أهلا وسهلا بك إلى منتديات حوامل النسائية. |
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا |
|
إستفسارات مرحلة الولادة إستفسارات الولادة الذين هم على وشك ولادة للطرح جميع مشكلاتهم واستفساراتهم قبل وأثناء ومابعد الولادة للأمهات الجدد وذوات الخبرة |
09-09-2011, 04:00 AM | المشاركة رقم: 1 | ||||||||||||||||||||||||||||||||||||||
|
المنتدى :
إستفسارات مرحلة الولادة
قصة معاناتي وليست قصة ولادتي
السلام عليكم ورحمة الله وبركاتة بعد الصلاة والسلام على سيد الاشراف نبينا محمد صلى الله علية وسلم حبيت اكتب لكم قصة ولادتي وارجو الاستفادة منها يابنات لكي لاتقعو بالي انا وقعت فية وبتكونو الكم خبرة عن الولادة مو تروحو مثلي غشيمة وماتعرف شي والدكتورة تلعب فيها انا موعد ولادتي كانت يوم 19 رمضان بس دكتورة استنت علية ليوم 23 يوم ثلاثاء كان عندي معها مراجعة وكنت كثير مضايقة تعرفون النفسية كيف صير من بعد ماتعوشري وتحسي ماعم تولدي خصوصا انا سوتلي مرتين تحريض ومانفع معاي وضليت تقريبا سبوعين عندي توسع بس (1سنتم) اخذت زوجي وكنت ناوية خلاص اني اخذ طلق صناعي وبقوللها تولديني يوم الخميس وفهمت ززوجي يصير عليها لان ماعاد فيني انتضر اكثر ونفسيتي كثير تعبت وكنت صايمة والحال ونفسية قافلة مرة فتت لعدها اجت النيرس وقاست الضغط وكان ضغطي مو تمام ونادت الدكتورة واجت لعندي دكتورة وفحصتني ولقت عندي توسع لساتة واحد سنتم بس وسالتني انو البيبي كيف حركتة كانت كثير قليلة وعندي صداع ودوخة براسي المهم قالت انا ماراح استنى عليكي هلا بدك تدخلي ولادة انا فرحت قولت اجت منها مو منعدنا المهم خايفة وفرحانة بنفس الوقت شعور لايوصف اتصلت بدكتور المناوب بالمشفى وقالت راح تبعثني الة ويعملي فحوصات ومن بعدها ولادة والله ودعتها وهنتني وطلعنا انا وزوجي ورحنا الى الطابق السادس حق الولادة اجت النيرس حطتني بالغرفة تحت المونتر ليقيسو نبضات البيبي ومن بعدها كل شوية فايت لعندي حدا شي بياخذو دم وشي بياخذو ادرار وحطوني ساعة من بعدها عطتني اثياب المشفى وقالت غيري ملابسك لتروحي غرفة ثانية اجت دكتورة المناوبة وقالتي انا بدي احطلك فتيلة من جوا حتى بساعدك على الطلق قلتلها يعني مافيني اروح للبيت بدي اجيب اغراضي واتحمم وبجي قالت ابد كل الي بدك تساوي ساوي هون مافي طلعة لتولدي وجوزك بيروح يجيبلك اغراضك وبيجي قلت طيب رحت على الغرفة الثانية واجت دكتورة وفحصت وحطت الفتيلة الي تحت عبارة عن شريط فية مادة جلاتينية بساعد على اساس في فتح الرحم وقالت بس بتفوتي على الحمام اوعي تخليها تنزل بضلي ضاغطة عليها ولا راح بحطلك ثانية اذا طلعت قلت طيب وقالت بدي اجي افحصك بعد 12 ساعة قولت ياسلالام الوقت كان عندي ساعة 1 الضهر يعني بدها تيجي لعندي ساعة 1 باليل وكنت بدعي الله يسرها علية وبولد قبل ماتجي هية نمت والله وزوجي راح جابلي اغراضي واكل واجا وانا من الانتضار صرت بحووووس بس بدي تجي ساعة 1 باليل وكنت خالة ببالي على الفجر انا بكون والدة ومرتاحة<<<<< مستعجلة وماتعرف شو ناطرها جوزي راح وانا ضليت لحالي وصار عندي الم بضهري كنت مافيني انام على ضهري وصار جوانبي كمان بيوجعوني بعدها حكيت للممرضة ماعارفة انام قالتلي بدك تاخذي (مورفين) بينومك قولتلها هاتي قامت وعطتني ابرة والله بلشت انعس علية بس صار بيجني مغصات كل مابنمغص بطل اقدر انام قولت يالله يمكن بلش معاية طلق اجت الدكتورة وقامت فحصتني ولقت توسع لساتة 1 سنتم وانا هون جن جنوني قامت وبدلت الفتيلة وقالت بشوفك على الشاعة 1 الضهر وهون انا تحطمت عيوني صارت ماتفارق شخابيط الطلق الي بالمونتر والم صار بيزيد بضهري كل شوية مغصة وجع قلت يلا اكيد عم بتوسع>>>>>مفرحة حالي وعيوني مو راضية تنام شوية بروح امشي ومرة باخذ شاور موية سوخنة وضليت للفجر وانا حايصة بروحي لحد ماتعبت قولت يابنت روحي نامي لتجيكي الولادة ومافيكي عزيمة نمت شوية وبعدها صحوني منشان اكل اكلت والله وفتت كمان تحممت لحد ماجت الدكتورة ونفس الفلم فحصتني ولساتة توسع واحد وانا هون انجلطت وبدلت الفتيلة ونفس الكلام قالت ساعة 1 بليل اشوفك هون انا قمة التحطيم الم صار بضهري بيموتني بس بيجي وتعبت من قلة نوم زوجي ورفقاتي على راسي كل شوية بيصبر فيني وبيدعولي اولد بهل يوم وانا صار يشد علية الم لحد ماجت ساعة 1 واجت دكتورة ثانية وفحصتني ولاقت توسع صار من 1 الى 2 هون شوية فرحت وحكت نيرس من الممكن اولد الفجر يوم الاربعاء هون انا كثير فرحانة بس شو الوجع ياحبيبي موتني قسم ضهري بنصف وصار الطلق عندي من 6 الى 10 دقايق قلت يالله هونها علية شكلي ولادة اليوم وكل شوية تعطيني ابرة مورفين بس صارت ماعم تريحني ولاتخفف عني واروح وامشي وافوت اتحمم جوزي راح على البيت وقالي بس بيصير اشي اتصلي دغري والله وساعة اربعة الفجر كنت منسدحة على السرير ومابلاقي غير موية نزلت مني من تحت قولت معقولة انا من كثر الم مو مسيطرة على حالي قمت وناديت النيرس قلتلها هيك صار اجت وفحصتني وحكت للدكتورة واجت كمان وفحصتني وشالتلي الفتيلة وقالت موية الراس انفتحت وتوسع من 2 الى 3 قالت الحمد لله قالت الدكتورة حولها لغرفة استعداد للولادة انا قمت واتصل على زوجي قولت الحقني راح بولد قالي يلا هلا جايك عسريع والله الكل طلع من عندي قمت انا اخذت شاور موية سوخنة قلت بالكي شوية ارتاح وضليت اليل كلو رايحة جاية امشي شافتني وحدة من نيرسات قالتلي بكرى ليحولوكي على غرفة ثانية لتولدي وانا مفكرة حالي هلا راح بولد ابو شباب راح بصالة الانتضار نام وانا رايحة جاية اليل كلة تعبت ونهارت اعصابي من كثر مانطرت والوجع والم الي فيني 3 ايام وانا بططططططططططططططططلق اجا نهار الخميس ساعة 10 الصبح اخذوني على غرفة ثانية وحطتلي السيروم والطلق الصناعي واخذو مني تحاليل وعبولي اوراق بلاوي انا هون صرت اشوف الواحد عشرة من كثر مو تعبانة 3 ايام صارلي بطلق وموجوعة ومو نايمة وموحاسة بدنيا جوزي قلي بدي اروح اجيب اكل وبرجعلك لان مابناكل اكل المشفى على الساعة تقريبا تسعة المساء اجو اخذوني الغرفة الولادة واخيراااااااااا من بعد مانتهيت انا من الوجع فوتوني على غرفة الولادة وكانت دكتورتي الي متابعتني هية مناوبة اجت ومعاها 3 دكاترة ونيرسات قلت شو كلهم راح بيولدوني فحصتني هون ولاقت توسع عندي صاير 7 سنتم وفرحتني وموية راس ضلت عم تنزل مني المهم بعدها حطولي سلكين من تحت براس البيبي ليتابعو نبضاتة وطلق وكل اشي وحكت بدك ارة طلق قلتلها لا انا هون فاقدة ومابقدر احكي ولا اشي معاهم كان المترجم جوزي لان يادوب صرت بحكي عربي المهم بسمع بتحكي لجوزي شو سبب مابدها ابرة الضهر قلتلها قوللها مابدي لان كل رفقاتي ماخذيها وبيشكو منها المهم اقنعت جوزي احسن الها لان حالتها مابتسمح تولد وهية هيك تعبانة ماراح تقدر تدفش البيبي اجا عم يقنعني قلتلة ساو الي بدكن ياة بس المهم خلصوني تركني لمدة ساعة ومن بعدها اجت الممرضة وقالت بجربي الكمام قلتها هاتي والله اخذت استشق منة لما تجيني الطلق والله رتاحيت ماحسيت بالم بس هون مثل الي فقدت الوعي لان مو حاسة بشي دوخني الكام بس ريحني شوي وكل ماتجيني الطلقة قامت الممرضة بدلكلي ضهري ريحتني شوي الله يرضى عليها وهون اجا دكتور التخدير ليعطيني الابرة اخذو مني الكمام وصرت ابكي موت علية مثل الولد الصغير بقولة لجوزي بدياة بيقولي طولي بالك هلا بيريحوكي المهم حسيت وانا عم باخذ الابرة خلص راح موت عطونياها ومن بعدها صارو نيموني كل شوي على جنب ومرت ساعتين واجت دكتورة ومعاها العصابة وحكت خلاص الطلق واقف على السبعة سنتم مارح نقدر نستنى اكثر موية البيبي بلشت تخلص ومافي غير نعملك عملية هووووووووووووووووووووووووووون انا نصقعت من سمعت عملية كل تخدير طار حسيتة من راسي وعيوني بسرعة غصو بالدموع قالت ماراح نستنى ومافي غير هيك حلا انا هون قلت مابدي عملية منشان الله شوفي شي ثاني قالت ماعندك خيارات غير ياتستني على حالك وهون في خطر على رحمك ممكن يتاذا ونشيلة الك يا نسحب البيبي وممكن نخسرة لان وزنة مابيساعد على السحب والاخيارين على مسوليتك يا بتساوي العملية اضمن السلامتك وسلامة طفلك هون انا نتهيت واطلع بعيون جوزي وابكي بحرقة وبدي اسمع منة شي بينقضني منهم حسيت غدروني ولعبو فيني صار اربعة ايام بيلعبو فيني وخرتها بتقولي عملية الله لايسامحها من البداية كان فيها بتحطلي طلق صناعي وبتولدني احسن ماهيك عملو فيني هون جوزي اجا يحاكيني ياحرام ويهدي فيني لان صار جسمي يرجف كثير وبيقولي مابدي اخسركم وخلاص وكلي امرك على الله وساوي العملية وانا ابكي بحرقة قلب وتفكيري وكل شي فيني جلد قلت خلاص بدهم يذبحوني اعملو البدكم ياه هون فوتوني على غرفة العمليات كانت ساعة 5 الا 10 دقائق الفجر وعطوني تخدير نصفي وانا ابكي وجسمي يرجف وجوزي يهديني وصرت احكي لجوزي انا اذا متت لاتحرم ابني من اهلي خلي يشوفو وصار بيحكيني لاتحكي هيك وحدي الله ومافيكي شي بطلي هالكلام وانا هون خارج التغطية صرت اهلوس من الخوف وكل واحد بحس مد ايدة علية بقولة لجوزي ابعدهم عني حاسة فيهم عم يذبحوني بيرد بيقلي لسى مابلشو ودكتورة ماجت وانا برجف جسمي كلة بيختض المهم هون ماحسيت غير دفشو بطني بقوة وصرخت بنوتي ساعة 5 ونصف تقريبا شوفوني البنوتة واخذوها وانا قولت لجوزي روح معاهم لايبدلوها النة ههههههههههههههههههه>>>>> ناس وين وانا وين راح معاهم وانا هون فقدت ماصحيت غير بغرفة بينضفو فيني وبيحطولي اجهزة برجلي وايدي طلعت من العملية معاية بنوتي القمر وجوزي فوق راس الله يدمة الي وكمان ارتفاع بضغط قوي وارتفاع بدقات القلب وفقر دم حاااد وكانو خايفين علية لصير عندي مضاعفات قعدوني اربع ايام بعد العملية واخر شي طلعت على مسوليتي لان قرفت قعدت المشفى وهاي انا جيت وجبتلكم معي احلا اسومة بدنيا اسفة طولت عليكم بالكلام
|
||||||||||||||||||||||||||||||||||||||
09-09-2011, 04:30 AM | المشاركة رقم: 2 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
الف سلاااااااااااامة عليك و على بنتك و الله عانيتي معاناه صعبه بس الحمد لله اللي قومك انتي و بنتك بصحة و عافية و الف الف مبروووووووووووووووك اسماء الله يقر عينك انتي و والدها بها و يجعلها بارة بكم و صالحة
|
||||||||||||||||||||||||||||||||||||||
09-09-2011, 04:51 AM | المشاركة رقم: 3 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
الحمد لله على سلامتك أهم شي والله معاناه أنا أقرأ قصتك وشوي وببكي شنو هالمعاناه الله يقومك بالسلامه ويحفظ لك أسوم
|
||||||||||||||||||||||||||||||||||||||
09-09-2011, 04:55 AM | المشاركة رقم: 4 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
الحمدلله على سلامتك وسلامه البنوته ...
|
||||||||||||||||||||||||||||||||||||||
09-09-2011, 07:25 AM | المشاركة رقم: 5 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
الف الحمدلله على سلامتك و سلامة البنوتة
|
||||||||||||||||||||||||||||||||||||||
09-09-2011, 07:39 AM | المشاركة رقم: 6 | ||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
يابعد عمري تاج |
||||||||||||||||||||||||||||||||||||
09-09-2011, 07:51 AM | المشاركة رقم: 7 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
ياحبيبتي ياتجتوجه كل هذا صااااار لك الله يخليلك زوجك ولايحرمكم من بعض هو عونك بعد الله في الغربة وألـــــف ألــــف ألـــف ألـــــف ألــــف ألـــف ألـــــف ألــــف ألـــف مبرووووووووووووووووووووووووووووووك قدوم ***أســــــــــــــــومـــــــــــــــــــــــــــ ــــه***
التعديل الأخير تم بواسطة تعبنا نشرب الغربة ; 09-09-2011 الساعة 07:55 AM |
||||||||||||||||||||||||||||||||||||||
09-09-2011, 07:54 AM | المشاركة رقم: 8 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
|
||||||||||||||||||||||||||||||||||||||
09-09-2011, 07:55 AM | المشاركة رقم: 9 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
الله يسلم قلبك حبيبتي مشكورة على مرورك وردك ياورد
|
||||||||||||||||||||||||||||||||||||||
09-09-2011, 07:56 AM | المشاركة رقم: 10 | ||||||||||||||||||||||||||||||||||||||
|
كاتب الموضوع :
تاج ذهب
المنتدى :
إستفسارات مرحلة الولادة
رد: قصة معاناتي وليست قصة ولادتي
|
||||||||||||||||||||||||||||||||||||||
مواقع النشر (المفضلة) |
جديد منتدى إستفسارات مرحلة الولادة |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ما الأشياء التي يجب أتباعها أثناء فترة الحمل لكي تكون الولادة طبيعية وليست قيصرية؟ | دودو ملاكى | إستفسارات مرحلة الولادة | 3 | 05-14-2011 04:53 PM |
معاناتي | أمي حياتي | منتدى علاج العقم و تأخر الحمل | 3 | 03-25-2011 03:02 PM |
معاناتي مع زوجي.. | يا عيون ماما | منتدى الحياة الأسرية والزوجية | 21 | 03-15-2011 12:49 AM |
معاناتي مع زوجي | برونزيه | منتدى الحياة الأسرية والزوجية | 30 | 07-13-2010 02:01 PM |
معاناتي بعد الولاده | بنتي سوسو | منتدى فترة النفاس | 5 | 06-13-2010 07:16 PM |