ديوانية حوامل البحرين

[أم زهـور]

سلام عليكم شخباركم ؟؟

مبارك عليكم الشهر

[أم حماني]

هلا ام زهور وعليكم السلام ورحمة الله
مبارك علينا وعليج ان شاء الله

[أم زهـور]

ها شخباركم مع الصيام والحمل ؟؟

انا احس نفسي كلش تعبانة بس بعد بواصل ان شاء الله
الجوع اليوم ذابحني ههههههه

الله يساعدنا ويصبرنا ويعطينا الأجر والثواب

[أم زهـور]

الليلة امقرره اني اطلع اتسوق مع زوجي من حملت للحين ما شريت لي شي ههههه

والله يساعدني على التعب احس نفسي ما اقدر امشي وايد

[أم حماني]

اي طلعي غيري جوو
انا احس الحمدلله الله مخفف علي ... الله يعينا ويتقبل منا

[rose soul]

روز سول
الله يعينج بس لاتضغطين على نفسج لاتنسين في بيبي يبي ياكل مسكين
اذا رحتي موعدج الياي .. سألي الدكتورة اذا يصلح لج الصيام ولا في مضره


موعدي متأخر
عقب العيد
19-9

[rose soul]

انا لحين ماحب اطلع في السيارة
من حملت يمكن مرة وحدة طلعت وندمت ههههه
ولا شريت لي ولا شي من حملت

[أم حماني]

والله يا اختي انا خايفه عليج ... صح الوحدة تبي تصوم ومب شي انتي تفطرين والناس كلها صيام ... شوفي هلموضوع

http://forum.hwaml.com/t749.html (http://forum.hwaml.com/t749.html)

[rose soul]

اي قريته هالموضوع
انا بنهاية الثالث
عقب اسبوع وشي راح ادش الرابع
بس اذا حسيت بتعب اكيد راح افطر

[أم حماني]

الله يستر عليج ان شاء الله ويحفظج ويحفظ حملج ويحفظ البيبي

[rose soul]

الله يسمع منج ان شاء الله
فديتوووووووج
^_^

[أم حماني]

روز سول ... بتطبخين فطورج ولا بتتفطرين عند اهلج ... ؟؟ انا مسكين ريلي يخلص دوامه من وقت في رمضان واتصل يبي ياخذني .. بس انا ماتخيل اتفطر في مكان غير بيت ابوووي
ولا احب فطور اي احد غير امي ,,,, هاي اول رمضان لي وانا متزوجة ... العام كنت مخطوبة بس ماعرف شلون بتأقلم .. هالموضوع وايد محيرني

[rose soul]

لا انا في بيت اهلي
فبيكون فطور عندهم

انزين اقترحي عليه يتفطر معاج...علشان مرة وحدة ما تتفطرين الا بطباخ امج
ههههههه
شرايج

[بنت الأياويد]

صباح الخير شخباركم مع الصيام ، انا كله منبطحة وارقد لي شوي لان مابي احس بتعب مافيني شدة

ام حماني جنج تتكلمين عني انا جذي اول سنة لي رمضان وانا متزوجة وماقدر طبعا اطبخ وبالاحرى للحين ماتعودت اطبخ عدل ، ومب حابة اني اتفطر في مكان غير بيت امي لان متعودة على طباخها الحين مفكرة اني العصر اخليه يوديني بيت امي

خاطري اسوي شوربة في احد عنده طريقة سهلة وحلوة؟

[rose soul]

صباح الانوار
شكلج قاعدة من الرقاد :p

مادري ماعندي فكرة عن الشوربات ههه
بس احس الشوربة ما يبي لها شي
ما شاء الله عليكم
تطبخون بعد
الله يعطيكم الصحة والعافية

[أم حماني]

هههههههههههه اشوة مب بس انا .. بس احساس كرريه ...

انا الشوربة اللي كله اسويها شوربة اليزر والطماط .. حلوة وسريعه
اطحن الطماط في الخلاط وابشر اليزر .. بعدين اخلي الطماط يطبخ واحط عليه اليزر وتقدرين تحطين دياي مفيوح ومقطع ... وتحطين الشوفان وبعدين الماجي وملح وفلفل اسود ,,, تطلع حلوة وفيها حموضه شوي بسبب الطماط

[أم حماني]

والله شهيتيني عليها .. خاطري اسويها بس امي الله يحفظها ماترضى تخليني ادش المطبخ ... وبعدين تقعد تقول لي والله احنا كنا بالشهر التاسع ونربي اعيالنا ونطبخ ونغسل الثياب وانظف بيوتنا ,, والله ماعرفنا لهم ... يدلعونا بعدين يعيبون علينا ههههههههههه

[بنت الأياويد]

اف ان كريه الاحساس ، عيل شبتسوين ام حماني اليوم وين بتتفطرين؟
مشكورة بنجربها اليوم بنشوف

[بنت الأياويد]

نفس كلام امي بالضبط اتقولي حتى بداية الشهور في الحمل تقول قبل عايله ابوج شكثرهم ماشاء الله وكنت اخم واطبخ واشيل الجدور مب انتوا الحين ولين اقولها بسوي شي لا مالج سالفة ارتاحي

[بنت الأياويد]

امي يوميا الله يعطيها الصحة والعافية تسوي شوربة حب هريس لكن صج ماشاء الله شوربة لذيذة انا وايد مستانسة في رمضان الله يقدرنا ان نصوم الشهر كامل يااارب ، ادعي من ربي والله الله يخفف علينا ومانحس بتعب

[أم حماني]

انا قلت لكم من قبل .. الاسبوع كله بيت ابوي بس بالويك اند اروح معاه ... بس المشكله الحين صار يرجع من وقت من الشغل .. يعني وحدة مخلص قبل يخلص العصر ... اليوم اتفقنا اتفطر بيت ابوي واهوة بيت ابوه ونروح التراويح نصلي وعقب بيوديني اي مجمع امشي.. بس عقبها مابيرجعني بيت ابوي لانه ويك اند خلاص .. بروح معاه وبتفطر معاه باجر واللي عقبه اهيء اهيء اهيء ,,, اهمه طباخهم حلوو بس المشكله عندهم ازمة انه الخدامه سوت لها دقه قبل رمضان وسفروها وانا استحي اكل وما اسوي شي .. فشيله وريلي مستحيل يرضى اسوي اي شي ,,, بقترح عليه نروح نتفطر عند وحدة من خواته ,,, الله يعدي هاليومين على خير

[بنت الأياويد]

الله بيعديهم ان شاء الله على خير ، انزين على الاقل سوي نفسي شيلي الصحون عقب ماتخلصون وخلاص انج سويتي شي

[أم حماني]

اهل ريلي وعليه وايد طيبين ...مابيخلوني اسوي شي اصلا ومافي الا حماتي وحدة اهيه اللي تطبخ وتغسل وكل شي ...يعني انا اتفشل وايد حزتها,, انا خليت امي تسوي سمبوسه ,, عشان اوديها معاي ... تخف الفشله شوي هههههههه ,,,

[أم حماني]

فاصل ونواصل

[حنين للماضي]

ام حماني اني احب الطباخ وبصراحة زوجي كله يقول لاتطبخين وارتاحي
بس اني احب اسوي حركات يعني
اليوم سويت بيتزا خضرة بالمرتديلا
ان شاءالله تطلع اوكي
بيت جيرانه جابوا ورق عنب خاطري فيه عدل

[شمس الصباح]

يعني جدي هاااااااااااااااه hwaml4

محد سئل عني ولا افتكر فيني غبت لي ثلاث ايام hwaml5

كنت مريضة hwaml10

الله يسامحكم

[بنت الأياويد]

صباح الخير شخباركم عقب اول يوم صيام انا اول ماتفطرت وايد تعبت دقات قلبي قامت تدق بسرعه تقريبا ساعة وشي والياهل ماشاء الله يتحرك بسرعه شكلها كانت يوعانه وياها الاكل بس وايد خفت ماخف علي الا يوم شربت شوي ماي ورد وماي زمزم وان شاء الله اليوم يخف

[rose soul]

السلام عليكم
شخباركم اليوم
؟
احس اليوم طويل على ما يأذن المغرب...بطني يعورني يبي ياكل هههه
بس احمد ربي ان الله مصبرني ومخفف علي
واحس النساة شوي شوي تروح
الحمد لله لك يااااااارب

[rose soul]

شمس الصباح سلامتج عمري
ماتجوفين شر
ان شاء الله في عدوينج

[حنين للماضي]

ماجوفين شر اختي شمس
وبصراحة حسينا بغيبتش
ومو معناته اذا ما كتبنا شيء ان انتي مو في بالنا
عسى ربي يعافيش ويبعد عنش كل سوء
أختي شمس عرفتي جنس الجنين؟؟؟
وبما تنتي نفسي بالضبط بطنش كبير لو عادي؟
لأن بطني شوي صغير وخايفة نوعاً ماhwaml85

وعلى طاري ام حماني لاحظتوا اختفت من راحت لزوجهاhwaml02

بقوم اسوي جيز كيك خاطري في عدل

[rose soul]

حنين للماضي
انا بعد بطني صغير
ولا جني حامل اصلا
عقب اسبوع بدش الرابع


وام حماني من تروح مع الريل تختفي ههههه

[rose soul]

شهيتيني في الجيز كيك

[شمس الصباح]

شمس الصباح سلامتج عمري
ماتجوفين شر
ان شاء الله في عدوينج

ما تقصرين حبيبتي والشر ما يجيشhwaml7 شكرا على الرد والسؤال

[شمس الصباح]

ماجوفين شر اختي شمس
وبصراحة حسينا بغيبتش
ومو معناته اذا ما كتبنا شيء ان انتي مو في بالنا
عسى ربي يعافيش ويبعد عنش كل سوء
أختي شمس عرفتي جنس الجنين؟؟؟
وبما تنتي نفسي بالضبط بطنش كبير لو عادي؟
لأن بطني شوي صغير وخايفة نوعاً ماhwaml85

وعلى طاري ام حماني لاحظتوا اختفت من راحت لزوجهاhwaml02

بقوم اسوي جيز كيك خاطري في عدل

هلا خيوتي مشكور على السؤال اي الحين الواحد يقدر يفرح اشوي في ناس تسئل عنه hwaml13

لا بطنى زين ما يبان بالعبايه بس اتعمد بالبيت البس سبورت ضاغط ابغي اطلع غصب بطني

بس انتي بكرية عادي يصير بطنك صغير في البيبي الثاني يصير اكبر وفي ناس يكبر بطنهم مرة وحده في السابع

على طاري جنس البيبي ان شاء يوم السبت بعرف لان عندي موعد في الخاص ويوم الأحد في المركز الصحي بس ان شاء يبان مشتاقه وايد اني اعرف خاطري اروح اشتري ملابس صغيرونه

[شمس الصباح]

انا من ادخل المنتدي ما الاقي احد واليوم حملت اللاب توب معاي المطبخ قلت يمكن اصيد وحده في الديوانية قاعده ادردش معاها

بس اظاهر ما في احد

[شمس الصباح]

بروح اسوي حلا للفطور

[rose soul]

عدنـــــــــــــــــــــــا هل من مجيب
^_^

[حنين للماضي]

هلا حبايبي
يلا شمس اعترفي شنو طبختي اليوم؟؟؟
وان شاءالله تعرفين جنس البيبي وتفرحين

حبيبتي روز شكلنا كلنا نفس الحالة يمكن نفس ما قالت شمس لأن بكريات
وعلى طاري جيز كيك ترى حده سهل
اذا ماتعرفين خبريني بقول ليش وسوي
لا يصير في البيبي شامه وتحطين اللوم عليhwaml02

[الفتاة الذهبية]

هاي كروشات شخباركم ؟؟

امس رحت موعدي سوري ما دشيت امس عشان اطمنكم

سمعوني نبض البيبي وقاسوو بطني وجيكو الضغط والوزن
وجيكو ابوال عشان يتأكدون فيني التهاب او لا وجيكوو دمي
طلع دمي ناقص كان 13 وصار 10.6 وقالوو لازم الموعد الجاي
دمي يكون اوكي عطوني شنو الاكلات الي ترفع الدم ؟
عطوني حبوب فوليك و حديد

[rose soul]

حنين للماضي فديتج هههه
لا انا ما اطبخ...لحين مافيني شدة على ريحة المطبخ والاكل هههه

الفتاة الذهبية
هذي ثاني موعد لج مو؟
يعني انا بسون لي جذي عقب شهر
انا بعد اول موعد دمي ناقص
وقالو لي كثري من السلطة والتبولة ترفع الدم والجبود بعد

[أم حماني]

السلااااااااااااااام عليكم ,,, شخباركم وحشتوووووني .... انا من ييت هني وجابلت الريل ماقدر ادش الديوانيه .. بس قلبي معاكم والله ... الحين استغليت شوي انه طلع يجري وقلت بدش اتطمن عليكم واطلع ,,, شمس الصباح حبيبتي ماتشوفين شررر وسامحينا ع القصور .. و روز وناسه خفت عنج النساة ... ان شاء الله تروح خير شررر وترتاحين .. الفتاه الذهبيه في حبوب غير الحديد مال المركز اسمه تريديفيرون ... كرتونه ابيض و وردي والحبة لونها فوشي .. بس روعه يرفع الدم بسرعه ولايسبب امساك مثل الحبوب الاحمر مادري شسمه مال المركز ... انا اول شي قالت لي عنه دكتورة اعرفها وبعدين المركز عطوني اياه يقولون يجربونه واذا نفع مع الحوامل بيغيرون حبوب القديم به .. انا كان دمي تسعه وعقب ماستخدمته وصل ماشاء الله 12 ... ميزته انه يمتصه الجسم بسرعه .. بس لما تاخذين حديد حاولي تاخذين معاه عصير برتقال او ليمون ... ولاتشربين حليب او شاي ولاتاخذين اي شي كالسيوم لانه الكالسيوم يمنع امتصاص الحديد ... المهم حبيباتي الحين بروح قبل لا يوصل الحبيب .. ع فكره حنين وحشتني سوالفج .... يالله نشوفكم على خير ان شاء الله واذا دخلت حروف عاشقه وبنت الاياويد سلموا عليهم وايد ... وسامحوني اذا نسيت احد بس اكتب بسرعه بسرعه ههههههه عشان بروح اتسبح قبل الفطور .. عشان اذا ترست دبتي بعدين بصير ثقيله ... اليو بروح سوق المنامه المسقف اليديد عشان امشي هناك ... كل يوم اروح امشي مكان ... برنامج عن الملل هههههههههههه

الله يحفظكم خوووووواتي ويسهل حملكم ويحفظكم بيبياتكم من كل شر وسوء

[الفتاة الذهبية]

حنين للماضي فديتج هههه
لا انا ما اطبخ...لحين مافيني شدة على ريحة المطبخ والاكل هههه

الفتاة الذهبية
هذي ثاني موعد لج مو؟
يعني انا بسون لي جذي عقب شهر
انا بعد اول موعد دمي ناقص
وقالو لي كثري من السلطة والتبولة ترفع الدم والجبود بعد

اي هذا ثاني موعد لي وقالت لي تحتاجين حق ترساوند
بس مب الحين وعطتني موعد بعد العيد
اي يعني انتي بعد موعدج الثاني بيسون لج جذي

انا اول موعد لي ما كان دمي ناقص ثاني موعد قالو لي ناقص

[rose soul]

أم حماني انتي اللي لج وحشة اليوم
الله يحفظج ويخليج
اي والله زين المشي...كثري فيه هالشهر...عسى الله يسهل ولادتج بحماني

[الفتاة الذهبية]

انا اسم الحديد الي عاطيني اياه ferrous gluconate
ولونه بنفسجي مب فوشي

[rose soul]

صج حبوب الحديد كبار؟؟
انا زين مني ابلع حبوب فولك اسد هههه
هاي بالغصب تعودت عليه

[ام يساف]

هلوو

متباركين بهالشهر حوامل

اني بموت من الصيام كلش مافيني شده

و علاوي مو راضي يطلع

المواعيد اللي عاطيني وياهم

الخاص 15

السلمانية 16

والمركز 19

يعني على سبوع الجاي لين الله كتب ببشركم بولادتي

ادعو الله يسهل عليي و على الكل

شخباركم انتون ويه الصيام ؟؟ دايخين مثلي ؟؟

[rose soul]

ام يساف
الله يبارك علينا وعليج يا رب

والله يسهل لج بفضل هالشهر الكريم...وتبشرينا بولادتج
خلاص بتفتكين ان شاء الله...وبعد كل هالتعب ان شاء الله ترتاحين

اما بخصوص الصيام لازم فيه تعب
بس نتحمل...الله يصبرناhwaml02

[rose soul]

شدعووووووووووووة
هدوء تام اليوم
لا حس ولا خبرر

[الفتاة الذهبية]

روز سول

حبوب الحديد اكبر من الفوليك خخخخ

الله يساعدج

[الفتاة الذهبية]

ام يساف
الله يسهل عليج يا رب
وتبشرينا بولادتج

[الفتاة الذهبية]

كروشات وينكم اليوم الديوانية صايرة هدوء
ما فيها احد امممممممممم
يالسة ابلع مقطعه لي جزر وخيار وبرتقال وتفاح
بس شكلي ما بكمل الصحن لانه تقريبا شبعت

[ام يساف]

يؤؤ كل نايمين

[rose soul]

السلام عليكم حوامل
شخباركم
؟
لاتقولون لي كله نووووم في رمضان ههههههههه

[حنين للماضي]

السلام عليكم
شخباركم حبايبي
امس مامداني ادخل وأسأل عنكم
بصراحة اني اليوم حدي جوعانه وكلحين اجي طبخة في بالي واتحسر عدددل
ام حماني قربت لحظة الوعود هاا
ام يساف عسى ربي يسهل عليش ويطلع علاوي ويلبس بدلة العيد بإذن الله
أني المركز عاطيني حبوب يخوف الحبة كبيرة شوي وفيها الوان نسيت اسمه
بصراحة اذا ابلعه تطلع روحي

[أم حماني]

السلااااااااااااااام عليكم

أنا رجعت .... وين الحلوووات؟ hwaml83

[شمس الصباح]

شخباركم بنات البحرين وحشتوني قلت استغل الوقت ابو لعيال طلع ادخل اسلم

شخبارش ام حماني واختي حنين وام يساف وكلكم

اليوم عرفت جنس البيبي ومن رجعت من المستشفى من الصبح وحدي متشققه خخخخ

بكره بعد عندي موعد في المركز الصحي والله يستر لاني ما ابغي اخذ من ادويتهم شي

واشوفكم بكرة تصبحون على خيرhwaml7hwaml7hwaml7

[أم حماني]

هلا وغلا اختي شمس الصباح
قلبي حاس انه قالوا لج بنت

[أم زهـور]

سلام عليكم كروشات شخباركم ؟؟ وشخبار الحمل معاكم ؟؟

حنين الماضي والله نفس حالتي أنا بعد طول ماني صايمة واني في بالي ألف طبخة وطبخة متحسرة عليها

وعاد وقت الفطور ما آكل الا شوي و اموووت من الثقل والضيقة وبعد الفطور لازم استرخي لي ساعة ساعة وشوي على السرير وبعدين يبدي الجوع وآكل اشياء خفايف اجباس او فواكه

وعلى السحور ضروري ضروري اللبن احسه وااااااايد يخفف علي العطش يوم ثاني

[أم حماني]

الله يعينا على الصيام ... الله يغفر لي عيني كله ع الساااعه .... اوصل لدرجة احس بيغمى علي

الله ياجرنا ويساعدنا

[أم زهـور]

نفس الحالة أم حماني ههههههههه

أنا بعد طول النهار عيني على الساعة واحسب جم باقي على الأدان

الله يعينا ويعطينا الأجر ان شاء الله

[أم زهـور]

خاطري في شعر بنات وصبار حااااااااامض

[أم حماني]

هههههههههههههههههههههه ,,,,, خلي احد يشتري لج لا يطلع في البيبي

[أم حماني]

انا بدخل بعدين ...

[أم زهـور]

الصبار مو أوانة الحين اهئ اهئ اهئ اهئ hwaml79hwaml80hwaml03

[أم زهـور]

أوكي حبيبتي الله وياج ..

[حروف عاشقة]

سلام عليكم كلكم أول شي ابارك لكم بالشهر الفضيل الله يعودنا عليه بالخير واليمن والبركااات

وقبلااااتي الحارة لخيوتي أم حماني وخيوتي حنين لانهم ما نسوني واني بعد ما نسيتهم بس قاسيت خلال هل الفترة إلي راحت احسها طلعت من روحي ..

مو اني قلت لكم اني طحت على بطني بس طمنوني انه كل شي تمام وصار موعدي في العيادة ورحت في أول يوم شهر رمضان وطمنتني بعد الدكتورة وسألتها ادا اقدر اصوم او لا قالت عادي تصمومين المهم ما بطول عليكم رديت البيت وبدخل اسبح وارد اطيح بس هذه المره الطيحة جايدة حسيت جسمي كامل تكسر فما بالكم البيبيات بس ما رحت المستشفى دايركت لاني كلش ما اقدر اتحرك وزوجي مسكين تعب معاي عشان يوديني بس اني ما رضيت لانه اي احد يلمسني اقعد اصيح من الألم وامي خافت علي وطرشوا لي جدتي تعرف تمرخ وادلك الحامل مسكينة ما قصرت جت لي البيت ودلكتني عشان يخف علي الالم بس مثل الشي هذه الليلة كلش حسيت ظهري انكسر ويه ريولي ويااااني الليل على ونيني وصادني وسواس انه اليهال فيهم شي لا سمح الله لانه كلش ما فيه حركة قلت اكيد ماتووو بعيد الشر عنهم لصبح واني قاعده اوسوس اعوذ بالله من الشيطان بعدين قعدت زوجي وقلت له يوديني المستشفى من زود الخوف واني كلش ما اقدر امشي من الألم والثقل والخوف ولما شافوني جدي تعاطفوا وياي كل استاف التمريض والدكتور وكشف علي وقال عندش رضوض بليغة يعني اشد من الكسر بس عطاني مسكنات حقها وطلع معااااي إلتهاب حاد وقال برقدني بس قلت له اني صايمة ليقول من جدي معاش إلتهاب فقال لي لا تصومين لانه مو زين حقي لصيام وسوو لي تخطيط وأترساوند والحمد الله البيبيات تمام ويتحركون وراواني اياهم الدكتور الله يجزيه الخير طمني وراواني نبضات قلبهم عشان اطمن انه ما فيهم شي الحمد الله ،، والمفاجاة انه طلع واحد منهم صبي والثاني بنية يعني مو بنات ثنتين هني معني كنت اتألم قمت اضحك اقول شلون انقلب من بنت لصبي :) الحمد الله نعمة .. وعشان يخوفني الدكتور ويبيني احاسب اكثر يقول لي هذه طيحتين في سبوع بعد ادا طحتي مره ثانية سيدة بولدش p: ...

بعد مو بيدي ما اشوف روحي إلا بالأرض من زود الثقل ،، يالله الحمد الله على كل حال ،، ادري طولت عليكم بالهدرة بس ويش اسوي اليوم شفت روحي اشوه واقدر اتحرك قلت ادخل عندكم وافضفض ..

[الفتاة الذهبية]

ما تشوفين شر يالغالية
بس عاد حاسبي ترى مب كل مرة تسلم الجره
الله يحفظهم لج والي ايي من الله حياه الله

[أم حماني]

امبيه حروف عاشقه .... شالسالفه ؟؟؟؟ اسم الله عليج ... والله مو عارفه شقول ... سلامتج اختي ,,, وياريت تقرين على نفسج المعوذات ... لاحول ولا قوة الا بالله
انا من اختفيتي قلت الله يستر ... بس الحمدلله ... الله قدر ولطف .. اهم شي البيبيات مافيهم شي .. و وناسه طلع بنت و ولد ... الله يخليهم لج ولابوهم ان شاء الله وانتي خلي بالج اكثر والله يحفظج

[أم زهـور]

يا قلبي ما اتشوفين شر يالغالية
عن جد ضجرتيني عليج

تحملي بنفسج زين ولا تتحركين ولا اتسوين اي شي في البيت اهم شي صحتج وصحة البيبيات
حاولي يومياً تقرين عليج المعوذتين وآية الكرسي ودعاء الحفظ

الحمدلله على سلامتكم ،، وما اتشوفون شر ان شاء الله

الله يثبت حملج ويتمم لج على خير واتشوفين بيبياتج في حضنج بكامل صحتهم وعافيتهم ان شاء الله

[أم حماني]

تصبحون على خير

[دنيتى غريبه]

سلام عليكم كل عام وانتم بالف خير رمضان كريم ينعاد عليكم

دعونا نسترجع ماضي طفولتنا الجميل لنقلب دفتر ذكرياتنا

http://forum.hwaml.com/t25580.html

[ام يساف]

ها شابات .. شحالكم ؟؟؟

ما ادش الا اذا الكل نام هع

ههههههههههه بكره عاطيني موعد ولادتي

شكله ما في خبر ولا شي

الله يستر

بطول في النومة علشان اخذ بوور في حال سواها صدق باجر و طلع

موفقييييييييييييييييييييين

[بنت الأياويد]

السلام عليكم ، شخبارركم ، مسامحة ماقدرت ادش وايد في رمضان لان كله منبطحة وتعبانه حالتي حالة بس بعد معاندة الا ابي اصوم رمضان كله
وعلى سالفة الصبار الحامض ترى كل حامل يصير خاطرها فيه انا بعد تنسيت فيه وماكان اوانه
ام حماني شخبارج مع الصيام ؟

[أم حماني]

صبااااااااااااح الخيررر

[أم حماني]

السلام عليكم ، شخبارركم ، مسامحة ماقدرت ادش وايد في رمضان لان كله منبطحة وتعبانه حالتي حالة بس بعد معاندة الا ابي اصوم رمضان كله
وعلى سالفة الصبار الحامض ترى كل حامل يصير خاطرها فيه انا بعد تنسيت فيه وماكان اوانه
ام حماني شخبارج مع الصيام ؟

وعليكم السلااام اختي ,,,, انا بخير الحمدلله... سلامتج من التعب ... انا في الليل اكل رطب وايد او تمر عشان يعطيني طاقه لثاني يوم ,,,,

[أم زهـور]

أم يساف ،، الله يسهل عليج وان شاء الله تولدين الليلة بإذن الله ..

بنت الأياويد ،، عليكم السلام عاش من شافج .. والصبار قرررريب أوانه ان شاء الله

أم حماني ،، هلا بيج .. قصدج مساء الخير هههههههههه

[أم زهـور]

أنا ما أحب التمر ولا الرطب وزوجي امغربلني يأكلني اياه غصب زور ههههههه

بس من جى شهر رمضان للحين ما أكلت ولا مرة الحمدلله ههههه

[أم حماني]

ام زهور ,,,, ههههههههههههه توني قاعده عشان جذي عندي الوقت ليحين صبح وبعديت لازم تعودين نفسج ع التمر والرطب لانه فيهم ماده تسهل الولادة

[بنت الأياويد]

انا اول امس تعبت وايد والسبب اني ماكلت تمر على السحور انا متعودة لازم تمر ولبن اكتيفيا كثروا من التمر ترى صج يعطي طاقة
الله يسلمج يا ام حماني وعاشت ايامج أم زهور , اصلا رمضان مابقى شي ويخلص فقير واحنا نتحلطم من اول يوم ههههههههه

[أم حماني]

بنت الاياويد ...لا مانتحلطم ههههههههههههه ... بالعكس من مايحب هالشهر الفضيل وتونا ماصار لنا اسبوع الله يهديج .. ووين جرب يخلص ههههههههههههه ... انا اخاف اشرب اكتيفيا مادري ليش

[أم زهـور]

لين وصلت التاسع وقربت الولادة بعدين باكل منه ههههههههه

[بنت الأياويد]

ترى لبن اكتيفيا وااااااايد زين ادعي له كل حزة الي اخترعه ههههههههههه, لان من دشيت الخامس والحارج ذابحني مايخفف علي الا اهو وبس الحين حتى ريلي عودته عليه

[أم حماني]

انا تصدقين الحمدلله من ايام النساة نسيت الحارج والسبب يا اما حماني اقرع هههههههههههههههههههههه وقريت بموقع اذا راس الياهل نازل تحت بعد يخف الحارج والحموضه

[أم زهـور]

يالله نلقاكم على خير ..

[بنت الأياويد]

انا من تنسيت وايد احب الفلفل قالوا بتييبين اقرع واكره الحامض واخر شي طلعت بنت وماشاء الله الحارج مب هادني مايندرى شسالفة

[أم حماني]

يالله نلقاكم على خير ..

تو النااااس

[أم حماني]

انا من تنسيت وايد احب الفلفل قالوا بتييبين اقرع واكره الحامض واخر شي طلعت بنت وماشاء الله الحارج مب هادني مايندرى شسالفة


يصيد الحوامل وايد ... انتي تجنبي الاشياء الحاره والدسمه وعليج بالحليب البارد

[rose soul]

السلام عليكم
وحشتوووووني عدددددل

حروف عاشقة
انا من قريت سالفتج ... عورتي قلبي عليج ... حاسبي لروحج وتحملي بروحج عدل
ولا تنسين آية الكرسي
والله خوش طلعو بنت وصبي هههه
بعد تأكدي مرة ثانية يمكن يتغيرون هههه
علشان ما تتوهقين في اغراضهم بعدين
^_^

[أم حماني]

هلااا والله روز سول ..... شخباااااااااااااارج ...؟ hwaml84

[rose soul]

الفتاة الذهبية & حروف عاشقة & ام حماني &حنين للماضي & ام يساف & ام زهور & بنت الاياويد

شلوووونكم كلكم؟؟

[rose soul]

هلا والله ام حماني
اسأل عنكم...لأن مالكم حس
انتي شلونج ؟ شخبارج؟؟

[أم حماني]

انا الحمدلله بخير ... متعبني الثقل والتنفخ كأني بطه بس الحمدلله على كل حال

[rose soul]

الله يساعدج
يلا ما بقى شي ... شدي الهمة ...وعسى الله يسهل عليج
اليوم رجعتي بيتكم؟؟

[أم حماني]

اي رجعت اول امس في الليل ,,, وقلت له خلاص مابي اروح بيتكم مره ثانيه هههههههههههه
اتحجج بالدرري ... بس هاليومين ماحس تفطرت عدل .. غير كلش عن فطور بيتناااا .... الحين مسكين كل يوم اييني ... وشكلي اخر الاسبوع بينكسر خاطري عليه وبروح معاه ههههههه

[rose soul]

هههههه
وليش ما تتفطرين عدل في بيتهم؟؟

[أم حماني]

hwaml02 انا متعودة على اكل بيتنا .... وعلى طباخ امي الله يحفظها

[أم حماني]

بنت الاياويد ... وين اختفيتي ؟؟؟؟

[rose soul]

اي والله ما في على طباخ الام هههه

انا امي تبيني اروح المستشفى...تقول اكيد دمج ناقص...وكل مالي اختفي...وتقول من بيجفونج بيحطون عليج سيلان
لأن ما يتم شي في بطني :(
وانا من النوع اللي ماحب المستشفيات
بس سااعات اخاف من كلامها

[أم حماني]

سمعي كلامها و روحي .... انا امي نفس الشي كانت تجبرني اروح وانا اعاند ماابي .. اخر شي رقدوني لانه صادني جفاف

[rose soul]

شوي كلامها اثر فيني يمكن اروح اليوم بالليل

قاعدة اتابع مسلسل ليلة عيد في قطر
اسلي روحي شوي هههه

[أم حماني]

بسألج روز ... تعرفين احد او محل يسوي حق ضيافه ... انا ليحين ماحجزت شي حق ضيافه المستشفى ومب عارفه شسوي ومتى لازم اسوي الاوردر ,, خبرج ماتدرين متى تولدين

[rose soul]

مادري والله ماعندي خبرة
لو اعرف ما بخلت عليج
مافي من اهلكم احد يعرف؟؟اللي عندهم خبرة من قبل

[أم حماني]

لا ماعتقد .... انزين حبوبة ... بروح اصلي .. نشوفج ع خير بعدين

[rose soul]

تقبل الله
انا بعد بقوم الحين
نشوفكم على خير

[بنت الأياويد]

ام حماني انا اعرف وحده اتيي المستشفيات توجب الناس القهوة والجاي وهالسوالف اذا تبين باييب لج رقمها وماشاء الله عليها وايد حليوة وشرحه بنت عرب

[أم حماني]

ام حماني انا اعرف وحده اتيي المستشفيات توجب الناس القهوة والجاي وهالسوالف اذا تبين باييب لج رقمها وماشاء الله عليها وايد حليوة وشرحه بنت عرب


لا مب قصدي جذي ... خواتي بيقومون بالواجب مب مشكله ... بس اقصد الحلويات و الموالح

[الفتاة الذهبية]

هلا ام حماني لا ما اعرف
بس ما ادري اتوقع يمكن الحرز الي في سوق واقف يمكن يسوون توزيعات

[بنت الأياويد]

أها ، في محل في الرفاع وحده تسوي اسمها ملكة المنصوري بس حسافة ماعندي رقمها جان باعطيج اياه كلشي تسوي وماشاء الله زحمة عندها اذا تبين بوصف لج مكانها

[الفتاة الذهبية]

بنت الاياويد

لج وحشه

[أم حماني]

بنت الاياويد ... انزين عندج فكره متى اسوي الاوردر ... تعرفين ماتدرين متى تولدين ,,, وصفي لي محلها حبيبتي

[بنت الأياويد]

انتي اكثر تسلمين الفتاة الذهبية فديتج,يمكن قبل باسبوع مادري بس لو تسألينها احسن او تاخذين الرقم من البدالة , تدلين الرفاع عدل؟ جنج يايه من مجمع عبدالله ورايحة على بوكوارة؟

[أم حماني]

ادل بو كواره ... يعني اهيه في بوكواره ولا صوب مجمع عبدالله

[بنت الأياويد]

لا كنت ابي ادليج الدشة عيل تدرين شوفي بسهل عليج في اشارات تلفين يسار تدشين بوكوارة صوب البودي شوب بس قبل الاشارة في لفة يمين صغيرة تلفين هاللفة وامشي كله سيدة قبل لاتطلعين من اللفة بتشوفين مدرسة صبيان بس على اليمين بيتها مكتوب عليه اسمها

[أم حماني]

هلا ام حماني لا ما اعرف
بس ما ادري اتوقع يمكن الحرز الي في سوق واقف يمكن يسوون توزيعات

انا ماقصد التوزيعات ... اقصد الحلويات والموالح حق اللي يزورونج بالمستشفى او البيت

[أم حماني]

اي عرفت ... ماشاء الله تعرفين توصفين بس يعني اهيه تسوي بالبيت مب محل ,,,,؟؟ مكتوب ع البيت ملكه المنصوري؟؟

[بنت الأياويد]

اي مكتوب على البيت قبل لاتطلعين من اللفة مشاهدتج المدرسة جوفي يمينج , من صجج اعرف ادلي ولا تطنزين ههههههههههههه

[أم حماني]

ههههههههههههههههههههههه لا والله من صجي تعرفين تدلين ... انا احب الوصف جذي مختصر و واضح ... الله لا يراويج مروا علي ناس يوصفون يفرون خرايط راسج ويدخلونج لفه في لفه والمكان بسيط مايبي له شي ههههههه

[أم حماني]

اللي مبسطين في المنتدى صدناكم ... طلعتوا ماتطبخون شي حق فطوركم ههههههههههههههههههههه <<<< اولكم ام حماني

[بنت الأياويد]

اي انا هلون كله لين احد مضيع يسألوني يزعم النفيقيتر مالهم ههههههههههه
بعد اذا تبين اي شي قوليلي اذا ادل بساعدج ، سويتي توزيع حق حماني؟

[بنت الأياويد]

لايفوتج انا اليوم طابخه هههههههه الله يستر يقول ريلي اوه شكلي بسوي رياضة عقب اكلج شكله يطنز مايندرى ههههههههههههههه سويت الشوربة الي قلتي لي عنها الطماط واليزر بس مادري ليش صارت غامجه عاد انا شسويت رحت وزدتها اندومي الله يستر شبصير

[أم حماني]

يزعم قلت بسوي في البيت بروحي بس متوهقه متى احط الجوكليت لانه اخاف يخترب اذا حطيته من الحين ... وبعد متوهقه بالستاندات مابي اشتري لانه بعدين بيطيحون في جبدي

[أم حماني]

وي شلون صارت غامجه .... ؟؟ اهيه يصير لونها بطيخي جذي
لايكون حطيتي فيها صلصل؟؟

[بنت الأياويد]

لاتشترين أجريهم بخمسة دينار في اليوم اعتقد في محلات في بوكوارة من ورى بعد يأجرون ، بقولج لاتسوين بروحج ولاتعورين راسج شايفة توزيع شحلوه الحرز في سوق واقف بس مادله اي صوب ب30 جنه حاط تشكيلة جنها مصاصة وياها جوكليت ومادري شنو وايد راقي التوزيع ، وعندج محل صوب حلويات جناحي الرفاع اسمه (مري شوكولا) يسوون الكيك الصغار الحبة الوحده ب300 فلس بس صج فضيع

[بنت الأياويد]

عقب يوم شفتها هلون حطيت اندومي وصلصة يمكن لاني كثرت الفلفل الاسود احس هلون

[أم حماني]

اي قلت بسوي كب كيك عند ميري ونظامهم حلو حق ولادة تسوين اوردر اون كول on call يعني تدفعين لهم ومتى مارحتي ولادة بس تتصلين لهم ويجهزونه ... بسوي حق التوزيع مب للضيافه بعدين الشغلات الي بسويها للتوزيعات بسيطة واستانس اذا سويها وبالمره اضيع وقتي ... ترى صج كلام اللي قالوا الشهر التاسع اطول شهر بالحمل ... وبخصوص الستاندات زين المحلات يأجرون ... بروح اجيك عندهم

[أم حماني]

الصلصل يسوي الشوربة غامجه والفلفل بيسويها حاره خخخخخخ

قولي لنا النتيجه بعدين ... يالله بروح اجابل الفطووور مابقى شي

[بنت الأياويد]

خلاص نتلاقى بعدين لين صار جانس واذا مادشيت يعني اشكره صادنه تسمم من الطباخ ههههههههههههههههههه انشوفكم على خير

[أم حماني]

هههههههههههههههههههههه لا اسم الله عليج ... يالله نتمنى لكم افطار شهي وصيام مقبول .... سي يو بعددددددين

[أم حماني]

مساااااااااء الخيررر

[حروف عاشقة]

مساء الانوار ام حماني

وما تشوفون شر كلكم كروشات ، هداني ما اسوي شي مدلعيني على الاخر :) .. تقدرون تقولون فترة نقاهة هههههه ..

[أم حماني]

هلا حروف عاشقه ....هههههههههههههههه رب ضاره نافعه ... يا حلووووو الدلع .... بعدين اذا يبنا اليهال محد بيدلعنا

[حروف عاشقة]

اي والله سهر وما فيه نوم ، امي كله تقول لي نامي الحين مدام حاصل ليش النوم بعدين بتصيحين مع عيالش ، عن حسب تعويض :)

[أم حماني]

اي والله .... انتي اثنين ,,, بس لازم احد يساعدج مابتقدرين بروحج

[حروف عاشقة]

على المساعدة الكل عارض لي عضلاته من نسوان اخواني واختي كلهم يبون يساعدوني بس حزة النوم الكل بيشرد اولهم زوجي يقول لي تصرفي وياهم هههههههه ،، بس الحمد الله يبت لي شغالة تساعدني ..

[حنين للماضي]

الف الحمدلله على سلامتش اخت حروف
وربي الشاهد ماقدرت اكمل ردش رحت على طول آخر سطر قريته واطمنت ورجعت قريت ردش من البدايةhwaml87
عسى ربي يبعد عنش وعنا كل سوء بحق هذا الشهر
وتحملي في روحش اذا تسبحين قعدي احس ليش لاتوقفين ترى خطر

حبيبتي روز مشكورة على السؤالhwaml84
اني الحمدلله
انتي شخبارش وشخبار النساة في شهر الله؟؟؟hwaml76

حبيبتي شمس الف مبروكhwaml82
ها طلع نفس توقعاتش لو توقعات زوجش؟؟hwaml64
اني باجر بروح ان شاءالله وبنجوف شنو يطلع؟؟
طلع نفس اللي تتمنينه شكلش صح
عسى ربي يقومش بالسلامة

هلا ام حمانيhwaml86
شخباااااااااااارش؟
عجل كله مطيحة بيت الوالد هاااhwaml77
بصراحة اني بعد ماارتاح اله بيت ابوي
بس بعد مايصير لازم ساعات اروح بيت عمي وساعات زوجي يكون تعبان يعني مانقدر ليلية نروح بيت ابوي
شخبار حماني اليوم؟؟
يحوس بعد في الشهر التاسع؟؟hwaml27

وشخبار باقي الحبايب بنت الاياويد والاخت فتاة وبنك قرل(شكلها ولدت ماتبين)
ام يساف خلاص تنتظر لحظة الفرج عجلhwaml02
عسى ربي يسهل عليش

[بنت الأياويد]

عدناااااا ،الطبخه طلعت زينة ريلي اعجبه مادري يجامل ولا من صجه لان وايد تعبت اليوم
الخط مال المنتدى صاير وايد صغير مادري شطقيت وصار هلون في احد يعرف شلون ارجعه ؟

[أم حماني]

هلا الغاليه حنين ... حماني بخير بس من شوي ياني الم قوي ببطني وظهررري ... بس تم شوي و راح ... خفت تكون ولادة بس راح الالم

[بنت الأياويد]

هلا حنين الماضي احنا بخير نسأل عنكم

[أم حماني]

عدناااااا ،الطبخه طلعت زينة ريلي اعجبه مادري يجامل ولا من صجه لان وايد تعبت اليوم
الخط مال المنتدى صاير وايد صغير مادري شطقيت وصار هلون في احد يعرف شلون ارجعه ؟

الحمدلله نجحت الطبخه ... بالعافيه ان شاء الله... انتي يمكن ضغطتي على الزوم مال الشاشه ... شوفي باليمين تحت فوق الساعه ..

[حروف عاشقة]

هلا هلا بحنون

الحمد الله اني بخير الحين والحمد الله على كل حال ونصيحتش لازم باخدها بالحسبان الحين ما في شدة طيحة بعد خلاص توبه معنه كل شي مقدر ومكتوب بس على قولت القايل الحدر واجب ..

وذكرتيني بشمس الصباح العيارة ما قالت لينا ويش قالو ليها عن جنس البيبي شكله تبيه سر لو مفاجأة حتى علينا ..

عيل حنون بكرة موعدش إن شاء الله يطمنونش عن البيبي ويطلع مثل إلي تتمنينة يارب

وام يساف شكلها ولدت ما بينت للحين لو حزتها عن السحور تدخل :) ،، إن شاء الله ولد بالسلامة

هم بعد بنك قيل شكلها ولدت من زمان ..

[أم حماني]

ام يساف كأنه موعدها الاسبوع هذي وبنك قيرل بعد من زمان مختفيه... ان شاء الله يدشون يطمنونا عليهم

[بنت الأياويد]

جم لازم يصير ؟ الزوم ؟

[حروف عاشقة]

بنت الاياويد

يا هلا فيش خيوتي ، هني وعافية اهم شي عجبت زوجش ،، اني اليوم بعد تفطرت في شقتي عن حسب ما نعيني من الحركة بس الفطور امي دازتنه لي بس علي اجهز السفرة والله كل مره اتفطر في بيت ابوي ما فيه احلى من اللمة عند الفطور ..

[أم حماني]

جم لازم يصير ؟ الزوم ؟

لازم يكون 100 %

[بنت الأياويد]

اهو صج مافي احلى من اللمة وخاصة لين امي تكون موجودة الله يطول في اعمارهم السفرة تكون طعمها غير بس بعد ساعات الريال يبي يحس باستقلاليته اذا كل يوم انا اتفطر بروحي واهو بروحه احسه يتملل قلنا اليوم نجرب نطبخ بس صج وايد تعبت، الحين في طبخه وايد سهله بس حسافة ماعندي بايركس ماشريت للحين جان بسويها

[أم حماني]

بنت الاياويد

يا هلا فيش خيوتي ، هني وعافية اهم شي عجبت زوجش ،، اني اليوم بعد تفطرت في شقتي عن حسب ما نعيني من الحركة بس الفطور امي دازتنه لي بس علي اجهز السفرة والله كل مره اتفطر في بيت ابوي ما فيه احلى من اللمة عند الفطور ..


اي والله ما في احلى من اللمه ... ريلي كل يوم يحاول ياخذني معاه بس انا اقوله لا واعطيه حجج ... اخاف بيوم من الايام اضعف واروح معاه .. يكسر خاطري كله بروحه ,,, محتاره والله

[بنت الأياويد]

مشكورة فديتج ام حماني ، اليوم رحت سوق الذهب الي في المحرق اشتري حق بنت اختي الصغيرونة مضاعد ماشاء الله الذهب وايد ماقاعد ينزل اخر شي وصل 12،900 الغرام

[أم حماني]

اهو صج مافي احلى من اللمة وخاصة لين امي تكون موجودة الله يطول في اعمارهم السفرة تكون طعمها غير بس بعد ساعات الريال يبي يحس باستقلاليته اذا كل يوم انا اتفطر بروحي واهو بروحه احسه يتملل قلنا اليوم نجرب نطبخ بس صج وايد تعبت، الحين في طبخه وايد سهله بس حسافة ماعندي بايركس ماشريت للحين جان بسويها


اذا ريلج يحب التجارب والطباااخ ... خليه يدش معاااج ... برنامج .. منها تغيير ومنها تقضون وقت حلووو

[أم حماني]

مشكورة فديتج ام حماني ، اليوم رحت سوق الذهب الي في المحرق اشتري حق بنت اختي الصغيرونة مضاعد ماشاء الله الذهب وايد ماقاعد ينزل اخر شي وصل 12،900 الغرام


مادري متى بينزل .... خالتي مره قالتلي خلاص انسي ينزل الذهب ... انا شارطة ع ريلي ابي طقم ذهب هدية ولادتي ههههههههههههههه

[حروف عاشقة]

هذا زوجي يحب المطبخ ويتفنن بعد يسوي روحة فهيم ساعات احسه يبي يجنني وساعات اقول زين يسوي يدخل معاي المطبخ عشان ما يتحجج على الطباخ .. على قولتش ام حماني وقت ممتع نقضيه مع بعض :)

[بنت الأياويد]

تستاهلين كل خير دام بتيبين ولي العهد لازم ياخذ لج الي خذولهم مب احسن منج ، اي تحملي تاخذين الماس ترى مامنه فايدة

[أم حماني]

لا ماحب الالماس ولا حتى الذهب ههههههههه ... بس خاطري في طقم فرفشه .. حلوووو

[أم حماني]

وين رحتوا ياحلووووووات؟

[بنت الأياويد]

الله ماعطاج ماعطاني اموت على الذهب وكله متصقله ويالسه التراجي والدبلة والقلب ماينفصخون نفس عيايز الاول ههههههههههههههههههههههههه
انا شوي وبطلع ارقد عشان نقوم حق السحور

[أم حماني]

شككتوني في روحي ... اشفيكم اختفيتوا ؟؟

[أم حماني]

الله ماعطاج ماعطاني اموت على الذهب وكله متصقله ويالسه التراجي والدبلة والقلب ماينفصخون نفس عيايز الاول ههههههههههههههههههههههههه
انا شوي وبطلع ارقد عشان نقوم حق السحور

انا ماحب الذهب لاني كله اضيعه ... هاي سالفتي من يوم انا صغيره .. مايتم الذهب عندي ... يمكن عقب ما اولد واخلص النفاس اعود نفسي البس

[الفتاة الذهبية]

هلا ام حماني ما بتمين بروحج انا ييت

[أم حماني]

هلا وغلاااااا ... الفتاة الذهبية ... يختي مساعه كلهم هني ويسولفون .. مرة وحدة كلهم اختفوا

[الفتاة الذهبية]

هههههههههه
عادي تعودي خخخخ
انا يوم الخميس بروح السعوديه ان شاء الله احصل اشياء حلوة حق البيبي
بس المشكله انا للحين ما عرفت جنس المولود لكن بشتري الوان تناسب البنت والولد

[أم حماني]

انزين ليش مارحتي جيكتي ... انتي 17 اسبوع ... يبين الحين

[الفتاة الذهبية]

عطوني موعد بس الشهر الياي
بس الشهر الياي يمكن ما احصل احد يروح معاي السعودية

[أم حماني]

اهاااا .... انا طقم حماني السرير مع المفرش والشنطه والمدس وجلابيتي مال الاستقبال جهزوا اليوم بس مارحت خذيتهم لاني صليت التراويح بس طلعت مشيت مع ريلي تقريبا نص ساعه .. بس طلعت روحي من التعب ... حسيت اني بولد هههههههه

[الفتاة الذهبية]

ان شاء الله تولدين وتيبين حماني
انا ما بشتري للبيبي سرير انا ساكنة في غرفة ابيت عمي
والغرفة ما فيها مكان حق سرير

[أم حماني]

انا اللي خذيته مب سرير ..اهوة سله بس معاها ستاند فتصير مثل السرير ... انا بعد فكرت بالمكان وبعدين اذا صار عمره جم شهر بشتري له سرير اكبرر

[الفتاة الذهبية]

اها الله يخليه لج ويحفظه
في الحياه بلازا الي بالسعودية في مكان حق بيبيات او لا؟
اذا تعرفين يعني

[أم حماني]

انا سمعت سوق الدمام فيه محلات .. بس اتوقع الحياه بلازا بعد فيه ... الله اعلم

[الفتاة الذهبية]

انا بعد اتوقع الحياه بلازا فيه
لانه كبير وااايد من ةجذي اقول مب معقوله ما في وهوو كبير

[أم حماني]

روحي جيكي وان شاء الله تحصلين اشياء حلوووة ....... تتوقعين فيج ولد او بنت ؟؟ شنو احساسج

[الفتاة الذهبية]

احساسي يقول بنت لانه انا خاطري في ولد
خخخخخخخخخخ

[أم حماني]

انا اول حملي كنت حاسه فيني بنت لانه خاطري في بنت .... شلون صاير العكس معااااج ههههههههههه

[الفتاة الذهبية]

اولا يمكن لانه انا ما عندي اخوان
وثانيا البنت تاخذ دلع الام كامل خخخ شنو خلت حق اخوانها خخخخخ

[أم حماني]

بنت ولا ولد .... كلهم عسل ع القلب ....

[الفتاة الذهبية]

اهم شي سلامتهم

[أم زهـور]

سلام عليكم ،، شخباركم ؟؟

الليلة سهرانين ما شاء الله

ها تسحرتوا والله بعدكم ؟؟

أم يساف اليوم موعد ولادتها ان شاء الله اتكون ولدت بالسلامة

[أم زهـور]

بطني يألمني مادري من شنوو الله يستر ..

[أم حماني]

هلا ام زهور ... شخبااااارج ...؟ انا كل يوم اسهر لعقب صلاه الفجر ... عشان اطول بالنوم ثاني يوم مابي اقعد بدري

[الفتاة الذهبية]

وعليكم السلام
تمام احنا انتي شخبارج
اي سهرانين شنسوي
انا كليت فواكه
ان شاء الله تولد وتبشرنا الله يسهل عليها

[الفتاة الذهبية]

سلامتج ما تشوفين شر ام زهور

[أم حماني]

بطني يألمني مادري من شنوو الله يستر ..


سلامتج ... يمكن طبيعي ... انتي الوحيدة بينا اللي مجربة الحمل والولادة من قبل ... اذا حاسه مب طبيعي روحي الطواري

[أم زهـور]

أنا الحمدلله بخير دامكم بخير ..

تدرين أنا اقعد من 8 أو 9 الصبح عشان جدي أتعب وايد في الصيام ما تجي المغرب الا انا مت جوع وعطش هههههه

البارحة عاندت وسهرت شوي على النت وقمت انام الساعة 2 واليوم قعدت 12 الا الظهر هههههه

[الفتاة الذهبية]

انا اصلي الفجر وارقد

[أم حماني]

انزين و زهور بنتج ... تسهر ولا تنااام ..

[أم زهـور]

اتصدقين والله احس نفسي كأني أول مرة ههههههه
ما اعرف شي كل شي نسيته هههههه

[الفتاة الذهبية]

جم عمر بنتج زهور؟

[أم زهـور]

هي تنام من وقت بس البارحة والليلة طولت ،،امبرمجه علي هالبنت وقت الا انام من وقت تنام معاي وقت الا اسهر تسهر معاي ههههههه

[أم زهـور]

عمرها سنتين ونص

[أم حماني]

جم عمرها زهور الحين ؟؟ انا الله يغفر لي ماتخيل نفسي اعيد تجربة الحمل وخصوصا اني اخاف من النساة ,,, بس خاطري في بنوتة يعني مجبورة احمل ,,, ياريت احمل بتوأم عشان خلاص .. ماحمل بعدها هههههههههههه

[الفتاة الذهبية]

بعد على امها ههههههههههههههه

[الفتاة الذهبية]

الله يخليها لج ويحفظها

ام حماني لا تقولين جذي
ترى في غيرج ما يحملون الا بعلاج يعني نحمد الله على النعمة الي احنا فيها

[أم زهـور]

جم عمرها زهور الحين ؟؟ انا الله يغفر لي ماتخيل نفسي اعيد تجربة الحمل وخصوصا اني اخاف من النساة ,,, بس خاطري في بنوتة يعني مجبورة احمل ,,, ياريت احمل بتوأم عشان خلاص .. ماحمل بعدها هههههههههههه

مردج بتنسين وبتيبين ههههههه

[أم زهـور]

الله يخليها لج ويحفظها

ام حماني لا تقولين جذي
ترى في غيرج ما يحملون الا بعلاج يعني نحمد الله على النعمة الي احنا فيها
ويخليج حبيبتي ..

صادقة ،، الحمدلله على النعمة .. والله يرزق اللي ما عندهم ان شاء الله

[أم حماني]

الحمدلله على هالنعمه العظيمة ... بس الله يسامحني على هالكلام .. لكن من تعب النساة والثقل

[أم زهـور]

يالله هانت كلها أيام ان شاء الله واتشوفين حماني في حضنج وتنسين كل التعب ..

[أم حماني]

الله يتمم لنا كلنا على خير يارب ... شفتوا الموضوع مال خلطة تسهيل الولادة عجبتني السالفه .. شكلي بجرب هالخلطة اذا صرت 38 اسبوع

[أم زهـور]

تدرين أنا موووووووتي اليهال أقول لزوجي بجيب 6 ،، 7 هههههههههه

اهم شي الأولاد ابغي 2 بس والباقي كلهم بنات >> تتشرط بعد ههههه

[أم زهـور]

لكن تدرين الحمل الثاني وااااااااايد اصعب من الأولي

أنا هالمرة كلش هلكانة .. أحس غير غير عن حملي ببنتي

كنت خفيفة ما حسيت بالتعب والثقل الا في نهاية الأشهر

بطني ما بان الا في السادس

هالمرة الثقل حسيت فيه قبل ما اسوي تحليل واعرف نفسي حامل اقول لزوجي اكيييييييد حامل لأني احس بثقل في جسمي بالذات بعد الأكل واحس ان في شي في بطني ههههه

والدبة من الشهر الثاني بينت ههههه

[أم زهـور]

ياربي احس بنغزات قوية في جهة المبيض في اليسار .. ما ادري شالسالفة ههههههه

[أم حماني]

لاتخوفيني ام زهور اللله يهديج ,,,

[أم زهـور]

في وحدة منكم يصير معاها جدي ؟؟

عن جد بديت أخاف

النغزات شديدة من تحت ( الفرج ) ونغزات في المبيض من جهة اليسار
واحس ان فيني اعراض بالضبط نفس اعراض الدورة

[أم زهـور]

اخ ياربي انا وسواسية ترى حدي هههههه
اقل شي يصير اقعد اوسوس

شكلي شوي وبصحي زوجي يوديني الطوارئ من الخوف ههههههه

[أم حماني]

انا يصيدني صوب المبيض اليمين ... وامس بالليل وانا راقده قمت من الالم كان اقوى من قبل

[أم زهـور]

الألم كلما له يزيد معاي ،، ان شاء الله خير

[أم حماني]

روحي الطواري ام زهور

[أم زهـور]

لا لا يمكن شي طبيعي
ادا شفته استمر وياي وزاد الألم بروح بكرة

[أم حماني]

ماتشوفين شر ام زهور

[أم زهـور]

الشر ما يجيش حبيبتي ..

[ام يساف]

تـــــــيــــــــــــا

عدنا مرة اخرى

شكله ما يبي يطلع ... خله مكانه زين

شكله يبي يتغلى

السلمانية عاطيني بكره يمكن يصدقون خخخخخ

ام زهور سلامات ما تشوفين شر

هذا هو الحمل كل يوم يطلع لش الم في صوب

الله يساعدكم ... ويساعدني الا شكله ما يبيني اهد هالموضوع هههههه

[أم زهـور]

هلا حبيبتي أم يساف

أحنا قلنا ولدتين خلاص هههههه

يالله الله يسهل ان شاء الله وتولدين بالسلامة

يارب يارب ما تجي ليلة باجر الا احنا سمعنا عنج والدة بالسلامة يارب

[ام يساف]

هههههههه ام زهور سحبي دعوتش بسررررررررعة

غيري اليوم قولي ان شاء الله الخميس

لين يوصل ابوه بالسلامة

خخخخخخخخ اني مستانسة انه قاعد ببطني

ع قولة ابوه ... يقول لا تتحركين وحاولي كل تنسدحين

خايف اولد و هو مو ويايي

ههههههههههههه هو شكله محترم ابوه خله يقعد في بطني للخميس

صابر تسعة اشهر ما بيصبر ثلاثة ايام

ههههههههههههه لباية له .. ادري

[أم زهـور]

ههههههههههههه ان شاء الله الخميس ولا تزعلين

اهم شي اتقومين بالسلامة ان شاء الله

والله يرجع زوجج بالسلامة

ويالله تصبحون على خير بقوم أنام حدي تعبانة

[أم زهـور]

أم حماني شكلها نامت على الكيبورد هههههههههههه

اشوف مالها حس هههههههههه

[ام يساف]

و انتي من اهله خلف جبدي

ام حماني مسكينه ههههههه تسويها تنام ع الكيبورد

خووو من اجي الكل يطلع ههههههههه

ما ادري الغلط في الوقت اللي اادشه لو فيهم ... كاني ما اعرف روحي كاني جنية

ما ادش الا الفجر ههههه

نامووو ناموووو

[أم حماني]

احم احم ... من موجود ..؟؟

[أم حماني]

هههههههههههههههههههه لا تميت اسولف مع رفيجتي بالمسنجر ... وعبالي طلعتوا

[ام يساف]

اووه في احد سهران

هههههههههههه لا و ااحنا قاعدين نحش فيها مسكينه

شخبار ؟؟

[أم حماني]

تمام ... انا عبالي ترقدتي عشان يولدونج؟؟؟

[ام يساف]

لا لا

تصدقين

اني اساسا مواعيدي في الفاتح

و اخر مرة تاخرت على الموعد دقيقتين مشت الدكتورة و ما شافوني ولا شي

كلمتهم قلت لهم عطوني ملفي بروح المركز ما رضو

قالو لازم تشوفش الدكتورة و توافق

قلت لهم و الحل

قالو اخدي موعد ثاني

عطوني موعد 24 و اني ولادتي اليوم المفروض 15

ليش متعبين روحهم على هالموعد ما ادري

يعني الحين بتم على الله لين ما اولد

اسب روحي سب لين اروح السلمانية كلش كلش ما يسوى

[أم حماني]

انزين الياهل ليحين معترض ولا تعدل وضعه ..؟

[ام يساف]

لا لا ولله الحمد

رحت لجدتي رحم الله والديها

لانها مراخة

و الحمد لله اعتدل

سوو لي اشعة في السلمانية وقالو لي اوك

بس لازم حضرة الدكتورة تقول خلاص تحويل للمركز

كانه اللي في المركز لين طالعوو ورقة الاشعة ما بيفهمون انه اعتدل

بس شنسوي ويه مستشفياتنا

على كل شي يتحججون

اني احاتي ... كل من احلامي الكريهه

اليوم قعدت من النوم قاتلة روحي من الصياح

حلمت حلمة تخووووووووووف دايركت رحت لعمتي عطيتها صدقة قلت ليها طلعيها الحين الحين حق اي احد تعرفينه

مو مصدقة متى اولد و اشوف البيبي ما فيه شي و سليم

الله يسهل علينا و عليكم

بس الله كريم ...

[أم حماني]

لا ان شاء الله البيبي مافيه الا العافيه وبتولدين وبتشوفينه بحضنج وتفرحين فيه ... الحمدلله بتولدين طبيعي ان شاء الله ,, ماقلتي بنوتة ولا ولد ؟؟؟ وانتي بجر ولا عندج اعيال من قبل ؟

[ام يساف]

قالو لي ولد يعني علاوي

هذا الثالث و لله الحمد

عندي بنت بجري عمرها 5

و ولد اللي هو يساف عمره 4

متشقق حده لان هو اللي بيفوز بيجيه اخو هههههه

مع انه كان خاطري في بنت

بس الحين اهم شي السلامة


و انتي ؟؟

[أم حماني]

انا بجر ... شخبار تجهيزات الولادة من توزيعات وضيافه وطقم البيبي وطقمج انتي؟

[ام يساف]

كل شي اوك

جهزت روحي من وكت كنت متوقعة بولد من وكت

من جت الاجازة افتكيت خلصت كل شي

حتى اغراض العيد و الروضة لليهال خلصتهم صار لي اكثر من شهر

هههههههه مستعجلة و هو على راحته

[أم حماني]

ههههههههههه يعني الحمدلله مرتاحه من هالناحيه ... انا ماجهزت شنطتي ولا شنطة حماني ليحين

[ام يساف]

انتي اي شهر الحين ؟؟

[أم حماني]

جريب بصير 37 اسبوع

[ام يساف]

يؤ ما افهم جدي

يعني الاسبوع الثاني من التاسع اظن له ؟؟

[أم حماني]

اي من الاسبوع ال 36 الوحدة تدش التاسع وتكمله اذا صارت 40 اسبوع

[ام يساف]

هههههه بالعربي اني بدش الاسبوع 41 و الله يعينا هع

بس المفروض من زمان جهزتين اغراضج

يعني لمتى لين ما يجيش الطلق

ترى بولدي يسوف ولدت في الاسبوع الثاني من التاسع

حاسبي

[أم حماني]

والله ؟؟ معقوله يصيررر ؟؟ ماغسلت ثيابي ولا ثياب البيبي .. خوفتيني ام يساف

[ام يساف]

و الله

حتى قالو لي بسرعة استعجل

ولدت قبل موعدي باسبوعين بالضبط

و بنت حماتي حامل ويايي ولدت قبل موعدها بعشرة ايام

يعني مو شرط يطلع في الموعد اللي عاطينش وياه

بس اغلب البجر يتاخرون

لكن الاحتياط واجب عدل كلامي لو لا ؟؟

يعني جهزي روحش احسن لا تتورطين

تعالي نسيت بعد حماتي الصغيرة

كانت بجر بزنوب

جابتها في اول اسبوع في التاسع

و لا كانت مجهزة ولا مشترية اي شي

بعدين اختها مسكينه شرت ليها و لبنتها كل شي

بس مو حلوو مو مثل لين انتي اللي تجهزين كل شي

الله يهديش بس ههههههه المفروض تكونين مزهوقة اول بيبي و تجهزين كل شي من وكت

اني ذبحيني على تجهيز شنطة المستشفى استانس هع

[أم حماني]

خوفتيني ام يساف .... صادني الم في ظهري ... شكلي بولد من الخوووف

[ام يساف]

ههههههههههههه صلي على النبي

ذبحتيني من الضحك هههههههههه

لا تقولين بتولدين قبلي

صلي على النبي و جهزي اغراضش لا تتورطين ترى نصيحة مني

ولين بتولدين نصيحة لا تروحين السلمانية

سكتي اني خايفة من هالسالفة

يقولون لش اصلاا ما في مكان يولدونااا

مثل يوم اولد بيسووف ما في مكان ودوني محرق اخر الدنياا

و اني ساكنة بمدينة حمد

و السبب انه ما في مكان عندهم ولا في جدحفص

انتي وين ساكنة ؟

[أم حماني]

انا في مدينه عيسى ... مابي اروح جدحفص

[ام يساف]

اختي حامل و كل في السلمانية لان عندها المرارة كل يوم في الطوارئ مسكينه

تقول لو تشوفين الحالة اهناك يكسرون خاطرش اللي يولدون

اللي في الممر تصارخ حالتها حالة

و اللي مولدينها في الغرف المفتوحة

و اللي حالتها حالة مو مسترة

و السبب ما في مكان ليهم و يناحسون ما يرضون يروحون مكان ثاني

و يولدونهم تقريبا في الممر

مثل مرت اخوي مسكينه ولدت و خلوها مكان الولادة حتى محد زارها لان ما في مكان في الجناح

الصراحة خوفوني من هالسلمانية

اني ولدت ببنتي في جدحفص كلش ارتحت

اما يوم في محرق لاعت جبدي لوووعة ... ما يهتمون و مكان قديم الصراحة كلش مو صحي

ولا عاد حماماتهم

قلت ما بروح السلمانية مع انه كان خاطري اولد في السلمانية

بس عقب اللي سمعته عنها خلاص ما بروح ما فيني شدة اتغربل عندهم

المفروض يزيدون مستشفيات الولادة الصراحة هذي مو حالة

[أم حماني]

انا قلت حق ريلي اذا مادخلوني السلمانيه ع طول العسكري ...

[ام يساف]

اي العسكري اشوة الله يسهل عليش ان شاء الله

غفر الله لكي مقدماا بقوم بصلي اذن و اني ولا ادري بالدنياا

[أم حماني]

مؤذن مسيدنا مسكين شكله حلمان ... اذن قبل الوقت عشر دقايق ههههههههههههههه

[أم حماني]

يالله نشوفكم الظهر ان شاء الله ..... تقبل الله صيامكم وقيامكم وسهل عليكم حملكم و ولادتكم

[ام يساف]

هههههههههههه مسكين الله يغربل بليسش

و انتي كذلك

تصبحون ع خير

و نشوفكم بكره لين ما ولدت بعد عندي امل هع

باااااااااااااي

[ام يساف]

يا ربي ويش اسوي

الماي مو راضي يوقف

شكلها خلاص ولادة

بس خايفة اروح من الحين و يحبسوني

و خايفة ما اروح و الماي يقل عن البيبي

ادعوووووووو ليي عاااد خايفة حدي

[أم حماني]

ام يسااااااااااااااف
شكلها ولادة اكيد مابيطلعونج دام نزل ماي الياهل ... الله يسهل عليج ان شاء الله

[أم حماني]

صبااااااااااح او مساااااء الخير
خرعتني ام يساف حتى نسيت اسلم

[حروف عاشقة]

مساش الله بالخير والعافيه ام حماني حتى اني مت من الخوف وبطني عورني من قرأت إلي كتبته

اللهم صلى على محمد وآل محمد ،، ام يساااف الله يسهل عليش خلاص ولادة الله يردش وعلاوي بالسلامة ...

[أم حماني]

حروف شخبارج؟؟ احسن الحين ؟؟ اقولج اهيه من امس تخرع فيني حتى ياتني اعراض طلق امس الم في بطني وظهري وماقدرت ارقد والله ... هههههههههههههه كله من الخوف

[حروف عاشقة]

اني بخير الحمد الله اهم شي انتي بخير بس زين تخوف فيش عشان تولدين وياهااااا ههههههه

[أم حماني]

هههههههههههههه لا مابي اولد الحين ,,,, ان شاء الله عقب العيد احسن ,,, ليحين مب جاهزة ولا مستعده نفسيا ,,, من شوي رحت طلعت ثياب حماني عشان اغسلهم ,,,, وايد استانست ,,, اتخيله داخل الثياب ... وايد وناسه

[حروف عاشقة]

الله يردش بالسلامة إن شاء الله وتشوفين حماني لابسنهم وبين ادراعش إن شاء الله

[أم حماني]

اجمعين ان شاء الله .. حبيبتي
شخبار التجهيزات حق التوأم ؟

[حروف عاشقة]

سكتي يا خيو والله متحيرة الحين ابي اتأكد عدل من جنس الاجنة عشان اروح اشتري بس حاليا إلي اشتريتهم ألوان محايدة يتلبسون لصبيان والبنات بس بعد لازم اتأكد ،، شريت بس التيشرتين وردي وقلت ما بردهم بخليهم ..