم حماني

08-27-2010, 01:31 AM

لا والله يختي .. طلعتهم من النت وحطيتهم سيده هني ... رجعي الصفحات الي قبل بتحصلينهم اكيد

بنت الأياويد

08-27-2010, 01:38 AM

في البحرين في هلون نفسهم شفت في المحرق كلش مب شي الديزاين

أم حماني

08-27-2010, 01:40 AM

هاي الموديلات كأنها مال السعفه ... فصلي لج بيطلع احلى

أم حماني

08-27-2010, 01:51 AM

مادري اشفيني اليوم كله يوعااااانه هههههههه

بنت الأياويد

08-27-2010, 01:54 AM

لا انا مابي البس ريلي مايرضى حق وحدة سائلتني ، ليش ماتعشيتي؟

أم حماني

08-27-2010, 01:58 AM

امي اليوم فتنت علي قالت حق ريلي اني ما آكل ... طلب لي باستا وكلتهااا ... وكلت مهلبيه عيش والحين سويت لي اكلتي المفضله ,,, احط خبز رقاق مع لبن ,,, كورن فليكس عرب
ههههههههههههههههههههههههه

بنت الأياويد

08-27-2010, 02:02 AM

حتى انتي تسوين هالحركة هههههههههههههههههههههههههههه انا في بيت امي اسوي اما في شقتي مافي احد يساعف

أم حماني

08-27-2010, 02:07 AM

اكلي بروووحج مايحتاي احد يساعفج ,,, انا ريلي يتحمد علي اذا شافني اكل ,,, بس حلوووو والله

بنت الأياويد

08-27-2010, 02:08 AM

عيل في اخر الشهور الشهيه تنفتح عدل؟ احسن من الحين يعني ؟

أم حماني

08-27-2010, 02:10 AM

والله يختج مب دايمن بس اكيد احسن من ايام النسااة ,,, مب شي اذا تتوتبين .. بطنج يصير ثقيل وااااااااايد ,, بسألج تتحملين تصيدج نفس النساة مره ثانيه؟؟

بنت الأياويد

08-27-2010, 02:14 AM

لاتذكرييييييييييني اكيد ماتحمل كلش الشهية عندي زيرو ماكل شي غير البستوك المالح ويا جبن وسفن اب شوي بس هذي اكلي وسااعات الله يعزج ارجعه ، انا اقول مابي احمل مرة ثانية والسبه النساه الي ياتني ، معنه في ناس ماشاء الله يحملون ويخلصون لانساه ولا شي حلاته احنا هلون

أم حماني

08-27-2010, 02:22 AM

انا نفس الحاله ... من الحين شايله هم الحمله الثانيه .. ماتخيل تصيدني نفس النساة مره ثانيه وهالمره عندي ولد ,,, بعد ريلي بيستحمل بس الولد مسكين اش بيسووي ... انا كنت اقول لهم الولادة اهون من النساه .. يضحكون علي يقولون ماجربتي بس وانا الصاجه عند ربي .. ع الاقل الولادة وقت قصير وبتخلص بس النساة تظل شهوووووور hwaml9

بنت الأياويد

08-27-2010, 02:28 AM

اي والله صاجه ، كلها ساعات وتخلص اما النساه ماتخلص الله لايعود الشر ، لا بس كلمن يقولي الحملة الاولى دايمن النساه اتيي جذي الحمله الثانية اهون انا تدرين القهر ولا وحده من بيتنا تتنسى كلهم طالعين على امي الا انا يمكن لاني اصغر وحده طاح كلشي في راسي

أم حماني

08-27-2010, 02:37 AM

احنا بس 3 خوات ... وانا الوسطيه الصغيره ماتزوجت ليحين ,, ماشفت اختي الكبيره قد تنست ولا رجعت ولا شي ... بس احيااانا تكره بعض الروايح .. امي تقول انها كانت تتنسى بس بعد مب مثلي .. ان شاء الله المره اليايه مافي شي .. انا هاذي الامل الوحيد عندي

بنت الأياويد

08-27-2010, 02:40 AM

انتي حملي وعقب النفاس طقيها حمله هههههههههههههههههههههههه وقوليلنا شيصير ، اهم شي لين ولدتي بالسلامة مو تنسينا مادشين اهني تسألين ولا تقولين لنا شنو صار الاكشن الي في الدختر

بنت الأياويد

08-27-2010, 02:42 AM

قصدي ولدي ***

أم حماني

08-27-2010, 02:43 AM

استغفر الله ... لااا عاااااد حرام عليج ,,,, انا فاره تجارب ههههههههههههههههه
باذن الله عقب سنتين بحمل ,, يكون الولد كبر شوي وفطمته
والله يختي اذا علي ما ودي اقطعكم بس من يصير عندي فرصه بدخل ع طووووول

أم حماني

08-27-2010, 02:46 AM

اليوم سحوري بيض وطماااااط ,, hwaml23

بنت الأياويد

08-27-2010, 02:48 AM

اوه زين عليج بالعافيه عاد تنقصي لنا بصحن

أم حماني

08-27-2010, 02:48 AM

حااااااضرررررررين ... شنهو سحورج اليوم؟

بنت الأياويد

08-27-2010, 02:51 AM

اليوم شكله مافي سحور ، انا زعلانه على ريلي وماعطيه ويه خخخخخخ واهو بعد زمر لان عيز وياي وانا معانده فالظاهر اليوم مافي سحور بس باكل لي جم تمره وباشرب لبن وباقرى قرآن وبرقد

أم حماني

08-27-2010, 02:56 AM

ههههههههههههههه يحليلكم ... تسحري يمة ,,,, في رويحه في بطنج

بنت الأياويد

08-27-2010, 03:00 AM

محد كاسر عوقي الا هالرويحه الي في بطني بس توني طالبه عشى الساعه ثنتين للحين مانزل احس روحي مجبده ماقدر آكل شي زيادة ، فقيرة كسرت خاطري مساعه انا يوم يوعانه ترفس فقيرة شكلها تدور أكل هههههه

أم حماني

08-27-2010, 03:01 AM

هههههههههههههههههه ياعمري عليهااااا .... امي تقول الياهل ياخذ حقه كامل مكمل وما ايووع ,,, بس الام اهيه اللي تتأثر

بنت الأياويد

08-27-2010, 03:02 AM

اهم شي ياخذ حقه معلي خلنا نتأثر غصبا علينا بناكل بس اهم شي اهو يشبع روحه مافينا شده بعدين خل يطلع شوي راهي

بنت الأياويد

08-27-2010, 03:05 AM

مابرز البيض والطماط عاد تتنقصين لي صحن لي المحرق؟ جود اذن عليج في الدرب ههههههه يالله عليج بالعافيه ولبج ترى الحين تتسحرين عشان يمديج

أم حماني

08-27-2010, 03:05 AM

بعد تحملي بروحج .... مايسوى عليج باجر تصيدج هشاشه ولا اي شي بعيد الشررر
لاتنسين الحين انتي وراج مسئووليه ويهال محد بيشيلهم الا انتي

بنت الأياويد

08-27-2010, 03:07 AM

هذانا ناكل بعد شنسوي انا اقولج وايد ضعيفه من جذي ماساعف حق الاكل كلش

أم حماني

08-27-2010, 03:07 AM

امبله توه جهز الحين ... الحين بتسحررر .. وين الله قاطج المحرق واهلج من المدينه

بنت الأياويد

08-27-2010, 03:08 AM

اي قومي اكلي بالعافيه ، بعد النصيب يختج ايه على المحرق عاد انا اموت عليها عادي عندي اعيش فيها هههههههههههههه

بنت الأياويد

08-27-2010, 03:11 AM

يالله انا بخليج بقوم اقرى قرآن لي الاذان نشوفج باجر مع السلامة ....

أم حماني

08-27-2010, 03:14 AM

الله يسلمج غناتي

abrar

08-27-2010, 05:42 AM

أم حماني

08-27-2010, 04:45 PM

حبيباتيhwaml7
اناحامل بدايه الشهر الثالث
والوحام مااااااااااااااراح وش السالفهhwaml12
المشكله مايتعبني الا وانا صايمه بعز النهار
استفرغ وانتم بكرامه غصب عني
اخاف ياثر على صيامي
وبعدين ماالاحظ شي تغير قيني بطني مثل ماهو
بس صدري شويه كبر ويعورني
وش بعد اممممم <لايكثر هرج
ابي كل وحده تقولي شنو تستخدم من علاج
انا صرفت لي الدكنوره hwaml10
حبوب بيبي اسبرين
وحمض الفوليك ومثبت <انا قبل سقطت مرتيتن
وبس
ها وش راييكم ؟
ابــــــرارabrar
hwaml86

هلا اختي ابرار .. مبروك عليج الحمل hwaml7
الله يعينج على النسااة
وان شاء الله ربي يثبت حملج هالمره
وتو الناس على انه يطلع لج بطن خخخ
انا عن نفسي الحين اخذ فيتامين وكالسيوم وحديد
لكن اختج من قلب مهمله .. يعني عادي بالايام ما اخذ علاجي hwaml02

حبيبي

08-27-2010, 04:50 PM

شخبارك ام حماني اشتقت لج وشخبار التعب مولدتي

حبيبي

08-27-2010, 04:52 PM

المثبت التزمي فيه لا تركينه لحد مدكتوره تقرار انك توقفيه
وحمض الفوليك مفيد كمان عن تشوهات البيبي
وفتمينات

أم حماني

08-27-2010, 05:15 PM

هلا اختي ( حبيبي )
انااا بخير الحمدلله ... وانتي شخبااارج وشخبار بنوتج ,,, انا ليحين ماولدت تو الناس ... انا في الاسبوع ال 38 ,,,

حنين للماضي

08-27-2010, 11:03 PM

هلا حبايبي شخباركم

قاعدة آكل بلاليط حقكم العافية

أخت أبرار ألف ألف مبروك وعسى ربي يثبته ليش ولا تحاتين اني الحين في الخامس وللحين النساة فيني شوي
وعلى طاري بطنش نفس ما قالت ام حماني توه الناس

هلا بأخت حبيبي
شخبارش؟؟؟
انتي من الدمام؟؟؟

حروف عاشقة

08-27-2010, 11:14 PM

هلا حبيباتي الكروشاااات شخباركم

ومبروك يا ابرار على الحمال الله يثبته لج إن شاء الله

حنون عليش بالف عافية واني بعد توني مخلصة القيمات :) صايره هل اليوم شرهة في الاكل تميت اخر وحده على الفطور نظفت صحني هههههههههه...

ام حماني شخبارش وشخبار التنفخ ان شاء الله خف ،، آآآآنا الحين دايخة من ألم في ظلوعي احسهم بيتكسرون توني شاربة مسكن وخف شوي بي ما اقدر انام منه يخليني سهرانه طول الليل :(

بنت الأياويد

08-28-2010, 01:13 AM

ألسلام عليكم شخباركم كلياتكم وشخبار التعب والثقل معاكم

@@غصون@@

08-28-2010, 01:19 AM

مرحبا بنت
اخباركم

بسالكم وش حكم نزول افرازات مخلوطه بدم بنهار رمضان هل يجوز صيامها

بنت الأياويد

08-28-2010, 01:29 AM

ماقدر افتي والله ماعرف اذا نزل عليج جذي شنو معناته

أم حماني

08-28-2010, 01:51 AM

سلااااااااااااااااااااام عليييييييييييييييكم .... من الحلوة الموجودة هني ؟؟

حبيبي

08-28-2010, 01:51 AM

هلا باهل البحرين حنين الماضي انا لا مو من الدمام انا في الاحساء بس ساكنه اغريب الدمام بلجبيل الصناعيه وروح ازيارات واسواق الدمام

حبيبي

08-28-2010, 01:52 AM

اما حماني انا الحلوه هههههههههههههه توني كاشخه ومتزينه

أم حماني

08-28-2010, 01:58 AM

ههههههههههههههههه فزتي بلقب الحلوة يا حلووووووة ...

حبيبي

08-28-2010, 02:01 AM

هههههههههههههههه اخر حبه للي تحبه وطلعت انا هههههههههههه انا الحلوه شخبارك مع التعب

بنت الأياويد

08-28-2010, 02:03 AM

عليكم السلام ، هلا وغلا ، خفت جفتج مابينتي قلت ليكون سوتها وولدت ههههههههه وينج اليوم مابينتي وايد بطيتي علينا

أم حماني

08-28-2010, 02:06 AM

شقولج واللله .... الحمدلله ماشي الحال ,,, احسب الايااام الحين

حبيبي

08-28-2010, 02:07 AM

بتسويها ليلت العيد حتى اتصير الفرحه فرحتين

أم حماني

08-28-2010, 02:11 AM

يارررررررريت ليله العيد لانه بيكون ذكرى زواجنا

بنت الأياويد

08-28-2010, 02:11 AM

الله يهون عليج يارب ويفرح نظرتج انا مساعه وانا يالسه ياني الم في بطني قوي مرة وحده تصروعت اقول ليكون طلق ماعرفت شسوي لان بروحي اقول مادري اروح الحمام ههههه

أم حماني

08-28-2010, 02:16 AM

الله يهون عليج يارب ويفرح نظرتج انا مساعه وانا يالسه ياني الم في بطني قوي مرة وحده تصروعت اقول ليكون طلق ماعرفت شسوي لان بروحي اقول مادري اروح الحمام ههههه

وووووووووووووي ام ريم انتي هني ؟؟؟ سامحيني غلاااااي مانتبهت ... معليه ماعلي شرهة .. بخصوص الالم يمكن ريومة قاعد ترفس

بنت الأياويد

08-28-2010, 02:17 AM

لا لين ترفس عادي اعرف واحس ، بس هالمرة ياني الم فضيع الي صرخت مرة وحده مايندرى من شنو بس انا لان كنت لابسة ضيج بعد سيدة رحت بدلت

أم حماني

08-28-2010, 02:22 AM

اااااااااي يمكن من جذي ... ان شاء الله مافيج الا العافيه .. مارحتي بيت اهلج اليوم؟

حبيبي

08-28-2010, 02:22 AM

أم حماني

08-28-2010, 02:26 AM

وليه تلبسي ضيق حاولي اتريحي ملابسك انا والله اشتقت للجينز والقمصان والحركات احس مليت من هالملابس الواسعه والجزمه الواطيه
انا اسوالف معاكم ومع تجمع الحساء هههههههههههه مفوت لثنين

والله حتى انا مليت .. الحين صرت البس جلابيات امي وايد اريح .. تصدقين لاني حملت بسرعه ... مالبست جلابياتي ولا بدلاتي .. ليحين مثل ما اهمه معلقين بالكبت

بنت الأياويد

08-28-2010, 02:26 AM

البس انا جينزات االحمل عادي ، الله يعافيج ام حماني ، امبله رحت والساعه 12 طلعت من عندهم استانست وياهم، وانتي ماطلعتي؟

أم حماني

08-28-2010, 02:31 AM

طلعت مع ريلي ... رحنا صلينا التراويح ورحنا مشينا وبعد رحت شريت مهادين حق حماني .. ابشرج برزت شنطة حماني .. بس بقت شنطتي

بنت الأياويد

08-28-2010, 02:32 AM

اوه وأخيرا ... هههههههههه ليش ماتخلين ثيابج وثيابه في شنطة وحده حق المستشفى ؟

أم حماني

08-28-2010, 02:35 AM

مايصير بشنطه وحدة ,,, لانه يوم بتفصلين طقم ايي مع شنطة الياهل

بنت الأياويد

08-28-2010, 02:38 AM

انا خواتي مايودون شنطة الياهل من البداية الدختر ، يودون شنطة عادية فيها ثيابهم وثياب الياهل هذي الشنطة لي عقب مايودونها الدختر وياهم

أم حماني

08-28-2010, 02:41 AM

اهااااااا ... اناا احس شنطتي هبابه تشيل اغراضي هههههههههههه ... وخبرج البجر تترقد اكثر ,, يمكن 3 ايام ,, بس اللي والدة من قبل يمكن ثاني يومم تترخص

بنت الأياويد

08-28-2010, 02:42 AM

لا انا اختي تترقد كله بالخمسة ايام لان كله قيصري فقيرة واتودي عادي شنطة وحده تحط ثيابها الي بتلبسهم حق المستشفى وثياب الياهل وتكفي ماشاء الله

أم حماني

08-28-2010, 02:47 AM

وي وعليه عليهاااا ,,,, خليني احلل الشنطة مالت الطقم هههههههههههه

بنت الأياويد

08-28-2010, 02:49 AM

ههههههههههههههههههههههههه حلوة ، شنو سحورج الليلة؟

أم حماني

08-28-2010, 02:54 AM

اليوم الله يسلمج مشتهيه بروستد يمي يمي خخخ

بنت الأياويد

08-28-2010, 02:55 AM

اي مطعم الي مبطل هالحزة؟ في بروستد في المدينة حلو؟ اخبر بس كرامي الي زين

أم حماني

08-28-2010, 02:58 AM

امي تقول مال كوكي زين ... بنجوف الحين ... اذا ماعجبني برز الطابي وبسوي لي بيض ههههههه

بنت الأياويد

08-28-2010, 02:59 AM

كوكي الي في جدعلي؟ جربيه دام خاطرج فيه لايطلع في حماني فخذ بروستد هههههههههههههه، اي هذا اهو في بديل انا ولا اشتهي اطبخ ولا شي باجر الله يعيني لازم اشوف لي طبخه

أم حماني

08-28-2010, 03:03 AM

انا يصير خاطري ادش المطبخ اسوي شي حلوو ,, بس التنفخ مايساعد كلش يختج ,, ريلي تنتفخ بشكل يخوف ,, صاير دبل الدبل وفوقه شوووي ... قاعده اشتغل ع بطاقات التوزيعات .. سويت 3 اشكال

بنت الأياويد

08-28-2010, 03:04 AM

يالله معلي تحملي الله يعينج ، اها زين الله يعطيج العافية

أم حماني

08-28-2010, 03:07 AM

ما بغى يوصل السحووووور ... يالله حبي بروح اتفطر وبرجع .. بتمين ولا لا ؟؟

بنت الأياويد

08-28-2010, 03:09 AM

بالعافية والله مادري فديتج على حسب اذا جفتيني غبيت معناتها تسحرت ورحت اقرى قرآن لي الاذان جيسي النبض انتي

أم حماني

08-28-2010, 03:13 AM

اووووووووووكي اختي ... برررررب

أم حماني

08-28-2010, 03:36 AM

انا ررجعت ... وين الحلووووووين؟

بنت الأياويد

08-28-2010, 03:53 AM

هلا انا توني مخلصة سحور ، شخبار السحور يازلج؟

بنت الأياويد

08-28-2010, 04:02 AM

يلا تصبحين على خير نشوفج باجر

أم حماني

08-28-2010, 04:11 AM

عبالي رحتي خلاص ... يالله تصبحين ع خير اختي

abrar

08-28-2010, 07:21 AM

حبيبتي مشكووووووووووره الله يبارك بايامك
عاد من الفرحه نبي نشوف هالكريشات خخخخخخ
يعطيك العافيه على ردودكم الحلوه
الله يهون عليككم

بنت الأياويد

08-28-2010, 02:49 PM

ظهر الخيررررر ، شخباااركم

حنين للماضي

08-28-2010, 03:13 PM

بنت الأياويد

08-28-2010, 03:45 PM

هلا والله حنين انا الحمدلله بخير ، هالايام احس بألم في عظامة ريولي ماقدر اوقف وايد فماقمت اطبخ اليوم باخذ من امي فطور

أم حماني

08-28-2010, 04:23 PM

السلاااااااااام عليكم .. ليحين موجودين ولا مشمرين عن اياديكم في المطابخ ؟؟ ههههههههه

حنين للماضي

08-28-2010, 05:17 PM

ماجوفين شر حبيبتي بنت الأياويد
ربي يبعد عنش كل سوء ويقومش بالسلامة

هلا والله بأم حماني
ها شنو شعورش هالايام مع قرب الولادة و خروج أحلى ما في الكون حماني؟؟؟

أم حماني

08-28-2010, 05:34 PM

ماجوفين شر حبيبتي بنت الأياويد
ربي يبعد عنش كل سوء ويقومش بالسلامة

هلا والله بأم حماني
ها شنو شعورش هالايام مع قرب الولادة و خروج أحلى ما في الكون حماني؟؟؟

اكيد فرحانه بشوف ولدي وبحمله بين يدي ... بس هالايام صعبه وطويله بس يالله الحمدلله هانت يختي .. شاغله نفسي هالايام اني اكمل اللي قاصر من اغراضي
ابشركم لقيت فيريرو روشيه حق توزيعاااتي hwaml7

بنت الأياويد

08-28-2010, 05:46 PM

الشر مايييج اختي حنين تسلمين حبيبتي ، اوه ام حماني مبرووك وين حصلتيه؟
تتطنزين علينا هاا مشمرين ايادينا اي شعليج قاعده بس هلون وكلشي اييج لي مكانج شتبين بعد

أم حماني

08-28-2010, 05:51 PM

دورته كل مكان في السوبرماركت الكبار وحصلته آخر شي في آخر فرصه ... فعلا اسم على مسمى .. كان اخر فرصه لي لاني تعبت وانا ادوره ... وبعدين ماعاش اللي يتطنز ع خواته الحلوين ... اي والله يبرزون لي صينيه بروحي لاني ماقدر اقعد ع الارض معاهم .. اللله يجزيهم خير مب مقصرين والله

بنت الأياويد

08-28-2010, 06:02 PM

اتغشمر وياج ادريبج ماتطنزين بس انا اليوم اوف ماسويت شي خذيت من امي فطور ماقصرت نظر عيني ، تستاهلين حبيبتي من يخدمج اي صعبه تيلسين في الارض

بنت الأياويد

08-28-2010, 06:03 PM

يلا بررررب لي عقب الفطور وبالعافية مقدما ، صياما مقبولا وافطارا شهيا هههههههه

الفتاة الذهبية

08-28-2010, 08:32 PM

السلام عليكم
هلا حبيبتي بنت الاياويد احنه بخير انتي شخبارش ان شاءالله اليوم أحس؟؟
انتي تطبخين

وااااجد عضوات ماقمنا نجوفهم مثل حروف وفتاة و روز وشمس
ان شاءالله يكونون بخير
اخت حبيبي دامش تمرين اسسواق دمام رايحة baby house اللي في شارع الخليج؟؟؟

انا ادخل حنين بس مب وايد
بس انا بخير دامج بخير
بس بصراحة من دشيت الشهر الخامس احس روحي تعبانة وجسمي يعورني

بنت الأياويد

08-28-2010, 09:33 PM

الله يعينج ويعينا ان شاء الله كثري من الحليب واللبن وهالسوالف انا من دشيت السادس عظامة ريولي كله تعورني خفت قلت يمكن نقص كالسيوم معني آكل الحبوب يوميا واشرب لبن لاني ماحب الحليب بس الظاهر صاير مثل الضغط على الرحم ومأثر على ريولي

أم حماني

08-28-2010, 09:46 PM

السلاااااااام عليييييييييييييكم

بنت الأياويد

08-29-2010, 01:23 AM

عليكم السلااااااااااااااااااااااااااااااااااااااام اهلين وسهليييين

أم حماني

08-29-2010, 02:06 AM

هلا بالغاليه بنت الاياويد

بنت الأياويد

08-29-2010, 02:12 AM

هلا فيج ، تكدر خاطري يوم شفتج محد قلت داشة من وقت شكلها بتروح بيت ريلها ، رحت مذركير المحرق مسوييين 25% واليوم اخر يوم خذيت لها مشبوك طويل لان ولادتي بتكون في البرد وخذيت لها لحاف وقبعه ومرضعه صغيرة مشكلة مافي الوان كله وردي

حنين للماضي

08-29-2010, 02:24 AM

أم حماني

08-29-2010, 02:24 AM

لا مارحت بيت ريلي .. بروح الاربعا .. لانه الخميس ريلي بيوديني موعدي في الفاتح .. انا اليوم قعدت ع التوزيعات اسويهم .. خلصت من شكل واحد الحمدلله والباقي بشتغل عليهم بالايام اليايه .. المشكله ماقدر اسوق ولا جان خلصت اموري ..

زين سويتي شريتي حق البيبي شي فديتهااااا .. غريبه ما في الوان .. انا شايفه عندهم اصفر وبنفسجي للبنات وبرتقالي اخضر وجذي .. يمكن مره ثانيه تحصلين .. هم ينزلون بضايع يديده عقب التخفيضات

بنت الأياويد

08-29-2010, 02:27 AM

مشكورة حنين الله يعافيج ، عاد مشكلة اني ماعرف حق البلوتوث وماعرف شسالفته ، ام حماني في اي مذركير شفتي؟

أم حماني

08-29-2010, 02:28 AM

السلام عليكم

هالايام الديوانية سهدة

اني اتسحر بس سندويشة وحدة مثلاً أختي زهقتني تقول لازم تاكلين اقل شيء سندويشتين لأن الحامل تحتاج تاكل سحور عدل في شهر رمضان بس بصراحة ماقدر زهقتني نوعاً ما أني وحدة وبالزورhwaml5

حبيبتي بنت الأياويد عليها بالعافية ريومة ويلا شدي الحيل وحطي الصور

أني يوم الخميس شريت بيجامتين للنوم يهبلون أبي احط الصور بس مادري شنو في البلوتوث مخرف على ما اظنhwaml15

كلي قد ماتقدرين بس مب اكثر من طاقتج .. حاولي تاكلين الاشياء اللي تعطيج قوة مثل الرطب او التمر .. انا لاحظت نفسي من تميت اشرب حليب وعسل ع الفطور .. يعطيني قوة وماصرت ادوخ مثل قبل

أم حماني

08-29-2010, 02:30 AM

مشكورة حنين الله يعافيج ، عاد مشكلة اني ماعرف حق البلوتوث وماعرف شسالفته ، ام حماني في اي مذركير شفتي؟

مذركير السنتر بوينت

حنين للماضي

08-29-2010, 02:32 AM

كلي قد ماتقدرين بس مب اكثر من طاقتج .. حاولي تاكلين الاشياء اللي تعطيج قوة مثل الرطب او التمر .. انا لاحظت نفسي من تميت اشرب حليب وعسل ع الفطور .. يعطيني قوة وماصرت ادوخ مثل قبل

سويت لي امس تمر بالزبدة وبالبسكويت وكاني تشجعت وكل مايصير خاطري آكل
ام حماني ولا حطيتين لنا صور ملابس أو شيء يخص حمونhwaml02

أم حماني

08-29-2010, 02:36 AM

والله امس فكرت بس الثياب وايد ومالي مزاج اقعد اصور بالقطعه ... بس عشان خاطركم متى ماقدرت بصور جم بدله ... انا مصورة لكم التوزيعات اللي سويتها اليوم لكم

بنت الأياويد

08-29-2010, 02:50 AM

ام حماني وين تقصدين مجمع الواحة ولا وين؟ قوليلي بالضبط في وين؟

أم حماني

08-29-2010, 02:58 AM

مذركير اللي تبع السنتر بوينت موجود بالواحه وبالستي سنتر وبالسقيه

بنت الأياويد

08-29-2010, 03:00 AM

اهااا مشكورة بروح اشوف ، الا شخبار امس البروستد حلو مالهم؟
واليوم شنو سحورج؟

أم حماني

08-29-2010, 03:02 AM

والله كان مثل ماتقولين تمشية حال .. واليوم كليت مجبوس ربيان .. واخوي توه يايب بيتزا

بنت الأياويد

08-29-2010, 03:03 AM

عليج بالعافية ،احنا فطورنا اليوم فقاعته ربيان

أم حماني

08-29-2010, 03:08 AM

بالعافيه ... ماصارت ريولج اشوى ؟؟؟ متى تعورج اكثر .. طول اليوم او اذا كنتي قاعده من الرقاد ؟

بنت الأياويد

08-29-2010, 03:17 AM

وانا راقدة بس اييني الم في عظامة ريولي من اقعد يروح ، ساعات في ركبي ساعات في عظامة فخذي بس مارقد عدل من الالم يامنقلبة يمين يايسار احس جنه الياهل يصير على صوب مايخليني ارقد عدل

أم حماني

08-29-2010, 03:17 AM

بنت الاياويد موجودة ولا رحتي ...؟ ابي ارويج التوزيعات الي سويتها اليوم

بنت الأياويد

08-29-2010, 03:19 AM

موجودة ، راوييني اياهم ، يالسه احط السحور حطيه الصور بشوفهم

أم حماني

08-29-2010, 03:21 AM

وووووووي ... يار الله روووحج ... انتي من الحين يصيدج هلووون ... انا امي اليوم تقول لي انا طول الليل اون ... >> ام حماني ترقد مع امها وابوها لحد يعيب
اقولها لانه اتألم من الثقل ... انا قبل اول ماقعد من الرقاد يصيدني الم فظييع بريلي حتى ماقدر اتحرك وكان ايامها اداوم مب اجازة ... اختي قالت لي اذا رقدتي لاتجفسين ريلج ,, خليها ممدودة وفعلا ماتم الالم اييني

أم حماني

08-29-2010, 03:25 AM

هاذي بس عينه ع قولتهم عشان يطلعون اوضح

http://forum.hwaml.com/uploaded/9892_11283041417.jpg

حنين للماضي

08-29-2010, 03:26 AM

الله يساعدش ام حماني
ايي والله اني في الخامس واذا بقوم واقعد اكون ثقيلة
وانتي في التسع يعني عن جد الله يعينش ويعينا اذا وصلنا لهالمرحلة

يلا وين الصورhwaml02

أم حماني

08-29-2010, 03:28 AM

ثقل التااسع كرريه ... بس اللي يهون ع الوحدة انه حزتها بيكون مابقى شي وتولد وترجع طبيعيه

حنين للماضي

08-29-2010, 03:30 AM

ثقل التااسع كرريه ... بس اللي يهون ع الوحدة انه حزتها بيكون مابقى شي وتولد وترجع طبيعيه

ايي والله
عسى ربي يقومش بالسلامة ان شاءالله

ما قلتي شنو داخل التوزيعات
ابين عليهم كشخة
عليش بالعافيةhwaml02

أم حماني

08-29-2010, 03:32 AM

لا مب كشخه هههههههه عاديين .. حطيت ريش وجوكلت فيريرو روشيه مع مسباح صغير

بنت الأياويد

08-29-2010, 03:38 AM

ماشاء الله ذوق التوزيع بنشوف احنا على وطرنا شنو نسوي حق بنتنا اتصدقين صاير خاطري اسميها شيخه بس ريلي يقولي لا خلها ريم احلى مصمم

أم حماني

08-29-2010, 03:41 AM

سموها الشيخه ريم ... حل دبلوماسي ههههههههههه

بنت الأياويد

08-29-2010, 03:43 AM

ههههههههههههههههههههههه حلوة ذي انتي شرايج شيخة ولا ريم؟

أم حماني

08-29-2010, 03:47 AM

والله الاسمين حلووين .. بس انتي شوفي ع اسم الابو اي واحد منهم يركب اكثر
واذا احترتوا ... سووا قرعه ههههه

بنت الأياويد

08-29-2010, 03:49 AM

الاثنين راكبين مالنا الا قرعه ههههههههههههههههه ضحكني تهاوش وياي في مذركير والسبة المرضاعه يبي يشتري لها اكبر شي يقول بنتي ماتشرب في هالكبير اقوله ليكون باييب ديناصور انا شوي شوي عليها

بنت الأياويد

08-29-2010, 03:49 AM

وانتي بتسمين عبدالرحمن على من؟

أم حماني

08-29-2010, 03:51 AM

ههههههههههههههههههههههههه ... انا تصدقين ريلي ليحين مب عايش الجووو
مب مستوعب بيصير ابووو

بنت الأياويد

08-29-2010, 03:54 AM

هههههههههههههههه فقير ترى حتى انتي مو مستوعبة الا لين قمتي بالسلامة ان شاء الله وانحط بين يدج ولي العهد ، الا ماقلتي لي بتسمونه حماني ليش على اسم احد معين؟

أم حماني

08-29-2010, 03:55 AM

تصدقين ولا احد هههههههههههه ... بس احنا خاطرنا في الاسم ,,, احب حق الصبيان الاسامي الرزة الثقيله

بنت الأياويد

08-29-2010, 03:57 AM

اي حلو اسم عبدالرحمن انزين ولو كانت بنيه شنو كنتي تبين تسمينها؟

بنت الأياويد

08-29-2010, 03:59 AM

شقتج يم بيت امج ولا بعيد نفس حالتي في المحرق؟

أم حماني

08-29-2010, 04:02 AM

انا كانت شقتي في البسيتين ... وايد بعيده عن اهلي .. بس يوم تنسيت رجعت بيت اهل ريلي في المنامه .. الله يسلمج لو بنت كان خاطري اسميها ( الهنوف )

بنت الأياويد

08-29-2010, 04:02 AM

شكلج رقدتي ، انا بقوم اصلي واقرى قرآن على مايرجع ريلي من المسيد ونرقد يلا تصبحون على خير وانشوفكم باجر باذن الله

بنت الأياويد

08-29-2010, 04:03 AM

اهاااا اشوة قريت ردج قبل لا امشي ، الله يعينج تصبري يالله شتسوين بس لين ياج الياهل تبين شقة بروحج على الاقل تاخذين راحتج

أم حماني

08-29-2010, 04:04 AM

لا مارقدت بس النت بطيء عندي مادري اش سالفته هاليومين

أم حماني

08-29-2010, 04:09 AM

والله سالفتنا سالفه يختي ع هالموضوع .. مب مستقرين ع رااااااي ... كل يوم بشور وكل يوم براي لانه ريلي يشتغل بالسعوديه وعنده سكن هناك ,,, في احتمال اني اخذ سنه اجازة من شغلي واروح معاه

أم حماني

08-29-2010, 04:12 AM

الحين شكلج انتي اللي رقدتي هههههههههههههههههههه ... اذا رحتي بقوم اصلي عيل

أم حماني

08-29-2010, 04:21 AM

انا بصلي وبرجع مافيني نودة ومابي ارقد اصلا .. لانه الرقاد عذااااااااااب hwaml78

أم حماني

08-29-2010, 05:09 AM

الحين الساعه 5 وعشر .. طبعا محد متواجد الا المتفرغه ام حماني الله يسهل عليها
اللي بتدش تسوي لي مسكوووول وباييكم طيراااااااااااان

شمس الصباح

08-29-2010, 05:13 AM

ام حماني انا ما فيني نومة كلش اذا انتي اهني ردي لاني طفشت

أم حماني

08-29-2010, 05:15 AM

اووووووه شمس الصباح ... الظاهر انتي فعلا شمس الصباح ,, داخله مع شروق الشمس ... وينج صار لج فتره مادخلتي ... عسى ماشر ؟؟؟

أم حماني

08-29-2010, 05:16 AM

انا مافيني نوم بعد .. نفس الحال

شمس الصباح

08-29-2010, 05:17 AM

اليوم ما رقت من الليل قاعده احاول انام بس ما في فايدة

في النهاية قمت لان عندي كم شغله لازم اسويها يمكن على التسع او العشر انام

اخباري الحمد لله انتي شخبارج

أم حماني

08-29-2010, 05:20 AM

انا بعد الحمدلله بخير ... قعدنا نحاتيكم .. ماتدخلون خوفتونا ... دام انج بخير الحمدلله .. بتطلعين تتسوقين الصبح؟

شمس الصباح

08-29-2010, 05:25 AM

لا عندي دوام خخخخخخخخ

عندي مؤسسة لازم اروح اشوف اخبار الشغل بس ما اقعد وايد ساعه ساعتين وارجع من جدي ما يسوه انام الحين لاني ما برتاح بواصل ولما اخلص شغلي على طول على السرير

أم حماني

08-29-2010, 05:27 AM

اهاااااا ... الله يعطيج العافيه .. انا وايد اتعب وقت النوم ... عشان جذي كرهته

شمس الصباح

08-29-2010, 05:29 AM

من كم يوم رحت مذركير ومن دخلت شفت ملابس البنات يهبلوووووووون
بس ما شريت شي كل من ولدي

من احط يدي على بدله ورديه يقول بنت من جدي ما شريت شي بس شفت اسعار السرير وكرسي السيارة يعني اخت فكرة على الأسعار علشان اعرف الميزانيه شكثر

أم حماني

08-29-2010, 05:30 AM

ههههههههههههه يحليله ... ليش انتوا ماتبونه يعرف انها بنت ؟؟

شمس الصباح

08-29-2010, 05:30 AM

الله يعافيش

شمس الصباح

08-29-2010, 05:32 AM

لا ما ابغي مع ان ولدي الكبير عادي لو عرف بس الخوف من ولدي لصغير ما يخش سر يعني ممكن في اي لحظة يقول اللي عنده

شمس الصباح

08-29-2010, 05:37 AM

ما بقى شي على ولادتج ام حماني بعدين ما بنشوفج لانش بتنامين مع نومة الياهل وبتقعدين معاه

أم حماني

08-29-2010, 05:37 AM

عيل هالمره روحي بروحج ... ههههههههههههه اليهال مايقدرون يكتمون السر .. انا المره اليايه اقصد اذا الله كتب وحملت .. قلت مابقول حق اي احد حتى زوجي مابيه يعرف ... الحين بس ناس قليله الي مايعرفون ولا حتى ولد اختي عمره سنه ونص من يشوف اغراض البيبي يقول ( حماني ) ويبوس دبتي ويقول اسمه بعد ههههههههههه

أم حماني

08-29-2010, 05:39 AM

ما بقى شي على ولادتج ام حماني بعدين ما بنشوفج لانش بتنامين مع نومة الياهل وبتقعدين معاه

اااي مابقى شي ... بدى العد التنازلي .. ماعرف شلون بيكون نظامي بس اكيد مثل ماقلتي ع نظامه بمشي .. بس لابد بدخل ان شاء الله

شمس الصباح

08-29-2010, 05:44 AM

شوفي اذا ادمنتي النت راح تدخلين لان بولدي الصغير كنت مدمنه نت وحتى بعد ما ولدت كنت ارضعه كنت اقعد على النت وهو معاي ظليت فترة طويلة جدي ما اعطل نفسي من يصيح البيبي اخذه وعلى طول على النت منها اقعد مع البيبي ومنها النت ههههههههههههههه بس الحين ما عندي وقت مثل قبل

أم حماني

08-29-2010, 05:48 AM

لا انا مب من النوع الي ادمن ع النت بس وقت الملل يكون لي تسليه ولا انا صار لي اكثر من سنه ما اشتركت بمنتديات وحتى المسنجر قبل لازم مفتوح ع طول بس الين حتى لو قاعده ع الجهاز ما اشغله كل الوقت .. امس اقول حق امي اذا رقد الياهل بقعد اطالعه لحد مايقعد من رقاده هههههههههههه وايد صايره ام رومانسيه ... بس اللي احسه بيصير انه وقت الي بيرقد بس ابي ارتاااح

شمس الصباح

08-29-2010, 05:54 AM

راح تطالعينه هههههههههه عادي انه جدي حلو الياهل لما ينام بس من التعب بتنامين

ان شاء الله حماني ما يتعبج في السهر لان من طفل الي طفل يختلفون ولدي الأول شغال صياح على مدار 24 ساعه حتى امي كانت تبجي تقول لي لا تروحين قعدي بس ظليت في بيت ابوي 15 يوم ولدي الثاني بالعكس ما شاء الله عليه كل ينام اذكر اني وديته المستشفى اقول لهم مريض كل نايم فحصته الدكتورة قامت تضحك تقول ما في شي زين ليش تبغينه يصيح جدي اريح لج خخخخخخخخخ

الله يستر من البنت ما ادري شنو بتسوي فيني

أم حماني

08-29-2010, 05:58 AM

البنت وديعه و اليفه وحبوبة .. ما اتعب امهااا .. امي تقول انه مره اهيه وخالتي ولدوا نفس الوقت تقريبا بس امي يابت ولد وخالتي يابت بنت ... كان اخوي كله يصيح وبنت خالتي كله ساكته ولا لها حس هههههههههههه

شمس الصباح

08-29-2010, 06:02 AM

شنو شعورج وانتي قربتي على الولادة

أم حماني

08-29-2010, 06:05 AM

خايفه ومستانسه اني بفتك من الثقل واكيد بشوف حماني اللي قعد معاي 9 شهور بس ماعرف شلون شكله .. بس شاغله نفسي بالتفكير في اشياء كثيره .. تجهيزات يعني .. اشغل نفسي قد ما اقدر اذا قعدت فاضيه كله بفكر

شمس الصباح

08-29-2010, 06:12 AM

خخخخخخخخخخ تفكرين بشنو

ترى الأمومة حلوه ولا تحاتين شي الله يسهل على الوحده

انا خاطري اوصل للتاسع بسرعه زوجي مستجل من اقول له باقي بعد 20 اسبوع يقول وايد طولتي احسه مشتاق وايد للبنت لان خاطره ببنت من اول ما تزوجت وهو يتمنى بنت

أم حماني

08-29-2010, 06:17 AM

راحت نص المدة ... وان شاء الله الباقي يعدي بسرعه .. تصدقين ليحين مب مستوعبه ولا مصدقه بصير ام وبصير مسئووله عن بيبي على مدااااااار الساعه

شمس الصباح

08-29-2010, 06:23 AM

خخخخخخ راح تستوعبن لما يخلونه على صدرج شعور حلووووووو تصدقين كل تعب والم الولادة تروح شعور غريب كانه بلسم لطيف وخفيف احلى شعور بعد التعب الحمل والم الولادة اول شي بتسمعين صياحه بعدين من يحطونه على صدرج راح تبتسمين الله يسهل عليج ويهون المده علينا يارب

شمس الصباح

08-29-2010, 06:33 AM

يالله ام حماني بروح اجهز نفسي

ولما ارجع بحاول انام تصبحين على خير خخخخخخ قصدي صبااااااااااااح الخير

الفتاة الذهبية

08-29-2010, 07:27 AM

شكله ما في احد امممممممم

قاعده من الصبح ما ادري شنو عندي

abrar

08-29-2010, 08:58 AM

ياحلوكم يالبحرينيات حكيكم يهبل
الله يسهل علينا وعليكم

أم حماني

08-29-2010, 01:19 PM

صباح الظهر .. توني قاعده .. hwaml23

حروف عاشقة

08-29-2010, 01:53 PM

صباح الأنوار يا أم حماني وأنا بعد توني قاعدة

حروف عاشقة

08-29-2010, 02:09 PM

صباح الأنوار يا أم حماني وأنا بعد توني قاعدة

حنين للماضي

08-29-2010, 02:43 PM

السلام عليكم

هلا والله بحبايبي

شخباركم

حروف وشمس وين انتو ماتبينون

حبيبتي شمس استانسي ترى اغراض البنات يهبلون والوحدة ماتحتار شنو تاخذ

بنت الأياويد

08-29-2010, 02:57 PM

صبااااح الظهر ، في احد اهني ولا هدوووء وسكووون

حروف عاشقة

08-29-2010, 02:59 PM

هلا حنون
أنا بخير الحمد الله والله كل يوم أدخل أتابع سوالفكم بس المزاج متقلب والنساة للحين ملوعة جبدي ، شريت أغراض البيبيات إن شاء الله يعتدل المود وأنزل لكم الصور

دوحة الأمل

08-29-2010, 03:10 PM

مساء الورد
شلونكم حوااامل ؟؟
أبي ادردش ؟بس شكله محد من الحوامل موجود,,,,

شمس الصباح

08-29-2010, 03:10 PM

السلام عليكم

هلا والله بحبايبي

شخباركم

حروف وشمس وين انتو ماتبينون

حبيبتي شمس استانسي ترى اغراض البنات يهبلون والوحدة ماتحتار شنو تاخذ

صباح الخيررررررررر توني قاعده من النوووووووووم شحلاته بعد تعب الليل

شخبارج اختي حنين الماضي وشخبار الحمل معاج

انا بخير هالأيام اللي طافت كانت يا المزاج مو رايق او هياته مع زوجي

بنت الأياويد شلونج

ام حماني شلونج

بنت الأياويد

08-29-2010, 03:17 PM

الحمدلله بخير فديتج انتي شلونج ، وينكم انخشيتوا وروز شكلها خلاص مابدش من رجعت شقتها

شمس الصباح

08-29-2010, 03:30 PM

بنت الأياويد بسئلج سؤال
احس بالم من صار لي 20 اسبوع هل انتي صار لج نفس الشي لاني قاعده احاتي وخايفه

بنت الأياويد

08-29-2010, 03:32 PM

الم في بطنج يعني؟ ولا شنو؟

شمس الصباح

08-29-2010, 03:37 PM

لا الم في اسفل الظهر

بنت الأياويد

08-29-2010, 03:38 PM

يصيدني في ظهري ويصيدني في بطني بس مو وايد يبيلج تريحين يمكن انتي ماتنبطحين وايد

بنت الأياويد

08-29-2010, 03:40 PM

يمكن فيج ولد شمس الصباح ؟ لان الولد الالم كله يصير في الظهر عكس البنت انا الالم كله تحت بطني واحس بثقل

شمس الصباح

08-29-2010, 03:43 PM

من ليلة الجمعة طقيتها تسوق من مجمع مارينامول الي انصار جاليري رحعت البيت الساعه 12حسيت بعدها بالم في ظهري اكثر شكلي بحاول ارتاح ما فيني شده للنزيف

بنت الأياويد

08-29-2010, 03:53 PM

ترى المشي لنا الحين واحنا بهالشهور مب زين واايد تهلكين روحج حاولي تريحين لاتروحين السوق وايد او تمشين السيارة وايد

شمس الصباح

08-29-2010, 04:05 PM

لا من حملت ما احب اسوق السيارة وايد وطلعاتي كل مع زوجي بس اظاهر تعبت نفسي وايد في التسوق لاني لفيت معظم المحلات متخرعه خخخخخخ من زمان ما تسوقت جدي

بنت الأياويد

08-29-2010, 04:08 PM

لا حاولي تريحين روحج وماعليج الا العافيه ، انتي ماقالولج شنو فيج؟ بنت ولا ولد؟ بس اهو الولد كله يضرب في الظهر الالم

شمس الصباح

08-29-2010, 04:14 PM

قالو لي بنت

شمس الصباح

08-29-2010, 04:21 PM

الحين بروح اريح قبل لا ادخل المطبخ نشوفكم بالليل

بنت الأياويد

08-29-2010, 04:22 PM

حلوين البنات فديتهم شنو بتسمينها؟ انا امس شريت لها من مذركير بس 3 اشياء وحدي مستانسه عليهم

أم حماني

08-29-2010, 04:50 PM

احم احم ....................

حبيبي

08-29-2010, 05:03 PM

هلا ام حمني وبنت شخباركم
وشنو فطوركم

أم حماني

08-29-2010, 05:13 PM

هلا هلا اختي ... احنا بخير الحمدلله ... انا سهرت وايد واليوم كله دايخه ابي اناااااااااااااااام

أم حماني

08-29-2010, 05:15 PM

انا مادري عن الفطور والله .. ما ادخل المطبخ

حبيبي

08-29-2010, 05:15 PM

ليش اسهرين هشهر نامي دئما وريحي وراكي سهر وتعب والبيبي اصياح وما يخليكي اتنامين وضيوف رايحه جايه فرصه هالكم يوم الباغين لك ترتاحين

حبيبي

08-29-2010, 05:17 PM

وكيف تفطرين انا سويت صالونه مدري انتو شنو اتسمونها امرقه يمكن
وشوربه عدس وكنافه وسمبوس ومهلبيه وسلطه روب بلخيار

أم حماني

08-29-2010, 05:17 PM

ماتدرين يمكن اعود نفسي ع السهر ... لانه انا نومي كريه .. اذا دق النوم باب عيني ما في شي يرجعه ابد هههههههههههههههه .. دام اني بيت اهلي .. امي واختي بيساعدوني شوي بس انا برضع وبرقد والباقي عليهم ههههههههههه

أم حماني

08-29-2010, 05:18 PM

احنا نسميها صالونة بعد هههههههه .. بس احنا لازم ثريد ,, ماناكل الصالونة جذي

حبيبي

08-29-2010, 05:20 PM

لا امك واختك بينشغلون بفطور رمضان وترتيب البيت للضيوف والبيبي عليكي والرضاعه بسرعه يجعون ما يخلونك تنامين ساعه متواصله يعني نامي وريحي والبيبي شغلك

حبيبي

08-29-2010, 05:21 PM

اي حتى نحنا ثريد طلعتو مثلنا هههههههههه

أم حماني

08-29-2010, 05:24 PM

تصدقين امي روح قلبها انها تروح الحسا ... الحين انا ماسكتها عن الروحة ولا اهيه تستغل اي فرصه عشان تروح حتى لو يومين وترجع ,,, تحب صديقات خالتي .. سوالفهم حلووووووووة

حبيبي

08-29-2010, 05:28 PM

وين خالتك ساكنه بلحساء
ههههههههههههه وامك سلمي عليها مدام اتحبنا خليها تجي حياها الله
وانتي جيتي الحساء

أم حماني

08-29-2010, 05:30 PM

ماعرف اسم المنطقه بس قريب شوي من بقلاوة كتكوت ... انا ييت من قبل اكثر من مره بس صار لي فتره مارحت ,,, اعيال خالتي كبار ومارتاح اذا اروح هناك

حبيبي

08-29-2010, 05:32 PM

يمكن خالتك في الهفوف او لمبرز
غريبه متجين الدمام كل ابحارنه اهناك اشوفهم يتسوقون

حبيبي

08-29-2010, 05:33 PM

وانا زوجت خالي بحرانيه بس مدري من وين في البحرين بضبط
انا اجي البحرين في السنه مره

أم حماني

08-29-2010, 05:34 PM

قصدج تقولين بحرينيه .... ههههههههههههه

حبيبي

08-29-2010, 05:39 PM

ههههههههههههههه غلطت بلحروف ولا شنو

بنت الأياويد

08-29-2010, 05:40 PM

مرحبااااااااااااااااااااااا ، شخباركم ام حماني كلش اليوم متخثولة شكلج ههههههههههه ، (حبيبي) خاطري اجرب شوربة العدس كيف تسوينها؟

أم حماني

08-29-2010, 05:43 PM

هلا اختي بنت الاياويد ,,,, اي اليوم حدي مادري اشفيني حتى امي مستغربه مني
شوربة العدس حبيتها من جربتها في تركيا ,, اما في البحرين ما عجبتني في اي مطعم

بنت الأياويد

08-29-2010, 05:46 PM

ابي اسويها في البيت انا احس مايبيلها شي ، شغالة اختي تسويها شحلوها تطلع بس وين اسألها لان في السعودية اهمه

حبيبي

08-29-2010, 05:48 PM

شوربه العدس الطريقه زيت زيتون وتحطين بصل شرئح وبطاطس مكعبات وطماطم شرئح وثوم
والبهارات والملح حسب الرغبه
اتحركينهم على النار اشوي لحد ميتحمر البصل وضيفين العدس وملعقتين شوفان
وضيفين الماي على حسب كميه العدس الي انتي امسويتها انا وزوجي كاس عدس
واذا نضج العدس اطحنينها في الخلاص الكاس وترجعينها بجدرها وتركبينها اذا ثقيله زيديها ماي واذا لا ناعمه خلاص صخنيها وبلعافيه

أم حماني

08-29-2010, 05:50 PM

المقادير

http://alharary.com/vb/imgcache/35979.imgcache.jpg

كوب عدس أحمر مجروش
4 أكواب ماء
عدد 2 مكعبات ماجي
حبة واحدة من البطاطس، والجزر
4 حصوص ثوم،
بصلة واحدة حجم وسط
ملح فلفل أحمر، ونعنع
ملعقتا زبدة.

الطريقة
ينظف العدس ويغسل جيداً.
يتم تقطيع البطاطس والجزر والبصل والثوم إلى قطع صغيرة.
يوضع العدس في وعاء على النار مع الماء ثم يضاف البصل والبطاطس والثوم والجزر.
يترك على النار وحين يبدأ بالغليان تضاف مكعبات الماجي
هنا يمكن إضافة ملعقة كبيرة من صلصة البندورة وهذا سيعطي الشوربة طعماً مميزاً
لا تنسوا تحريك الشوربة باستمرار أثناء وجودها على النار.

http://alharary.com/vb/imgcache/35980.imgcache.jpg

بعد أن ينضج الخليط، يضاف اليه الملح والفلفل الأحمر ويخلط في الخلاط الكهربائي ثم يعاد إلى الطنجرة.

http://alharary.com/vb/imgcache/35981.imgcache.jpg

في هذه الأثناء نضع الزبد في المقلاية على نار هادئة
يضاف النعنع وبعض الصنوبر إلى الزبدة إن رغبتم
يقلب هذا الخليط لنحو 3 دقائق ثم نقوم بصبه على الشوربة.
وأخيراً نضع الطنجرة على النار لنحو 3 دقائق حتى تبدأ بالغليان فتحرك قليلاً وهكذا نكون إنتهينا http://alharary.com/vb/images/smilies/smile.gif

http://alharary.com/vb/imgcache/35982.imgcache.jpg

http://alharary.com/vb/images/smilies/smile.gif جربوها وأتمنى ان تعجبكم وصحتين وألف هنا على قلوبكم http://alharary.com/vb/images/smilies/smile.gif

</B></I>