تجمع الجزائريات الغاليات المتأخرات في الحمل ‏

[غفران شكران]

أختي الله راني نخاطبك وكلي سعادة نفع الله بي وبك المسلمين لا علاقة له بالغدة انشالله لان الألم زال عنك فأحيانا يجب إتمام المضاد الحيوي وان زالت الأعراض اما تحاليلك ففيها أمل انشاء الله وأنصحك بالبردقوش لانه معدل للهرمونات كما أنصحك بكثرة الاستغفار فلا شيء بعيد عن الخالق الله يرزقك ويجبر بخاطرك انه قادر على كل شيء

[AMAL JADID]

المشاركة الأصلية كتبت بواسطة أمة الرحمان السلفية

السلام عليكم
اخوتي في الله ان شاء الله تكون بخير وفي صحة جيدة اخوتي قللكم أسمحولي كامل كيما راكم هنا في تجمع إذا كاش يوم ظلمت وحدة فيكم ولا مارديتش على سؤال ديلها تسمحلي ونحبكم كامل كيما راكم ونقللكم بلي مانزيدش ندخل ونشارك بصح ساعة على ساعة راني نقرا أرشيف تعكم ونتابع اخبركم اسمحولي حبيباتي وربي يرزقكم الذرية الصالحة ويفرحكم في أقرب وقت أمين . أمين أمين السلام

وعلاش تروحي كاش وحدا غلطت معاك قولي

[غفران شكران]

لي رجاء من أختي أمة ان تبرر خروجها من التجمع فمن حق إخواتك ان يعرفن السبب ولله أني احس بحرقة أمل جديد

[bassouma]

أمال أهلا بديت خلطة رويس و بداو كوابيس

[AMAL JADID]

المشاركة الأصلية كتبت بواسطة ام عمر و هبة

السلام عليكم بيا الغاليات اولا مبروك الف الف مبروك للاخت سارة و ربي يتتم لك بخير ويقر عينك بشوفته بين يديك ااااااااااااااااااااامين
كيفاش راكي بسومة ان شاء الله مورال طالع
مرحبا بيك امة الرحمان تحبي الصح والله غير فتقدناك
اهلا و سهلا بيك ا20 سنة انتظار يلا هل ترى اسمك يعني صح مدة انتضارك للحمل و لا مجرد اسم اخترتيه انا عندي 8 سنين ربي يفرج علينا في القريب العاجل اااااااااااااااااااااااااااااااامين
امل جديد ان شاء الله ربي يبشرك بالحمل و انت تبشرينا
اهلا بيك ام نهى واش حوالك واش خبارك
انا رحت زعما ندير التاست يخي نكرهو بصح درت الكوراج ويا ريت ما درتو وبقيت نحلم خرج لي خط واحد كي العادة ما بكيت ما فرح روطار تع 3 ابام دورتي مشي منتظمة بصح نطمع كل شهر بدون لامتابة تبويض لا علاج لا تنشيط و نطمع يا ربي يسر لي لمري ادعولي يا الغاليات ربي يجبر بخاطري و انا راني ندعيلكم و ربي عالم

ههههههههههههههههههه هبطت المربوحة اليوم
الحمد لله الي مادارتش الروطار نطيح مع التحاليل و الطبيب
و جات متقدمة هادي المرة و نطيح مع الراقي تانيك تسما راني تسمع الراي هادي المرة
ادعولي لبنات هادي المرة تجي في الصواب

المشاركة الأصلية كتبت بواسطة bassouma

أهلا أخت غفران كيراكي لاباس
أم عمر يسقسي عليك الخير راني لاباس
غفران قتلك زوجي عنده نقص في عدد و حركة حيوانات و درتله كلش لي يوصفوهلي نديرهله و بلا فائدة

مجربش دار تحاليل تاع الهرمونات
لانو زوجي مدارش بصح كي مدتلو الطبيبا بروفيبرو و هو هرمون التروستيرون الذكوري زاد العدد و تحسن بزاف قلت ممكن خلل هرموني
لانو جرب كلش حتى العسل و كلش التشوهات و الحركة متحسنوش العدد صح زاد
بصح مع البروفيرو تحسن اكثر ممكن كان عندو نقس في الهرمون

المشاركة الأصلية كتبت بواسطة ام عمر و هبة

اخر تحليل لfsh كان 15 و lh 8
اخت غفران ولاحضت حاجة صارت معي في الاسبوع الماضي مرضت اللوزتين تنفخو و التهاب شربت مضاد حيوي 5 ايام و مكملتوش الغريب في الامر صار يوجعني الحلق و الرقبة من الاعلى الى الاسفل يعني منطقو الغدة كل ما نضغط عليها توجع خفت بصراحة مرحتش عند الطبيب بصح اليوم كملت المضاد الحيوي زال الالم الحمد لله راني نحس روحي مليحة هل عندها علاقة بالغدة اسمحيلي راني طولت في الهدرة و راني نطلب فوق اللازم وقيلة جزاك الله كل خير

اختي نبشرك ببشرا صارة

هرموناتك ماهوش مستحيل معاها الحمل تقدري تحملي اكيد
و كاين تانيك معلومة
انا سقسيت طبيب مختص عن هرمون fsh وقالي بلي جات ليه مريضة عمرها 42 سنة
قالي هرمون تاعها مرتفع فايت 20 قلي اي طبيب قالها بلي متحمليش خلاص
المهم قالي مدتلها الادوية و تابعتها قالي درك راهي حامل لعقوبا ليك
وقالي كاين تحاليل حتى دارتهم في فرنسا و شوفي ربي كتبلها الحمل

ونزيدلكم دارو دراسة جديدة المهم تقول بلي مخزون المرءة للبويضات ميخلاصش و
دارو تجارب على فءران نحاولها البويضات و زرعو خلايا جذعية و تكونت بويضة صالحة للاخصاب و تخصبت و جابت فءران

هادا رسم تخطيطي يوضح الفكرة

[bassouma]

أمال لالا ممدولهش قاع تحليل هرموني يمدوله كل مرة تحليل سائل منوي و دار راديو دوبلير

[AMAL JADID]

سلام لبنات واش راكم
حشيت الارشيف باش وصلت

المشاركة الأصلية كتبت بواسطة غفران شكران

لي رجاء من أختي أمة ان تبرر خروجها من التجمع فمن حق إخواتك ان يعرفن السبب ولله أني احس بحرقة أمل جديد

مانعرف واش بيها امة لانو ماكان حتى واحد قلقها

انا الي مقلقني من المنتدى الصورة و المواقع الي يخرجو و بلوكيتهم في نافيقاتور بصح مرات يتبدلو
مادابينا الادارة تشوفلنا حل

المشاركة الأصلية كتبت بواسطة bassouma

أمال أهلا بديت خلطة رويس و بداو كوابيس

سقسيت راقي
قتلو بلي حبست الرقية حبسو الكوابيس هل معناها بريت
قلي كي تحبسي الهجوم اكيد الرد يحبس او ينقس
وقلي كاين فرق مابين الذكر العادي او الذكر الهجومي
يقصد الورد اليومي العادي او الدعاء
ودعاء الي ضد الضالم و القرءان بنية علاج من الجن


بصح شكيت والله اعلم الي مءثر فينا هو قرين لانو بكل صراحة منتءثرش بسرعة
والاحلام تقولي مختارة فيها الناس الي صح منحملهمش يخرجو و يتكرر و تقولي يعلف مليح حياتي من بكري

ربي يشافينا اميييييييييييييين

[AMAL JADID]

المشاركة الأصلية كتبت بواسطة bassouma

أمال لالا ممدولهش قاع تحليل هرموني يمدوله كل مرة تحليل سائل منوي و دار راديو دوبلير

عندي وحدة حبيبتي تانيك كل مرا تحاليل تحاليل ووالو مبان والو
هذي المرة عاود تحاليل بزاف البول الدم و تحليل هرموني حتى تحاليل دقيقة للخصية
في النتيجة لقا دوالي بصح مخبيين
المهم قالو نمدلك بروفيرو و ادا ممدش نتيجة نبعتك عملية لانو عندك دوالي مخبيين
تصوري مسكينا راهي في 11 سنة هادا وين فاقولو دوالي

وكاين وحدا حبيبتها المهم راجلها نفس الشيء و اصلا تعالج عند هاذا الطبيب فاقلو بلي دوالي و داوا و درك راه بطفل

[bassouma]

أمال أنا تاني في منام راني نشوف نفس أشخاص منعرف هو لي بيا أو شيطان راه يوسوس
راجلي كي دار راديو واحد طبيب قاله لازم عملية باه حركة تزيد و وحد أخر قله ملازمش عملية لزملك فيتامينات برك

[AMAL JADID]

المشاركة الأصلية كتبت بواسطة bassouma

أمال أنا تاني في منام راني نشوف نفس أشخاص منعرف هو لي بيا أو شيطان راه يوسوس
راجلي كي دار راديو واحد طبيب قاله لازم عملية باه حركة تزيد و وحد أخر قله ملازمش عملية لزملك فيتامينات برك

تقدري تجي لبليدا ؟؟
او ابعثيلي تحاليل نسقسي طبيب و نقلك واش يقلو يدير

لانو بصراحة جربناهم الفيتامينات حتى كرهنا مادارو والو

اذا لازملو عملية يدير عملية الاحسن

اما الكوابيس كيما قتلك انا نشوف ناس الي نكرهم و منحبهمش
تقولي يخيرهم بلعاني