طوط طوط أليااااس وصل

[نبض قلبي]

رااااااااااح اقول لكم قصة ولادتي زي ماوعدتكم

انا لي الحين من ولدت 12 يووووووووووم

المهم يوم الثلاثاء تاريخ 14\9كااان عندي موعد بالمستشفى رحت انا وامي

لاني كنت بيت هلي كان زوجي بالدواااااام المهم دخلت على الدكتوره وقالت لي

تبين اكشف عليك اليوم ولا اسبوع الجاي قلت لها لا ابي الحين مع اني الصباح

قبل لااجي دعيت ربي ان روحتي للمستشفى يكون في نتيجه لاني زهقت ابي

اولد طيب كشفت علي قالت لي مفتوح 2سم مع اني موحااسه بأي الم ولانزل

مني لادم ولا ماي قالت لي تبين تضلين عندنا قلت لها لا بروح البيت قالت خلاص

روحي واذا حسيتي بأي شي تعالي رحت البيت وقريت لي قران وفطرت المغرب

بعدين امي سوت لي عوووووود وهيل ودهنت بزيت وجات اختي ومشتني شوي

بعدين جيت البيت ودخلت الحمام وانتوا بكرامه الا شفت نقطة دم وقلت لامي

لاني بكر وماعرف شي قالت تحسين بالم قلت لها لا قالت خلينا نروح المستشفى

قلت لها لا خلينا شوي المهم دقينا على اخوي على مايجي سااااعتين جانا الساعه

11 تقريبا رحت المستشفى وكشفوا علي هم نفس الشي 2سم وحطوا التخطيط

علي شوي بعدين شالوه قالوا تبين تنييم بنحط لك طلق صنااعي قلت لهم

لا بروح المهم رحت البيت يوم جى الفجر الساعه5 طلعت انا وامي واختي

مشوني وبعدين رحت المستشفى الساعه6 ونصف وكشفوا علي هم 2سم

بس يوم حطوا التخطيط وشالوه قالت لي سستر ان الدكتوره بتكشف علي

قلت لها يوووووووه مابي المهم كشفت طلع 3 سم قالت خلاص تنييم مافي

خرووووووووووج في ولاده انا خلاص خفت حييييييييييل اقول لاختي جلسي

مكاااااااني هههههههههه من الخوووووووووف

قالت انتي بتفتكين انا بعدين بجلس مكااانج المهم جى اخوي وقع على الاوراق

وامي خذت ملابسي ولبست ملابس المستشفى ورقوني فوق غرفة الطلق ويالله

على الصرااااااااااخ والصيااااااااح وانا بموووووووووووت خوف مع ان طلقتي

باااارده موحاسه بشي حطوا علي التخطيط وكل شوي يكشفون علي لمن وصل

6سم ياااسبحان الله لاالم ولا شي قوولوا ماشاء الله طيب يوم صار 6 افتحوووووووو

كيس المويه وبعدها حطوا لي طلق صناااااااعي والدكتوره جات قالت بغزك ابره

وبتحسين بدوامه كنج بتنامين وانا مستاانسه اني بنااام الا اشوي ويجي الالم

يااااااااااااالله حسيت ان ظهري بينقص صرت اصااارخ واحس شي بيطلع

حتى اقول لهم ابي ماااي احس شفااايفي موحااسه ابهم جات في يدها شي

صغير بس مادري شنو بللت ابه شفااايفي وانا احس خلاص بمووووووووت

من الالم وكل شوي تجي تكشف علي لمن انفتح 8 وقالت يلا دفعي شوي وانا ادفع

وادفع واحس روحي بتطلع والله المهم دفعت لمن انفتح ودتني غرفة الولاده

وانسدحت على السرير والدكتوره تقول يلا يلا دفعي وانا ادفع بكل قوتي

مع اني ماتوقعت اني بكون بهالقوه في هاللحظه بس الحمد الله

طيب تقول يلا نفس واخذ نفس بعدين تقول دفعي وادفع لدرجه ادفع واحس

عروقي بتطلع لاني كنت ادفع واطول بالدفع عشان اخلص وضليت ادفع وانا ادفع حسيت انها تسوي توسعه بس ماكان يأالم

الا شوي تقول الدكتوره يلا ماما مسكي بيبي يوم قالت كذا حسيت اني بحلم

موعلم طلع ولدي يوم الاربعاء العصر الساعه 3 وشوي كان يوم القرقيعان يبي يحضر القرقيعان الحلو مع انو حاطين توقع الولاده 27 رمضان بس الحمد الله ولدت قبل شوفوا سبحااااااااان الله بس يطلع البيبي يروووووووووووح كل

الالم والتعب بعدين دقيت على امي وقلت لها اني ولدت وضليت يمكن

نصف سااعه مدري سااعه على ماجى الدكتور وخيطني لان كااااااان زحمه مره

بس الحمد الله الخيااطه ماكانت تالم بس كنت احس بنقزه خفيف وبسحبة الخيط

وبعدين خلاص رقوني وجااوا اهلي والحمد الله

وتوتة توتة خلصت الحتوتة

[الجوووري]

الف الف الف مبروك البيبي والحمدالله على سلامتك يالغاليه الله يجعله من مواليدالسعاده ويجعله باربوالديه

[شــواقــي]

الف مبروووك ويتربى بعزك

[احب وخاطري حساس]

الف مبرررررروك الف مبررررروك ...

والحمد الله على سلامتك وسلامه البيبي

وعقبالي

[شموسه]

الف الف الف مبرووووووووووووووووووووووووووك

[نبض قلبي]

الله يباااااااااارك فيكم ياااااااااااااارب

وعقبااااااااااااااااااااااالكم

[~~لحن الحياة~~]

الحمدلله على سلامتك يا قلبي
ويتربا البيبي بعزك وعز ابوه

[حبيبي]

الحمد الله على سلامتك ويتربي البيبي بعزك وعز ابوه
ويتربى بحضن جدته امك مسكينه تعبت معك

[توفيه الفوشيه]

الف مبروووووووووووووك وعقبالنا يارب
يحضكم افتكيتو ربي يسهل علينا

[أم حماني]

حمدلله ع السلااااااامة ومبروك عليج البيبي
عقبالي ياررب