تجمع الجزائريات الغاليات المتأخرات في الحمل ‏

[غفران شكران]

صباح الأنور على أخواتي الكريمات أنا غفران سبق وان عرضت قصتي كاملة عليكن وأرجو ان تقبلوني اخت وصديقة وفية بينكن ودخوله هذاالمنتدى للنفع وجلب المنفعة انشالله لذا أرجو ان أتعرف على قصصكن ولا تبخلو عليا بالرد جزاكم الله كل خير أنا في الانتظار وأي واحدة منكن تحتاج لأي مشورة عن التحاليل لا تترد فهذا مجال عملي. أختكم غفران

[ام عمر و هبة]

السلام عليكم بيا الغاليات اولا مبروك الف الف مبروك للاخت سارة و ربي يتتم لك بخير ويقر عينك بشوفته بين يديك ااااااااااااااااااااامين
كيفاش راكي بسومة ان شاء الله مورال طالع
مرحبا بيك امة الرحمان تحبي الصح والله غير فتقدناك
اهلا و سهلا بيك ا20 سنة انتظار يلا هل ترى اسمك يعني صح مدة انتضارك للحمل و لا مجرد اسم اخترتيه انا عندي 8 سنين ربي يفرج علينا في القريب العاجل اااااااااااااااااااااااااااااااامين
امل جديد ان شاء الله ربي يبشرك بالحمل و انت تبشرينا
اهلا بيك ام نهى واش حوالك واش خبارك
انا رحت زعما ندير التاست يخي نكرهو بصح درت الكوراج ويا ريت ما درتو وبقيت نحلم خرج لي خط واحد كي العادة ما بكيت ما فرح روطار تع 3 ابام دورتي مشي منتظمة بصح نطمع كل شهر بدون لامتابة تبويض لا علاج لا تنشيط و نطمع يا ربي يسر لي لمري ادعولي يا الغاليات ربي يجبر بخاطري و انا راني ندعيلكم و ربي عالم

[غفران شكران]

صباح الأنور على أخواتي الكريمات أنا غفران سبق وان عرضت قصتي كاملة عليكن وأرجو ان تقبلوني اخت وصديقة وفية بينكن ودخولي هذاالمنتدى للنفع وجلب المنفعة انشالله لذا أرجو ان أتعرف على قصصكن ولا تبخلو عليا بالرد جزاكم الله كل خير أنا في الانتظار وأي واحدة منكن تحتاج لأي مشورة عن التحاليل لا تترد فهذا مجال عملي. أختكم غفران

[ام عمر و هبة]

المشاركة الأصلية كتبت بواسطة غفران شكران

صباح الأنور على أخواتي الكريمات أنا غفران سبق وان عرضت قصتي كاملة عليكن وأرجو ان تقبلوني اخت وصديقة وفية بينكن ودخوله هذاالمنتدى للنفع وجلب المنفعة انشالله لذا أرجو ان أتعرف على قصصكن ولا تبخلو عليا بالرد جزاكم الله كل خير أنا في الانتظار وأي واحدة منكن تحتاج لأي مشورة عن التحاليل لا تترد فهذا مجال عملي. أختكم غفران

اهلا بيك بين اخواتك الي كل وحدة فيهم عندها حكاية الي في التجمع كلهم حبوبات و خواتت ربي يعلم بينا ان شاء الله نشوفو الخير فيه انا عجبني اسم المنتدى يعطي امل في النفس و انا تفاالت خير فيه و في التجمع اتعنا

[bassouma]

أهلا أخت غفران كيراكي لاباس
أم عمر يسقسي عليك الخير راني لاباس
غفران قتلك زوجي عنده نقص في عدد و حركة حيوانات و درتله كلش لي يوصفوهلي نديرهله و بلا فائدة

[ام عمر و هبة]

اخت غفران حبيت نسقسيك على هرمون الغدة الدرقيةtsh هل يرتفع مع ارتفاع هرمون الfsh ولا معندو حتى علاقة بصح علا هرمون الغدة يرتفع فجاءة و لو بكمية قليلة و هل عندو تاثير هو ثاني على الحمل لاني انا عندي fsh مرتفع منذ زمن طويل و اكدولي الاطباء اني مستحيل نحمل ربي النعين و في الشهر الي فات رحت عند طبيب عام اعطاني تحليل الغدة خرجلي مرتفع بقيمة بسيطة جدا 4.52 من 0.27--4.20بصح قالي ماشي مليح و الله غير حرت يا ريت تقليلي اختي واش معناته

[bassouma]

المشاركة الأصلية كتبت بواسطة أمة الرحمان السلفية

السلام عليكم
اخوتي في الله ان شاء الله تكون بخير وفي صحة جيدة اخوتي قللكم أسمحولي كامل كيما راكم هنا في تجمع إذا كاش يوم ظلمت وحدة فيكم ولا مارديتش على سؤال ديلها تسمحلي ونحبكم كامل كيما راكم ونقللكم بلي مانزيدش ندخل ونشارك بصح ساعة على ساعة راني نقرا أرشيف تعكم ونتابع اخبركم اسمحولي حبيباتي وربي يرزقكم الذرية الصالحة ويفرحكم في أقرب وقت أمين . أمين أمين السلام

أمة رواحي راني محتاجاتك

[ام عمر و هبة]

المشاركة الأصلية كتبت بواسطة أمة الرحمان السلفية

السلام عليكم
اخوتي في الله ان شاء الله تكون بخير وفي صحة جيدة اخوتي قللكم أسمحولي كامل كيما راكم هنا في تجمع إذا كاش يوم ظلمت وحدة فيكم ولا مارديتش على سؤال ديلها تسمحلي ونحبكم كامل كيما راكم ونقللكم بلي مانزيدش ندخل ونشارك بصح ساعة على ساعة راني نقرا أرشيف تعكم ونتابع اخبركم اسمحولي حبيباتي وربي يرزقكم الذرية الصالحة ويفرحكم في أقرب وقت أمين . أمين أمين السلام

امة الرحمان وعلاش متزيديش تدخلي غير الخير انت الي تسمحيلنا اذا كاش ما شفتي منا ولا حسيتي من كلامنا حاجة التجمع بلا بيك كي الماكلة بلا ملح لا لا حنونة نتوحشوك لازم تدخلي والفناك

[غفران شكران]

لأسف أختاه الكريمة ارتفاع هرمون fsh مرتبط بخصوبة المراة فمنذ ازياد الأنثى تحمل في مبايضها مخزون معين من البويضات تفقده على مدار سنوات نموها وهرمون fsh هو مرآة هذا التبويض وكلما ارتفع هذا الأخير كان دليل على انخفاض كبير للبيوضات ولكن متى حللت اي في اي يوم من العادة وكم هو سنك وكم وجدتيه اما تذبذب هرمون tsh فهو يؤثر على كل الهرمونات الأنثوية لذا هو يؤثر على الخصوبة بشكل عام اما العدد الذي ظهر لي فهو غير مبالغ فيه وسانصحك بتحاليل اخرى لتجريها لتتأكد ي جيدا من سلامة غدتك

[ام عمر و هبة]

اخر تحليل لfsh كان 15 و lh 8
اخت غفران ولاحضت حاجة صارت معي في الاسبوع الماضي مرضت اللوزتين تنفخو و التهاب شربت مضاد حيوي 5 ايام و مكملتوش الغريب في الامر صار يوجعني الحلق و الرقبة من الاعلى الى الاسفل يعني منطقو الغدة كل ما نضغط عليها توجع خفت بصراحة مرحتش عند الطبيب بصح اليوم كملت المضاد الحيوي زال الالم الحمد لله راني نحس روحي مليحة هل عندها علاقة بالغدة اسمحيلي راني طولت في الهدرة و راني نطلب فوق اللازم وقيلة جزاك الله كل خير