محتارة يا بنات أسافر وأنا في السادس وإلا .. ؟!

[ورد الشمال]

السلام عليكم ورحمة الله وبركاتة

كيفكم يا احلى حوامل ربي يسهل علينا ويرزق كل محرومة حمل يفرح قلبها

أنا راح اسافر مع زوجي بعد تقريباً ثلاث أسابيع الى بريطانيا لأن زوجي يدرس هناك وراح اصير في الشهر السادس ورحت للدكتورة اليوم في موعدي وخبرتها
قالت لي الشهر الرابع والخامس والسادس من أأمن الأشهر خلال الحمل للسفر يعني بس خوفتني من كلامها قالت لي قبل لا أسافر لازم اجيب من الخطوط السعودية خطاب واملأ بياناته لأني حامل ولازم اوديه المستشفى قبل أسبوع من سفري وراح يعملون لي حقن الوريد وراح تعطيني تعليمات وايش السوائل اللي اشربها

خفت صراحة من هذي الحقن اللي راح آخذها أخاف تأذي الجنين
وخفت من كلامها تقول لي انصحك تولدي عند أهلك وبعدها تروحي لزوجك بس مرة كثير ابقى عند اهلي 5 شهور ما اقدر صراحة أحس اني بدون زوجي مثل الضايعة
وطبعاً قالت لي مستحيل يسمحوا لك ترجعي بالطيارة في الشهر التاسع

في النهاية قالت لي استخيري وشوفي اللي ترتاحي له اعمليه

والله يا بنات محتااااااااااااااااااااااارة

ابقى تقولوا لي إذا في وحدة سافرت في الشهر السادس او تعرف وحدة من قريباتها سافرت وايش سوت من أجراءات في المستشفى , هل اخذت حقن الوريد وما أذتها ؟

دعوة بظهر الغيب للي تطمني ما تُرد ان شاء الله

[جنه]

مافي ابر تحت الوريد
قصدك ابر في الوريد بس غريبة اول مرة اسمع عن هالشي
بس من ناحية السفر فية حريم يؤثر عليهم وفيه حريم لا

[ورد الشمال]

اي يمكن انا سمعتها خطأ بصراحة من الخوف ما ركزت في كلامها بس متأكدة قالت
لازم يعطوني هذي الحقن
الله يسهل حملك جنه ويرزقك الطفل السليم المعافى يارب

[نسيم الطفوله]

والله تأكدي روحي مستشفى ثاني وشوفي وش يقولون لك ماندي خلفيه عن ان الوحده تروح وتجيب ورقه للمستشفى تعبيها اول مره ولا سمعت يعطو الحامل ابرة وريد
بس انتبهي ع حالك اهناك
اعرف وحده من صاحباتي بعد ماتزوجت راحوع امريكا لان زوجها يدرسهناك حملت وهم اهناك واخدت طول حملها لين ولدت وكانت ضعيفه ضعيفه ماتحملت الولاده الطبيعيه لزمتها عمليت توسيع بس اهناك في امريكا ماعندهم هالاشياء فسببو لها تمزق بعضلات المهبل

اقولك اختي لو رحتي مع زوجك انتبهي ع روحك

[ورد الشمال]

ان شاء الله اختي نسيم راح اعمل بنصيحتك
وبخصوص الورقة من الخطوط اللي توديها المستشفى لأن بتعرفي الخطوط يتحفظون في سفر الحامل لكن لما يكون عندك ورقة من طبيبتك بيصعدونك الطائرة وعلى مسؤوليتك

ربي يسهل لك حملك ويفرح قلبك ويحفظ جنينك وجنيني وكل الحوامل يارب

[نسيم الطفوله]

اها شكرا ع التوضيح اخت ورد
والله يتمم لك حملك ويقومك بالسلامه انتي والبيبي باتم الصحه

[بنت جدة]

ان شاء الله ما فيه شي ..
الله يقومك بالسلامة..

[غلاي امي]

اختي نصيحه لوجه الله خليكي عند والدتك اولدي عندها باالذات اذا انتي بكريه وبعد ماتقومين باالسلامه روحي عند زوجك

[ورد الشمال]

شكرا يا احلى كروشات ان شاء الله ما تمروا بمواقف صعبه وتولدوا بالسلامة

[~قموووره~]

حبيبتي سافرت بالرابع ورجعت بالسادس بالطايره بس رحله داخليه بس الرابع مايطلبوا شي والسادس لازم تقرير طبي وانا ماقلتلهم اني بالسادس مع اني بالسادس ماحسيت بتعب السفر عكس الرابع بالمرره تعبت وربي يتمملك على خير