يابنات التحليل المنزلي كذاب

[ننوسة]

السلام عليكم
انا قبل اسبوع حللت تحليل منزلي وطلع لي خط خفيف بعد ساعه
واليوم الثاني سويت تحليل مره ثانيه وطلع خط خفيف بعد 5 دقائق
ورحت حللت دم طلع سلبي
وقالت الدكتوره انتظري اسبوع لأن دوبك بالبدايه
وغالباً يبان الحمل بالبول ولا يبان بالدم
وسألتها يمكن التحليل المنزلي غلط قالت لا مايغلط التحليل
هذا نسبته 99٪
طبعاً انا وريتها جهاز التحليل وشافته قالت ايوه حمل
لكن المفاجأه اليوم جاتني الدوره
يعني التحليل المنزلي يغلط ومو اكيد وماابيكم تتأملون مثلي
وتنصدمون
اذا حللتي منزلي وطلع خطين يعني مو اكيد الحمل
روحي المستشفى وتأكدي
والله يرزق كل وحده تنتظر الحمل لهالشهر بالحمل السليم

[سموة الشوق]

وعليكم السلام ورحمة الله وبركاته



الله يعوضك يااارب بالحمل بالذرية الطيبة بالقريب العاجل يااارب


هو تحليل الدم أضمن

الله يبارك فيك ياالغالية عالنصيحة

[أم الزين]

حبيبتي اختي بعد صار معاها جذي وطلعت حامل بس الحمل ضعيف ونزل مع الدووره

يعني انتي صاار معااج جذي

[أسيرة عيونه]

ان شااء الله الشهر الجاي ما تشووفينها وتكونين حامل انتي وكل الاخوات المنتظرات للحمل

[ع ـبير*]

بالعكس تحليل الدم هو اللي أكيد..التحليل المنزلي مو دايم يكون صح..

الله يرزقج يارب بالحمل السليم..

[دلوعه نانو]

الله يرزقك بالذريه الصالحه ...

[سوييره]

الله يرزقج الشهر الجاي ان شاء الله

[ريمان الآحساء]

الله يعوضك خيره ان شاء الله

[مياسوه]

تحليل الدم الهرموني افضل شي عشان الراحه النفسية صدقيني عن تجربه كنت كل ماتتأخر الدوره يومين احلل هرموني ويطلع صفر عاد هنيه خلاص ارتاح وايلس انتظر الدوره وسبحااااان الله اتشرف بس هالشهر ماحللت هرموني وتأخرت 20 يوم وبعد حرقت الاعصاب شرفت ولله الحمد على كل شي والله يعوضج خير ^^

[عروستة]

مادري ليه ما احس التحليل المنزلي يكذب

احسه صادق دايم يطلع لي سالب سالب سالب

والله حامت كبدي من هالخط اتمنى يصير خطين ماكو فايده كرهته كررررره حسبي الله عليه من يوم تزوجت و دايم سالب بجمع ثروة من ورا هالتحاليل الي استري جميع الانواع و جميع الاسعار و النتيجه وحده

ههههههه الحمدالله رب العالمين ع كل حال ربي برزقنا يارب و ما نحتاج تحاليل