عنايتي بجمالي فترة الحمل .. لأطل عليه قمرا بعد الولاده(الجزء الأول)

[أمـ عبدالله]

بسم الله الرحمن الرحيم


صباحكم/ مساءكم رحمه وامنيات تتحقق

اعتذر من الجميع عن انشغالي الفتره الماضيه .. وان شاء الله راح اعوضكم هذي الفترة باللي اقدر عليه .. وراح ارد ع كل الرسايل سواء ع الخاص او الجوال ... ومالكم الا طيبه الخاطر ..

هذا الموضوع انا وعدت فيه عضوه مو متأكده والله من اسمها لاني مسحت الرسايل بالخاص المهم انها اسمها صيد العنود او شي من هالقبيل المهم ياالعنووود هذا طلبك واسأل الله التوفيق ..

طبعا فترة الحمل من اصعب المراحل اللي الوحده تهتم فيها بنفسها .. النفسيه لها دور والثقل ومشاكل الحمل .. لكن المفرووض الوحده ماترفع ايدها مرررررره وتقووول في الاربعين اهتم بنفسي ..
معقوووووله اللي اهملتيه 9 شهووور ممكن يتصلح في شهر !!!

طبعا لا ... الوحده لازم تسووي لنفسها جدول بسيط وسهل ع الاقل تحافظ على توحيد لون بشرتها وتكافح التصبغات اللي تظهر من كلف وسواد رقبه وابط وغييييره .. والتفتيح ونضاره البشره هذي هي فقط اللي ممكن تأجليها لبعد الولاده ..

واليوم ان شاء الله رااح اكتب لكم الخطوه الاولى في اهتمامك ببشرتك في الحمل .. ولو لقيت ردود مشجعه رااح نكمل الى اخر خطوووه .. وتولدون وانتم مستانسين ومرتاحين من هم مشاكل البشره وتركزون على مشاكل العنايه الداخليه وازاله الكرش ..


الخطــــــوه الاولى : التقشير



طبعا قبل اي اقنعه او مرطبات لجسمك لازم تكون بشرتك مستعده لامتصاصها ومساماتك مفتوحه .. والطريقه كما يلي :
اولا تجهزين علبه وتخلطين فيها : خلطه رقم 1

3 ملاعق كبيره صنفره كاب
3 ملاعق كبيره يوكو ملح الحليب
4 ملاعق عصير ليمون
فنجان قهوه ماء ورد

الكميه هذي تكفيني استخدام مرتين فقط لكامل الجسم .. تاخذين اللي يكفيك من الخلطه بصحن والباقي احتفظي فيه بالثلاجه

وتجهزين ماسك للبشره يفضل يكون بمويه بارده ويتكون من :


خلطه رقم 2
ملعقه سدر
ملعقه حليب بودره
ملعقه نشا
ملعقه كاسترد
ملعقه عسل
ملعقه زيت لوز مر
ومويه ورد الى ان تصير الخلطه شبه سايله وهذا تسوويه كل مررره ماينفع تخليه بالثلاجه


الحين نبدا بالخطوات :


اذا كان عندك حمام ساونا تاخذين الجهاز حق البخار وتحطينه بالحمام وتشغلينه وتقفلين الحمام لحد مايمتلي الحمام بخار ( بنات انا سألت دكتورتي وقت حملي عن الدخول لخيمه السونا وقت الحمل وقالت خطر جدا جدا جدا على الجنين الحراره تسبب تشوهات للجنين ) لكن اذا حطيتي الجهاز بالحمام نفسه تستفيدي من البخار بدون ماتكون الحراره مركزة على جسمك .. المهم اذا ماعندك حمام بخار تدخلي تحت الدش مويه دااافيه لمده خمس دقايق وبعدها تحطين على جسمك صابون مغربي سايل وهو الافضل او البابايا 4في1 وتفركين تفريك ناعم بشكل دايري لمده خمس دقايق ثم تاخذين الصنفره(خلطه رقم 1) وتحطينها فوق الصابونه وتكملين فرك لمده عشر دقايق ثانيه .. ثم تغسلين جسمك بمويه دافيه وتحطين الماسك (خلطه رقم2)على جسمك وتسترخين لمده عشر دقايق ثم تغسلين بمويه بارده وتجففين جسمك وتحطين مرطب والافضل تعتمدي هذي الخلطه لأنها تنعم البشره وتوحد اللون وتفتح البشره وتخفف المفاصل السودا والتجااعيد والخلطه هي :

3 علب جيلوسليد
فنجال عصير ليمون
فنجال مويه ورد
4 ملاعق زيت لوز مر

قسميها في علب استخدمي وحده واحتفظي بالباقي في الثلاجه .. انا وقت ما ادهن جسمي احط فيدي ملعقه تقريبا من الخلطه واضيف لها ملعقه كريم سودوا وادهن فيها المنطقه الحساسه ومنطقه الافخاذ من الداخل

اما الابط ادهنيه بكريم سودو فقط


الخطوات سهله بس كلاامي كثير لاني ابي اوصل الفكره بشكل واضح لان ماعندي وقت ارد ع كل الاستفسارات .. والله باذن الله لو استخدمتوا هالبرنامج مرتين بالاسبوع لتتذكرون اختكم ريميه بالخير وتدعون لها .. البرنامج للجميع حتى غير الحامل ممكن تستخدمه
وبالنسبه للترطيب اليومي بصرااحه مافي منتج متوفر وسهل افضل من منتجات فازلين ليديني انا استخدم كريم اليدين البرتقالي وهذي صورته :


وللجسم كامل استخدم لوشن فازلين الوردي ااو الاصفر او كريم جونسون


واسأل الله ان يحقق لكم كل ماتتمنونه ويجعل حياتكم راحه واطمئنان ولاتنسواا ان تدعوا لي بالمثل