نسبة التحليل الهرموني 76.18

[شـوآخـي]

السلام عليكم

مرحبا بنات

انا اخذت ابرتين منشطه وفيرتاب خامس ايام الدوره
وابرتين تفجير يوم 13 من الدوره

كان عندي 3 بويضات وحده جاهزه وثنتين 13ونص

وقالت الدكتوره باكر تصير جاهزه وتتفجر

كنت اسوي تحليل منزلي كلير بلو تقريبا سويت 4 مرات وكله سالب

بصراحه جاني فضول ابغي اعرف حامل او لا

سويت تحليل هرموني بالدم طلعت النسبه بعد الابره التفجيريه ب 11 يوم 3.59

ويوم كملت 14 يوم من الابرة التفجيريه جهزت نفسي في يوم 15 من الابره التفجيريه ورحت المختبر وسويت تحليل

طلعت النسبه 76.18

الفرق كبير بين 3.59و76.18

سويت تحليل منزلي طلع موجب

ماشاء الله

شرايكم بنات

خاطري في توام

هل هذا حمل ؟؟

[حبيبت حبيبي]

والله ما اعرف بس ان شاء الله حاااااااااااااااامل

ربي يسعدك ويوفقك ويرزقك كل اللي تتمنين

[ниō]

ماعندي خلفيه .. الله يرزقك ماتتمنين عاجلاَ غير آجل

[شـوآخـي]

تسلمين حبايب قلبي

الموضوع مكرر فديتكم

الله يرزقنا ويرزقكم الذريه الصالحه

[D l 3 ♥]

شوفي اول شي احسني الظن بالله ,,

ثانيا ابر التفجير قبل وقت الدوره بيطلعلك موجب شي طبيعي

بس مو اكيد حمل ويمكن حمل فانتظري لاححد وقت الدوره وان شاء الله حمل وتوام ,,

[شـوآخـي]

الابرة التفجيريه يالغاليه على حسب قوتها
وانا لو بيطلع معاى موجب كان طلع من رابع يوم ابرة التفجير

بس ياحياتي شوفي الفرق

11 يوم من الابره تحليل الدم عطاني نسبه 3.59
ويوم كملت 14 يوم تحليل الدم عطاني نسبه 76.18
والدوره موعده اليوم ولا جات

انا خلصت مدة الابرة والمنشطات والفيرتاب والتفجيريه
ومشيت على كلام الدكتوره الصحيح والحمدالله

الله يكتب لنا الخير يارب ويرزق بنات المنتدى كلهم

[أسيرة زوجي]

الله يكتبلك الي فيه الخير و يرزقك بالحمل السليم يا رب
حبيبتي اصبري كم يوم و عيدي التحليل و يا رب تبشرينا بالخير

[شـوآخـي]

الدوره مانزلت ياحبيبة قلبي وعندي موعد على اخر الشهر عند الكتوره

الدوره موعدها امس واليوم ومانزلت وان شاء الله ماشوفها

[nano nono]

انشالله حامل بس انا بعد في زأيي استني كمان أسبوع وحللي

[شـوآخـي]

ان شاء الله يالغاليه

والله يرزق الجميع يارب