الغده الدرقيه والتجلط

بلا روح · 10-20-2011, 11:23 AM

السلام عليكم ورحمة الله وبركانه
شخباركم يا حبيباتي
اكيد معظمكم يعرفني لأنه صار لي زمان في هالمنتدى الرائع والكل يعرف قصتي
والي ما يعرفها بقولها له بأختصار
انا من اول ما تزوجت حملت وما تأخرت لكن بعد 5 اسابيع طرحت وتميت فترة 7 اشهر تقريبا وما حملت فبدأت رحلت العلاج مدة 8 اشهر وبالشهر التاسه عطتني الدكتورة كلوميد وبعدها ابر تفجيريه وحملت على طول لكنه بعد ماتم وطرحته ب7 اسابيع
وخلتني الدكتورة اسوي تحليل للكروموسومات فطلعت النتيجه زينه وتحليل يطرشونه لألمانيا وتحليل بالبحرين فطلع عندي الغده الدرقيه نشطه وعندي تجلط بالدم فالحين الدكتورة متخوفه اني احمل وارد اطرح وانا للحين ما تعالجت
الدكتورة تقول التجلط لازم اعيد نتيجته مره ثانيه لأنهم ما يعتمدون على نتيجه وحده وتقول لي بعد اني اقدر اعطيج كلوميد وراح تحملين بس احنه نبي الجنين يثبت وما تطرحين فلازم تبدين علاج
فسؤالي الحين شنو سالفة الغدة الدرقيه ومن صادها جدي وتعالجت عنها وحملت وشنو العلاج الي راح آخذه ؟

وبعد سؤالي عن تجلط الدم شنو سببه وشنو علاقته بالاجهاض وشنو العلاج الي راح آخذه ؟

مبهورة · 10-20-2011, 02:16 PM

اهلين اختي بلا روح انا عندي الغدة الدرقية نشيطة وسويت عملية وشلتها كلها تقريبا والحين اخذ علاج لها بس لاحظت اني لما اعالج علشان الحمل دائما يقولون لي خذي اسبيرين والحين انا حامل الحمد لله ومستمرة على الاسبرين لأنة يسيل الدم عكس التجلط واخذ مثبتات بس نصيحة روحي عالجي الغدة ونظمي افرازاتها قبل الحمل والله يوفقك وييسر لك امرك

دمعة شقا · 10-20-2011, 02:59 PM

الله يرزقك يااارب ويثبت جنينك..

عسولة حبيبها · 10-20-2011, 05:22 PM

الله يرزقك ويثبتلك جنينك

زهرة البنفسج · 10-20-2011, 06:23 PM

للتجلط نصيحه ابر كلكسان او هيبارين مع اسبرين
لازم اول ماتشوفي النتيجه تاخذينها عشان مايتكرر الاجهاض روحي دكتور استشاري عشاان يكتب لك الادويه المناسبه لتتلافي الاجهاض بإذن الله
يعني لازم دكتورتك تخليك تسقطين اكثر من مره عشان تعطيك الدوا المناسب
غيري الدكتوره بسرررررعه
الله يرزقك بالحمل السليم المعافى ويتمم لك بخير

بلا روح · 10-20-2011, 07:16 PM

هلا اختي مبهورة انا الحين اخدت موعد بس الموعد بعيد وايد شهر 4 السنه الجايه وما اقدر اروح خاص بسبب الظروف الي نمر فيها والخاص يكلف بشرك الله بالخير ريحتيني شوي
بس عندي سؤال هل يظهر في ذقنك شعر وهل الرقبه عند تنتفخ جاوبيني جزاك الله خير

بلا روح · 10-20-2011, 07:18 PM

دمعة شقا وعسولة حبيبها شكرا على الدعاء

بلا روح · 10-20-2011, 07:23 PM

اقتباس:

المشاركة الأصلية كتبت بواسطة زهرة البنفسج

للتجلط نصيحه ابر كلكسان او هيبارين مع اسبرين
لازم اول ماتشوفي النتيجه تاخذينها عشان مايتكرر الاجهاض روحي دكتور استشاري عشاان يكتب لك الادويه المناسبه لتتلافي الاجهاض بإذن الله
يعني لازم دكتورتك تخليك تسقطين اكثر من مره عشان تعطيك الدوا المناسب
غيري الدكتوره بسرررررعه
الله يرزقك بالحمل السليم المعافى ويتمم لك بخير

هلا بيج زهرة البنفسج طراحي الأول ما كنت اتعالج عند احد لكن من تأخرت عن الحمل رحت اتابع وبعدها عالجتني بلكلوميد وفاد معاي ولمن حملت وطرحت مره ثانيه خلتني اعمل تحليل للغده والتجلط والكروموسومات فطلع عندي الغده والتجلط احتمال يكون عندي يا ريت اقدر اغيرها واروح خاص بس الميزانيه ما تسمح كلش بصبر وان شاء الله القى خير

بلا روح · 10-21-2011, 01:19 PM

وينكم يا بنات اجبروا بخاطري الله يجبر بخاطركم

بلا روح · 06-20-2012, 08:54 AM

هلا حبيباتي أبشركم أن الغده الدرقيه ما عاد لها وجود حتى التجلط الحمد لله رب العالمين

هالمره أخدت كلوميد وأبر تفجير الي قوتها 5000 وان شاء الله أكون حامل ويثبت جنيني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الغده الدرقيه خلال الحمل	عزيزة النفس	إستفسارات حوامل من الشهر الرابع إلى الشهر السادس	7	02-13-2013 01:59 PM
الغده الدرقيه وتأخر الحمل	عزيزة النفس	منتدى علاج العقم و تأخر الحمل	2	04-26-2012 02:02 AM
خموووول الغده الدرقيه	أمونة الليمونة	إستفسارات حوامل من الشهر السابع إلى الشهر التاسع	11	07-23-2010 12:19 AM
الغده الدرقيه ؟ عند المواليد ؟	حور بنت النور	استفسارات رعاية المواليد	8	07-13-2010 11:21 PM