الله يفرج على كل الي تساعدني يارب

[qatar eyes]

بسم الله الرحمن الرحيم ..

بنات انا ماعرف من وين ابدء بسس ابي حد يساعدني ينصحني .. انا صج توني صغيره بالعمر .. وبقدر اعدل من وضعي بسس شوية نصيحه ومسساعده ..
والله يرزق كل من تساعدني الجنه يارب ..انا ما اقدر اصارح حد من حولي بالحقيقه بس انتوا حسبة خواتي .. ومابتقصرون معاي ..

مشكلتي ان نفسيتي من زفت لين ازفت .. وحتى حالتي الصحيه مدهوره
والمشكله هي ( حياتي الزوجيه ..) زووجي موب مقصر معاي في شي ويحاول يلبي لي كل طلباتي ويسوي المسستحيل عشان يرضيني .. ومستحمل مني وايد اششياء تكدر الخاطر ..
بسس انا ماقدر احبه .. حاولت .. وماقدر ...............................

ارجوكم ساعدوني لاني فكر في الانفصال .. عشان ما اظلمه معاي .. لان مايهون علي
انا مادري والله مادري

بنات ساعدوني بليز :(
الله يرزقكم راحة البال والسعاده يارب

[غزالة]

أختي الحبيبة الله يسعدك بالدنيا والآخره
والله يسهل أمرك
طيب هل انت من أول ماتحبينه؟
كم لك متزوجة؟

[رونق الروح]

اكيد من الوحم لاتستعجلي بقراراتك كلنا وقت الوحم مرعلينا ظروف وتحملنا وهلاء كل شي تمااام الحمد لله اصبري اختي الصبر مفتاح الفرج

[نرجسة]

حبيبتي .............
جاوبينا كم خطبتو وكم يوم ملكتو ؟؟؟؟
اتعرفتو ع بعض قبل الزواج؟؟؟
وكل لك متزوجة ؟؟؟؟؟؟؟؟؟
واذا ماصارلك عالقليلة 3سنين مارح تكتشفي اذا انت تحبينه او لا
انت اتخيلي بينك وبين حالك لو يتركك ويخليك لاي سبب رح تستحملي؟؟؟؟؟
ونفترض لو تركتيه انت والله ابتلاك بزوج ما يريحك ولا يهتم فيك وانسان سيئ وقتها شو رح يكون موقفك ؟؟؟؟
فكري بايجابياته ليل نهار وصدقيني رح تحبينه معك .... واللي تمري فيه اتووووقع بسبب حالتك النفسية
اقتربي لربك اكثر وادعيه يالف بينكم ويزيد المحبة والمودة .... وان شالله فترة وتقولينا انااحس اني اسعد انسااااااااااانة في العالم يارب قولي امين ...
حبيبتي لو تحتاجي مساعدتي انا جاهزة عندي المام بعلوم النفس
انا متل ما قلتي اختك بعهد الله ..........

[اخت العرب]

يمكن من الوحاااام صبري تذكري اجابياته يمكن تطليق منه بعيد شر عنج وتاخذين واحد يكون عكسة تماااام اناني مايهمه الا نفسة زعلج ورضاج عنده واحد والحد من ايش تبغي غير الاحترام وتقدير وتدلع اذا على مسالت الحب بيجي بعدين مع الوقت حبي زوجج حتى لو تصتمعين الحب

هذا هو الحب الحلال يجي بصعوبة ومايروح الي الابد ام حب الشيطان هذا مافية داعي اشرحه هذا يجي بسرعة ويعذبج ويخليج فريسة للي مايسوع ومع ذالك يروووح بسرعه ويترك وراة جرووووج كبيرة ماتتنسى ولا تتطهر مع الايام

[ام عمر ..]

اختي انا مع نرجسه في كل اللي قالت والبيبي حرام ماله ذنب يعيش مثل اليتيم واكثر بين زوجام يصرخ عليه ولا زوجه اب تضرب فيه ادعي الله ان ينزل محبته في قلبك

[ام يارااا]

يا اختي لالالالالالا الا الانفصاااااااال لاتفكري فيه ابدا وايش ذنب البيبي يعيش مشتت
حتى انا كنت ما احبه اول ماتزوجت بس فتره وعدت والحين اموووووووووووووووووت في الارض اللي يمشيها يااختي دام يحبك ومومقصر معاك تكفين لا تظلميه وحاولي في نفسك كثير
ولاتنسي ان الطلاق ابغض الحلال عند الله
ان شاءالله نسمع منك الاحسن وبالتوفيق اختي

[qatar eyes]

مشكورين حبايبي وقفتكم معاي مابنساها بحياتي الله يرزق كل وحده فيكم كل شي تتمناه ياااااارب



وان شاءالله يتغير كل شي من ناحيتي احنا العام متزوجين وهو من اهلي وفتره الخطوبه شهرين
وان شاءالله يارب فتره وتعدي يارب

[nano0on]

دوري جوا قلبك منيح اكيد رح تكوني بتحبيه ومع الوقت رح تحبيه اكتر انسي اي كره لاله وفكري فيه كحبيب مو كزوج اعتبري حالك بتحبيه من اول وجديد وبالتوفيق ان شاء الله
ادعيلي اني احمل ويثبت حملي

[sweet moon]

انتي مثل ماقلتي ياأختي لسه صغيره بالعمر

يمكن ماحبيتيه من المسؤوليات اللي عشتيها وانتي بعمر صغير

لكن هاذا انتي قلتيها بلسانك مايقصر ومستحملني

صدقيني وين تلاقي مثل كذا

انا اسمع قصص كثير خيانه والم ودموع ونفسيات متحطمه

قولي الحمدلله انتي بنعمه ماشالله

وكمان حامل فكيف تفكرين بالانفصال

فحاولي قدر الامكان تقنعين نفسك انك خلاص استقريتي وبتصيرين ام عن قريب

والله ييسر امرك ويعينك

بس مدري احس ان في سبب انك ماقدرتي تحبيه وماقلتيه ؟؟