استفسار ضروري الله يوفقكم .. ولدت في السابع

[النوريه]

السلام عليكم ورحمة الله وبركاته ..
صباح الخير ع الجميع ..


عندي كم سؤال ودي استفسر عنهم ..

طبعا انا بكريه قدر الله و ولدت قبل اكمل السابع باسبوع بالضبط ..
الحمدلله رزقت بولد الله لايحرمني منه والآن موجود في العنايه المركزه بالمستشفى !!

المهم مالكم بالطويله .. طلبوا مني ارضعه طبيعي !!

السؤال .. هل ممكن في حليب الفتره هذي وكيف أطلعه .. لان الطفل الآن مايعرف يرضع بس قالوا لي حيعملون له شفط بس ما ادري في حليب أو لآ من الآساس ؟؟

مع العلم انا ولدت يوم الخميس ..



السؤال الثاني عندي كحه !! ذبحتني ما ادري وش السواة وشربت دواء امس واليوم يبون مني حليب ولا يفضل استخدامه للطفل ..

الكحه من قبل الولاده لاني تنومت اسبوعين في المستشفى ومن المكيفات بردت وصرفوا لي الدواء نفسه ..
وبعد ماطلعت انا شريته وشربت منه بس تو ما اخذت منه الا مرتين بس ..


السؤال وش افضل شئ يشيل الكحه بسرعه لاني اذا كحيت تألمني الخياطه واخاف تتفك او شئ ..



وفي شئ بعد .. أخاف من الامساك يعني كفايه الكحه .. وش تنصحوني فيه غير التحاميل يعني شئ من البيت ..


جاوبوني الله يجزاكم خير و يعطيكم الف عافيه ..

[سفوني]

بالنسبه للحليب ....مااعرف عنه شي...اسالي الدكتور


والامساك...اشربي ملعقه زيت زيتون على الريق......مع كاس ماء دافي.....


وبعد مفيد للكحه...

والحلبه مفيدة تلين الحلق....


بالتوفيق

[النوريه]

تسلمين يالغلآ ماقصرتي ..
أخيرا احد عبرني من الصباح انتظر احد يرد ..

[المخملية]

الحلبة والسمسم والحليب والحلاوة الطحينية تدر الحليب
بس ماادري هو انتي مررررة ماينزل حليب والا بينزل ومحتاج محفزات
انتي اسألي دكتورتك

اما الامساك مع الغرز مرة صعب
خذي ملينات من الصيدلية وخلي غداك مرق وخضار وعشاك خضار او فاكهة او اي شي خفيف
وخلي خبزك بالدقيق الاسمرر وتجنبي الرز والخبز الابيض وكثري شرب موية ومشروبات دافية

والكحة ممكن ملعقة عسل علي الريق
واشربي حليب بالزنجبيل والحلبة

وفالك العافية
والله يفرحك بولدك وهو طيب

[ام اسكندر]

كلي اوراق خضراء بكثرة

اشربي مويا وسوائل بكثرة

خلي الحلاوة الطحينية بأكلك

وابشري بالحليب

لمن تشفطي حيظهر اول 3 أيام اللبأ وهو سائل شفاف يفيد الطفل عشان امعاءه لانه دوبه نونو ماعنده مناعة

واستخدمي العسل حيفيدك عشان الكحة واشربي سوائل دافئة
والله يحفظه لك ويطمن قلبك عليه

[النوريه]

ربي يحفظكم كلكم ويحفظ لكم ذريتكم ..
الله يسعدكم ماقصرتوا ربي يجزاكم الجنه ..
ان شاء الله اتبع نصايحكم واستفيد .. فديتكم

[فوضت امري لله]

حبيبتي الله يطمنك على ولدك يارب

مافيه احسن من اللبان المر للكحه

اغليه واشربي على الريق وقبل النوم

الله يعينك يارب ويشفيك حبيبتي --------------