ديوانية حوامل البحرين [الأرشيف] - الصفحة 5

حروف عاشقة

08-16-2010, 02:11 PM

اي مسكينة اني رحت عيادتها اول مره قلت يمكن خلو احد بدلها إلا واني ادفع عشان ادخل إلا هي ورايي ، من شفتها تخرعت هههههههههه اقول بسم الله الرحمن الرحيم طلعت من القبر هههههه

إلي يقول زوجي بقول لها انها مطلعين عليها اشاعة انها ماتت إلي اقول ليه لا لا تخبرها بشي اخاف صدق تخاف وتموت هههههههههه

أم حماني

08-16-2010, 02:13 PM

ههههههههههههههههه انا خبري فيها من 4 سنوات يمكن ,,, يوم رحت مع رفيجتي
اما بحملي مافكرت اروح لها ... ما يات على بالي

حروف عاشقة

08-16-2010, 02:15 PM

معنها كبيرة في السن بس وااايد معاملتها حلوة انا كله اروح عندها ..

أم حماني

08-16-2010, 02:19 PM

الله يطول بعمرها ونروح لها بالحملات اليايه ... الا على طاري الحملات اليايه ,,, متى ناويه تحملين بعد هالمره ..؟؟ خخخ

حروف عاشقة

08-16-2010, 02:20 PM

بس خلاااص الحمد الله عندي نعمة ما افكر احمل بعد ..

أم حماني

08-16-2010, 02:22 PM

يعني انتي و زوجج مقتنعين تبون اثنين بس ؟

حروف عاشقة

08-16-2010, 02:24 PM

لا خيو عندي من قبل أولاد اثنين الكبير الحين عمره 7 سنوات والثاني بكمل اربع والحين الحمد الله حامل فخلاص نعمة :)

أم حماني

08-16-2010, 02:25 PM

اي الحمدلله .... الله يخليهم لج ,,, انا كله عبالي انه الكل هني بجر مثلي ههههههه

حروف عاشقة

08-16-2010, 02:27 PM

هههههه اي خلاص عجزنا احنا خلينا الدور عليكم انتي متى ناويه تحملين خخخخ

بنت الأياويد

08-16-2010, 02:29 PM

ظهر الخير ، شخباركم من مساعه داشة بس يالسة اقرى السوالف القبليه ، عورت قلبي ام يساف فقيرة بس دام نزل عليها الماي على قولة امي ( انبط الهادي ) لازم تروح المستشفى لان يقل الماي عن الياهل وربي يسهل عليها وعلينا يااارب
ام حماني الا بسألج وين تحصلين محل يسوي طقم ثياب لج وحق البيبي مع السرير؟
انا تدرين كله عبالي انج من المحرق ماتشوفين يوم اوصف لج محل ملكة المنصوري هههه شسويتي وياها رحتي؟

أم حماني

08-16-2010, 02:30 PM

تصدقين اول حملي وانا اتنسى وحالتي حاله ... زوجي يقول عقب ماتولدين بالسلامة ارتاحي 6 شهور وبعدين حملي مره ثانيه ههههههههههههههههههههه
وانا الحين مقرره متى ماحسيت نفسي ارتحت ونسيت تعب الحمل والولادة اللي ليحين ماجربتها بعدين بحمل مره ثانيه ولا ننسى الاهم متى ما الله كتب

حروف عاشقة

08-16-2010, 02:33 PM

هههه لا يقص عليش ارتاحي انا بين كل حملة وحملة ثلاث سنوات عن حسب تنظيم :)

يا هلا بنت الاياويد شخبارش ..

أم حماني

08-16-2010, 02:35 PM

هلا والله بنت الايااااويد .. انا سويت عند فارنا اللي في بوكواره .... اليوم بروح اخذه

بنت الأياويد

08-16-2010, 02:37 PM

rose soul

08-16-2010, 02:38 PM

السلام عليكم جميعا

بنت الأياويد

08-16-2010, 02:39 PM

الحمدلله انا بخير ياحروف انتي شخبارج وشخبار اليهال والي في بطنج ان شاء الله كلكم بخير،
اي ادله فارنا يسوي حق الام والبيبي وبعد شنو عنده شغلات واسعاره شلون؟

حروف عاشقة

08-16-2010, 02:39 PM

عليكم السلام والرحمة شخبارش يا رووز

أم حماني

08-16-2010, 02:40 PM

حرام عليه ريلج شنو ست شهور اصلا من تولدين وتشوفين التعب والربى والسهر مابتفكرين عقب ست شهور اذا كلش كلش سنة ونص او سنتين ، انا اذا افكر ان شاء الله بحمل عقب سنتين ونص ريلي يقول يبي ستة ولا سبعه من صجه مصدق عمره التعب كله علينا

هههههههههههههههههههههههه انا احب اليهال وابي اعيال بس لازم اخذ فتره نقاهه ,, واللي بتكون مثل ماقلتي ربى وسهر وتعب ,,, ان شاء الله اذا فطمت حماني بفكر احمل مره ثانيه

حروف عاشقة

08-16-2010, 02:41 PM

بخير الحمد الله يسألون عن إلي في بطنش خخخخ ، تدرين يا بنت الاياويد انتي وياي مافي فرق وايد يمكن سبوعين متى اخر دورة يتج ؟

أم حماني

08-16-2010, 02:41 PM

وعليييييييييييييكم السلاااااااااااااام رووووز

بنت الأياويد

08-16-2010, 02:43 PM

14-3-2010
تزوجت تاريخ 12-3 وياتني الدورة عقب يومين هههههههههه وصار الي صار
الحمدلله على النعمه

أم حماني

08-16-2010, 02:44 PM

الحمدلله انا بخير ياحروف انتي شخبارج وشخبار اليهال والي في بطنج ان شاء الله كلكم بخير،
اي ادله فارنا يسوي حق الام والبيبي وبعد شنو عنده شغلات واسعاره شلون؟

مب غالي ومب رخيص .. بس شغله نظيف ,,, اانا سويت سله مع ستاند وجلابيه لي ومفرش وشنطه ومدس صار فوق 100 بجم دينار

بنت الأياويد

08-16-2010, 02:45 PM

مارديتي علي ام حماني عن فارنا ؟

حروف عاشقة

08-16-2010, 02:46 PM

:) الله يتمم ليش على خير ،، يعني ما ستانستي في الزواج سيده حملتي مثلي انا ليلة إلي خلصت منها تزوجت وسيدة حملت

rose soul

08-16-2010, 02:47 PM

عليكم السلام والرحمة شخبارش يا رووز

الحمد لله عايشين

انتو شخباركم شمسوين؟؟

بنت الأياويد

08-16-2010, 02:49 PM

لا كلش ماستانست وعلى طول من الشهر الثاني تنسيت في زوجي وفي شقتي وتميت عند امي شهرين ماشتهي اسمع صوته ولا اشوفه لين اييني جني اشوف عزرائيل ياي ياخذ روحي هههههههههههههه، زين ام حماني يعني كذا شغله سويتي بروح اشوف فارنا بس شكثر ياخذله وقت اذا بحجز عنده؟
بعد بقولج اذا عندج احد بيروح السعودية في محل طابا يبيعون جلابيات حق المستشفى فضيعين وفيهم مكان حق رضاعة بعد

rose soul

08-16-2010, 02:50 PM

hwaml02
ما شاء الله عليكم بسرعة حملتوووو
انا حملت من بعد اشهر زواج
احس فترة بداية الزواج حلوة
اشوة ما حملت بسرعة

أم حماني

08-16-2010, 02:52 PM

بنت الاياويد ... هههههههههههههههههه بالضبط كأنج تتكلمين عني

أم حماني

08-16-2010, 02:54 PM

انا احمد ربي سافرت واستانست ولا الباقي كلش ماتهنيت

بنت الأياويد

08-16-2010, 02:54 PM

للحين اقوله احنا التعب كله علينا ياريت تاخذون شوي بس وايام النساه ماشتهي اشوفه واذا ايي صوبي اسد خشمي اشم فيه ريحة ثوم يقولي لاتتدلعين وايد كله عباله اني ادلع اقوله ياريت تاخذون شوي من الي يصير فينا عشان تحسون

حروف عاشقة

08-16-2010, 02:57 PM

أم حماني

08-16-2010, 02:57 PM

اهمه مساكين ... ماتقدرين تخلينهم يحسوون ,, توهم معرسن ويبون يستانسون الا حريمهم يكرهونهم ههههههههههههههههههه ,,, انا حزتها اعصب اذا احد قال لي مسكين ريلج ,,, حتى بالتلفون ماداني اكلمه ,,, اقط التلفون ع امي او اختي

بنت الأياويد

08-16-2010, 02:57 PM

انا يزعم بروح شهر العسل عقب الزواج صار شهر بصل ولي يومج مارحت شهر العسل قلت له خله لين الله قومني بالسلامة وكبرت بنتي صارت شوي تفهم بعدين بنسافر، وتوني راجعة من السفر تاريخ 5 رحت اسبوع اغير جو يزعم

أم حماني

08-16-2010, 02:58 PM

اي والله واني بعد للحين اهدر عليه اقول له لو تجربون بس تطلقون طلقه وحده ما بتستحملون التعب يا حسرة كله علينا وهم بارز امبرز يصيرون البابا والقهر اول ما يبدي الياهل يتكلم يقول بابا بعد ههههههههههه

ههههههههههههههههههه لا مايستحملون ترى .... انتي شوفي من يزكم مايقدر يستحمل يزن و يون هههههههههههههه شلون تبينه يولد

rose soul

08-16-2010, 02:59 PM

ههههههههههه
ضحكتوني
اي خشم الحامل يصير حساس زيادة عن اللزوم
واعلية ازواجنا مساكين يكسرون الخاطر
بس انا احاول ما اقول له لأن اهو حساس اكثر مني ههههههههههه
بس ساعات تطلع مني لا ارادي واحسه تتغير ملامحه بس يتقبل مني
يقول عاذرج لأنج حامل ههههه

بنت الأياويد

08-16-2010, 02:59 PM

نفس حالتي يوم شهرين مابي اشوفه وعيز واهو يقولي بمر عليج نطلع اقوله متفرغ مابي اطلع واهمه كلهم مسكين ريلج فقير مايستاهل اقولهم يبون عيال خل يتحملون لكن كل مايقولون لي هلون احس ضغطي يرتفع

حروف عاشقة

08-16-2010, 03:02 PM

هههههههههه روز مثلي اول حملة كنت استحي منه واقول له فيك ريحة وتطلع علي دبل في الترجيع والدوخة ..

ام حماني ضحتيني اي والله صادقة هم زكام ما يستحملون شلون ولاده خخخ

أم حماني

08-16-2010, 03:02 PM

هههههههههههههه والله اياااااااااااام ..... حزتها كرهت حياتي وقلت خلاص مابرجع الاوليه ,, حت بيت ابوي تنسيت فيه ورحت بيت يدتي
لو كل حملة لي جذي .. الله يغفر لي ويسامحني مابي كفايه 2

rose soul

08-16-2010, 03:04 PM

صج المرأة مسكين واعليه
:(

بس تدرون انا عقب هالحملة باخذ فترة نقاها شطولهاااا
ارفه عن نفسي شوي

أم حماني

08-16-2010, 03:07 PM

روز ... اي رفهي عن نفسج بالربى والسهر والرضاعه والمراكض مع الياهل .. يوم مزكم ويوم بلاعيمه و يوم اذونه

بنت الأياويد

08-16-2010, 03:10 PM

هذي يهون عندي الا التطعيم شلون قلبي بيطاوعني اشوفه يطقونه ابره في جسمه واي احس قلبي يتقطع والله يعينج ام حماني على الختان وعوار القلب انا اشوة قضة اذون وقام الشوط

rose soul

08-16-2010, 03:10 PM

بس المشكلة انا عقب العيد عندي دراسة
واحاتيها عدل شلون بدرس
وزوجي يقول لي انسحبي سنة على ما تولدين

أم حماني

08-16-2010, 03:13 PM

هذي يهون عندي الا التطعيم شلون قلبي بيطاوعني اشوفه يطقونه ابره في جسمه واي احس قلبي يتقطع والله يعينج ام حماني على الختان وعوار القلب انا اشوة قضة اذون وقام الشوط

وااااااااااااااااااااااااااااي لاتذكريني من الحين تدمع عيني اذا اتخيل .. اول شي قلت بخلي اختي توديه انا مابروح بس بغدين قلت مابصير انانيه البيبي حزتها يبي امه ,, بحط ع قلبي طين وعيين .. شسوووووووي

أم حماني

08-16-2010, 03:14 PM

بس المشكلة انا عقب العيد عندي دراسة
واحاتيها عدل شلون بدرس
وزوجي يقول لي انسحبي سنة على ما تولدين

انا من رايي تلهين نفسج بالدراسه ولابتحسين بالوقت ... اذا قعدتي بتمللين

rose soul

08-16-2010, 03:15 PM

بنت الاياويد الا ما قلتي لنا شنو بسمين بنتج؟؟

rose soul

08-16-2010, 03:16 PM

انا من رايي تلهين نفسج بالدراسه ولابتحسين بالوقت ... اذا قعدتي بتمللين

انا بعد رايي جذي

حروف عاشقة

08-16-2010, 03:16 PM

أنا بعد من رأي تكملين دراسة يا روز احسن ليش

rose soul

08-16-2010, 03:17 PM

يلا حبيباتي انا اخليكم الحين
نشوفكم على خير

حروف عاشقة

08-16-2010, 03:18 PM

على خير نشوفش بالليل إن شاء الله

أم حماني

08-16-2010, 03:19 PM

يلا حبيباتي انا اخليكم الحين
نشوفكم على خير

تحملي بروحج

بنت الأياويد

08-16-2010, 03:19 PM

حياج الله روز وعلى طاري الاسم للحين ماستقرينا على اسم معين غير اسم (ريم)

حنين للماضي

08-16-2010, 03:20 PM

مسكينه ام يساف شكلها ولادة خلاص
الله يسهل عليها ويقومها بالسلامة ان شاءالله

اني احسن وحدة تزوجت شهر 11 وحملت شهر 4 وكله من حنتي واصراري
زوجي كله كان يقول خلينه نستانس ونسافر ونروح ونجي بس اني كله مبوزة وحالتي حالة وكله كنت احن على البيبي
لأن بصراحة الوحدة تخاف تصبر وعقب اطول في الحمل
وبالذات زوجي الولد الوحيد في العائلة فيعني امه كانت تسألني وتقول راجعي الدكتورة
اني اهني ضغطي كان يرتفع وقلت لها ولدش مايبي شنو تبيني اسوي
بس الحمدلله يوم حملت اطمن قلبي
والحين كله اقول له حبيبي اني عقب مابولد بكمل دراساتي العليا مو متفرغة لك ولولدك ابي اجوف مستقبلي واحقق طموحيhwaml02(انقلبت الآيه نوعاً ما)

ام حماني ليش ماتبين تولدين في جدحفص؟؟؟
اني صديقتي ممرضة وتقول اخس مكان ولادة في البحرين السلمانية العناية مأساة ومايهتمون في الوحدة
وصدق احنه واااجد من اهلنا ولدوا هناك والكل يذم
وتقول انظف مكان جدحفص يهتمون في الوحدة ومايطلعونها اله خلاص منظفينها عدل وطول ما انتي عندهم يمرون عليش ويطمنون عليش وعلى البيبي

الليلة بنروح نجوف جنس الجنين
كله خايفة مايبينhwaml5
الله يستر

أم حماني

08-16-2010, 03:20 PM

حلووووووو اسم ريم ... انا اذا الله رزقني بنت بسميها ( الهنوف )

بنت الأياويد

08-16-2010, 03:21 PM

محد منكم يتابع حلقات في التلفزيون؟
الا شخبار الفطور محد منكم بيطبخ اليوم؟ انا اليوم ام ريلي عازمتنه على الفطور بتفطر وبرجع شقتي ارتاح ، وهالاسبوع زوجي بسافر بعد بروح العمرة وانا بروح بيت امي احلى شي اتقولي امي اول مرة اشوف وحده ريلها بسافر تستانس هالكثر هههههههههههه قلت له مو عن شي بس بيت امي احس برمضان يتيمعون هلي لي فليل لو ريلي اهني ماقدر اتم وياهم يتم قلبي كله عندهم

أم حماني

08-16-2010, 03:23 PM

هلا والله حنين
انا كرهت جدحفص يوم متنسيه كله مرقده هناك و اخر مره بعد ترقدت هناك وكان كله اصوات انفجارات .... مت من الخووف

أم حماني

08-16-2010, 03:25 PM

بنت الأياويد

08-16-2010, 03:31 PM

حنين للماضي

08-16-2010, 03:32 PM

وي ذكرتيني ريلي قاعد يحن اليوم يبي ياخذني ... من امس اهوة يلمح بس شاف مانفع قام يقولها بصريح العباره .. مابي اروح شسوي واهوة وايد يحن hwaml15

أني برايي تروحين احسن
ترى يمكن يحط في خاطره
وانتي الردي بيت ابوش يعني عقب برجعش
قولي له عشان عيونك مابرد لك هالطلب وجوفي شلون يتشقق ولابحن عليش يومية بعد تعالي وتعاليhwaml02

حنين للماضي

08-16-2010, 03:34 PM

انتي شنو نظامج تباتين بيت امج اسبوع كامل؟ واهو وين يروح ؟ روحي له فقير انا من يوم السبت اخر مرة رحت بيت امي احس جنه سنين ماشفتهم بس كل يوم اسوي تلفون مصبره روحي لي الاربعا عشان لايقول كل يوم تروحين بروحه يقولي مستانسة هاا اني بسافر سيدة بيت امج طياري اقوله عيل شسوي ايلس بروحي في الشقة

ايي اني بعد اذا يقول بوديش بيت ابوش طيران ابرز واذا يقول بنروح بيت ابوي ساعات اتحجج وساعات ابرز على راحتي وساعات اذا ناوية ابرز على طولhwaml02

أم حماني

08-16-2010, 03:34 PM

كلامك صح ,, بس ................؟؟ اهيء اهيء اهيء ... بجوف بقوله اليوم نفس كلامج حنين بجوف شيقووول ,,, اذا ماشفتوني دخلت يعني رحت هناك خلاص

أم حماني

08-16-2010, 03:38 PM

انتي شنو نظامج تباتين بيت امج اسبوع كامل؟ واهو وين يروح ؟ روحي له فقير انا من يوم السبت اخر مرة رحت بيت امي احس جنه سنين ماشفتهم بس كل يوم اسوي تلفون مصبره روحي لي الاربعا عشان لايقول كل يوم تروحين بروحه يقولي مستانسة هاا اني بسافر سيدة بيت امج طياري اقوله عيل شسوي ايلس بروحي في الشقة

انا قبل الويك اند اروح بس اخر شي قلت مابي اروح كلش هناك ههههه ,,, واهوة كل يوم اييني نروح نصلي التراويح ويقعد معاي في بيتنا وبعدين يروح البيت والصبح يروح الشغل ويرجع وحدة الظهر

بنت الأياويد

08-16-2010, 03:38 PM

ام حماني انتي المفروض من تدشين التاسع خلاص تكونين في بيت امج واذا عندكم مكان سووله عشان يرقد وياج وقت الي يبي جذي احسن لج ، انا اذا الله كتب ودشيت التاسع بروح بيت امي واوردي غرفتي موجودة وقت الي يبي يرقد في بيتنا ايي اما انا مابروح شقتي

أم حماني

08-16-2010, 03:41 PM

عشان جذي انا قاعده هني ,,, امس ياتني الام مثل الطلق وفي الليل بطني مثل الطابوقه ... لو كنت هناك مابعرف اتصرف ولا اهوة بيعرف شيسوي بس بيخاف وبيطير فيني المستشفى .. امي فهمتني انها امنان اتيي بالتاسع وتروح عادي

بنت الأياويد

08-16-2010, 03:43 PM

اي عدل هذي امنان تروح وتيي بس انتي حاسبي على روحج واحنا بروحنا نبي اشارة عشان نقوله فليل يصيدني جذي وجذي وانت ماتعرف شنو تسوي امي تعرف ههههههه نسوي له فيلم هندي

أم حماني

08-16-2010, 03:45 PM

هههههههههههههههههههههههههههه ... حجتي الوحيدة دايمن انت ماتعرف شتسوي لي

أم حماني

08-16-2010, 03:46 PM

حبايبي بروح اصلي ,,,, خذتني السوالف

بنت الأياويد

08-16-2010, 03:48 PM

انا من اذن صليت ، تقبل الله

بنت الأياويد

08-16-2010, 04:15 PM

وينكم رقدتوا ؟!!!!!!!!!!!!!!!!!

أم حماني

08-16-2010, 04:37 PM

انا رررررررجعت

بنت الأياويد

08-16-2010, 04:45 PM

حياج الله للحين اهني؟

أم حماني

08-16-2010, 04:46 PM

اااي موجودة

بنت الأياويد

08-16-2010, 04:48 PM

ام حماني من سوالفج احس جني اعرفج تصدقين لان انا وانتي من نفس المنطقة ههههههههههه ، ماتابعين حلقات او شي ؟

أم حماني

08-16-2010, 04:50 PM

ههههههههههههه اي لاحظت نفس الشي ... خبرج الظاهر ع قولتهم شكلنا من نفس البيئة ,, اهم شي اطالع طفاشوو هههههههههههه يضحكني ... واطالع ليله عيد وفيني طبع كريه ما اركز متى وقت الحلقات يعني عادي يفوتوني ,, بس لانه امي واختي يطالعون اطالع معاهم

بنت الأياويد

08-16-2010, 04:55 PM

ليلة عيد حق عوار القلب انا بعد اشوفها واشوف زوارة خميس الي فيها سعاد عبدالله حلوة بعد واميمة في دار الايتام الي فيها هدى حسين ، خب البحرين مانفر عليها الا حق الاذان ونخلي حق طفاشو حق التكركر انا اسأل اذا مضيعه وقت الحلقة يقولون لي عيل شفطوركم اليوم؟

أم حماني

08-16-2010, 04:57 PM

هريس وثريد اهم شي على الفطور وامي مسوية دياي بالفرن ...و جلي وكريم كرمل ... واختي مسوية شعيرية مع كريمة طريقه يديده اول مره تسويهااااا

بنت الأياويد

08-16-2010, 05:01 PM

اي يحليلاتها ربي يعطيها العافيه ، ذوقي الشعيريه واذا زينة علمينا الطريقة خل نجرب انا مطرشين لي ايميل كله حلويات وفيهم جلكسي قلت بجرب بسوي يوم الي بروح بيت امي لان ريلي مايحب حلويات ومادري شنو عطيه العيوش وهالسوالف يحب قلت له مابطبخ كله عيش نبي نغير لاعت جبدنا الواحد يتملل من الروتين في رمضان

أم حماني

08-16-2010, 05:04 PM

ههههههههههههه شكله ريلج مال اول يحب العيوش ويضرب بالخمس .. انا ريلي كله يبي يسوي رجيم ويضعف روحه على انه مب متين والله بس يبي يرجع معضل وبطنه قطع نفس قبل خخخخ
انزين مايحب الموالح ؟؟ نفس البشمل والمكرونة والخلطات الي جذي

بنت الأياويد

08-16-2010, 05:09 PM

ماجربت بس قلت له اليوم ودني اشتري بايركس واشيا ناقصة بسوي داخل الفرن مابي كل يوم عيش، انا ريلي معصقل بس فيه طول معنه ماشاء الله ياكل بس مادري وين يندعس الاكل هههههههههه، بسوي له شي يشبعه نفس البشميل تعرفين طريقتها؟ وبسوي له شوربة وثريد

أم حماني

08-16-2010, 05:11 PM

ماقلتي معزومة اليوم ؟؟؟ ماعرف اسوي البشمل يختج ... لاتغترين فيني ترى انا مب لي هناك في الطباااخ بس اذا امشي ع وصفه تضبط معاي

أم زهـور

08-16-2010, 05:14 PM

سلام عليكم شخباركم كلكم ؟؟

بنت الأياويد انا احسن منج ومنكم كلكم ههههههه انتي مهلتي 5 شهور وتالي حملتي
أنا مهلت 9 شهوووور هههههههه بس بصراحة كنت احاتي وايد

أم يسااااااااف خلاص ولادة يعني ان شاء الله
شفتين الله استجاب دعوتي لمن قلت ان شاء الله باجر تولدين ههههههههه
الله يسهل عليج ان شاء الله ويقومج بالسلامة انتي والبيبي

أم حماني

08-16-2010, 05:17 PM

وعليكم السلااااام ... هلا ام زهور ... انا زعلت من اهلي اول ماحملت قلت لهم انتوا ماعلمتوني شي انا اش دراني بيصير حمل من اول شي وانا تزوجت وقت عز الاخصاب عندي .. الحمدلله على النعمه ... ناس تدور مب لاقيه

أم زهـور

08-16-2010, 05:22 PM

الحمدلله على النعمة ،، وربي يرزق كل محروم ومحروومة بحق هالشهر الفضيل ..

شمس الصباح

08-16-2010, 05:23 PM

السلام عليكم شخبار الجمع الحلو

امس كتبت رد طووووويل وبعدين تخلص البطارية الاب توب من غير ما احس ويبند

أم حماني

08-16-2010, 05:24 PM

ابي ارويكم البطاقه الي سويتها حق توزيعات حماني .. احسها عاديه ومب حلوة .... عطوني افكاركم ... اوكي؟

بنت الأياويد

08-16-2010, 05:25 PM

اي ام حماني ام ريلي اليوم عازمتنه على الفطور ، انا مسوية من قبل بشميل بس بطلع الطريقة من النت او بسوي شي بسيط ، لا يا ام زهور الله يهديج من قالج مهلت خمس شهور حملت من اول شي لان دخلت على غسله

بنت الأياويد

08-16-2010, 05:26 PM

عليكم السلام شمس الصباح ، اوكي ام حماني بنعطيج راينا :)

شمس الصباح

08-16-2010, 05:26 PM

يالله ام حماني ورينا الصور قبل لا اروح ادخل الطبخ

أم حماني

08-16-2010, 05:27 PM

هلا بج ,, شمس الصباح

شمس الصباح

08-16-2010, 05:29 PM

هلا بك بنت الأياويد و ام حماني

شكلي بروح وبرجع اشوف الصور بعدين لان زوجي يبغي يجلس معاي

باااااااااااااي

أم حماني

08-16-2010, 05:31 PM

http://forum.hwaml.com/uploaded/9892_11281969020.jpg

أم زهـور

08-16-2010, 05:33 PM

هلا بنت الأياويد شكلي خربطت بينج وبين حنين للماضي هههههههههه

أخ ياربي احس من زود الجوع خاطري في أكلات واااااااااااااايد

أم زهـور

08-16-2010, 05:34 PM

أشوفكم على خير خواتي ..

باااااااااي

بنت الأياويد

08-16-2010, 05:34 PM

حلوة مافيها شي ليش مب عاجبتج؟
بقولج حبيبتي لاتخسرين على البطايق ترى مردهم بينقطون اهمه اهم شي الجوكليت

بنت الأياويد

08-16-2010, 05:35 PM

خاطري في هريس متروسة لحم هههههههههههههههههه،
الله يعطيج العافيه ام زهور لا اختي عااادي صايمة معذورة
حياكم الله

أم حماني

08-16-2010, 05:38 PM

انا خاطري في هالعباره ( كنا اثنين وصرنا ثلاثه ) لانه ماتقدرين تكتبينها الا حق اول واحد ههههههه

أم حماني

08-16-2010, 05:43 PM

انا احس روحي متفرغه اتكلم عن البطاقات والجماعه كلهم يفكرون في الاكل هههههههههههههههههههههههههههههههههه

أم حماني

08-16-2010, 05:49 PM

يالله انا بروح انسدح ... دايخه حدي

شمس الصباح

08-16-2010, 08:28 PM

هلوووووووووووو رجعنا
بس طلع زوجي فتحت اللاب توب ودخلت علشان اشوف الصور
المهم حلوة البطاقة بس مثل ما قلتين ام حماني عبارة كنا اثنين والحين صرحنا ثلاثة حلوة لان اول مولود لج

احس نفسي ثقيلة وايد وما اتقدر اتحرك من كثر شرب الماي الدكتورة قالت لي اشربي ماي وايد اااخ بطني منفوخ

rose soul

08-16-2010, 10:58 PM

رجعنا لكم
بس شكله محد هووووون

أم حماني

08-17-2010, 12:26 AM

السلاام عليكم ورحمة الله

بنت الأياويد

08-17-2010, 01:05 AM

عليكم السلام ورحمة الله وبركاته
انا بشوف الحلقة وبقوم ارقد نتلاقى باجر الظهر قبل الطباخ

أم حماني

08-17-2010, 01:22 AM

تو الناس بنت الاياويد

بنت الأياويد

08-17-2010, 01:24 AM

يزعم برقد عشان اقوم حق السحور بس النودة طايرة ، شكلي بواصل لي السحور وشكلي لا مترددة، مشكلة ماعندج احد يشجعج حق السهر ريلي من 12 ونص دش رقد

أم حماني

08-17-2010, 01:26 AM

ههههههههههههه ... افا عليج انا اشجعج ... انا اصلي الفجر وارقد ... عشان مابي اقعد من الصبح

حنين للماضي

08-17-2010, 01:29 AM

وأخيراً عرفنا جنس الجنينhwaml84
نفس توقعاتي بالضبط وعكس توقعات زوجي تماماًhwaml77
يلا كل وحدة تقول شنو احساسها بنت لو ولد؟؟؟

اني يازعم دخلت مع زوجي انام بس ماجاني نوم ساعة 1 الظهر قاعدة اي نوم بعدhwaml72

بقوم اسوي محلبية عيش راجعة لكم بإذن اللهhwaml7

أم حماني

08-17-2010, 01:32 AM

حنين ... يا بتكون بنت او بيكون ولد ... ههههههههههه شنو تبينا نتوقع .... يالله قولي

بنت الأياويد

08-17-2010, 01:34 AM

شنو طلع فيج بنت؟
ماتقصرين ام حماني يالسه اطالع يزعم الحلقة ومشكلة ان رقدت الحين مابقوم حق السحور لان طاف الوقت، مارحتي ام حماني ويا ريلج؟

أم حماني

08-17-2010, 01:35 AM

ليلة عيد وين يحطونها الحين ...؟؟ ماشفتها اليوم ؟

أم حماني

08-17-2010, 01:36 AM

بنت الاياويد .... لا مارحت نسيت انه عندي موعد وزن باجر الصبح

بنت الأياويد

08-17-2010, 01:38 AM

يحطونها ليلة عيد هالحزة ؟ انا يالسه اشوف زوارة خميس يمكن يحطونها في ام بي سي خبريني اذا شفتيها

أم حماني

08-17-2010, 01:39 AM

حنين ؟؟؟؟؟؟؟؟؟؟؟؟؟ وين رحتي

أم حماني

08-17-2010, 01:48 AM

شالسالفه وين رحتوا كلكم ؟؟؟

أم حماني

08-17-2010, 01:53 AM

hwaml15hwaml15hwaml15hwaml15hwaml15hwaml15hwaml15h waml15hwaml15hwaml15hwaml15hwaml15hwaml15hwaml15hw aml15hwaml15

حنين للماضي

08-17-2010, 02:01 AM

هلا هلا ام حماني احنه معاش على الخط
انتي نفس اختي اقول لها شنو تتوقعين تقول لو بنت لو صبي
قلت لها تصدقين عاد ولا واحد
يلا قولي ام حماني
بنت الاياويد قالت رايها انتي شنو تقولين؟؟؟
وعلى طاري ليلة عيد اني بعد ماجفتها
يعيدونها باجر في ام بي سي ساعة 3 الظهر

أم حماني

08-17-2010, 02:02 AM

hwaml85تمللت انا ... شالسالفه كلكم تختفون مرة وحدة بلا احم ولادستور

حنين للماضي

08-17-2010, 02:02 AM

أم حماني

08-17-2010, 02:03 AM

انا بقول عكسها ... اقووول ولد

حنين للماضي

08-17-2010, 02:06 AM

والجائزة للحبيبة ....

أم حمانيhwaml02

http://www.mooode.com/data/media/131/Chocolate_3.jpg

أم حماني

08-17-2010, 02:09 AM

هههههههههههههههههه الف مبروك ... الله يتمم لج على خير ... شنو بتسمونه؟

حنين للماضي

08-17-2010, 02:19 AM

بخبركم شنو صادنه في العيادة
بصراحة موقف مستحيل انسى طول عمري
زوجي يازعم كان يبي بنت وكله كان يقول هو خاطرة في بنت صغنونه مكشكشة على قولتهhwaml38
واني احساسي كان يقول ان فيني ولد
واول ما قالت الدكتورة ان ولد وراوتنه العضو الذكري بصراحة حسيت الارض مو شايلتني لأن كنت اتمنى البجر يكون ولد عشان افرح زوجي
كنت متأكدة كل رجال العالم يتمون ولد واحد على الاقل بس يقولون يبون بنت عشان اذا طلعت صدق بنت ماينكسر خاطر المرأة
هو كان معاي عند الدكتورة وجاف كل شيء وعقب ماقمت من السرير جفته شاق البوز وفرحان حده
اول ماطلعنا من عند الدكتورة وكنه في الممر ماجفته اله يصرخ من قلبه
قمت اضحك لأن بصراحة ماتوقعته يفرح هالكثر وهو كان يصارخ اله جو بنتين ورانه اهني حسيت بفشيلة من قلبhwaml82

يلا مواقف جميلة تمر علينا وتنطبع في ذاكرتنا وهذه وحده منهم
لك الحمد ولك الشكر يااااااااااارب

وعلى طاري الاسم زوجي في اليوم خمسين اسم يقترح علي
وكل يوم يقول شيء
بس الاغلب علي بإذن الله

أم حماني

08-17-2010, 02:22 AM

ذكرتيني ,,, انا كان زوجي يقول اي شي من الله حلوو بنت ولا ولد وانا احسه يبي ولد ... وفعل شق الحلج والدنيا مب سايعته من الوناسه

حنين للماضي

08-17-2010, 02:26 AM

ايييي شكلهم كلهم جذيhwaml28
حتى اختي تقول رجلها كان يقول يبي بنت بس عقب يوم جابت ولد قال لها اشوه جبتي ولدhwaml03

الله يقومنا بالسلامة ان شاءالله
عاد ام حماني مو تقطعينا عقب ماتولدين بالسلامة ان شاءالله
بصراحة كل عضوة في هالدردشة تعودنا عليها وبالأخص انتيhwaml84

يلا ام حماني وباقي الحبايب اذا موجودين اني بقوم اصلي لي ركعتين وابرز السحور

نراكم غداً بإذن الله

أم حماني

08-17-2010, 02:30 AM

اذا حماني خلاني ادخل بتشوفوني ... يالله حبيبتي نجوفج على خير يا ام علاوي

أم حماني

08-17-2010, 03:16 AM

بنت الاياويد .. كبرتي الوساااد شكلج

بنت الأياويد

08-17-2010, 12:16 PM

ظهر الخير ، كبرت الوساد وياريتني ماكبرته ماقحصت الا الساعه اربع لاتعشيت ولا تسحرت عاد اليوم ماقدرت اصوم لاني بدون سحور ماسوى ولا بيزه وقمت الصبح عافيتي تتنافض وريولي ماتشيلني ففطرت اليوم مايسوى علي كلش تعبانه

rose soul

08-17-2010, 01:27 PM

سلامي عليكم حوامل
شخباركم؟

بنت الأياويد

08-17-2010, 01:29 PM

عليكم السلام بخير انتي شخبارج ، جنج امس سألتيني عن اسم بنتي وطلعتي وانا رديت عليج بس شكلج ماشفتي الرد

rose soul

08-17-2010, 01:36 PM

هلا بنت الاياويد
انا الحمد لله وانتي شلونج؟
اي انا اللي سألت
وجفت الرد قبل لا اطلع
قلتي بسمينها ريم مووو
احلى الاسامي والله
هههههههه
مايصير اطلع وماجوف الرد
:p

بنت الأياويد

08-17-2010, 01:38 PM

انا الحمدلله بخير ، اي عددل كلامج قلت بسميها ريم شخبارج مع الصيام ، انا اليوم فطرت لان قعدت عقب الاذان مامداني اتسحر ولا تعشيت بعد

rose soul

08-17-2010, 01:44 PM

تبين الصراحة اعاني مع الصيام..من اتفطر ارجع انتي بكرامة ...ما يتم شي في بطني
آخرتها بنقرض
وامي كل يوم تقعدني لسحور قبل الاذان بشوي علشان اتسحر آكل اشياء خفيفة

بنت الأياويد

08-17-2010, 01:45 PM

يمكن مايصلح لج الصيام لان توج في بداية الشهور ؟ اذا تحسين تعب فطري وعقب اقضيه

rose soul

08-17-2010, 01:52 PM

مادري والله
احس روحي شوي اقدر اواصل في الصيام النهار...بس من بعد ما اتفطر اتعب شوي
يلا ...الله كريم
وانا اذا شفت حالتي كلش ما تسمح اكيد بفطر
وكل يوم ادعو ربي ان النساة تروح عني خير شر لأن تعبتني عدل مع اني بدش الرابع الحين عقب جمن يوم

بنت الأياويد

08-17-2010, 01:54 PM

االنساه ماتروح على طول بس انتي شيليها من بالج انا بدت وياي من الشهر الثاني لي بداية الخامس للحين ماراحت مني عدل بس اهون من قبل الترجيع خف عن قبل

rose soul

08-17-2010, 01:58 PM

اي انا احاول اشيلها من بالي وما افكر فيها
لأن من افكر فيها .... تسبب لي ازمة ههههههههه

بنت الأياويد

08-17-2010, 02:03 PM

اهيه بكبرها ازمه الله يعينج ويعينا يارب وانتي توج في الحمد انا في الخامس الاحد الياي بدش السادس احس جني من سنين حامل، بس اهم شي ماتسمعين كلام احد لان انا من احد يسولف جدامي انه تنسى في جذي او صاده جذي في الحمل احط في بالي ويصيدني

rose soul

08-17-2010, 02:09 PM

اي والله الله يعين كل حامل ويسر لها
اذا انتي تحسين بسنين
انا احس ان بقى علي مشوار طوووووووويل ودهرررر على ما اولد

rose soul

08-17-2010, 02:20 PM

ام حماني ما بينت اليوم
شكلها ردت بيت زوجهاااااا

شمس الصباح

08-17-2010, 02:38 PM

الف مبروك حنين الماضي شكلش فرحانه حدش مثل ما صادني لما قالت لي الدكتورة شنو فيني ههههههههه
انا زوجي فرحان من عرف بنت وكل دقيقة يحط ايده على بطني كاني اول مولود لي متخرع الرجال ولا واللي ازيد انه يقول خلاص ما بشتري ليش شي كل لبنتي كل شي بشتري لها لان هو متعود ان اي سفره له او حتى اذا في البحرين لازم يشترى لي ملابس ونعل وشنط بس الحين شكلي بصير على الرف ههههههههه

دوحة الأمل

08-17-2010, 02:40 PM

سلالالالالام
شلونكم كروشات ؟؟؟
أني اليوم واااجد متكدرة لأن من امس فيني ألالام اسفل البطن والجوانب وظهري متكسر واول ما صحيت من النوم حسيت بشي نزل مني ويوم فحصت لقيت ان دم ويسيل وتخرعت ....... وحاليا انتظر زوجي يرجع من الشغل عشان يوديني الطوارئ
تتوقعون هل العصبيه ليها دور ؟؟
لأن امس المغرب نرفزوني بناتي وصرخت عليهم وبالليل طلعت بالسيارة واني اتألم من ظهري وبطني
طمنوني إذا وحده مرت بنفس التجربه

شمس الصباح

08-17-2010, 02:43 PM

اي اختى النفسية لها دور حاسبي على نفسك

بس شكلش كنت تسوقين بسرعة من العصبية ولا تدرين حاسبي وطمنينا عليك وما تشوفين شر

rose soul

08-17-2010, 02:44 PM

دوحة الامل
ما عليج شر
ان شاء الله ما فيج الا كل خير وتطمنينا عليج
اهي الحالة النفسية تأثر ع الجنين..بس ما عندي خبرة اذا تسبب نزول الدم

شمس الصباح

08-17-2010, 02:54 PM

امس بالليل قررت اسوي مطبق جبن للسحور وخصوصا ان زوجي يحب المطبق فسويت تجربة عليه بس طلعت لذيذ ومن جهز قعد يبغي ياكل واني مصرة ان لازم اصور الطبق لاني احب اكتب الطبخة عندي ومع الصورة بكرة اعطي بنتي دفتر فيه طبخاتي تقدر تستفيد منه ويكون هدية مني ويفيدها

وهذة صورة المطبق عن قرب حياكم كل وحده تاخذ قطعة لها بس مو الحين تاكلونة انتظرو اذان المغرب

http://thumbs.bc.jncdn.com/a8ef92a785c083bc6d2e0b5f8e1af49d_lm.jpg

rose soul

08-17-2010, 02:59 PM

ياي شكلهاااااا يشهيي
عليكم بالعافية
والله وطلعتي طباخة خطيرة يا شمس الصباح

rose soul

08-17-2010, 03:01 PM

انا حماتي مثلج
كل طبخة تطبخها لازم تصورهاا
وتكتب مقادريها
وتبتكر طبخات من عندها بعد

شمس الصباح

08-17-2010, 03:04 PM

هلوووو اي والله مع انها اول تجربة بس نجحت معاي وكانت لذيذة

ولكن لو تدرين شنو صار فيني بس ما خلصت منها بتضحكين على

rose soul

08-17-2010, 03:05 PM

شنو صار؟؟؟؟؟؟؟؟؟؟؟؟؟؟؟

شمس الصباح

08-17-2010, 03:09 PM

انا كنت ابتكر بس الحين ما الحق ما شاء الله كل يوم طبخة جديده تطلع من يقول زوجي يبغي شي على طول ادور علها واطبخها

اليوم يبغي اسوي اليه كيكة بكره اذا صار عندي وقت بحطها لكم

دوحة الأمل

08-17-2010, 03:10 PM

هل تتوقعون ان هاذي علامات إجهاض؟؟؟؟؟؟؟؟

rose soul

08-17-2010, 03:14 PM

شمس الصباح
في انتظار الكيكة باجر هههه

...
دوحة الامل
لا ان شاء الله ما فيج شي
تفائلي
بس ضروري تروحين المستشفى تجوفين

شمس الصباح

08-17-2010, 03:14 PM

الطبخة تحتاج اني ارق العجين المهم انا سويتها وشبعنا منها قام زوجي يضحك وهو يطالع فيني ولما سئلت يقول ملابشج كلها طحين صوب البطن يقول زين جدي بنتي تتوسخ وانا تفشلت لاني مو من العاده اوسخ نفسي جدي صارت ملابس بيضة من الطحين

شمس الصباح

08-17-2010, 03:15 PM

اختي دوحة امل الدم وايد ولا خفيف

rose soul

08-17-2010, 03:19 PM

شمس الصباح

08-17-2010, 03:20 PM

اهم شي ان الدم يكون بدون قطع دم

ولازم ترتاحين اختي ولا تجهدين نفسك روحي ارتاحي لين ما يوصل زوجش روحي المستشفى وان شاء الله ما عليش الا العافية

ولا تحاتين احيانا يكون بس مجرد تعب ودم خفيف وكل شي يصير اوكي ما تشوفين شر

شمس الصباح

08-17-2010, 03:25 PM

بروح الحين بريح اشوي

rose soul

08-17-2010, 03:29 PM

اخذي راحتج شمس^_^

أم حماني

08-17-2010, 04:43 PM

دوحة الأمل ... سلامتج طمنينا عليج وان شاء الله يكون مجرد تعب

أم حماني

08-17-2010, 04:46 PM

شمس الصباح .. خطيرة والله ,,, انا احب الطباخ بس ماعرف ابتكر ,,, امشي على وصفات وتضبط معاي .. حاسه انه لي مستقبل بس يصير عندي مطبخ بروحي .. الله يرحم ايام شقتي اللي ماتهنيت فيها بس شهر قعدت فيها بس مب متحسفه عليها لاني صج كرهتها ايام النساة ومازلت اكرهها هههههههه

أم حماني

08-17-2010, 04:47 PM

روز سول ... لا مارحت على انه يسوي لي اغراءات اروح معاه .. يقول لي تعالي معاي وبنتفطر في فندق اليوم هههههههههههه ... ضحكني احسه يقص علي مثل الياهل ويغريني بس جد مافيني شده اروح هناك ...

أم حماني

08-17-2010, 04:52 PM

انا اليوم كان عندي موعد وزن الصبح في المركز و رحت والحمدلله كل شي اوك ,,,, دمي نزل من 12 الى 11 بس الدكتورة تقول اهم شي فوق ال 10 .. وعطوني موعد عقب اسبوع ... بس تعبت وايد ورجعت البيت دايخه حدي.,, حتى ابليس يحدني افطر و ع طرف لساني اقول حق امي اتييب لي ماي واهيه بالمطبخ بس تعوذت من ابليس وصليت ورقدت واحين مازلت مقاومة ,,,

أم حماني

08-17-2010, 04:53 PM

يا حليلج يا ام حماني تهذرين بروحج hwaml23

حنين للماضي

08-17-2010, 05:22 PM

الحمدلله ام حماني
ربي يقومش بالسلامة ويلا تحملي كله ساعة وحدة ويأذن

اختي دوحة الامل ماجوفين شر
ان شاءالله يكون مجرد تعب عادي
منينا عليش

حبيبتي شمس مشكورة حبيبتي
طبعاً مستانسة لأني زرعت البسمة على وجه زوجي
لا يفوتش طلعت في الاسبوع ال17 من لال حجم البيبي وراسه وحزام بطنه يعني الحمل صار متأخر لأن اني دورتي مو منتظمة من الاساس
انتي عندش بعد اولاد صح؟؟
هذه اول بنت شكلها
ربي يخليها لكم وتقر عينكم بجوفتها
عاد اني شارية بدلة بنات عجبتني حدها يوم رحت السوق
بصراحة اذا اطالعها استجن
لأن عن جد ملابس البنات شيء ثاني

حبيبتي روز ترى عادي اني الحين في بداية الخامس وللحين ارجع ساعات
ولاتحاتين حالياً الطفل ياخذ من مخزون جسمش
ان شاءالله ماعليش شر

جفتوا الحظ غازنا خللص وطبختي ظلتhwaml4

أم حماني

08-17-2010, 05:38 PM

هههههههههههههه حنين ذكرتيني بالمثل الي يقول صخنا الماي وطار الديج ... بس انتي جهزت الطبخه وخلص الغاز

بنت الأياويد

08-17-2010, 05:39 PM

ام حماني وين غبيتي اليوم الديوانية مب حلوة بدونج، بل بس شهر تميتي في شقتج ؟ يعني نفس حالتي تميت شهر او اقل وتنسيت على طول رحت بيت امي لان تنسيت في ريلي وفي الشقة والحين نقلت شقة ثانية ارضي لان ماقدر على الدري وذيج كارهتها كلش، لايفوتكم انا اليوم طابخه ههههههههههههههههههه

أم حماني

08-17-2010, 05:43 PM

بنت الاياويد اليوم قعدت من الصبح ورحت موعدي .. ورجعت دايخه حدي ... وريجي ناااااااااشف وعطشااااااااااانه ... بس مافطرت استحملت عشان جذي ماقدرت ادخل

بنت الأياويد

08-17-2010, 05:47 PM

ااهاا لا اانا غلبتج وفطرت اليوم لان امس ماتعشيت ويزعم بتسحر يلست الساعه اربع فمايصلح لي اصوم وجبدي خالية ولا ماكله الحبوب بعد

أم حماني

08-17-2010, 05:53 PM

انا توقعت انج رقدتي ... حتى كتبت بنت الاياويد كبرتي الوسااااد ههههههههههه
يالله ... الله يعينج على الدين عقب عاد .. امي تحن علي افطر تقول لي حالتج حاله بس انا متحسفه افطر وانا صايمة نص اليوم ,, الحين توني داشه الاسبوع الثاني من التاسع .. يعني اتوقع اواخر التاسع بتعب اكثر واحتمال اكبر اني افطر ,, فخلني اتحمل الحين دام فيني شدة

شوفي هالفيديوو ... وناسه اتشوفين الياهل شلون يتطور.. بس يمكن مايشتغل اذا انتي مب مشتركة بالموقع

http://arabia.babycenter.com/video/pregnancy/weeks-21-to-27-pregnancy/ (http://forum.hwaml.com/redirector.php?url=%68%74%74%70%3a%2f%2f%61%72%61% 62%69%61%2e%62%61%62%79%63%65%6e%74%65%72%2e%63%6f %6d%2f%76%69%64%65%6f%2f%70%72%65%67%6e%61%6e%63%7 9%2f%77%65%65%6b%73%2d%32%31%2d%74%6f%2d%32%37%2d% 70%72%65%67%6e%61%6e%63%79%2f)

بنت الأياويد

08-17-2010, 05:57 PM

اي دام الحين فيج شده شوي صومي لان شكلج بصير عليج دين، انا ان شاء الله بس هاليوم الي علي دين بواصل بإذن الله ، اليوم طبخت ام حماني حدي متشلخه هههههههههه

أم حماني

08-17-2010, 06:00 PM

مبروك عليج .. اش سويتي طبق اليوم ؟؟

أم حماني

08-17-2010, 06:08 PM

بنت الاياويد مره وحدة تطلع ومره وحدة تختفي .. انا بروح احوس شوي بالمطبخ معاهم مابقى شي على الاذان hwaml23

بنت الأياويد

08-17-2010, 07:25 PM

ههههههههههههههه اختفيت لان ريلي وصل ، سويت سلمج الله صالونة دال لان لاعت جبدنا من العيش وكلنا ويا خبز وسويت صينية الدياي بالذرة في الفرن وسويت شوربة دياي وذرة وعصير ليمون بس حدي تشلخت اليوم كل الطبخات اول مرة اسويهم اليوم بس الحمدلله نجحوا في الفحص هههههههههههههههه نتلاقى بعدين

بنت المحرق

08-17-2010, 07:47 PM

هــآآي .. السلـآم عليكم .. شخبـآآآآركم بنـآآآآت .. آنه طبعـآ توني يديده

بس ييتكم متأخره خخخخخخخ ..

وان شاء الله آكون خفيفه عليكم ..

rose soul

08-17-2010, 09:39 PM

هــآآي .. السلـآم عليكم .. شخبـآآآآركم بنـآآآآت .. آنه طبعـآ توني يديده

بس ييتكم متأخره خخخخخخخ ..

وان شاء الله آكون خفيفه عليكم ..
عليكم السلام
يا هلا بيج بنت المحرق بين خواتج
منورة
حياج الله بين الحوامل البحرينhwaml02

بنت الأياويد

08-18-2010, 12:36 AM

ياهلا فيج بنت المحرق ، اليوم صخه مافي احد ليكون ام حماني راحت بيت ريلها اشوف مالها بيانه؟

حنين للماضي

08-18-2010, 01:34 AM

السلام عليكم

اش عندها بنت الاياويد مطلعة عضلاتها اليومhwaml77
الله يعطيش الصحة والعافية

شريتي اغراض لريومة؟؟
اموت في فساتين البيبيات بالذات اذا يجي معاهم تاج ودلاغ وحركات يعنيhwaml81

ايي ام حماني شكلها طلعت الليلة

اني برزت السحور بس علينا ناكلهhwaml86
انتي شنو تسحرين؟؟

حياش الله حبيبتي بنت المحرق وان شاءالله تتواصلين معانه ونتعرف عليش اكثر

ام حماني شكراً من قلب على الفيديو الكليبات الروعةhwaml36

أم حماني

08-18-2010, 01:55 AM

لا ما رحت hwaml02
باجر بروح ... حماتي عازمتنا على الفطور

أم حماني

08-18-2010, 01:58 AM

هــآآي .. السلـآم عليكم .. شخبـآآآآركم بنـآآآآت .. آنه طبعـآ توني يديده

بس ييتكم متأخره خخخخخخخ ..

وان شاء الله آكون خفيفه عليكم ..

هلا هلا وعليكم السلام ورحمة الله وبركاته ... حياج الله اختي بيناااا ,,, وان شاء الله نشوفج كل يوم هني ... ترى البنات وايد وايد حليوين ... بتستانسين معانا ان شاء الله

حنين للماضي

08-18-2010, 02:10 AM

هلا والله بأم حماني

صايرة بسرعة اشبع
مايمديني آكل شيء اله خلاص احس روحي بنفجر وبرجع
تخيلوا الحين كليت خوختين والحين حاسة روحي كلش ثقيلة وشبعانه حد حدي

اليوم مابينت الاخت حروف ولا فتاة ولا ام زهور

وب ام يساف شكلها ولدت بالسلامة ان شاءالله

أم حماني

08-18-2010, 02:26 AM

اي مسكينه ام يساف ... اتوقعها ولدت الحين ... ان شاء الله تطمنا عليها

أم حماني

08-18-2010, 02:29 AM

الانترنت عندي وايد بطيء اليوم ... يرفع الضغط

بنت الأياويد

08-18-2010, 02:30 AM

عدناااااا، شخباركم؟

بنت الأياويد

08-18-2010, 02:33 AM

هلا حنين اي والله مطلعه عضلاتي ههههههههههههه وتوني من شوي الله يعزج مرجعه مادري شفيني احس روحي مافيني قوة، لاوالله للحين ماشريت ولا شي شكلي عقب العيد ببتدي اشتري شوي شوي وبكمل اجراءات الانسحاب لان باقي لي مادة واخذ البي اس بس مابقدر اكمل الكورس الياي لان الامتحان عقب ولادتي بفترة بسيطة
شخبارج ام حماني وشخبار كل الموجودين؟انا اليوم بايلس لي السحور

أم حماني

08-18-2010, 02:42 AM

هلا وغلا باللي عادوا ... وباللي يختفون مره وحدة

بنت الأياويد

08-18-2010, 02:43 AM

ههاي حلوة ذي النغزة عجبتني ههههههههههههههههههههه

بنت الأياويد

08-18-2010, 02:45 AM

توقعتج رحتي رقدتي بيت ريلج؟ شفتج غبيتي مادشيتي من وقت

أم حماني

08-18-2010, 02:46 AM

ههههههههههههههههههههههههههه ... اش رايج فيني ...؟؟ اعرف اقط نغزااااات ؟؟؟
بعد الحين صايره طباخه وتنافسين شمس الصبااااح ... محد يقدر ايي صوبج خخخخخخخ

بنت الأياويد

08-18-2010, 02:48 AM

اي تعرفين ونص ، اي مافوقي فوق الحين يزعم كلش ، وانتي بسج روحي حق هالفقير يقولج زين الشهر التاسع تروحين بيت ريلج فيها فايده لج ههههههههههه

أم حماني

08-18-2010, 02:51 AM

لا مارحت يختي بس مادري شقولج .. صار شوي نقاش حاد بين اخواني في البيت وانا ماستحمل كلش قعدت اصييح وايد .. حتى امي خافت علي ,, مادري اشفيني صاير وايد حساسه بزياده
راسي عورني وانسدحت عشاني جذي مادخلت وسبحان الله حزة اللي قاعده اصيح الا ريلي متصل على انه هالوقت هو مايتصل لانه عادة راقد .. بس تقولين قلبه حاااس .. خرعني والله

بنت الأياويد

08-18-2010, 02:56 AM

اي وعليه عليج الله يصلح الحال من بينهم ، ترى الحامل دايما تصير وايد حساسة اليوم انا هلون ريلي يتغشمر وياي وطقيتها صياح في السيارة جنه تقولين احد ميت عندي

أم حماني

08-18-2010, 03:03 AM

اش طبختي للسحوور ؟؟

بنت الأياويد

08-18-2010, 03:05 AM

يالسين نتسحر الحين ماطبخ في السحور ناكل اشيا خفيفة زيتون ولبنة وروتي جبن وجاي حليب ونطالع طفاشو حياج ويانا؟
توه المسحر مار يم الشقة

أم حماني

08-18-2010, 03:09 AM

بالعافيه ان شاء الله ... نفسي منسده والله مالي خاطر اكل شي بس بجبر روحي عشان باجر اقدر اصوم

بنت الأياويد

08-18-2010, 03:11 AM

غصبي روحج اهم شي التمر واللبن او الحليب

أم حماني

08-18-2010, 03:14 AM

انزين عيل بقوم من الحين عشان اكل ع راحتي قبل الاذان ... انا باجر بدش الظهر والعصر بروح بيت حماتي اتفطر وعقبها الله اعلم متى تشوفوني بعد خخخخ تحملي بروحج وسلمي على باقي الكروشات

rose soul

08-18-2010, 02:10 PM

مساء الانوار
شخباركم اليوم؟؟

rose soul

08-18-2010, 02:12 PM

هههههههه شفي ولدي صار معصقل اللي بالتوقيع
بقى ثلاثة ايام وادش الرابع اففف
اخيررا بخلص الثالث

شمس الصباح

08-18-2010, 02:35 PM

شخباركم حوامل

وشخبار كل وحده منكم

اليوم احس نفسي عطشانة وايد لان امس بالليل ما شربت ماي وكان عندي ضيوف من طلعو حسيت بتعب وعلى طول على السرير

rose soul

08-18-2010, 02:42 PM

هلا شمس الصباح ... الله يساعدج...حاسة فيج
تصدقين انا بعد احس بعطش
لأن ما شربت حليب امس...متعودة لازم في كل سحور كوب حليب

أم حماني

08-18-2010, 02:43 PM

سلالالالالالالالالالالالالالالالالالالالالام عليكم

شمس الصباح

08-18-2010, 02:45 PM

هلاااااااااااااااا ومرحبا

اليوم قلت بنزل لكم صورة الكيكة بس ما ادري شنو في الكمبيوتر

الله يحبكم ابغي كنت اجوعكم خخخخخخخخخخخخخ

أم حماني

08-18-2010, 02:49 PM

لا شمس الصباااح حررررام عليج ... لاتنسين في ناس ليحين يتنسوووون
لاتصيرين شريره hwaml02

rose soul

08-18-2010, 02:50 PM

ام حماني
عليكم السلام يا هلا بيج

....
شمس الصباح
اوه سويتي الكيكة يعني اللي قلتي لنا عنها

شمس الصباح

08-18-2010, 02:54 PM

خخخخخخخخخخ انا اليوم صايرة شريرة مو بس معاكم حتى مع زوجي مسكين بالغصب خليته ينام الظهر خخخخ

اختي رزو اي الكيكة سويتها بشوف وقت ثاني وبحطها

rose soul

08-18-2010, 02:55 PM

ام حماني هههههههههه ما توقع احد تنسى على الكيك :p

أم حماني

08-18-2010, 02:56 PM

انا اليوم بروح عنكم ... مادري متى بجوفكم مره ثانيه

شمس الصباح

08-18-2010, 02:58 PM

اخذي راحتش ام حماني انا بعد اشوي بروح احشي السمبوسة وكم شغله بعد عندي بسويهم

rose soul

08-18-2010, 02:59 PM

بتصير لج وحشة هني

انا قررت اردت شقتنا عقب جمن يوم
لأني بدش الرابع..واداري زوجي مسكين هههه..اقصد اهو اللي يداريني ويتحمل فيني

أم حماني

08-18-2010, 03:01 PM

الشيف شمس الصباح .. الله يعطيج العافية

شمس الصباح

08-18-2010, 03:03 PM

اي مساكين والله ازوجنا يتحملونا وايد في فترة الحمل

روحي وتدلعي على زوجش فترة الحمل الوحده تدلل على كيف كفيها وهي حامل

أم حماني

08-18-2010, 03:08 PM

ههههههههههههههههههههه انا لاشعوريا اذا ياني بيت اهلي اتدلع .. حتى امي تقول له ماعليك منها بس من تشوفك تتدلع هههههههههههه ... فضحتني

شمس الصباح

08-18-2010, 03:09 PM

الشيف شمس الصباح .. الله يعطيج العافية

الله يعافيش ام حماني ههههههههههههههhwaml7

سوالف طفاش2 الحين في سما دبي يعرضونها احب اشوفها لان في الليل ما يصير عندي وقت اكون مشغولة

شمس الصباح

08-18-2010, 03:11 PM

انا اتدلع على مدار الساعة خخخخخخخخخ

مسكين وايد يساعدني في شغل البيت احيانا حتى يغسل معاي الصحون

أم حماني

08-18-2010, 03:13 PM

اي الحين قاعده امي تطالعه ... والله هالمسلسل يوسع الصدر

rose soul

08-18-2010, 03:14 PM

شمس الصباح..يعطيج العافية
تصدقين خاطري اطبخ
بس نطري علي شوي وبراويج طبخاتي
في الشقة راح اسويهم ههههه
...
ام حماني
اي لازم الوحدة تدلع
بس انا ما اقدر ادلع عليه وايد...لأني ما اشوفه الا شوي
اكثر الدلع على بيتنا...ومسكينة امي مو مقصرة معاي
بس انا ان شاء الله لين رحت الشقة..بخليه يقوم بالواجب عدل ههههه
يعوضني

أم حماني

08-18-2010, 03:15 PM

اهمه صج يتحملونا وايد .... بس احنا متحملين اكثر ... الحمدلله هذي كتبة الله علينااا

rose soul

08-18-2010, 03:16 PM

طفاش
مادري ليش هالمسلسل ماحب اطالعة هههه
و زوجي كل يوم يطالعة ومستانس عليه..يقول لي طالعيه يضحك

rose soul

08-18-2010, 03:18 PM

اهمه صج يتحملونا وايد .... بس احنا متحملين اكثر ... الحمدلله هذي كتبة الله علينااا
اي والله صدقتي
وكلامج صحيح 100%

شمس الصباح

08-18-2010, 03:23 PM

انتظر طباخش روز سول يمكن بعدين تعجبني طبخة من عندش واسويها احب اسوي طبخات جديده

اليوم مقرر زوجي يسوي لي عصير من يده عصير موز فرش

امس سوى لي عصير برتقال وانا اموووووووووت على البرتقال مممممممممم

اليوم جاب كارتون موز هههههه يقول هذا اليوم بسوي لج عصير موز شكله بيصير عندي امساك بروحي اخذ دواء عن الأمساك بس ما ابغي ازعله بخلط الدواء مع العصير وامري لله

أم حماني

08-18-2010, 03:25 PM

تصدقون انا قبل لا احمل اموت في شي اسمه موز ... وماشرب الا عصير موز .... ومن تنسيت كرهته ولحد الان ماقدر اكله

شمس الصباح

08-18-2010, 03:29 PM

ان اكره شي اسمة برتقال وكنت ما احبه بس الحين امووووووووووت عليه

ااااااااااااااخ جوعانه بطني يضرب موسيقى اشكال والوان من الجوع شكلي بروح اريح قبل لا ادخل المطبخ

اشوفكم على خير

أم حماني

08-18-2010, 03:31 PM

سلامتج شمس الصباااااااااااح .. نشوفج على خير

rose soul

08-18-2010, 03:32 PM

اي في هالفترة يسبب احراج الموز للحامل

بس تصدقين حماتي طايحة في الموز...من يوم عرفت ان فيه حديد وايد ومفيد للحامل

وانتي لاتكسرين بخاطر زوجج...وشربي قلاص بس منه هههه..حتى لو كان لذيذ..بس لا تزودين

rose soul

08-18-2010, 03:33 PM

الله وياج شمس الصباح ..وتحملي بروحج

أم حماني

08-18-2010, 03:36 PM

اكره شي مع الحمل الامساااااك ... تجنبيه روز قد ماتقدرين

rose soul

08-18-2010, 03:45 PM

اي انا من زمان مبتعدة عنه يا ام حماني
حتى قبل لا احمل
لأن انا من آكله يسبب امساك حتى قبل لا احمل
فما بالج الحين ..مقاطعته من زمان
بس تصدقين صار خاطري فيه الحين هههه من سمعت طاريه من شمس
عصير موز بالآيس كريم

أم حماني

08-18-2010, 03:47 PM

هههههههههههههههههههههههه .... الصايم يصير خاطره في اي شي ... انا بدايه حملي اي شي يقولونه يصير خاطري فيه .. شكله حماني بيطلع مبقع من كثر الشامات .. مره تصدقين صار خاطري في فراولة ... 3 ايام يدورونه لي وماحصلوا .. ريلي واخواني واختي وابوي كلهم يدورون مب محصلين هههههههههههه

أم حماني

08-18-2010, 03:50 PM

يالله انا بروح اتجهز عشان العزيمة ... نسيت روحي يمكن ايي ريلي الحين وانا ماجهزت

rose soul

08-18-2010, 03:51 PM

هههههه
اي انا اول مادريت اني حامل صار خاطري في لوز و صبار حامض
اللوز حصلناه بس الصبار ما كان موسمه

والحين كرهت الحوامض هههههههههه

rose soul

08-18-2010, 03:53 PM

خذي راحتج ام حماني
وعليج بالعافية العزيمة ... اكلي عدل :p

الفتاة الذهبية

08-18-2010, 05:10 PM

روز سول

شخبارج ؟
انتي كرهتي الحوامض وانا للحين ابلع في الحوامض وامووت في الحلويات
ما بولد الا و زايده 20 كيلوو هههههههههههههههههه اتخيلي بس

الفتاة الذهبية

08-18-2010, 05:12 PM

باجر بروح السعودية

خخخ واذا عجبني شي حق البيبي وشريته اكيد ر اح اوريكم اياه

بنت المحرق

08-18-2010, 06:03 PM

عليكم السلام
يا هلا بيج بنت المحرق بين خواتج
منورة
حياج الله بين الحوامل البحرينhwaml02

هلااااااا فيج حبيبتي .. تسلمين على التولكم الفله hwaml7

ياهلا فيج بنت المحرق ، اليوم صخه مافي احد ليكون ام حماني راحت بيت ريلها اشوف مالها بيانه؟

هلا فيج خووويتي العزيزه .. ثانكيووو ماقصرتي .. hwaml7

هلا هلا وعليكم السلام ورحمة الله وبركاته ... حياج الله اختي بيناااا ,,, وان شاء الله نشوفج كل يوم هني ... ترى البنات وايد وايد حليوين ... بتستانسين معانا ان شاء الله

هلااااا ام حماني .. مشكووووره عزيزتي .. وعلى خير ان شاء الله hwaml7

.........

شلونكم اليوم مع التعب ؟؟

انه يييتكم متأخر .. مآدري ان بنات ديرتي هني .. هههه انه بس

كله كنت ادش كزاائر ..لو ادري ان في احد من بنات ديرتي هني

جان دشيت عرض عليكم من زمااان هههههههههههه

<< تحب الهذره خخخخخ hwaml02

شكلي انه وام حماني بنولد في نفس اليوم خخخخخخخ

وهالناس مايغفلون اللي يخرعج واللي يطمنج ..!

بس انه متوكله على رب العالمين .. وان شاء الله الله يسهل

علينا كلنه ..

rose soul

08-18-2010, 07:06 PM

الفتاة الذهبية
هلا بيج انا الحمد لله بخير...اي كرهت الحوامض لأن سببت لي مشكله اففف
بس انتبهي من كثر الحلويات خيتوووو ... مب زين كثرته
والله وقمتي تتشرين هههه...عقبالنا ان شاء الله
في انتظار الصور
....

بنت المحرق
اذا انتي تحبين الهذرة
احنا نحبها دبل ههههه
والله وشكلج في التاسع
ما شاء الله عليج

rose soul

08-18-2010, 07:09 PM

ما شاء الله عليكم
شكلكم كلكم بتولدون قبلي

بس مو من تولدون تنسونا
وتخلوني بريحاتي اهني هههههههههههه

بنت المحرق

08-18-2010, 11:01 PM

خخخخخخ .. اي من جذي اقول لج لو ادري من قبل انكم هني جان

دشيت من زمااااان انه كله ادش بس كزاائر خخخخ

تصدقون خاطري في صبار مخرخش ههههههههههههههههههههههه

بنت المحرق

08-18-2010, 11:02 PM

ان شاء الله بندش عشااانج .. بس كله يخرعوني يقولون الله يعيينج بعدين

حتى رقاد مابترقدين خخخخخخخخخخخخخخخخخخ

احنه مع هالثقل ومب قادرين نرقد شلون الا عقب ..!

ولاتحاتين بارتز لج اول ما يرقد البيبي على طول بايي لج هههههه

الله يسهل عليج ان شاء الله ..

حروف عاشقة

08-19-2010, 12:33 AM

اووووو عندنا ضيفة جديدة لاااااااااااااااااااا مو ضيفة صاحبة الدار يا هلا فيش يا بنت لمحرق

اوو شكلي نسيت اسلم شخباركم جميع ، ويا هلا بيش خيوتي

انتي في اي شهر الحين ؟

ام سهير

08-19-2010, 12:53 AM

انا ام سهير من البحرين ممكن تدلونى على دكتوره شاطره ومجربه

بنت الأياويد

08-19-2010, 01:03 AM

شخباااااركم جميعا ، اليوم صرت احس بحركات الياهل اكثر من قبل يقولون ان البنت تسبح ماتحسين فيها كثر الولد بس لاني يوم الاحد بدش السادس فمن جذي احس بحركاتها فديت قلبها حدي مستانسه عليها الله يحفظها بنيتي من كل شر ويحفظ اعيالكم ان شاء الله ويقومكم بالسلامة

حروف عاشقة

08-19-2010, 01:50 AM

يا هلا فيش ام سهير نورتينا ..

انا إلي اعرفهم سميرة مدن و فوزية كمال ثنتيناتهم دكاترة سمعتهم حلوة .. بس هذولة إلي اعرفهم يمكن البنات يفيدونش ..

بنت الاياوويد

الله يحفظ البنووته ويزيد من حركتها ونشاطها يا رب شي طبيعي الحين بتحسين بالحركة بتتونسين فيها بعد مثل الحين على طول احسهم يتحركون اقول شكلهم ما ينامون بيننوني ادا طلعوا الله يخليهم لي :) ..

حنين للماضي

08-19-2010, 02:10 PM

السلام عليكم حبايبي
شخباركم؟؟

حبيبتي شمس ذكرتيني بقوم اسوي سمبوسة
اني اصور طبخاتي بعد ساعات بس للأسف واير تلفوني ماادري في وين جان نزلتهم لكم
امس طلعت عضلاتي وسويت كباب وبلاليط وشوربة
الحمدلله كل شيء طلع عجيب بالذات الشوربة

كل ما اذكر ولدي اموت من الفرحة كان حط يده على خده فديت خده اني واللهhwaml82

اختي شمس شلون سويتي مطبق الجبن اللي حاطه صورته
احسه خفيف واوكي للسحور

rose soul

08-19-2010, 02:30 PM

السلااااااااااااااام عليكم
يا حوامل..شخباركم اليوم؟؟ان شاء الله طيبيين

بنت الأياويد

08-19-2010, 03:06 PM

عليكم السلام ، احنا بخير انتوا شخباركم انا اليوم دخلت السادس الحمدلله ويوم الاحد عندي موعد في العيادة ان شاء الله كلشي خير بس دمي يقولون ناقص لان واصل 11 ويقولون لازم الحامل 12

rose soul

08-19-2010, 03:15 PM

هلا بيج بنت الاياويد
احلى شي لما تدخلين شهر ثاني ..تحس الوحدة بوناسة تسوي تقدم ههه
عطوج حبوب حق ترفعين دمج؟؟لو وصفو لج أكلات معينة تاكلينها؟؟

تصدقين انا من اول موعد لي كان ناقص..واصل 9
حتى ما عطتني شي..بس قالت لي اكلي تبولة وزيدي من السلطة والجبود..والاكلات اللي فيها حديد