ارجوا المساعده

[لمووني]

اخواتي في منتديات حوامل انا في نهاية السابع وابغاء اجهز شنطة النفاس وش هي مكوناتها وطريقة استخدامها ولااذا تعرفون احد في مدينة جده ممكن تسويها لي بس وتكون مجربه ومضمونه او اي مدينه وتقدر توصلها لي لان والله تعبت في المنتديات وانا ابحث ومالقيت الله يوفقها ويرزقها الرزق الحلال يارب اللي تساعدني

[**سماسم**]

اغراض الأم :
2 قصان مرتبه للضيوف
2 بيجامه للنوم
قطن خاص للرضاعه من مذركير
ملابس داخلية من مذركير ( انرد وير لبسه وحده للنفاس) ممتاااز
حجاب للاحتياط ثاني ، شنطه مكياج ، فرشاه اسنان ، كريم التشققات ، كاميرا ، ملابس قطنية داخلية ( اللوزة مع البنطلون ) لتجنب البرد
ملابس لطلعه المستشفى
حذاء
نعال للغرفه والحمام
جوارب
اغراض للاستحمام ..
فوطه للجسم ، ستيانات الرضاعه ،شاحن الموبايل

اغراض البيبي :
هذي على طريقه حلوة لتجهيز ملابس البيبي ،، علشان الي يعطون السسترات الملابس ما يعفسون الشنطه
تقريبا 7بيجامات ،، لان راح يطلبون السسترات ملابس للبيبي باي وقت اذا توسخت
شوفي حطي كل بيجامه معاها قبعه وفنيله وصدرية وممكن ادسوسو لليد وحطيها داخل كيس النايلون الشفاف وسكريه بلزاق ،، اتكون الشنطه مرتبه وبس تعطينهم الكيس

تقريبا 3 مهاد الوان موحده مثلا ابيض ، وردي او ازرق ، بيج

فوطه الاستحمام مهمه حطيي 2 ،، يحتاجونه لتحميم البيبي باول يوم
صداري زياده ،، فوط صغييييرة
كفر صغير للبيبي
وربي يتمم عليج ويقومج بألف سلامه ويقر عينج بشوفت ضناج سليم معافى ..

[عزيزة النفس]

*شنطة المستشفى *

1- اغراض الام وتضم:
• حلوى صلبة لمصها لتعطيك طاقة.
• مشروبات – ينصح بعصير البرتقال أو عصير الليمون.
• زبدة كاكاو لأن الشفتين تكونان جافتين خلال فترة الولادة.
- قميص نوم مريح جدا ويكون ثقيل نوعا ما وله فتحة للرضاعه.
- قميصان للإستقبال في المستشفى + شيل صلاه ( او شيل ملونه لاستقبال الضيوف )
- بجامات قطن .
- اغراض الحمام ( فوطه . شامبو . مشط . فرشاه اسنان و معجون . مشط . مزيل للعرق . عطر . . . الخ )
- الفوط الصحية.
- حمالات صدر مريحة للرضاعه و المناديل القطنية التي توضع على الصدر.
- جوارب وشبشب
-مخلط عطور بس لازم تشمينه بعد ولادتك على طووول(وهذا من خبرة جداتنا)عن الشمم
- ملابس داخلية و البنطلونات الداخلية القطن.
- كتيبات اذكار ودعاء .
- أشرطة لسماعها وقت فراغك للمواعظ والدروس المفيدة او القران الكريم ..


2- اغراض النونو و تضم :

- ملابس داخليه للطفل عدد3 + ملابس للمستشفى( قبعات قطنية وقفازات لليدين وجوارب )+ بيجامات
- قماطات او ماتسمى بالمهاد عدد 3 .
- حفاضات الطفل ومفرش ومهاد تكفي للمدة الي سوف تمكثين فيها بالمستشفى وغالبا تحتاجين لثلاث تغيرات مو اكثر لان الطبيعي تقعد يوم بالمستشفى حسب حالتها.
- مناشف أو فوط تضعينها على كتفك للطفل للتجشؤ.
- اغراض الاستحمام ( فوط . شامبو . بودر . كريم الحفاضات . . . الخ )

واخيرا لاتنسين تحطين في الشنطه كيس فاضي احتياط للملابس الوسخه..

[سموة الشوق]

ماشاء الله الأخوات ماقصروا

والله يسلمك ويسهل ولادتك ويقر عينك بشوفة ضناكي سالم معافى يارب..

[فتون]

من جد ماقصروووووووووووا ربي يسعدك ويبارك لك وتبشرينا بقدوم البيبي

[دلع]

شنطة المستشفى انت تسوينها بنفسك مايحتاج احد يسويها لك وزي ماذكروا سماسم وعزيزه هذي هي الاغراض المهمه

[غموض]

ياررررررررب تقومي بالسلامه
ويطلع البيبي بصحه وعافيه

من جد خوفتوني حسيت بروح اولد
مو عارفه اش بيكون موقفي بعدين يارب سهل ولادتك وولادتي وولاده كل حامل يارررررررررررررب