اقروا قصتي

[tooty]

هلا بنات

حبيت اقص لكم اللي صارلي في شهر رمضان

لان الصراحه اللي صار لي خلاني افقد الامل

اول شي بعد زواجي بكم شهر رحت المستشفى

انه وزوجي عشان نحلل نشوف اذا لاسمح الله

في شي يمنع نجيب اطفال وطبعا رحت وفيني

الدوره وفحصتني وقالت كل شي تمام بس فيج

تكيس بسيط بسيط ما عليج منه بس اخذي

حمض الفوليد لثلاث اشهر لانه يساعد الحمل

وعطتني بعد اسوي تحليل هرمونات وقالت

لزوجي لازم تسوي تحليل سائل منوي

المهم زوجي كان متحمس مسكين خاطره في

نونو واليوم الثاني عالطول راح فديته المستشفى

وحلل وقالوا له بنتصل فيك واليوم اللي بعده

اتصلوا وقالوا النتيجه طلعت فراح ياخذ النتيجه

قلت له ها بشر قالي عطتني الورقه وقال زين

وبس قلت ما فيك شي يعني قالي لا اللي عطاني

الورقه قالي زين وقريت الورقه مسويه فيها

دكتوره هههههه ومافهمت شي وقلت يلا الحمدالله
ومر كم شهر وماصار حمل واستخدمت الفوليك

فقريت عن دكتوره في مستشفى خاص وقلت

لزوجي عنها ويمدحونها حتى يجونها من السعوديه

قالي زوجي اللي تامرين فيه ورحنا وسوت

فحوصات لي وقالت نفس كلام الدكتورة اللي قبل
رحت لها فيني تكيس بسيط جدا فقلت لزوجي

روح بسرعه جيب الورقه مالت السائل المنوي

راح المسكين ركض يجيبها وقرته الا الصدمه

الكبيره قالت الحركه ضعيفه والعد زين وقالت

لازم تشوف استشارى ذكور يمكن فيك دوالي

او من التدخين فقلت لها قطع التدخين قالت

يمكن دوالي زوجي مسكين تضايق وقام يقول

لها التحليل غلط انه كنت معاشر زوجتي قبها بيوم

او يومين قالت خلاص خلاص ولا تزعل تعال

وراح اسوي لك تحليل مرة ثانيه وانه الحمدالله

كانت فيني الدوره المهم طلعنا وزوجي خذ موعد

عند استشاري بخصوص الدوالي وعمل تحليل

منوي عند الدكتورة ولما رحنا عند الدكتور

طبعا لازم نعطيه فحص السائل القديم

وفحص زوجي وقاله فيك دوالي من الدرجه الثانيه

ورايحه للثالثه والحيوانات سرعتها بطيئه ولازم

عمليه الا زوجي يقول عمليه لا اذا ادويه اوكي

وعطا لزوجي ادويه لمده كم اسبوع واذا ما تحسن
عمليه وقال له سو فحص دوالي للتاكد وماتدرون

يابنات شصار فنيني والله حسيته يدلعني ومايقصر

علي ويقولي انه مافيني شي وانه قلت له لو

شنو فيك وما تقدر حتى تجيب عيال انته عندي

بالدنيا كلها وبعدها رحنا للدكتوره وكانت المفاجئه

عطتنا تحليل السائل المنوي واهي تضحك وتقول

لزوجي انت ما فيك شي ماشاء الله كل شي تمام

وفوق التمام زوجي استانس وكانت الدنيا مو

سايعتنه والله وطلعنا من عندها واليوم الثاني

ظهرت نتيجه الاشعه فرحنا للدكتور ومعانا

الاشعه والتحليل الجديد ودكتور الاشعه قال لزوجي
مافيك شي وعندك دوالي عاديه ولا تحتاج للعلاج

المهم رحنا للدكتور والا يقول لا حالتك محتاجه

عمليه والتحليل مثل قبل ما في شي تغير فعرفنا

انه يبي فلوس ويكذب علينا وبعدها طلعنا من عنده

وقلت له بنروح عياده ثانيه نتاكد من التحليل

وفعلا طلع نفس كلام الدكتورة مافيه شي زوجي

ولله الحمد والحين انه اتابع تبويضي معاها

ويارب يكتب لي الحمل هالشهر والخلاصه

لا تاخذون على كلام دكتور واحد يعني روحوا

تاكدوا عند اكثر من دكتور واعملوا التحاليل

مرة ومرتين وثلاث عشان تتاكدون وما يلعبون

عليكم وياريت تدعولي اكون حامل هالشهر

وافرح زوجي حبيبي

[رونق الروح]

حسبي الله على بعض الدكاترة كل همهم الفلوس فقط
ماهمهم كيف يحس المريض
المهم الحمد لله انو زوجك ماطلع فيه شي وان شاء الله
ربنا يرزقك الذريه والصالحه عاجلا غير اجلا ياااااااارب
وتجي تبشرينا ونفرح معك

[تـوووجي]

الله يرزقك ويرزقنا الذرية الصالحة
الي تقر بها عينا

[rwan]

ربى يرزقنى واياكى

[~ نوون ~]

ان شاء الله يارب يرزقك الذرية الصالحه يارب

[ام سلطااان]

الله يرزقك ويرزق كل محرومه بذريه صالحه

[شمايل بنت الدمام]

الله يرزقك الذريه الصالحه .. انشاء الله تفرحين زوجك بحملك الشهر هذا يارب

[أم حبيبي]

الله يرزقك نونو حلو ويخليه لك

[ام سالم...]

ربنا يرزقك الذريه والصالحه عاجلا غير اجلا ياااااااارب
وتجي تبشرينا ونفرح معك

[جوري الجنوب]

الله يرزقك بالحمل السليم
امين يارب