شرح طريقة فتح مرفقات الإيميل وتشغيل مقاطع الفيديو الغير مدعومة لل iPad & iPhone

aljood · 11-14-2011, 12:56 AM

بسم الله

طبعا كثير يعاني من المرفقات الي مايقدر يفتحها .. وبعد يعاني من بعض الامتدادات الي مايقدر يفتحها ..

عرفت الطريقة .. وأكيد غيري شرحها بأكثر من منتدى بس حبيت أضيفها بموضوع جديد علشان الكل يستفيد ..

أول شي يبيلنا ثلاثة برامج .. وطبعا لازم تكون مسوي الجيل بريك ..

الأول والثاني : iFile و Attachment Saver

وهذولي تلقاهم بالسيديا

الثالث : yxplayer

وموجود في الأبل ستور بدراهم وله نسخة للآي باد .. تقدر تحملها مكركة موجودة في الـ installous

في البداية علشان تحمل البرنامجين الأوله يلزمك تضيف السورس هذا في السيديا :

http://www.sinfuliphone.com

بعدين تسوي بحث عنهم بالاسمين هذي

iFile Cracked

AttachmentSaver Cracked

بعد التثبيت iFile بيكون على صيغة برنامج تلقاه مثبت عندك ..
و AttachmentSaver ملف بالنظام مجرد ماتثبته بتشتغل عندك الخاصية حقته ..

yxplayer له امتداد خاص للملفات حقته ..
وطبعا مانقدر ندخل لملفات الجهاز عن طريقه لذلك تجي فايدة برنامج iFile

نجي بطريقة حفظ الملفات ونقلها للامتداد حق برنامج yxplayer

أول شي هذي صورة للمجلد حق yxplayer فاضي ومابعد نقلنا له شي

الشرح بالصور :

بالبداية نروح للايميل ونحفظ لنا المقطع الي نبي نفتحه .. اضغط على الملف ويطلع لك مربع اضغط على Save to Disk

بعدها يطلع مربع ثاني مثل الصورة الي تحت اضغط على Save

الخطوة الي بعدها .. بيطلع لك خيارات برنامج iFile اذا بغيت تفتح الملف من البرنامج على طول والا تبي تفتحه بعدين .. الي يريحك

اذا تبي تدخل لبرنامج iFile مباشرة اضغط Show in iFile

والي مايبي يفتح البرنامج يقدر يرفض ويضغط على Dismiss

والخيار الثاني أفضل اذا صار عندك أكثر من إيميل أوعندك مرفقات واجد .. تحفظهن بعدين تنقلهن مع بعض .. أريح لك يعني ..

الحين نروح لبرنامج iFile

اكيد تعرفون كيف تدخلون للامتدادات .. لذلك رح للامتداد هذا

var/mobile/library/attachments

بتلقى المقطع محفوظ في هالامتداد بالصورة هذي

5 : إضغط على Edit الموجودة في أعلى الزاوية يمين .. وحدد الملف الي تبيه وبيطلع جنبه علامة صح

إضغط على علامة السهم الي تحت باليمين بيطلع لك مثل الي بهالصورة الي تحت

إضغط Cut

بعدين تروح للإمتداد هذا

var/mobile/applications

بتلقى لك قائمة مجلدات مثل الي موجود بالصورة هذي :

طبعا هنا بيختلف الوضع شوي بيني وبينكم ..

المجلدات هذي كلها للبرامج المثبته في جهازك ومن ضمنها برنامج yxplayer

تروح تبحث بالمجلدات كلها الين تعرف أي مجلد موجود فيه البرنامج ..
وبيطلع عندك بالصورة هذي :

زي ماهو واضح قدامك اسم البرنامج موجود بالمجلد الرئيسي ..
وكل البرامج بنفس الطريقة راح تلقى مجلد باسم البرنامج الي تبيه بداخل المجلد الرئيسي ..

بعد كذا إضغط على Documents
بعدين تسوي نفس الحركة حقت القص علشان تلصق الملف , يعني اضغط Edit بعدها إضغط السهم الي تحت باليمين ..

بيطلع عندك زي كذا :

اضغط Paste

بينزل الملف بالملجد :

إضغط Done

كذا انتهينا من برنامج iFile .. تروح بعدها لبرنامج yxplayer

بتلقى المقطع موجود في البرنامج على طول ..
إضغط على المقطع بيطلع لك قائمة إضغط على Play

والمقطع شغال زي العسل

..

قبل مااختم كلامي تقدرون تنزلون مقاطع من اي رابط تحميل بكل سهولة وتشغلونه بهالبرنامج ..

الي عليكم بس تحملون برنامج GoodReader

تضيفون رابط التحميل حق الملف الي تبون تحملونه وتكملون طريقة التحميل من الرابط .. وراح ينحفظ المقطع ..
بعدين تروحون لبرنامج iFile وتنقلون الملف من مجلد برنامج GoodReader الموجود في الامتداد
var/mobile/applications

وهذي صورة للمجلد حق البرنامج :

تحصلون الملف موجود في Documents تنسخونه أو تقصونه وتلصقونه بملفات برنامج yxplayer

ويشتغل معكم بشكل ممتاز ..