افيدوني في تغير الشاش ومتى يسقط

[مس رورو]

بسم الله الرحمن الرحيم

السلام عليكم ورحمة الله وبركاته

قبل امس ختنت ولدي وقالي الدكتور من بكره بنفس الساعه اللي تم الختان فيها اغيرلوه

عطاني كريم اسموه لجنوبانثين كل اربع ساعات وطبعا الشاش موجود لسى ماطاح امي وام زوجي يقولو حطي زيت زيتون عشان الشاش يطيح ينفع احط زيت مع الكريم وخاصه انوه اربع ساعات ولا لا ومتى تطيح الشاش مدري هو من برى بلاستر الله يعافيكم جاوبوني

[تراتيل حزن]

الله يساعدك

شوفي انا طبعا عندي ولد عمره ست سنين

نسيت شوي بس اللي اذكره

انا ختنته وعمره اسبوعين وحطوا له شاش

وقالت لي الدكتورة تعطينه دواء للحرارة عشان يخفف عليه او اذا لزم الامر

وتحطينه في اليوم ثلاث مرات بماي دافي فيه شويه ملح

وتدهنين مؤخرته بفازلين

واليوم الثاني تحطينه بالماي والملح بس مرتين

وقالت لي لاتلمسين الشاش ولاتحطين شي عليه والشاش لوحده بيطيح

والحمدالله طاح وصراحه ماتعذبت بالختان

وموفقه

[احلى من العسل]

عادي اختي حطي زيت زيتون على الشاش عشان يسهل عليك نزعه والكريم اكيد تحطينه بعد ماينزل الشاش والزيت تحطين كثير يبلل الشاش وعادي حتى على الجرح عشان ماينكمش الجلد انالمن ختنت ولدي جلست احط زيت كل شوي والحمدلله لمن نزلت الشاش ماعذبني نزلت بسهوله الله يقومه بالسلامه

[مس رورو]

مشكوراااااااااات ياعسل ماقصرتن الله يجزاكن كل خير

[قحطانية]

انا ولدي عذبني الله يخلية لي
رحت افك الشاش من الطفاقة وصار فيه حمار
بس الحمدلله صار بخير

[اميرة بكلمتي]

اختي عادي حطي زيت زيتون كل ساعة عشان ماينشف الشاش ويتعبك امي الله يخلية هي اهمت في والدي اليوم الثاني طلع الشاش ومافية شي الحمد الله

[عيون وليد]

صبي على الشاش زيت زيتون عشان الشاش مايلصق في الطهره وسبحان الله لمن يتبول يطهر الجرح

اهم شي صبي زيت زيتون وعقبال ماتشوفيه عريس

[ياورد]

بما اني عندي 3 اولاد
الشاش لاتلمسينه مررررررررررررررررررره
كل ماعليك تحطين في المسبح الصغير شويه ملح ومويه وتخلينه يتنقع فيها وتشطفينه وتصبين زيت زيتون بس كل ماغيرتي له صبي زيت زيتون عادي
والشاش هو يطيح من وحده بدون ماتلمسينه انتي
ولاتحطي عالمنطقه بودره اطفال او تفسخين الحفاظ عشان تتهوى المنطقه لا انتبهي لانه كذا تتعرض للجراثيم
والبول هاذا سبحان الله علاج له كمان
والله يخليه لك يارب