لكِ!اختي طريقة النفاس اصنعيهابيديك

[ريمان الآحساء]

السلام عليكم و رحمة الله وبركاتة

اليوم بحط لكم طرية اللهوم والسفوف و الحسو وبعض اكلات النفاس
وبحاول اجمع لكم اكلات حلوة عساس تدلعين نفسج وانتي نفاس

- اللهوم : مقوي عام للنفساء , يشد الظهر , مطمث , مدر للحليب ...
- الحسو : يقوم بتدفئة الرحم لطرد الهواء الذي قد يكون قد دخل الى الرحم خلال الولادة ، كما انه مفيد لتمييع الدم وبالتالي يسهل خروجه دون مغص او غيره ...
- شاي اعشاب : منظف فعال للرحم , يشد الاربطة الداخلية للرحم بالاضافة الى البطانة , يعمل على شد عضلات المهبل , فعال لتفادي اندلاق البطن من بعد الولادة ...
- السفوف : مفعول مضاعف لتنظيف الرحم ...


أولا : طريقة اللهوم :

المقادير تاخذينها من الحواى
وبعدين تطحنينهم مع بعض وتحطينهم ببرطمان او اي شي عندج .

المقادير :

نصف كوب كمون
نصف كوب حبه حلوه ( شمر )
نصف كوب كزبره
فنجال كركم
6 حبات دارسين ( قرفه )
فنجال حبة سوداء
سكر نبات كيس او نصف كيس
شوى حلبه
شوى رشاد ( الحبه الحمرا )

وتاخذينهم اخر عشرين يوم لانة ينظف النفاس والي عليها الدورة بعد مفيد لها

[color="rgb(0, 100, 0)"]طريقة ثانية :

المقادير :
كاس ماش
نص كاس شمر ( حبه حلوه ) ( مثيبه )
نص كاس حلبه
ربع كاس حبه سودا
ربع كاس كمون
ربع كاس فلفل ابيض
ربع كاس فلفل اسود
ربع كاس سكر نبات

الطريقه :
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي

وهذا هو لهوم النفاس والدوره اللي اكثر التاجرات يبيعونه للحريم

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

ثانيا : [color="rgb(0, 100, 0)"]طريقة السفوف :[/color]
مفيد لاول عشرين يوم

المقادير :
كوب حلبه
نصف كوب حبة سودا
مقدار فنجال حبة حلوة ( شمر )
م . ك قرنفل

الطريقه :
تاخذين 2م ك وتشربينه مع كأس حليب

من فوائده :
اهمها انه يزول الامساك (الله يكرمكم) المعروف انه يصير للنفاس
بالاضافه لتنضيف الرحم0

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

ثالثا : [color="rgb(0, 100, 0)"]طريقة الحسو :[/color]

المقادير :
4 ملعقه كبيرة طحين اسمر
1/2 كوب رشاد ( الحبه الحمرا ) منقوع
1 فنجان زيت او سمن عربي
1/2 كوب سكر
1/4 ملعقه فلفل اسود بودرة
1/4 ملعقه هيل
رشه حلبه حب
1/2 ملعقه قرفه
1/2 ملعقه كركم
1/4 كمون + كزبرة
4- 5 كوب ماء

الطريقه :
يوضع الرشاد المنقوع في أناء ويضاف عليه 3أكواب ماء ويترك يغلي على النارالى ان تنضج حب الرشاد ويضاف عليه السكر.
ينخل الطحين للتخلص من النخاله أن وجدت.
يسخن السمن ويضاف الطحين عليه ويقلب حتى يبدأ البخار يخرج منه.
تضاف البهارات ويحرك الجميع ثم يضاف عليه الرشاد مع الماء .
إذاكان الخليط ثقيلا يمكن إضافه القليل من الماء حتى يصبح مزيجا سائلا وخاثر في نفس الوقت .

للتزيين:-
تخفق بيضتان مع قليل من الملح والفلفل الاسود وتقلى في مقلاه بها زيت قليل ويحرك البيض حتى يتفتت ويضاف على الحسو اثناء التقديم.

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

رابعا [color="rgb(0, 100, 0)"]: المردوود :[/color]

المقادير :
كاس حبه سوداء
كاس حبة حلوه
كاس يانسون
ثلاث او اربع اعواد الليه مدقوقه بالنجر
نصف كاسة شاي فلفل اسود او اقل للي فيهم قولون
ثلاث ارباع كاسة الشاي قرنفل
ملعقتين خوا جوا
كاس ونصف دارسين مدقوق

الطريقة :
اخلطي هذه المقادير مع بعض ثم اطحني وانخلي بالمنخل واللي يبقى بعد النخل لما تخلصين كل الكميه ارجعي واخلطي وانخلي مره ثانيه واخلطيه ثم اضيفي عليه :
كاس رشاد وملعقة وسط رزنه واخلطيه مضبوط اهم شي الرشاد ما ينطحن مع الخليط


ـ يؤخذ المردود مرتين باليوم طوال فترة الدورة الشهرية أو طوال فترة النفاس..ملعقة كبيرة مع كأس حليب .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

خامسا :[color="rgb(0, 100, 0)"] الطبيخه :[/color]

والله يابنات هالطيبخه قليل كلمة رووووعه عليها
وهذي مقاديرها وخلي مقاسك كوب الحليب
كوب دارسين مدقوق ومهشر
كوب حبه حلوه
كوب يانسون
كوب قشر قهوه مدقوق
ملعقه صغيرة زنجبيل مطحون
كسرة جاثه مدقوقه
ثلاث اعواد الليه مدقوقين بالنجر
كوب رشاد
كوب حبه سوداء
ملعقه كبيره فلفل اسود مجروش

الطريقه :
اخلطيهم مع بعض وحطي عليهم رشي بديج نعناع مجفف انا احط نعناع حايل واذا مو عندج نعناع حايل حطي نعناع مغربي بس مجفف ورشة زعفران وميرميه وزعًتر واذا عندج بابونج حطي رشه واخلطيه مع بعض .
هذي روعه في النفاس اشربيها من ثالث يوم لين تكملين شهر او 25 يوم وفي الدوره الثلاث ايام الاولى .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

سادسا : [color="rgb(0, 100, 0)"]شاي الاعشاب :[/color]

يتم تناوله في فترة الصباح والعصر .

الطريقه :
ميرميه
أعواد شيح
كمون
حبه سوداء
قيصوم
قشر قهوه
نونخه
دارسين
يانسون

الطريقه :
اخلطيها بكميات متساوية أو ما يتوفر منها عندج.

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.

سابعا : [color="rgb(0, 100, 0)"]تمرة الاعشاب :[/color]

وايييييييييييييييييييييييييييييييييييد مفيدة


المقادير :
2كاس تمر منزوع النوى
نص استكانه ماء
ملعقتين سمن أو زبده
2 ملعقة رشاد

الطريقه :
نخلطهم مع بعض ثم نضيف :
ملعقة كمون حب
ملعقة شمر ( حبه حلوه ) مطحونين مع بعض
فلفل اسود انتي تتحكمين بكميته
نص ملعقة زنجبيل مطحون

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.


ثامنا : [color="rgb(0, 100, 0)"]قشر القهوه للتضييق : [/color]

المقادير :
قشر قهوه
كمون
نانخه
زعتر بري
كلها عند العطارييين

الطريقه :
اخلطوها واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لج بدله وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون كيف راح تتخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات
تعدل الافرازات اللي عندج وتنشفج وتخليج تحسين بنظافه وتنظفج عدل .

-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.-.



طريقه ثانيه :
[color="rgb(0, 100, 0)"]قشرالقهوه للنفااس والدورة[/color]

قشر القهوه تحصليه بالمحامص القهوه حطي منه على ماء مغلي واهو يغلي حطي قرفه وسنوت وشوي زنجبيل وخليه عشر دقائق لا تخليه يغلي كثير اكثر من ربع ساعه وتحلى بالعسل
وفوائدة يقول جابر القحطاني عنها :
يمدح فيها ويقول انه مافيه شي ينظف الرحم ومفيد للنفاس خاصة مثل قشر القهوه لأنه فعال في تنظيف الرحم.

طريقة ثانية :
[color="rgb(0, 100, 0)"]قشر القهوه ممتاز جدا للكرشه [/color]
طريقتها عندنا بالنفاس نسوي قهوة نسميها قهوة الوالدة وتشربها النفاس طول الاربعين .........مكوناتها....

المقادير :
قشر قهوه
شوية زنجبيل مطحون
عناب ( وإذا ما في ممكن تحطي بداله تمر)
سكر نبات
قرفة أختياري
شوية شمار
يانسون
و برير ( هذا ما ادري بتلاقينه او لا )

الطريقة :
تغلين المكونات كلها مع بعض لين يصير لونها احمر غامق او بني غامق وتشربين منها بعد ماتصفينها بالمشخال
وتقدرين تشربين منها ايام الدورة بتنزل الدورة وتصفي البطن وبتحسين كرشتج خفيفة
وطعمها لذيذ مافية اي مرارة ولا اي طعم غريب جربيها وراح تدمني عليها ......


قائمة الممنوعات :
من الاكل والحركات :

بشكل مبسط ....يمنع الجوع منعا باتا وهذا متعارف عليه لدى الكل

ممنوع الاكلات اللزجه ملوخيه وباميه البصل والشمام والبطيخ وبعضهم يمنعون الباذنجان والجريش لانهم يسببون غازات

عدم شرب الماء بكثره ......هذي ماني متأكده منها ناس وناس على حسب الجسم

ممنوع المشروبات الغازيه والسكريات ولا تكثرين من الحلو عشان السكر وزيادة الوزن ويجيب الخمول للجسم

ممنوع الحركه العنيفه وحمل الثقيل وصعود الدرج بكثره

ممنوع المشي حافيه وخاصه على السيراميك ....والتعرض لتيارات الهواء والبرد

ممنوع التنقع بكثره وان حصل فلا يزيد عن عشر دقائق

العطس والكح ....بس هذا مالنا يد فيه خخخخخخخ

ممنوع البخور بكل انواعه بالنفاس من تعطير وغيره
الجلوس بهدوء ورويه بدون عجله ويفضل وضع المخدات خلف الظهر وتحت الركب

نظام الاكل :

الفطور ....( من 7 الى 10 )

على الر يق ....تمره مع رشاد تؤخذ مع أي شي حار ...قهوة نفاس او حليب دافي
بعد ساعه .....حلبه باي طريقه تعجبك ....وهي تؤخذ بالعشر الايام الاولى فقط

بعدين الفطور اللي يعجبك :

مصابيب مع عسل

عصيده او محلى او حنيني او فريك

خبز بر مع عسل وبانكيك بر وحلاوه طحينيه لانها تدر الحليب بس لاتكثرين عشان السمنه

الظهريه ......

تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ ) وممكن تخلطينهم لو حبيتي ..............تجنبي

الميراميه لانها تنشف الحليب

اللهوم ....او السفوف :

يابنات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده .... خاصة الرشاد.

اللهومات كل وحده وطريقتها بس هي تؤخذ في الصباح والمساء

فيه نصيحه لكم ياحلوين ....اذا تأثر الطفل باللهوم اقطعيه فورا ......يعني مثلا يسبب له مغص او استفراغ او سهر وعدم نوم

الغداء......

مرقة اللحم ....مهمة جداا ترم العظم وتقوي الظهر وتدر الحليب ....يخلط معها شوي لهوم او حلبه

ممكن مطازيز او مرقوق او قرصان

صحن سلطه خضرا

ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
طماطم....ترشين عليه ماش مطحون او تطبخين معه شوية حلبه وتاكلينه مع خبز بر....او شوية رز للي يموتون بالرز وما يستغنون عنه خخخخخخخخ....لاتطالعون فيني انا ما احب الرز

بس ابتعدي عن الممنوعات

العصريه والمغربيه :

اشربي شاي الاعشاب

اشربي عصيرات بس لاتكون بارده

اكلي فاكهه بس لا تقربين المحظورات

ممكن قهوة قشر او قرنفل مع تمر ..................حطي مع القهوه اول فنجان مره بس لاتكثرين


العشاء :

مثل الفطور ......او اذا حابه شوربه من أي نوع مع سلطه وكاس حليب منزوع الدسم

ممكن دجاج مشوي مع الشوربه .....وحطي مع الشوربه ملعقه صغيره لهوم حق الشوربه ,, لحم مشوي ,,, مرقوق او قبوط ...

ممكن حنيني او فريك .....اللي تشتهيه نفسك

وأتمنى لكم الصحه والعافيه[/color]

[يغار الحلى]

ربي يعطيك العافيه

ويقومك بالسسلآمه ..

[وتـيـن]

يامال العافيه

[ياقلب افهم]

الله يعطيك العافيه ان شاء الله

[ريمان الآحساء]

الله يعافيكم جميع ويهون علينا اجمع تسلموون على المرور العطر فديتكم

[بسومـ_مكة_ـة]

يعطيك العافية و مشكورة على المعلومات

[هنادي2012]

جزااااااااااااااااااااااااااااااااك الله خير معلمومااااات روعه شكر لك