وعليكم السلام ..
حبيت افيدك بالنسبة لي ماراجعت عندهم بس ولادة وطبعا المجمع الطبي افضل بمليووووووون مره من مستشفى القاعدة بالظهران من ناحية انه مافيه زحمه واهتمام ونظافه وفوق هاذا دلع في دلع وربي انه افضل من المستشفيات الخاصه بالاهتمام.
انا والدة قيصري قبل سنة وكانت دكتورتي اسمها ساره سعودية قمة بالاخلاق والبشاشه بالوجه ومريحه نفسياً وبالنسبة للممرضات كانو مهتمين فيني اهتمااام وتعامل فضيع انا تفاجات منه اول ماادق جرس ثواني وهم عندي.. وكان في غرف بجنبي فاضية والغرفه الوحدة ماتزيد عن سريرين اما مستشفى القاعدة اللي شفته وقالوه قريباتي تكون الغرف مزحوووومه لدرجه توصل لـ 6 اسرة معاكي ,, وبالنسبة لغرف الولادة اللي تحت كل وحدة ولها غرفه خاصه بحمامها بتلفزيونها مش مع بعض (اللي اصواتهم تطير عقلك)...
افدتك باللي عندي وانتي ع راحتك والله يسهلك يارب ..
-----------------------------------
شوفي ياعزيزتي انا جبت بنتي فية جدا عناية
وعلى فكرة ترى من قريب صارت الواعيد زحمة مدري ليش
لاني في متابعتي بحملي ببنتي يدوب اول ماجي 10 دقايق وادخل
اما في حملي هذا في المواعيد صاروا زحمة تخيلي الاسبوع الي راح كان موعدي 8 ودخلت 11الظهر من جد طفشت
--------------------------------------
المجمع صحيح زحمة مرة لكن تعاملهم روعة والولادة تكوني لوحدك وابرة الظهر يعني ولادة بدون ألم بعدين في غرفة سريرين بس وإحتياجات البيبي موجودة تحت في سريره تدقين الجرس وسريع يجون المشكلة بس في المواعيد مررررررررررة زحمة
يعني اطمني وتوكلي على الله
---------------------------------
الغرام الحزين سلاااام كيفك؟<<<<<<<<ادري بتسألين ما ولدتي؟؟؟؟خخخخخ اسمعي سألت اخت زوجي عن المجمع الطبي وبصراحة قااااامت تمدح وتمدح فيه من كل النواحي من عناية ورعاية ونظاااافة واطباء ووووكل شئ كل شئ لدرجة انها خلتني اتحسف وانقهر اني انا اراجع في مستشفى القاعدة وقالت مافيه وجه مقارنه اصلا بينهم المجمع الطبي متفوووووق بكل النواحي
-------------------------------
المجمع مواعيده روعه كنت اجي قبل الموعد بشوي وما اتاخر اكثر من نصف ساعه
وسالت الدكتور مره ليش قال بعض الحريم ما تطلع من عند الدكتور اللي ومطلعه روحه تسال عن اتفه الاشياء وبكذا ياخذون وقت غيرهم
بس تعاملهم رااااااااااااااااائع
-------------------------------
حبيبتي انا انصحك بالمجمع الطبي بصراحه رووووووووووومع بمعنى الكلمه اهتمام ونظافه وراحه لابعد حد حتى الاولاده يحاولون يخففون عليك الاألم وفي وقت الاولاده تكونين في غرفه لحالك بالحمام وعندك تلفزيون وكل شوي تجيك الممرضه وتشيك عليك وبعد الولاده ينزلونك قسم التنويم والغرفه مافيها الابس سريرين وموفرين كل شي لك وعلى فكره اذا انتي بكريه يسون لك خياطه تجميليه اذا ولدتي طبيعي وتبين رايي اولدي عندهم بدون نفكير
-------------------------------
انا الحمد الله ولدت في المجمع الطبي بالظهران وتنومت قبل الولاده بثلاث ايام كانوا يقولوا نتطمن ع الجنين بحكم انه اول حمل لي بعد سبع سنين ولله الحمد وكان تعاملهم روووووعه من ممرضات ودكتورات واللي ولدتني دكتوره ساره ووحده ثانيه كلهم سعوديات قمه في الاخلاق وغرفة الولادة تكوني لوحدك اما التنويم كل ثنتين بغرفه ان شاء الله اني افدتك
----------------------------
المجمع الطبي في الولاده ممتاز وعن تجربه ولدي وبنتي الله يحفظهم ولدتهم عندهم ولا احلى كاني بمستشفى خاص وعمر ولدي 10 سنوات وبعده اخته 5 سنوات وفي هالفتره الطويله الخدمه حلوه واحلى والحمد لله
اما القاعده وعيادات صقر السلام هاذي اروحلها مراجعات ومواعيد وتراها افضل من عيادات المجمع الطبي للامانه بسررعه وما فيه لطعه طويله مثل المجمع
يعني حمل وولاده المجمع افضل 100بالميه من ولادة القاعده بالظهران عن تجربه ومشاهدة بعيني والله يكتب اللي فيه الخير
------------------------
اللحين مواعيدك بالمجمع رااح تكون كل شهر وبالثامن كل اسبوعين والتاسع كل اسبووووع
انا جربت فيه بناتي الثنتين فرررررق عن القاعده نظييييف وراااحه انا كنت عند الاستشاري مصطفى هوو سوداني
بس ماكنت ادخل عليه كل شهر لانه زحمه احيانا هوو واحيانا دكتوره وهو ممتاز بتحديد الجنس
القاعده ماعندهم اهتماااااام تخيلي وقت ولادتي ببنتي كان بالعيد شفت بالمجمع زحمه وكلهم من القاعده لما سالتهم عرفت انه دكاترته الحضانه حق
الاطفال كلهم اجااااازه ومحولين اللي بيولدون للمجمع يعني ماعندهم مسؤليه
--------------------------------
بس مثل ماقالوا اللي ردوا ..مشكلته مواعيده زززززحمممممه مررره زززحمممه
بس انا أفضل اجلس في الانتظار واصبر على الزحمه احسن ما أطيح عند مستوصف حكومي ماعندهم سالفه ما غير يحلبون في الفلوس .. واللي عندهم عند غيرهم يعني ماجابو جديد ..
و الله يسهل لي ولك ولكل مسلمه ..
أرجووو اني افدتك ..