هااااام الى ملكة الذووووق

[ميار حسن]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اليوم وانا قاعدة اتصفح المنتدى شفت مشاركاتك ياملكة الذوووق
ودعيت ربي انه يرزقك الذرية الطيبة الصالحة
وحبيت اعطيك وصفة طبيعية منشطة لك ولزوجك بإذن الله
ولا ابغى منك الا الدعاء ان الله ييسر ويسهل ولادتي ويصلح ذريتي
ويهديني وزوجي
الوصفة عبارة عن{عسل سدرطبيعي-غذاءملكات النحل-جنسنج-حبوب اللقاح-لقاح النخيل-حبة سودا}تاخذين تقريبا نص كوب من المقادير وتخلطينهامع كيلو عسل وتخلطينهازين وتاخذين منهاانتي وزوجك ملعقه اواكثر قبل النوم واول ماتصحين من النوم وفي العصر وتداومين عليها شهر اواكثر وان شاءالله تجيب معاك نتيجة اناكنت استخدمهالماكان عندي ضعف المبايض وهرمون الحليب بس بقولك شي مهم اهم شي الحالة النفسية لازم تريحين ولا تقعدين تفكرين انتي وزوجك وتوكلي على الله واكثري من الاستغفار بنية الشفاءلزوجك وخليه يكثر منه واذا كنتي بمكة روحي للحرم واشربي زمزم بعد ماتدعين الله وتقرين فيه وتشربينه بنيه ان الله يرزقك الذرية ويارب اكون افدتك وان شاءالله اشوف لك اخبار مفرحة
والسلام عليكم ورحمة الله وبركاته

[ملكة الذووق]

ياااااااااارب الله يسهل ولادتك ويخليلك زوجك ويوفقك
بس حبيبتي ابي اسألك وشو جنسنج ووين القى حبوب اللقاح ولقاح النخيل

[ميار حسن]

هلا اختي الجنسنج وحبوب اللقاح وطلع النخيل وغذاء ملكات النحل تلقينها كلها عند العطار واي استفسار انا حاضرة

[تعبت اعاني]

جزاك الله خير الله يجعله بميزان حسناتك

[ميار حسن]

امين واياك يااختي والله اني حاسة فيكم لاني ماحملت الابعد سنتين
من زواجي وكنت اعاني من كلام الناس وتتأثر نفسيتي بس لما ابتعدت وانقطعت عنهم فترة ارتحت والله حملت من غير مراجعة ولا مستشفى ولاحبوب بس كنت اخذ هذي الوصفة اللي كتبتهاوانااصلا ماكان في بالي اني راح احمل لاتي تركت الحبوب والابر المنشطة فكنت مطنشة وقلت اصبر لين بعد رمضان وابدأ اراجع من جديد في المستشفى بس كنت ادعي ربي في رمضان وقلت لامي واخواتي واخواني يدعون لي والله حملت
في رمضان والحمدلله والان انا حامل بالثالث بفضل الله واسأل الله انه مايحرم كل
محرومة من الذرية يارب*

[ملكة الذووق]

الله يجزاك خير ياقلبي بشتريهم انشاء الله واردلك خبر

[روووحsمغليهآآ]

مشكوووووووووووووره
ربي يرزق كل محروومه

[أوتار الحزن]

جزاك الله خير اخت ميار وعسى الله يثبت حملك