فيرتاب وابر منشطه وابر تفجير

شـوآخـي · 04-08-2012, 12:18 AM

السلام عليكم ورحمه الله وبركاته

شحالكم يا حلوين ان شاء الله طيبين

حبيت اني اشارك معاكم بتجربتي

طبعا انا عندي اربعه اطفال اصغر واحد عمره 8 سنوات

ومن 2005 ماحملت

انا ماكنت اخذ موانع كنت اتبع نظام الجماع الاسلامي

بس جربت كذا مره احمل وماحملت

قلت اشوف لي عياده تفحص على وتشوف سبحان الله الواحد مايعرف اذا فيه شي او لا

رحت للعياده وقلت لدكتوره اني ابا احمل لاني من زمان ماحملت وزوجي في خاطره يهال

قالت افحصك ونشوف فحصتني بالسونار قالت لي عندج ضعف في المبايض وسالتني عن

الدوره وانا دورتي منتظمه قالت تعالي خامس يوم لدوره وجيتها عطتني ابرتين منشطه وحبوب

فيرتاب من خامس يوم كل يوم حبتين الصبح لمده 5 ايام واجيها وبعدين ممنوع الجماع في

اليوم 11و12 من الدوره ويوم 13 عندي سونار سرت لها وسوت لي سونار يوم 13 من الدوره وقالت لي

عندج 3 بويضات من المبيض اليمين وحده جاهزه والثنتين حجمهم 13ونص وعطتني

ابرتين تفجير الابره قوتها 5000 يعني الابرتين 10000 وقالت لي الثنتين اللى حجمهم 13

ونص باكر بتكون جاهزه وبتنفجر قلت لها تمام طلعت من عندها فترة 20 دقيقه وانا في

السياره حسيت بمغص قوي في اسفل البطن والضهر ومن وصلت البيت وانتو بالكرامه رحت

الحمام وصار لي اسهال مره وحده فقط بعد الابره وانتو بالكرامه .. وقالت لي الدكتوره لازم

يحصل جماع اليوم في الليل بس زوجي طالع من الدوام فصار جماع بعد الابره ب 3 ساعات

وفي اليوم الثاني صار جماع وفي اليوم الثالث صار جماع واليوم الرابع صار جماع الدكتوره

قالت 13و14و15و16 48 ساعه لازم يكون فيها جماع في ثالث يوم احس بشد في منطقه

عنق الرحم واحس ان هالمنطقه صارت ثقيله تعور شوي الالم جاني ثلاث مرات ثاني يوم

وثالث يوم ورابع يوم واليوم طبعا خامس يوم من ابرة التفجير ...

على فكره امي حملت بتوام واختي حملت بتوام وخالتي الكبيره حملت بتوام

وخالتي الصغيره حملت بتوام مرتين

... حملهم من الله سبحانه مش منشطات وادويه وراثه ..

سؤالي :-

هل ممكن ان احمل بتوام من بويضه واحد ..

هل ممكن ان البويضتين الثنتين اللى حجمها 13 ونص انها فعلا تكبر بعد ابرة التفجير وتنفجر وتتلقح اذا الله اراد ..

بليز يابنات ساعدوني اللى لها تجربه تسدحها هنا عشان نستفيد من بعض بارك الله فيكم

لن أيئس · 04-08-2012, 03:20 AM

ماعندي فكره
بس اتوقع اي باءذن الله ممكن تحملي بتوأم ويمكن بعد بثلاث توآئم اذا تلقحت كولهم لانك قلتي طلعوا لك ثلاث بويضات والله اعلم
ويمكن ماتحملي الا بواحد ويمكن والله اعلم لا قدر الله مايصير حمل رغم وصول البويضات للحجم المناسب
لأن كل شيء باأمر الله تعالى
ياقلبي ربي يرزقك ويرزقني وكل منتظره وكل من تتمنى التوأم يااااااااااااااااااارب

اللهم آمين

شـوآخـي · 04-08-2012, 03:30 AM

تسلمين ياروحي انا توكلت على الله

والله يرزق كل المحرومات ياربي ويرزقج ويوفقج يارب

واشكرك على ردج الطيب يالغلا

تشرفت بمرورج يالغاليه

شـوآخـي · 04-08-2012, 07:21 AM

سبحان الله وبحمده

اب

الفقيرة الى الله · 04-08-2012, 08:23 AM

اللله كريم بس 13 مايستوي فيهم حمل لانه الابره بتزيد كل وحده ثتين على الاقل بتسةي 15 المطلوب 18 وطالع

ممكن الا حجمها مناسب تتلحق بثنين ماتدري الله كريم

شـوآخـي · 04-08-2012, 08:55 AM

تسلمين فديتج على الرد الطيب والتوضيح

قالت لي الدكتوره اللى حجمها 13 ونص اليوم الثاني بتكون جاهزه والله اعلم يالغاليه

الله يكتب لنا اللى فيه الخير ويرزق كل البنات المحرومات

اشكرج على الرد يالغاليه

شـوآخـي · 04-08-2012, 01:21 PM

سبحان الله وبحمده

اب

شـوآخـي · 04-09-2012, 03:58 AM

صباح الخير

شدعوه بنات ولا رد ؟

شـوآخـي · 04-09-2012, 08:38 AM

الحمدالله , سبحان الله , الله واكبر , لااله الا الله , استغفر الله

اب اب اب اب

شـوآخـي · 04-09-2012, 12:59 PM

الله يسامحكم

محد كان عنده تجربه ؟

انزين البويضه اللى حجمها 13 ونص بتكبر وبتنفجر

واللى الابرة التفجيريه بتفجرها قبل لاتوصل 18

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار كلوميد وابر منشطه	ولاية حيدر	منتدى علاج العقم و تأخر الحمل	7	02-09-2012 07:47 PM
الربط وابر التثبيت ايهم افضل	Sosoas	إستفسارات حوامل من الشهر السابع إلى الشهر التاسع	3	01-27-2012 10:42 PM
بنات الكلوميد وابر التنشيط .. والحمل	غلاهم	منتدى علاج العقم و تأخر الحمل	3	10-25-2011 02:57 AM
وشو الفرق بين ابر منشطة وابر تفجيرية	حُلم	منتدى علاج العقم و تأخر الحمل	9	06-11-2011 11:24 AM
بخصوص حبوب وابر التبييض	عزيزة النفس	الموضة و الجمال	1	08-05-2009 04:26 AM