أكبر قهر لاجيت تعشقلك انسان .....

[هنا روحى]

أكبر قهر لاجيـت تعشقلـك انسـان
واللي تحبه ساهـي ٍ مـا درى بـك


وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك


وأكبر قهر تبني من سنيـن بنيـان
وتشوف بنٌيـك مـا تعـدى ترابـك


وأكبر قهر تسقي من الورد بستـان
وتموت بين يديـك زهـرة شبابـك


وأكبر قهر تارد على البير ضميـان
وتشوف بعض الطين حايس شرابـك


وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك


وأكبر قهر ترهي على حصان خسران
يوم السبق لا طحت كل ٍ حكـى بـك


وأكبر قهر لاصرت ضايع وعطشـان
ونفس الطريق اللي يوديـك جابـك


وأكبر قهر صاحبك لا جـاك خـوٌان
لابحت له بالسـر راح ووشـى بـك


وأكبر قهر تعطـي وتعطـي علشـان
تاخذ عقـب كـل العطايـا حسابـك


كل ما سبق ذكره على الشوف ما كان
حفنة حروف ٍ مـع بعضهـا تشابـك


ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك


إن كنت فيما قلـت تحتـاج برهـان
ناظر وتلقى فـي قصيـدي جوابـك


وإن كنت فيما قلت مخطي وغلطـان
أترك خطانا وأنـت عطنـا صوابـك

>>>ياقلبي لاتحزن<<<

مع التحيه

[aljood]

وأكبر قهر صاحبك لا جـاك خـوٌان
لابحت له بالسـر راح ووشـى بـك

هذا اكبر قهر
الله يكفينا القهر ومرارته
تسلمي خيتو على الطرـح
دمتي بود

[دافئة المشاعر]

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

عآد القهر كثري منهآ
مثل ماقالت الجود الله يبعدها عنك وعنآ
ولابد تجينا ومن عآآش ياما حيشوف
وتمشي السنون

خالص تقديري

[شموخي غير..]

وأكبر قهر تسقي من الورد بستـان
وتموت بين يديـك زهـرة شبابـك



يسلمو عا الابيات الرائعه احسنت الاختيار

[جنون المشاعر]

ابيات رآآآآآآآئعه ..... يعطيك العافيه

[أم النوري]

والله انه اكبر قهر
الله يكفينا شره يعطيك العافيه

[هنا روحى]