تحديد جنس الجنين عند رخاء الكيلاني

[شـوآخـي]

مرحبا بنات

السلام عليكم ورحمه الله وبركاته

بنات منو سوت سونار في الاسبوع 12 وقالوا لها بنت

لاني مستغربه انا ككيس الجنين كان بيضاوي والجنين عندي بدا يتحرك من الاسبوع 10

وحركته كثيره ووحامي مالح وحوامض ولحم

والجنين تحت السره وماشاء الله حركي واحلامي كلها تبين ولد

وقلت لها متى تعرفين جنس الجنين قالت لي تعالي في الاسبوع 12

كل الاعراض اللى عندي تبين ولد

يوم سرت لها قالت انتي في الاسبوع 12 ويوم

وكان الجنين يتحرك وايد لدرجه انها تقول ماشاء الله مايثبت

يتم يدور ويبطل اصابعه ويضرب بريوله ويروح فوق ينننها هههههههههههههههههه

وعقب وصلنا بين الريول وشافت قالت لي شو يبين وياج

قلت لها على ماعتقد ولد لان فيه شي وارم

قاالت لي طالعي عدل قلت لها انتي قولي سكتت حسيت انها ماعرفت

قالت بنت قلت الحمدالله الف وريلي كان وياي وقال مبروك

بس تميت متشككه لاني اصلن ماشفت عضو بنت ابدا ولا عضو ولد

شفت شي وارم بس ورم خفيف

وحتي نسيت اقولها تصور الجنين

قالت لي اختي انتي من وحامج وشكلج واحلامج

وحركة الجنين من نص الشهر الثاني يبين انه ولد

وقالت لي لاتاخذين على كلامها لان البنت ماتبين هالوقت

انا عادي عندي ولد او بنت بس مابين صج بنات

لان الجنين يتحرك شلون عرفت الجنس

وهي تميت ربع ساعه تلحقه عسب تعرف نوعه ههههههههههههههههههه

المهم لو كانت واثقه كانت قالت لي وبوضوع بنت ماقالت شوفي انتي

شككتني في جنس الجنين قولوا لي تجاربكم بنات

بنات انا ماكل شرات الناس اكلي خفيف وزني 73

والمفروض في الاسبوع ال 12 يكون طول الجنين 8 سانتي

انا طول الجنين عندي 5 سانتي

لاني ماقدر اكل عدل شرات الاوادم وكنت اسوي حميه غذائيه لانه في الحمل ايني سكر الحمل

تعودت يكون اكلي خفيف جدا

الله يوفقكم قولوا لي تجاربكم

[شـوآخـي]

سبحان الله وبحمده سبحان الله العظيم

[ام اسكندر]

حتكون بنت باذن الله

لان الولد يبين بدري ببروز الاعضاء من بدري

وربي يسهل لك حملك وولادتك

[شـوآخـي]

يسلمو يالغاليه على المررور الطيب

وين تجارب البنات

[كليجه]

الأسبوع ال12 مرررررره بدري على معرفة الجنس
لأن الأعضاء في هالمرحله متشابهه جدا جدا والبروز اللي شفتيه مايدل على شي سوى ان هناك عضو تناسلي فقط
تبدأ الأعضاء في التمييز بين الجنسين من الأسبوع ال18 تقريبا وباستخدام الأشعه الرباعيه
أما السونار العادي ممكن يبين في الأسبوع ال20 تقريبا
والأعراض اللي تتكلمتي عنها مجرد تخمينات
أو مثل مايقولوا كلام منتديات

[فوفو 77]

جداااااااااا بدري ولا حايكون واضح لأن الأعضاء في الشهر ذا متشابهه اما حكاية الحركة انا من الاسبوع الثامن قالت يتحررك كثير ماشاءالله وطبعا بانت اكثر في الرابع والخامس حركه كثيرة وقوية ورفس اللي بجنبي يشوفها ماشاءالله والوحام خفيف الحمدالله
لا دوخه ولا استفراغ وامووت في الحُمر اعتقد يقولوعنو تمر هندي الحامض واليمون والخل اشياء حامضه والحمدالله حامل في بنت
الله يجيبها ليا بالسلامه مع انو احلامي تفسيرها ولد وكل يقول ولد وانااقولهم لا بنت يعني سبحان الله لاتاخذي بذي الامور

[على ابواب الامومة]

ربنا يعطيكي اللي بتتمنيه ياا رب

[شـوآخـي]

تسلمون فديتكم على المرور الطيب

الله يرزقنا الصالح المعافا البار يارب العالمين

ويهون على كل حامل ويقومها بالسلامه

ويرزق جميع البنات بالذريه الصالحه

[Jourei]

بكير تعرف جنس الجنين بلاسبوع ال 12
يعني في الأسبوع ال20 او 22 تقريبا ببين جنس الجنين افضل
وربي يسهل لك حملك وولادتك

[شـوآخـي]

تسلمين يالجوري على الرد الطيب

وانا عندي موعد على الاسبوع 16 وباذن الله يكون واضح

والله يرزقكم يارب