شعري ماينسكت عليه

[لمعة الماسة]

السلام عليكم ورحمة الله وبركاته
كيفكم بنات
يابنات شعري يتساقط صايره اكسر الخاطروالله انة شعري كلة وهو مجموع بيدي يصير كانة خصلة شعرصغيره ماكانة شعر راس كامل وودي بشي ينبت الشعرحتى زوجي متضايق من شعري يقول شعرك في الارض وعلى ثيابي ولاتقولون قصية قصيتة الف مرة ولاكثر بالعكس صار يطيح اكثر ودي انة يكثر عشان بعد ماولد اصبغة والا اذا ضل على هالحاله ماينفع تكفوووون ابي حل مجرب

[مملكة الحب]

عندنا وعندكم خير .

أتمنى نستفيد من موضوعك

[ماﺀ السماء]

زيت الخرووووووووووووع
اوصيكم تجربوووه وبقوووووووووه مره ممتاز

[sweet moon]

ياليته يفيد هالخروع

يطول بدون فايده

صار لي سنه كامله اسويه

والتساقط لااله الا الله

جربت علاج اخذته من استشاري اخر امل

اذا جاب نتيجه مابقصر واعلمكم

[سمار]

عزيزتي زيت جوز الهند في مواقع طبيه كثيره يقولوا حلو وكمان زيت الجرجير والبقونس صحيح حار بس حطي نقط بسيطه لو خلطتيه وأستخدمي الثوم وسيري أفركي فيه فروة الراس
بتتضايقين من ريحته بس تحملي وبعدين بما أن شعرك معدوم خلاص لاتفكرين تصبغين أبداً حتى لو تحسن لأن وش دمر الشعر غير السشوار والصبغات وقلة الأهتمام فيه بيتحسن وترجعين تصبغين ويرجع يتساقط وينعدم وبعدين تعيدين نفس المشوار من جديد وش كأنك أستفدتي ولا شي
أنسي أمر الصبغات كذا سنه وأعتني بشعرك وعلى مايبدو أنك محتاجه زياره لدكتور جلديه مره ممتاز علشان يساعدك على نمو الشعر وتري الغذا كمان له دور كبير في صحة الشعر

[حزن الليل]

بصراحه انا كان يتساقط شعري بشكل مو طبيعي

الين جارتي الله يجزاها خير دلتني على حبوب زيت سمك القد

كلمه ممتازه قليله فيها

عباره عن فيتمينات وما منها اي مضره
بس عيبها انها فتحت شهيتي وخلتني اكل اكل اكل

بس التساقط الحمدلله خف بشي كثير

[اناقمرموتوقهر]

والله كنت مثلك ومن القهر ابكي بعد وستخدمة
زيت املا القديم وبرشوت الازرق ومره احسن الحين

[ام ارجواااااان]

الله يعينك يالغلااااا
اكيد افادوك الغاليااات
يعطيك ألف عافيه

[سموة الشوق]

أنا كان شعري يتساقط بس كان من فقر الدم اللي عندي هو السبب

حبيبتي كيف صحتك إن شاء الله تمام

وغذائك ونفسيتك مهمة يالغلا

طبعا وعنايتك بشعرك وابتعدي عن الصبغات لأنها تدمر الشعر وتتلفه


إ

[لمعة الماسة]

يسلمووو لبى قلوبكم اذا كان على الصحة تدرون الحامل يجيها فقر دم والنفسية زفت والله خاصة انة يمكن ننقل وامور كثير شاغلتني امور النقل ودراسة ولدي اللي راح تكون هالسنة اول سنة لة وافكر كثير يعني احاتي من احاتي نفسي وحالتي والا افكر باللي حولي الله يعيني مشكورين فديتكم