اكشن ولادتي بنواف الله يخليه لي

[قحطانية]

السلام عليكم ورحمة الله وبركاته
انا نفاس من 16 يوم والحمد لله ربي هون ولادتي
بداية قصة ولادة نواف بموعد يوم الاثنين 19-4 مع استشارية النساء والولادة في مستشفى قوى الامن في الرياض
جيتها الصباح وكنت اعاني قبل الموعد بيومين من مغص وطلوق كاذبة
<- طبعا خبرة لانه سادس حمل لي
مالكم بالطويلة كشفت علي وقالت الرحم مفتوح 2 سم
مدري وش صار لي خفت باقي اسبوعين على الولادة قالت لازم اسوي لك تحفيز للرحم
وسوت تحفيز وحسيت بالموت لدرجة اول مرة اطلب من زوجي يجي يمسكني م قدرت امشي
ورحت البيت وصارت الطلوق قوية واحاول انام العصر ساعة بالموت
وبالليل طار النوم وزوجي يقول اوديك المستشفى وانا قدامه وقدام عيالي اتصبر واقول ما فيني شئ
واتحمل الثلاثاء وامشي دقيقتين وما اقدر اكمل ابدا بس جالسة عالكنب حتى الصلاة وانا جالسة
واحاول اتحمل قد ما اقدر واقول ما اروح لين ينزل الموية ولا ينتظم الطلق
وشفت السدادة حقت الرحم نزلت الفجر يوم الثلاثاء وبعدها صارت تنزل افرازات كثيرة
علما باني م اشوف اي افرازات طول حملي الحمدلله وصرت اتصبر لان الوجع يهدا وانام واصحى
والمصيبة ولدي عمره سنه و4 شهور مزعج مرة وخدامتي مسافرة وانا قايمة بالبيت لحالي
وعيالي بالمدارس كلهم وكل ما حسيت بضيقة من الشغل طقيتها صيحة
مر يوم الثلاثاء على خير اللين جا اخر الليل صحتني الطلوق حارة والمغص وانا ادعي على الدكتورة
تمنيت م رحت لها ولا خليتها تلعب فيني
صحيت عيالي وزوجي الصبح وراحوا الدوامات وزوجي قال بروح الدوام وباستائذن انا حاس فيك شئ وجهك مو زين <- خرعني زود لانه شايفني 3 ايام ما انام الا دقايق
جات الساعة 11 اسوي الغدا واحس بالم بالعمود الفقري ودوخة كلمني زوجي قال بجيب اكل
قلت لا سويت انا ما عليك طيبة جيب العيال من المدارس بس
جلست اصلي الظهر وما قدرت اقوم من الطلق والمغص دخل زوجي لقاني ابكي
قلت الغداء احترق طفي عليه راح يحط الغدا ي حبي له يحاول يحسسني انه الموضوع بسيط
وقومني ودخلي الحمام وقال اللبسي نروح المستشفى ورحنا قوى الامن مستشفاي اللي اتابع فيه
رحنا الطواري للولادة وقالوا الرحم 3 ونص مفتوح بس فيه طلق بالجهاز يعني الولادة اليوم
مدري ي بنات وش صار لي انا كنت متطمنة ان الولادة بعيد وخايفة بس رجعت الدكتورة قالت ما فيه سرير
حسيت بصدمة قالت بنحولكم على مستشفى احمدبانمي بشرق الرياض خذينا اوراق التحويل ورحنا لهم دخلت الولادة المغرب وكشفت الدكتورة قالت 4 ونص بس انا ما عاد حسيت بطلق ابدا
حسيت فيني نوم وتعبانة ودخلت التنويم وقلت لزوجي روح للعيال انا بنام
وفعلا نمت بعد العشاء وكانت احلى نومة بحياتي وربي ما صحيت الا اذان الفجر بطلق قوي بظهر وبطني والم ما قدرت اتحمله ولا اتحرك
ناديت الممرضة جات وجابت الدكتورة وركبوا جهاز النبض والطلق وقاست قالت 6 ونص
خلاص نوديك الولادة وغيروا لي ودخلوني غرفة الولادة وشافتني دكتورة ثانية قالت لي 8 ونص
خلاص ولادة بس نص ساعة قلت انا طالبة ابرة ظهر ما اعطيتوني قالت لا ما نعطي الا اذا كان فيه طلق واقل من 5 سم جاتني جلطة من الخرعة والوجع والمشكلة الممرضات يسولفون ويضحكون وانا ابكي عالصامت
عطوني الكمامة وربي انها نعمة من الله هالكمامة ي بنات صرت كاني اتحلم وطايرة من الارض
نسيت الطلق صح احس فيه واتوجع بس اخف وارحم بس صرت اناظر الساعة واحسب
وصارت الساعه 7 حكم الصبح شالت الكمامة وقالت ماما ادغعي خلاص بيبي طلع
الغرفة مزحمة 5 ممرضات ودكتورة وقابلة وربي ي بنات انها دفعة واحدة بس طلع ربي عطاني قوة مو طبيعية مع ان حيلي منهد ورايح من ثقل الحمل والوجع والالم والضيقة واحس انه بموت بولادتي هذي
والحمدلله مرت على خير قالت لي ولد 3 ونص كيلو كاني انا حيت بعد الموت المهم صاروا يخيطوني وينضفوني كاني بحلم بس ابي اصحصح اشوف الولد توني استوعب ما شفته يوم ورتني شكله طلعوا فيه خلصت الولادة وجابوا لي فطور وحليب حار بعدين خلوني بغرفة افاقة ومتابعة لمدة 3 ساعات سبحوني ولبسوني وربي ممرضتين حتى معاي بالحمام الله يكرمكم ما تركوني
يعني عناية سبع نجوم والحمدلله رجعت الغرفة جابوا لي ولدي نواف وشفته مثل القمر ورضعته وضميته ونسيت كل شئ سواه فيني هالمجرم

وتوته توته خلصت الحدوته وعقبالكم كلكم ي بنات بالولادة السهله الهينة

[ميآر [ مهند حيآتي ]]

الف الف مبروووك

ويربى بعزك ودلالك ودلال ابوه ..

والحمد لله ع سلامتك

ادعيلي تكون ولادتي سهلة بابني لان هذا اول حمل لي

ودي

[المخملية]

الف مبروووك
والحمدلله علي سلامتك
يتربى بعزكم وبعز ابوه واخوانه

[أميره الورد]

الف الف الف مبروووك
يتربى فعزك
وعقبالناا يااااارب

[السامره]

الف مبروك يتربى في عزكم
والله يهون علينا

[فليك]

ماشاالله ، الف الحمدلله عسلامتك و سلامة ولدك
الله يفرحك بيهم و يرزقك برهم يااارب

[عيون حبيبي]

الف مبروووك
والحمدلله علي سلامتك

[مناير999]

الحمدلله على سلامتك
وعقبالنا
انا بكريه وزوجي ضابط بالامن العام وملفي عندهم
بس لسه ماراجعتهم

اقدر اطلب مستشفى ابانمي او هم يحولوني بحالات محدده

[مهرة uae]

الحمدلله على سلاامتج

[نسمة دفا]

الحمدلله على سلامتك أنتي والبيبي

ربي يرزقك بره وصلاحه وحفظه من كل سوء