|
الغده الدرقيه والتجلط
السلام عليكم ورحمة الله وبركانه شخباركم يا حبيباتي اكيد معظمكم يعرفني لأنه صار لي زمان في هالمنتدى الرائع والكل يعرف قصتي والي ما يعرفها بقولها له بأختصار انا من اول ما تزوجت حملت وما تأخرت لكن بعد 5 اسابيع طرحت وتميت فترة 7 اشهر تقريبا وما حملت فبدأت رحلت العلاج مدة 8 اشهر وبالشهر التاسه عطتني الدكتورة كلوميد وبعدها ابر تفجيريه وحملت على طول لكنه بعد ماتم وطرحته ب7 اسابيع وخلتني الدكتورة اسوي تحليل للكروموسومات فطلعت النتيجه زينه وتحليل يطرشونه لألمانيا وتحليل بالبحرين فطلع عندي الغده الدرقيه نشطه وعندي تجلط بالدم فالحين الدكتورة متخوفه اني احمل وارد اطرح وانا للحين ما تعالجت الدكتورة تقول التجلط لازم اعيد نتيجته مره ثانيه لأنهم ما يعتمدون على نتيجه وحده وتقول لي بعد اني اقدر اعطيج كلوميد وراح تحملين بس احنه نبي الجنين يثبت وما تطرحين فلازم تبدين علاج فسؤالي الحين شنو سالفة الغدة الدرقيه ومن صادها جدي وتعالجت عنها وحملت وشنو العلاج الي راح آخذه ؟ وبعد سؤالي عن تجلط الدم شنو سببه وشنو علاقته بالاجهاض وشنو العلاج الي راح آخذه ؟ |
رد: الغده الدرقيه والتجلط
اهلين اختي بلا روح انا عندي الغدة الدرقية نشيطة وسويت عملية وشلتها كلها تقريبا والحين اخذ علاج لها بس لاحظت اني لما اعالج علشان الحمل دائما يقولون لي خذي اسبيرين والحين انا حامل الحمد لله ومستمرة على الاسبرين لأنة يسيل الدم عكس التجلط واخذ مثبتات بس نصيحة روحي عالجي الغدة ونظمي افرازاتها قبل الحمل والله يوفقك وييسر لك امرك
|
رد: الغده الدرقيه والتجلط
الله يرزقك يااارب ويثبت جنينك..
|
رد: الغده الدرقيه والتجلط
الله يرزقك ويثبتلك جنينك
|
رد: الغده الدرقيه والتجلط
للتجلط نصيحه ابر كلكسان او هيبارين مع اسبرين
لازم اول ماتشوفي النتيجه تاخذينها عشان مايتكرر الاجهاض روحي دكتور استشاري عشاان يكتب لك الادويه المناسبه لتتلافي الاجهاض بإذن الله يعني لازم دكتورتك تخليك تسقطين اكثر من مره عشان تعطيك الدوا المناسب غيري الدكتوره بسرررررعه الله يرزقك بالحمل السليم المعافى ويتمم لك بخير |
رد: الغده الدرقيه والتجلط
هلا اختي مبهورة انا الحين اخدت موعد بس الموعد بعيد وايد شهر 4 السنه الجايه وما اقدر اروح خاص بسبب الظروف الي نمر فيها والخاص يكلف بشرك الله بالخير ريحتيني شوي
بس عندي سؤال هل يظهر في ذقنك شعر وهل الرقبه عند تنتفخ جاوبيني جزاك الله خير |
رد: الغده الدرقيه والتجلط
دمعة شقا وعسولة حبيبها شكرا على الدعاء
|
رد: الغده الدرقيه والتجلط
اقتباس:
هلا بيج زهرة البنفسج طراحي الأول ما كنت اتعالج عند احد لكن من تأخرت عن الحمل رحت اتابع وبعدها عالجتني بلكلوميد وفاد معاي ولمن حملت وطرحت مره ثانيه خلتني اعمل تحليل للغده والتجلط والكروموسومات فطلع عندي الغده والتجلط احتمال يكون عندي يا ريت اقدر اغيرها واروح خاص بس الميزانيه ما تسمح كلش بصبر وان شاء الله القى خير |
رد: الغده الدرقيه والتجلط
وينكم يا بنات اجبروا بخاطري الله يجبر بخاطركم
|
رد: الغده الدرقيه والتجلط
هلا حبيباتي أبشركم أن الغده الدرقيه ما عاد لها وجود حتى التجلط الحمد لله رب العالمين
هالمره أخدت كلوميد وأبر تفجير الي قوتها 5000 وان شاء الله أكون حامل ويثبت جنيني |
| الساعة الآن 07:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .