الزوجة الثانية تدخل هناء

[احلى سارة في الكون]

السلام عليكم

اختي تقدم لها رجل متزوج وعنده بنت وحدة

عمرها سنة من تزوج من زوجته الاولى فقط سنتين

اهي الان تزوجته وخلاص

بس زوجها ظلمها وجرحها من البداية

بعد خمسة ايام قال لها خلاص ببدء اعدل بينكم

من الليلة وهي بكرية ماكملت سبعة والله انقهرت
وقالت له شكلك مليت وعصب ليه تقوله هاذي الكلمة
وقالها شكلك تبين الثالثة احطها عليج

بس يوم زعلت غير رايه بس بدون رضا

يعني غصبن علية


كمل معها السبعة

وزاد الطين بله سفر الاولى مع اهله وتركها وهي لسه ما اخذت شهر

واهي الحين في بيت اهلي مرضت من كثر ما صاحت

ويقولها الاحسن انك انتي والاولى ماتشوفون بعض دائما

وهي الى الان ماشفتها

ويوم قالت له تعرف اهلي ايش بيقلون انا توني عروس تروح تسافر وتخليني مش المفروض انا الي تسفرني

وعصب وهددها ليش تقول هذا الكلام

يعني ايش شخصيته هذا كيف تتصرف معه اختي اي كلمة بيزعل

منها ومايبيها تناقشه ولاشئ

ولايحب انها تطالب بحقها اذا ظلمها او قصر معها

ولايحب احد يواجه بغلطة

دائما اهو الصح وهو العادل وهو الي مايفرق

تقول اختي من اليوم ورايح بس بتقوله حاضر وعلى امرك وكيفك

و ان خايفة على اختي الصراحة


الي عندها حل ترد وغير ذلك غير مرغوب

وشكرا

[sweet moon]

احس من رأي

محتاج رجال يكلمه

مسأله العدل بين زوجاته واجبه عليه وبالغصب

فيتكلم معاه اخوك او ابوك او اي رجال ثقه في عائلتكم

وان شالله بيعرف كيف يدبر الامور

[مجنونة بحبها]

ماعندي اي معلومه او نصيحه انا زوجي اتقبل اي شي يقوله لاني انا زوجته الاولى وان شاء الله الاخيره بس اذا صار وتزوج غيري فلا راح يكون غير شي مراح اخليه على راحته ولاانا لعبه في ايده الله يصلح حال اختك

[اسومه القموره]

ياحبيبتي عاديى خليه يسفر زوجته الاولى ولاتزعل اختك تقوله مشها وابسطها لها حق عليك ياتاج راسي بس لما ترجعون لاتنسى تسفرني وتمشيني تجيبه بالكلام الحلوووووو

[احلى سارة في الكون]

شكرا على الردود الكريمة

[أفنان]

داائما كذا الرجال الزوجة الاولى اهم شي عندهم لو مابينوا مع الايام الاولى راح يصبح هذا الشئ واضح من تعاملهم نفس الحكايه بنت خالتي زوجة ثانيه وانواع القهر دائما انو يزعلها وتجي لبيت اهلها وبعدين يرجعها كانها لعبه عندة
الله يصبر اختك

[الأميرة جوري]

أختج غلطانة المفروض ماتاخذ رجال مزوج وبعد مزوج من فترة قصيرة
فأكيد بيدور عليها الزمن وبيزوج عليها
الله يكون بعونها

أنا مو زوجة ثانيه بسسس دخلت موضوعج علشششان ارد عليج

[#عيــ الجوريه ــون#]

أختك الله يهديها من أول الايام ،،بدت تقارن وتسبب هواش علشان الأولى ،،
أكيد لازم يرضي الأولى ويسكتها بسفريات،، لاتنسى انه جرح الاولى وهي باقي تو ها متزوجته ،،

وبالعكس هو قرار صح انهم مايشوفون بعض ،،

خليها تنسى انه متزوج غيرها ،واذا جاء يومها تسوي كل شي له وتستانس معه ،،
وماعاد تجيب طاري الاولى مرررره كذا بتخرب بيتها وعلاقتها بزوجها بيقول عنها حننانه ،
إذا ينام عندها يوم بعد يوم ويصرف عليها ويجيب كل شي لها ويطلعها ،،
خلاص تسكت وترضى بالنصيب ،،
واليوم الي يكون عند زوجته الاولى ،،تهتم بنفسها وبيتها ،،علشان تستقبله اليوم الي بعده وهي مررره مروقه وفاضيه له ،،

[هنادي تنادي]

عيون الجوريه عين العقل والله العظيم

رد موووووووووووووووووووفق

[احلى سارة في الكون]

المشاركة الأصلية كتبت بواسطة #عيــ الجوريه ــون#

أختك الله يهديها من أول الايام ،،بدت تقارن وتسبب هواش علشان الأولى ،،
أكيد لازم يرضي الأولى ويسكتها بسفريات،، لاتنسى انه جرح الاولى وهي باقي تو ها متزوجته ،،

وبالعكس هو قرار صح انهم مايشوفون بعض ،،

خليها تنسى انه متزوج غيرها ،واذا جاء يومها تسوي كل شي له وتستانس معه ،،
وماعاد تجيب طاري الاولى مرررره كذا بتخرب بيتها وعلاقتها بزوجها بيقول عنها حننانه ،
إذا ينام عندها يوم بعد يوم ويصرف عليها ويجيب كل شي لها ويطلعها ،،
خلاص تسكت وترضى بالنصيب ،،
واليوم الي يكون عند زوجته الاولى ،،تهتم بنفسها وبيتها ،،علشان تستقبله اليوم الي بعده وهي مررره مروقه وفاضيه له ،،

بس اختي كانت تكلمه بهدوء وبحترام مش بهواش

بس اهو عصبي ولايحب المقارنه ابد


وانا معك في ان الزوجة الاولى اكييد انجرحت
بس برضوا اختي انجرحت لانها توها عروس


وكلامك مقنع وفي شئ من الحلول

وشكرا على ردك الكريم