السلام عليكم ورحمة الله وبركاته...
شلونكم كروشات..؟؟!!
الله يسهل ويهون علي للحين ماولدت..والق مبروك للي ولدوا..
قبل لا اقولكم على اكشن ولادتي بقولكم شلون كان وضعي الصحي ووضع البيبي..
انا كان فيني سكر حمل..وكنت متبعه الحمية اللي عطوها لي..بس للأسف مافادتني..والسكر عندي كان مرتفع الصبح..وهاي اخطر شي..مع ان طول اليوم زين بس المشكلة كانت عندي الصبح..
فعطوني ابر انسلوين.."انسولين العكر"..وهو بس ينظم الفترة الصباحية..وقالوا لي لازم نولدج فالاسبوع الـ38..لان مو زين للبيبي..لان البيبي بيتعود على السكريات وعلى كمية الانسولين اللي تفرزها المشيمه فالبيبي بيجيه هبوط عقب الولادة لان كمية السكر بتقل..
وكنت حزتها مترقده فالمستشفى وطلعت وقرروا اني ادخل المستشفى يوم الاحد18/11..4/محرم..وبيعطوني طلق صناعي..
كثير انصحوني ان لااا وبيلعوزوني ومن هالكلام..بس انا كان تفكيري بصحة بنتي بس..وزوجي كان معاي وقالي ماعليج من الناس..وإن شاءالله الله بيسرها..
يوم الخميس بتاريخ 15/11..رحت المستشفى وطلبت من الدكتورة تسوي لي تحريض..كان الرحم فاتح عندي 1 سانتي..
ويوم الأحد رحت المستشفى ع اساس بيسوون لي طلق صناعي..وكنت قبلها امشي ..افحصوا وقالوا 2 سانتي وقالت الدكتورة بننطر عليج اذا الرحم يتبطل عندج مابنسوي لج طلق صناعي..ومشيت وايييييييييد فممرات المستشفى..وانا كنت متخوفة من الاعشاب وهالسوالف..بس قلت بجرب القرفة مع الزنجبيل مثل ماقالت ملكتني بهمسك واختي بعد امدحت لي القرفة..والحمدلله ثاني يوم اللي هو الاثنين قالت 3 سانتي وقالت حلو بما اني بكرية..ومشيت وشربت قرفة وزنجبيل وعمتي جابت لي قشر وشربت...ويوم الثلاثاء قالت لي 3 سانتي نفس الشي..اهني تعبت نفسيتي مع اني ماكنت احس بااي الم..يوم الابعاء افحصت الدكتورة وقالت 4 سانتي خلاص بنبطل ماي الراس وسوت لي تحريض وقالت صار اللحين 5 سانتي..ونزولني ولادة..الساعه 11 ونص الظهر..وسوو لي حقنة شرجيه "انصح فيها كثير صج انها شوي تعور بس تفتح الرحم وتريحج وقت الولادة ان ماتفشلين وتوسخين عمرج مع قوة الدفع"..
المهم نزلوني الساعه 11ونص..وكنت جوعانه..وقالت لي الدكتورة بما ان مافيج طلق بنسوي لج بعد ساه طلق صناعي بالوريد..والحمممممممممممدلله جاني الطلق بروحه...وشوي شوي بدا يزيد..وكان منتظم كل 5 دقايق..وكان الالم محتمل..عقب زاد وكان كل دقيقه..اهني بديت ابكككككي نفس اليهال ههههههه..وعمتي تهدي فيني ..عقب جاو خواتي الثنتين وامي..وطول الوقت السستر تقولي تبين مسكن وانا اقول لااااا...اقدر اتحمل..والدكتورة كانت قايله لي انها بتمر الساعه 3 تفحص علي...وانا توقعت ان اكيد بتقول يللا ولادة..لان الالم كان قوي وكان كل دقيقه...بس انصدمت يوم افحصتني انه نفس الشي 5 تخيلواااااا...من الصدمه قعدت اصيح وقلت ابي ابرة ظهر..بس امي ماخلتني واختي قالت لهم عطوها ابرة فخذ ..هي ماتشيل الالم بس تخلي مابين طلقه وطلقه انااااام..والحمدلله ريحتني ..ع الساعه 5 اقول للستر احس في شي تحت...ابي اروح الحمام...قالت عادي سويها فمكانج...قلت لا سستر مو حمام حمام..احس في شي تحت..قالت بدري عليج تو الرحم كان 5...الاتفحصني وتقول 9 سانتي وتنادي الكل يللا ولادة يللا ولادة...
وقعدت ادفع كل ماتجيني طلقه..بس ماكنت ادفع صح..اصلا انا اول مادشيت قلت لهم علموني شلون ادفع انا اعاني يوم يجيني امساك اني مااعرف ادفع..والله يسامحهم ماعلموني وتميت لي 6 الا ربع عقب الحممممممممممممممدلله اطلعت بنتي..وحطوها فوقي..وانا من الفرحه قعدت اصارخ مومصدقه..ههههههههه خوفت امي وعمتي وخواتي..
وبعدين ع اساس بيخطوني بس جاني نزيف فماادري شخربطوا فيني دخلوا قطعه شكبر واشياء مااذكر لاني كنت في شبة اغماءه..وابي انام بس..وخلوني بغرفة الولادة لي 12 عقب ماتأكدوا ان مافي نزيف..
والحمدلله نورت حياتي احلى ابرار...
نصيحه بنات..
لاتغامرون واسمعوا كلام الدكاترة..واذا في وحده ماصار لها شي في كذا وحده ماتعرفينها صار فيها..انا اختي كان فيها سكر حمل وعيالها مافيهم الا العافية وكانت مطنشة لكلام الدكاترة ايام حملها..اللحين بعد 7 سنوات جاها السكر..الله يشفيها...وفي وحده قرروا لها موعد ولادة وهي طنشت واللحين ولدها مابين فترة وفترة يجيه هبوط...بسم الله على عيالكم...
شغله ثانيه..
كثير اسمع تحذير من التحريض...ليش بنات شفيه التحريض...؟!!بالعكس وايييييييييد يساعد...والحمدلله من بعد الله وتيسيره ساعدني التحريض كثير وماخذت طلق صناعي ..مع ان قرروا لي مرتين طلق صناعي..وقبل كل مره يسوون لي تحريض عقب تفرج من الله...الحمدلله..
شغله اخيرة...
لاتصاااااااااااااااااااااااااااااااااااااااااااااا اااااارخون...انا الحمدلله ماصارخت وماتعبت كثير بولادتي...بعكس اللي اعرفهم صارخوا اصعبت ولادتهم..وبعدين ترا تتعب نفسية الوحده من صراخ اللي احذاها...انا كانو ثنتين يولدون بالغرف اللي احذاي واتعبت نفسيتي بسبتهم..
وبس هاي قصة ولادتي..
وعندي استفسار صغير...
انا احس ان السستر شقت شوي من تحت..مو احس الا متأكده...هاي طبيعي؟؟ والمنطقة بترجع نفس قبل ؟؟انا ما احط الا ميبو بس..