قصه ولادتي فيها الكثير من الحزن والفرح والتفاؤل ويارب يعطي كل محرومه ان شاء الله
ابحاول اختصرها بس في اوقات راح تحسوا اني ابالغ بسرد التفاصيل بس هذا يكون لسبب ،، تابعوني ....
اول شيء اغلب الحريم والبنات وصاحباتي وخواتي كانوا يكرروا عليا البكريه تتأخر ،، تاخذ شويه من العاشر بعدين تولد
المهم انا رحت لأهلي قبل ولادتي بسته ايام وزوجي راح ينام عند صاحبه بسبب ظروف حصلت ( مشكله بين زوجي وابوه ،، زوجي طلع زعلان وطلب مني ارجع لأهلي لين يستأجر شقه )
>>>ساكنه مع اهل زوجي
كان التخطيط اجلس عند امي بعد الولاده مو قبلها ،، بسبب هالظروف تغيرت الخطه
المهم بالسته الأيام هذه استانست عند اهلي فرفشه وضحك ولعب ،، وكنت اساعد امي بشغل البيت بكثره لأن البيت حاااايس كله شباب وامي ضعيفه ماتقدر ع شغل البيت لحالها،، واختي اللي مو متزوجه اغلب وقتها ع النت ومقصره مع امي بالمساعده ،،
امي كانت تحرصني لاتشتغلي كثير انتي حامل ،، وانا كنت اقول لها الله اللي حط لي هالولد والله اللي راح يحفظه من كل سوء ،، وربي نيتي من الشغل والكرف هذا رضا امي ومسامحتها لي >> قبل الزواج ماكنت اعرف قيمتها مثل الآن :( الله يسامحني دنيا واخره
يوم الجمعه 1 - رجب - 1432 هـ بالصباح كنت طفشانه واطقطق ع النت قبل اذان الجمعه حول الساعه 10 ،،
تذكرت زوجي وحشني مرررره كان لي 6 ايام مو شايفته ،،
اتصلت عليه قال لي اصلح السياره وان شاء الله اجي اخذك ونطلع عند اختي الكبيره نجلس عندها سوا كم يوم ،، فرحت اخيرا راح يلتم شملي مع زوجي لو يوم قبل الولاده لأن بعد الولاده اربعين يوم كامله ما اشوفه :(
جهزت اغراضي ورجعت جلست على النت ثاني ،، صارت 10 ونص الصبح ،، طفشت من النت وقمت ورحت للصاله
كان فيه دولاب ملابس مفكك وراصينه اخواني بالنص ومسوي حوسه بالبيت وامي مسكينه نفسها يترتب بس مايعاونوها الله يسامحهم
قمت وصحيت اخويا حبيبي مهند وقلت له تعال نلم الحوسه هذه على جنب
قال لي انتي حامل وهذه شغلات ثقيله ماينفع تشيليها تضري نفسك
قلت له الله هو الحامي بس ،،
شافني مصره صار يرفع الخشب الثقيل من النص ويحطه على جنب وانا الصغير ،، وبعدها نظفت الصاله وكنستها ومسحتها وسنعتها ،، وصحيت امي من النوم وشافت الصاله صارت واااااسعه ههههه ( الدولاب مضيق الدنيا )
شفت في وجهها ابتسامه الرضا وقلت في نفسي هذه اللي كنت ادورها ،، الله لايحرمني منك يا اغلى ماما
،،،،،،
شفت امي تتوضى تبغا تروح المسجد تصلي ،، قلت خليني اروح واصلي معها
اتذكر قلت لأمي واخويا مهند ( نفسي اولد في 2 رجب يصير ولدي زي مهند )
مهند ضحك وقال ( يوووه قصدك بكره هههههه )
امي قالت البكريه تاااااااااااااااااخذ من العاشر ،،، وانا 2 رجب اخلص التاسع )
سبحان الله
يتبع،،،،،،،،،،،،،،
07-05-2011, 04:28 PM
قصه ولادتي بإختصار ( تقليد للكروشات خخخ )
الدندوشة 
جديد منتدى إستفسارات مرحلة الولادة
العرض العادي
