واخيراا وصلت احلى ورد وهدي قصت جيتها

[احلى شعور]

مرااااااااااااحب
كرووووووووشات ونفسواااااااااااات وامهات
الحمد لله ولدت وقمت بالسلامه انا واحلى ورد
حابه اقلكم قصتي في الولاده
انا كان مو عد ولادتي في 22 رمضان والدكتوره ادتني وقت لحد 25 بالكثير
بس ما جاني طلق ابداا والبيبي ما نزل في الحوض
فادتني مهله 3 ايام يعني 28 رمضان وارجعلها ورجعتلها بس نفس الشي ما في اي فرق البيبي ما نزل في الحوض وما عندي اي بوادر ولاده
الممهم قالتلي الدكتوره انو اسوي تخطيط للبيبي تشوف كيف نبضو ازا البيبي كويس
راح تديني وقت كمان 3 ايام وازا لاقدر الله كان النبضض ضعيف حتولدني قيصري
المهم سويت التخطيط والحمد لله كان النبض كويس
ورجعتلها اول يوم بالعيد كبعا هي كانت ما خده اجازه بس هي قالتلي انو امشي كويس
وارجع على المستشفى اسوي تخطيط وهي حتردلي على جوالي
رحت اول يوم العيد وسويت تخطيط تاني وكان النبض كويس قالولي امشي كثييير وانا انهلكت وانا امشي لانو كان عندي ثقل بحوضي مرره متعب
وتاني يوم العيد كان عندي عزومه على العشا وسويت العشا وجلسنا سهرانين ليييييين
الفجر وتاني يوم قمت وانا تعباااااااااااانه انظف البيت لانو الحمد الله مالقيت شغاله طوول شهر رمضان وانا ادور المهم وبالليل رحت المستشفى اسوي تخطيط تاني
وسويت وكان الجنين كويس
ورحت عنداهلي جلسنا سهرانين لين الفجر ورحت
المهم جاني الم الساعه 10 الصباح زي مغص البرد بس اقوى شوي قمت من النوم
من الالم بس قلت شكلو اخدت برد ورجعت نمت وقمت 11 على نفس الالم قلت لازم اشرب شي دافي عشان البرد الي في بطني على بالي برد
وجلست كده لين الساعه 3 العصر وانا اتحمل الالم وكنت جالسه على اللابتوب قلت خليني اسال اختي هي ادرى عندها 5 ما شاء الله وتعرف قمت دقيت عليها وقلتلها كيف الالم قالتلي هدا طلق روحي المستشفى دحين
انا وقتها كان زوجي نايم واحنا كنا سهرانين لين الفجر عند اهلي ورجعنا البيت كملنا سهرتنا لين الساعه 9 الصباح
فكان زوجي لسه مونايم كم ساعه قلت حرام اصحيه اخليه كمان شويه عشان اتاكد انو طلق ولا برد جلست لين الساعه 4 العصر وانا اتحمل الالم وعبالي برد وكانت المغصه تيجي كل ساعه او نص ساعه لين الساعه 4 صارت تيجي كل ربع ساعه
وقتها زاد الالم رحت قومت زوجي قام مفجوع وفرحااااااااااااااان وقلي يلى قلتلو خليني اتروش واجهز نفسي واجهز شنطة البيبي اول
واتروشت واتجهزت لين صارت الساعه 5ونص تقريباا وقتها صارت المغصات كل 10 دقايق ورحنا المستشفى وشافتلي الرحم والصدمه انو طلع مقفل الرحم مو مفتوح ولا سانتي وقتها سالو الدكتوره على التلفون قالت يسولي تخطيط لقلب البيبي وللطلق يشوفو كيف ازا كان البيبي كويس تديني مسكن عشان اري كثير واجيلها
وسولي التخطيط ونبض البيبي كان ضعيف والطلق مررررررررررره قوي صار كل 5دقايق وقتها راح زوجي جبلي ماما انا طبعا ماقلتلها من اول عشان لاتقلق عليه
المهم وقتها قالو بسرررررررعه عمليات ورحت العمليات وطلبت انا بنج نصفي وسولي هو وقتها كانت الساعه 7 الى ربع وفتحو بطني والبيبي كان مررره فوق وكان الله يكرمكم متبرز ببطني وماكله منو كمان حبيبة قلبي الله حفظهااا ماصار فيها شي والمشيمه كانت ناشفه شوي لاني اتاخرت عن موعدي تقريباا 11 يوم اقل شي وصارو يضعطو على بطني من فوق تقريباا 6 سسترات والدكتوره والبيبي مو راضي ينزل وربي مرررررررررره خفت على البيبي والحمد لله نزل البيبي بس ماكان له صوت كان مخنوق بالع مويه وبراز الله يحفظوو وجلسو ينضفو ببطني لين الساعه 8 وربع من كتر ماهي متبرزه والحمد لله طلعت غرفتي والحمد لله بنتي اتعافت اعطوها مضاض عشان البراز الي اكلتو والحمد لله اتعافت وانا دحين بالبيت انا وهي منوره بيتي الله يسعدها ويخليها ليه يااااااااااااارب
اسفه اني طولت بس حبيت اشاركم معي فرحتي وقصتي بولادت احلى ورد بالدنيا

[mss.beauty]

الف الحمدالله على سلامتك

ومبروووك عليك البنوته تتربى بعزك يارب..

وشكرا لانك خلتينا نشاركك في هاللحظات..

بالتوفيق لك في حياتك..

[أم عبدو]

الحمد لله على سلامتك أختي ..إلك أجر إن شاء الله

إن شاء الله بتشوفيها عروسه وبنت صالحه يا رب

[دلع سارة]

الف الحمدالله على سلامتك وسلامة الورد

ربي يحفظها وتتربي بعزكم

[أم عبدالرحمن السلفية]

الحمد لله على السلامة ويجعلها من الصالحات البارات

[om aseel]

الف مبروووك ياااقمر

تتربى يعزك ياااااااارب...~

[الصمت عشقي]

الف الحمدلله ع سلامتكم
والف مبرووووك
ويارب تفرحي فيها وتشوفيها عروسه

[فليك]

ماشاءالله - الف الحمدلله على سلامتكم
تفرحوا فيها يارب .

[جلنار2]

الف الف الف مبروووك والحمدلله ع سلاااااااااااامتك

[MooNi]

اللحمدللة على السلامة تتربى فعزكممم يارب