شلت فكرة الحمل من بالي و السبب

[أوتار الحزن]

صارلي 10 شهور انتظر حمل بس الله ما كتب المهم انا كنت اعاني من الالام في رجولي وقالو الدكاتره انه التهاب في العظم بسيط وبيروح مع مرور الايام ونا من مستشفى لمستشفى والمهم مرت 7 شهور ونا في معاناه مع المرض الالام في رجولي وارتفاع في درجه الحرارة وصعوبه في الحركه وف حياتي اليوميه وامس رحت عياده عند نفس الدكتور بس لما دخلت غرفه الاشعه كانت الممرضه اسلوبها مو حلو معاي بس طنشتها وبعد ما خلصت جت عندي وفي ايدها ظرف اشعتي وحسيتها فجاه تغيرت وصارت تكلمني بهدوء وبكل طيبه وسالتني تحسي بالم وايد قلت لها اي خاصه في منطقه الحوض و الركبه وقالت من متى قلت لها من 7 شهور وابتسمت لي و طلعت ورحت للدكتور وقال انتي عندك هشاشه عظم وتلف في الغضروف والتهاب شديد في العظم واحتكاك في العظم بس زوجي حس اني تضايقت وقالي توكلي على الله ولا يهمك لاتزعلي باخذك لدكتورة ثانيه شاطره ورحنا للدكتورة واول ما شافت الاشعه قالت لي حالتك متاخرة وايد وخطيرة لان غضروف الي يفصل بين العظام تالف وسبب احتكاك في العظم وحتى تقول ان العظم تتفتت جزء منه والتهاب روماتيزمي حاد وهشاشه عظام وضعف في المناعه وقالت لي انتبهي لا تطيحي لان عظمك راح يتكسر لانه حاله عظامك تعبانه وايد وقالت علاجك بيكون بحبوب واذا ما فاد بعد اسبوع لازم نسوي لك بلاستيك بين العظام وهو طبعا بيكون بدل الغضروف التالف وبعدين علاج الهشاشه وقالت لا تشيلي شي ثقيل ولا تمشين ولا تعصدي درج ولا تجلسي ع الارض طلعت من العياده ونا نفسي ابكي وزوجي يواسيني وقلت له الحمد لله اهلي جدا مصدوميين ونا اكتب احس نفسي اريد ابكي بس اقول الحمدلله بس حبيت اني اقول لكم لاني والله احبكم وحبيت اقول لكم عن يومي الصعب الي عشته امس والحمد لله على كل حال

[سموة الشوق]

بسم الله عليك حبيبتي

الله يشفيك ويعافيك ويخليك لنا يااارب

طيب ماعطووك كالسيوم شئ يقوي العظم

تحبين الحليب والاجبان


كثري منها

زينه للعظم

الله يرفع ماااابك ياااارب

ماتشوووفين شر يالغالية

ألف لابأس عليك

طهوووور ياااارب
أجر وعااااااااااافية

[@مملكة العشق@]

ماتشوفين شرياعمري ,,,,وياااااارب تنفع الحبوب ان شاء الله ,,,,لابأس طهور ان شاء الله يالغلا

[أوتار الحزن]

الله يسلمك سموة الشوق ومشكوره حبيبتي مايصير اخذ كالسيوم الحين لازم اعالج مشكله الغضروف اول لان صار تأكل في العظم وقالو مايصير اخذ الكالسيوم لان العظم بيصير اقوى وغضروف تالف بيزيد الالم انا احس نفسي اريد ابكي بس الحمدلله واكيد هذي خيرة لي لان تاخرت في الحمل ونا ما كنت ادري بمرضي هذا

[جارة القمر]

يا حبيبتي والله ابكتيني سلامتك الف سلامه
اختي نصيحه لك انا امي وقعت وقعه بسيطه انكسرت اجرها ثلاث
كسور وبعد 14 يوم لعملت عملية وضعوا في اجرها بلاتين وبراغي لانه
كسورها مو عادي العظم تفتفت والله يا اخت الله الشافي المعافي بعد اذنه
امي نصحوها بشوربة عظام البقر طعمه طيب مو سيء صدقيني من فضل
الله تحسن عظمها والان الحمد لله امي افضل ما يكون طبعا هذا القصة قبل
اربع سنين..
وايضا نصحوها بحليب مو متذكر اسمه تماما لكن الحليب له اعلان
على ام بي سي مذيعة التفاح الاخضر بتعلنه هذا ممتاز للعظيم
اهتمي بنفسك وعليك بالدعاء اسف للاطالة لكن اثرت بي قصتك

[أوتار الحزن]

الله يسلمك مملكه العشق واسال الله يرزقك بذريه صالحه يارب ويشفيني واشوف عيالي يااارب

[حوريه السعوديه]

ماتشوفين شر ولاتيأسي من رحمه الله

ربي يشفيج

[أوتار الحزن]

تسلمين حبيبتي جاره القمر واله اني بكيت من شفت ردودكم حلمي اكون ام ولو لطفل واحد بس الله ماكتب وابتلاني بهذا المرض الي ما كنت اعرف عنه لان الدكاتره كانو يقولو التهاب بسيط

[miss LV]

الله يشفيكي حبيبتي وتتسوين العمليه وتصيرين زينه باذن الله
بس انتبهي لكلاام الدكتور

[أوتار الحزن]

حوريه السعوديه الشر ما يجيك بس الله انصدمت وايد بس احاول اسوي نفسي طبيعيه قدام اهلي و زوجي