اخاف من الزواج

[احساس ملكه]

يابنات ساعدوني انا اخاف من الزواج حاطته شي صعب اخاف من المسؤليه مرره لاني مو متعوده واخاف اطلع من بيئه سعيده لبيئه تعيسه مع اني مملكه ومابيني وبين خطيبي اي تواصل حسب العادات والتقاليد مع اني سالت عنه يقولون طيب اسمع كثير يقولون الزواج مو حلو ليتنا ما تزوجنا وانا في وسواس افكر بي فسخ الخطوبه ساعدوني الحيرانه

[دافئة المشاعر]

طيب حبيبتي فلنمشي ع حسب خوفك
افترضي انه تم فسخ الخطوبه
وبعدين ؟؟
بتمضي السنوات
اذا ع السعاده ياعيوني
والله العظيم مانظمنها لحظه تطير مننا سوا كنا مرتاحين او العكس متزوجين او عزاب
واذا بتمشين ع كلام الناس طالعي اصابعك اذا كانت سوا قابليني ههههههه

شوفي حبيبتي الزواج قسمه ونصيب
بنهاية بيد الحرمه تحوله جنه او نار
الزواج مو حب ورمنس واحلام ورديه وسيطره وامتلاك وبس
عشرة طويله وتعود واحترام وصبر وتنازل واحتواء

بعدين حلو الواحد يتوقع الاسوء لان بعدين يطلع معاه الافضل
ماحد كامل بتحصلين فزوجك الشين والزين وانتي بعد نفس الشي

وتذكري اهم شي اذا زوجك مصلي ويخاف ربه
هنا اهم شي الاصل الطيب والمعدن الصافي
صلي استخاره والي ربك كاتبه بيصير
وتوكلي ع الله بكل امورك


همسه:
كنت مثلك قبل زواجي
وربي يسر الحال لآفضل حال والحمدلله

[أم حبيبي]

بالعكس حبيبتي كلنا خفنا بس الحمد لله ربي أسعدنا بفضله
بيدك السعاده وبيدك التعاسه

أدعي الله أن يكون زوجك خير لك وانتي خير له

وخليك من كلام الناس دائما المتزوجات يقول ليتنا ما تزوجنا

عباطه مو صدق ..
ربي يوفقك ويسعدك معاه ..

[جمره غضى]

لاتخافين ولاشي

الزواج سنه الحياااااه ... ونعمه من نعم ربي على عباااااده

وكل شي في هالدنيا .. له ايجابيات وله سلبيات

وانتي قدهاااااااا باذن الله

اهم شي تعرفين وش الحقوق والواجبات اللي لك ... واللي عليك

وعسى الله يوفقك

[فوق مستواااك]

لااااتخاافي .. وربي كنت زيك خاااااايفه بس لما تزووجت شفت الشي الي انا مو شايفته ..
بعدين بيدك تخلين زواجك سعااده او تعااسه ..
الله يووفقك يااااااااارب

[فوق مستواااك]

بسألك انتي لك مووضوع انك تطلقتي .. والحين انخطبتي صح اذاهوو رجل ملتزم وماعليه كلام تزووجي وراح تلقي السعااده

[نبض قلبي]

نفسك انا كنت خاايفة مره من الزوااااااج

بس الحمدالله طلع شي ثااني

ترى النااس لها أطبااعها في منهم االي يقول الزوااج حلو وفيه الخير

وفي منهم الي يقول الزوااج مرعب ومخيف ومافيه الا الشر

يعني أصاابعك مااهي سوا

فتركي عنك كلام النااس

بس أهم شي قبل مااتتزوجين تعلمي كيف تتحملين مسؤلية زوج وبيت

وفهمي يكف ترتبين أوضااعك

والزوااج نعمة من الله وستر للبنت

والله يكتب لج الي فيه الخير

[أم لنو]

الزواج مو بس رومنسية بل حياة جدية فيها المشاكل وفيها الحلول تتخلها أحيان اللحظات الحلوة والأطفال بلسمها الفرق بينه وبين بيت الأهل أنك االأمرة الناهية في البيت ولزعلتي تقدرين تجلسين لوحدك فهدوء

[احساس ملكه]

اشكر كل وحده ردت علي والله يسعدكم اشا الله ويسخر ازواجكم لكم
والاخت فوق مستواك ايه انافسخت الخحطوبه وانخطبت مره ثانيه

[dl3ksa]

شوفي حبيبتي ,, الي تقول لك ليتني ماتزوجت بس قولي لها سيبي زوجك وارجعي لاهلك وربي لاتقوم عليك .. وتقول لك بس تفي من فمك

مهما كانت الوحدة سعيدة ومرتاحة ببيت اهلها تبقى محتاجة للاستقلال والاحساس بكيانها ووجودها ,,

وزوجك دام الناس تمدحة ومعروف بالطيبة فان شاءالله مابيظلمك ,, اذا هو رجال سوي وماعنده سواليف خنبقة وخرابيط فحطي يدينك ورجلينك بموية باردة ,, وسعادتك وتعاستك معاه تعتمد عليكي انتي بالمرتبة الاولى والاخيرة ,,

وطبيعي انك تحسي بالخوف الحين كلنا سوينا مثلك ,, بس لا تتركي الاستخاارة برضو حتى يوم زواجك ,, وربي يوفقك ياارب