تجربتي الاولى لاطفال الانابيب وفشلها :(

[فديت قلبه]

بنات انا عملت اطفال انابيب شهر فبراير 2 بعد تأخر حملي سنه و 4 شهور


وكان كلشي تمام معاي من اول خطوه وكانت الاستجابه تمام للابر والحمد لله

وصار الترجيع وكنت طول فتره الانتظار مرتاحه في بيت امي ماااسوي ولالالا شي

وضليت على هل حال اسبوعين لحد ما حللت باليوم 11 تحليل منزلي وطلع لي موجب الحمد لله

فرررررررررررررررررحت كثيييير وقلت يوم 13 بحلل تحليل هرموني عشان اتأكد واجوف النسبه وكنت متفائله حييل

وحللت والحمد لله طلع لي حامل وخبرت هلي امي وابوي واخواني وام زوجي

وقالي لي الدكتور احلل تحليلين بعد يومين واحد وبعده بيومين الثاني عشان يتطمن ان النسبه ترتفع وكلشي تمام

رحت بعد يومين احلل وكانت الصدمه ان النسبه نزلت وصااااارت 4 يعني مافي حملللللللللللللللل

هني انا انهرت قمت اصيح واصيح واصيح حسيت الدنيا صارت سوووووده فويهي

وقالي عيديه يمكن في غلط وعدته وطلع بعد ماكو حمل والحمد لله على كل حال امر الله مانعترض عليه

بس الحزن فالقلب والامال خصوصا انه من قالي حامل قعدت اقول شهر كم بولد وقعدت افكر في بالي

شنو بسوي حق البي بي تعرفون شعور اول فرحه حمل اول مره حد يقولي مبروووك حامل

بس الحلم راح وراح كلشي

ان شاء الله يارب الله يعوضني خير

انا ابغى اسوي العمليه مره 2 بس ابي اعرف متى انسب وقت اقدر اعيدها فيه بعد كم شهر يكون الرحم مستعد؟؟؟؟؟


واسفه لاني طولت عليكم بس حبيت افضفض :(

[nacèra]

يارب يعوضك ويرزقك بالدرية من غير انابيب ولا شئ

[فديت قلبه]

nacèra شكرا اختي على مرورج

ان شاء الله يارب الله يسمع منج

[ألم الجراح]

عورتي قلبي حبيبتي فديت قلبه
كنت متأملة لك الخير
لكن ،، وعسى ان تكرهوا شيئاً وهو خير لكم
الله بعوضك بأحسن منه ويفرح قلبك
ما على الله عسيرة التجأي له بالدعاء والصدقة وبتشوفين الخير

[سموة الشوق]

الله يعوضك خير أختي الغالية

طيب ماقلتي نزلت الدورة ولامانزلت؟؟؟

انا يوم عملتها يوم سألت الدكتور إذا بنعيدها قالي بعد 3 شهور تقدري تعيديها أختي

الله يرزقنا واياكي الذرية الطيبة من عنده

[يارحيم]

صلي صلاة شكر لله اكيد ربي رايد كل خير وامر المؤمن كله خير حبيبتي..ما شاء الله عليك رضيتي بقضاء الله وقدره وماجزعتي لكن لو تصلين يكون افضل وبعد كذا تصدقي لان الرسول صلى الله عليه وسلم قال فيما معناه داوو مرضاكم بالصدقه.. تصدقي بمبلغ كبير او اذبحي ذبيحة ووزعي لحمها على الفقرا واذا تقدرين تروحين مكه تدعين ربي بالحرم امام الكعبه يكون ممتاز.. اعرف كثير شدو الرحال لمكه واستجيبت دعواتهم..

الحمدلله مالك الا سنه ونص متزوجه قدامك كل الوقت حبيبتي وفيه ناس عادوها مرتين وثلاث وبالاخير نجحت يعني لسا فيه امل كبير تخيلي لو انه العمليه اذا فشلت خلاص ماتقدرين تعيدينها؟؟ الحمدلله انك تقدرين تعدينها مرتين وثلاث واحسن شي اذا طلع لكم اجنه كثير اطلبو تجميد الزائد عشان المرة اللي بعدها ما تضطرين تعيدين كورس الابر وعمليه السحب.. بس يرجعون لك اجنه وتنتظرين اسبوعين اسهل لك واوفر..

الله يعوضك خير ويرزقك الذريه اللي تسعدك وتفرح نظرتك برحمته ارحم الراحمين..

[يارب ترزق جمولة بطفل]

الله يرزقك يافديت قلبه بتوأم
أبغى أسألك إذا ممكن متى سويت تحليل الحمل لاني سويت التحليل8/4وهو اليوم 13وطلعت النتيجة 1.5والدكتور يقول لازم 5وأكن لكم شاكرة

[Amooo]

مرحبا حبيبتي ,,الله يعوضك ان شاءالله ويرزقك
انا مثلك المرة اللي قبل هذه كذا صار معي بس ما خبرت احد
حتى امي لانو مو اكيد الحمل بس وكلت امري لربي واستخرت
لما قالوا لي حامل وطلبت ربي اذا كان في هذا الحمل والجنين خير لي ولزوجي
ان الله يتممه لي وان كان شر لي ولزوجي ان الله ما يتمم حمله عشان ما يتعلق
قلبي وقلب زوجي بهالحمل ,,,,
انا سويتها الشهر الفات ورجعت بس ما صار حمل ونزلت الدورة ,,
وبعيدها ان شاءالله الشهر الجاي ,,,
هو لازم ترتاحين شهر يعني تنزل الدورة بعد الترجيع طبيعي والدورة الثانية اذا حابة
تكرري العلمية او الشهر اللي وراها افضل كذا قالي الدكتور
والله يرزقنا ان شاءالله من غير هالادوية

[فديت قلبه]

عورتي قلبي حبيبتي فديت قلبه
كنت متأملة لك الخير
لكن ،، وعسى ان تكرهوا شيئاً وهو خير لكم
الله بعوضك بأحسن منه ويفرح قلبك
ما على الله عسيرة التجأي له بالدعاء والصدقة وبتشوفين الخير



شكراااا الم الجراح يجزاج الله الف خيررررر يااااااااااااااااااارب

[فديت قلبه]

الله يعوضك خير أختي الغالية

طيب ماقلتي نزلت الدورة ولامانزلت؟؟؟

انا يوم عملتها يوم سألت الدكتور إذا بنعيدها قالي بعد 3 شهور تقدري تعيديها أختي

الله يرزقنا واياكي الذرية الطيبة من عنده



سموه الشوق اي حبيبتي نزلت اول يومين كانت خفيفه اليوم نزلت دوره عاديه مثلكل شهر الحمد لله على كل حال

اي انا قلت بريح شهرين ثلاثه وبحاول اعيدها وان شاء الله تضبط هل مره الله كريم ان شاء الله بيرزقنا على قد نيتنا