وصفة العتيبيات للدوره والنفاس مع راي الحريم اللي جربوها

عزيزة النفس · 02-24-2011, 09:30 PM

السلام عليكم ورحمة الله وبركاته
طبعا الموضوع تم البحث عنه في مواقع النت بشكل كامل لعيون الاخت(ام اجمل طفل)
ومحتوي على الوصفه وتجارب الحريم اللي استخدموها:

اول شي اشكر جارتي ((لعتيبيه ))هي اللي عطتني طريقة وصفة العتيبيات وجربتها والحمدالله نتايجه من اول استخدام طبعن تستخدمينها بس وقت الدوره والنفاس

تعدل الافرازات اللي عندك وتنشفك وتخليك تحسي بنظافه وتنظفك صححححححححح
نجي للخلطه وهي طريقته

كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي

وهذا لهوم النفاس والدوره اللي اكثر التاجرات يبيعونه للحريم

وهذي طريقة قشر القهوه للتضييق اللي يبيعونها التاجرات بعد واتمنى من المشرفات مايحذفون الموضوع للفائده وكسب الاجر

وهي قشر قهوه - كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لك بترمس وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون وشلون راح تخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات واخيرن ادعولي

وينكم ياكروشاااااااات معقوله محد عنده خلفيه
شوفوا بنات انا سمعت عن خلطه العتيبيات ويمدحونها ولاااااااازم يكون فيها الفلفل الابيض لانه سر التضيق عند الاندنوسيات[بس ماجربتها للحين وانشاء الله بجربها بعد الولاده يالله نبداء بالمقادير

المقادير
كاس ماش
نص كاس شمر
نص كاس حلبه
ربع كاس حبه سودا
ربع كاس كمون
ربع كاس فلفل ابيض
ربع كاس فلفل اسود
ربع كاس سكر نبات
تطحنينها كلها وتحطينها بعلبه وتاخذين ملعقتين فى كوب حليب وتحطينها على الاكل بعد

للامانه منقوله

الحلبة في العشرين يوم الاولى ولا تزيد عن كذا

وابتعدوا عن اكل الحوامض مثل البرتقال والليمون

والملوخية والباميا

والعلك لان العلك ينفخ البطن ..

واي خلطه فيها حبه سوداء فانه تحطين سبع فقط لاتزيد

جمعت مكوناتها بس حذفت سكر النبات لاني ابي احطها فالاكل

اللي بتحط سكر نبات تكون هالخلطه خاصه بالحليب

خواتي ابي من كل وحده جربت الخلطة هذي خلطة العتيبيات تقول لنا تجربتها(كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق

اختي جربتها تمدحها وانا ان شاء الله ناويه استخدمها باول النفاس دعواتكم بالتسهيل وربي يسعدكم جميعا

انا عن نفسي عتيبيه وهذي استخدمها بس بدون الفلفل والحمد لله عمري ماشفت المويات اللي تقولونها وزوجي مبسوط ولله الحمد
بس لا تنسين التمر مع الرشاد تراه عجيب وابو الشباب بيجيب لك لبن العصفور والمنقوعه بعد

انا مجربتها صراحه مررررررره حلوه بس اللي ماتتقبلها في الحليب تحطها في مرق اللحم رهيببببببه

مررة حلو وانصحكم فيهاااااا
ودعواتكم

انا مطيريه وكل اللي اعرفهم يستخدمونها والحمد لله نادرا مااسمع بمشاكل الحريم والحمد لله حريمنا تصك الستين ماعرس عليها رجلهاا ماشاء الله تبارك الرحمن جسمها احلى من جسم البنات من العنايه مااقول كل المطيريات انا اخص قرايبي القريبين مررره ...بالنسبه للخلطه امي الله يخليها تسويها لنا واحنا نضيف عليها الرزنه وجنبه النفود ...وتصيرين تماااام التمام اي استفسار انا بالخدمه وجنبه النفود مدري اذا تنباع عند العطار جدتي تجيبها لنا من القصيم

طيب تصلح للي ترضع طفلها بالنفاس

لان الفلفل الابيض والاسود حار واخاف على الطفل انه يجيه مغص..

انا عتيبية بعد الخلطة روووووووووعة لاتقولين لعدوك عنها الله يوفقنا واياكم ياعسولات

جزاك الله خير ياصاحبة الموضوع بس حبيت اسأل بس تستخدم وقت النفاس ولابعد وقت الدوره
بعدين كم يوم تستخدم طول فترة النفاس او بس ايام محدده ومشكورين

الله يجزاك خير انتي حبيبتي
بالنسبة لسؤالك اهي تستخدم للنفاس واتوقع تستخدم للدورة ماراح تضر ان شالله بس لان فيها حلبة اعتقد لو تسوين لك وحدة ثانية بدون حلبة تستخدمينها في العشرين يوم الاخيرة او 3 ايام الاخيرة من الدورة بتكون افضل لان كثرة الحلبة مو زينة

أنا عني باقي عشر أيام وأخلص يمديني استخدمها والله مادري ياعزيزتي بس الافضل تستخدمينها في اخت النفاس

انا عتيبيه وهذي فايدتها تخفف المويات والرطوبه هذي فايدتها

اختي استخدمتها وخرب جسمها من السمنه وتركتها
فعلا تراها تزيد لوزن بشكل غريب

والله كلة ولازيادت الوزن الوحدة تبغى تنقص بعد الولادة مو يزيد وزنها
طيب احذف الحلبة اذا هي اللي بتسمني عادي؟

اتوقع اللي يسمن فيها الحلبة والمااااااااااااااااااش بس على كلام اللي ذاقوة الفلفل فيها حرارتة شديدة ماحد يتحملها بس لو نحط نص الكمية يمكن احسن خصوصا الفلفل الابيض

ارشاد معروووووووووووووووف يزين الي مااااااااااااااااااتزين يسلموووووووووووووووووووووو

انا سويتها وراح استخدمها بنفاسي ان شاء الله ودورتي بعدين
بس يصلح استخدمها مع برنامج فيافي

والله ياختي ماعندي علم بس لاتكثرين اللهومات ترى تتعب المعدة

أنا جربتها مره حلوه لا افرازات ولاشئ
بصراحة اعتمدتها عندي بس ماحطه في الحليب

يالب قلبي يالعتيبااااااااااااااات
معررروفة هذي عندهم
بس بقولكم حاجة فية اجسام قابلة للسمنة وفية اجساااام لا على كثر ماتاكل ماتسمن
وبعدين احس عادي الوحدة اذا طلعت من الاربعين مدبدبة احسن من المسلولة ........الرشاقة لاحقين عليهااا
ولا وش رايكم

باذن اله راح اجربها بولادتي بس بدون الفلفل لانى اخاف يجييب مغص لنونو
والله يجزاها الف خيرررررر صاحبة الموضوع

عشان تستفيدون اكثر استغنوا عن سكر النبات لان الحلى يسبب مويات في الرحم والجرح مايلتئم بسرعه

هذي نستخدمها دايم
مره ممتاه في النفاس والدوره
لاهواء ولامويات وحتى المنطقه تكون موواسعه عندك بعد الولاده
انا اللحين 3 ولادات خلال 4 سنوات والحمدلله ماعندي اي مشاكل في الي بالي بالكم والفضل بعد الله يعود لهالخلطه الدارج استخدامها عندنا بشكل كبير~
ومافيها ضرر على المرضع والرضيع وتستخدمينها على كيفك مره ومرتين وثلاث في اليوم مع حليب ...
اسال الله ينفعكم بها مثل مانفعتني...
انا قبل وانا بنت ماحب استخدمها وكانت عندي مشاكل هوا ومدري ايش

ولماعرفت ان هالامور تحوس ابو الدنيا لماتزوجت اقتنعت وصارت عندي دايم استخدمها بس في وقت الدوره موكثير اشربها لكن النفاس كنت الين الاربعين اشربها.

بسم الله الرحمن الرحيم

اخواتي ابي من كل وحده جربت الخلطة هذي خلطة العتيبيات تقول لنا تجربتها(-نص كاس شمر -نص كاس حلبه -ربع كاس حبه سودا -ربع كاس كمون - -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق

هذي امي الله يرحمها قبل العام سوتها لي كانت تجيب كلها حب ثم تغسله وتخليه ينشف وتطحنه
واللحين انا حامل وشايله هم محد بيسنع ني الله يرحمك يامي ويغفر لك ذكرتيني قبل سنتين الله يرحمها
بلاضافه لرشاد مانستخدمه الا اذا كملنا 30 يوم تحطها حب بوسط تمره وعلى الريق بس 3 ايام
والخلطه على الريقه تسخنين حليب سعوديه او اي حليب ثما ملعقه كبيره من الخلطه وتحرك بملعقه وتشرب بالصباح والليل وسلامتكم اختكم بنت الهيلا ادعوا لي بتسهيل ولادتي وحسن الخلق والخلقه وهون الطلق وربي يعوض صبري خير تكفوون وادعو لحبيبتي اميمتي ياجعلكم ماتفقدون غالي

تجنن وربي انا مجربتها

وتطهري قبل الاربعين بكثير ومفيده جداا

استخدموها وانتم مغمضييييين.. كل اللي استخدموها من قريباتي يمدحون فيها حييييييل..بس بدون حلبه..ويضيفون معها رزنه..وإن شاء الله ناويه استخدمها..

يرحم والديك هذا اللي ابي اوصلة الحلبة انا احس ناخذها بحلبة اول اسبوع من النفاس وبعدين باقي الايام نسوي خلطة ثانية بدون حلبة ونكمل فيها لاخر النفاس

جزاك الله خير على ذكر التجربة

نعم هالخلطة مفيدة جداولا كرش ولا ترهلات والجسم ممشوق وكذلك اشربيها على النوم
لأنه حار أخذها وبعدين أشرب الحليب علشان حرارته
أنصح الأخوات فيها
الله يجزا صاحبتها خير الي ذكرته

انا مطيريه وكل اللي اعرفهم يستخدمونها والحمد لله نادرا مااسمع بمشاكل الحريم والحمد لله حريمنا تصك الستين ماعرس عليها رجلهاا ماشاء الله تبارك الرحمن جسمها احلى من جسم البنات من العنايه مااقول كل المطيريات انا اخص قرايبي القريبين مررره ...بالنسبه للخلطه امي الله يخليها تسويها لنا واحنا نضيف عليها الرزنه وجنبه النفود ...وتصيرين تماااام التمام اي استفسار انا بالخدمه وجنبه النفود مدري اذا تنباع عند العطار جدتي تجيبها لنا من القصيم

مررة حلو وانصحكم فيهاااااا
ودعواتكم

وجزاك ربي الفردوس الاعلى..

اللي اعرفه مايضاف لها حلبه..بس والله انها تنشف المويات وتضوق..

متى تستعمل او النفاس او نصه او اخره لان الي اعرفه اللهومات والمردود بعد عشر ايام من النفاس
من تجارب البنات تستخدم من اول يوم الى اخرة بسسسسسسسسس بدون حلبة

الله يعافيكم
انا خلطته وحطيته في حليب
بس والله حارة
بس علشان الزين نتحمل
بس عندي سوال
اذا حطيته بالحليب
هل بس اشرب الحليب والي مترسب تحت ما اكلة
لاني كل شوي احرك الكوب لان الخلطة تترسب تحت
ما اكلة
افضل شي انك تحطينة مع العصيدة عشان يخف عليك الطعم

طيب والعشرين الاخيره ويش نستخدم؟

سوي لك واحد ثاني بدون حلبة واستخدمية لاخر النفاس هذا اللي يسوونة البنات اللي استخدمو الخلطة

ايه هذي حوايجنا يالعتيبيات .. بس ترى تسمن وعن تجربه وتخلي الدورة غزيره مره للي اول مره يستعملونها
وتضيق وتنشف وتخلي امورك تمام التمام..للدوره والنفاس.

بالنسبه للخلطة مررررة ممتازة بس انتبهو من الحلبة ..لانها ماتنشرب الا بالعشرة ايام الاولى بس...ومشكووورة مرررة

بي اسالك اذا استخدمها ما استخدم الحوايج لاني اشتري الحوايج جاهزه من الحريم ولا يصير اجمع بينهم ارجوك ردي
طبعا عزيزتي لحالها افضل .. اشتريها انتي واغسليها ونشفيها واطحنيها واستعملي القياسات المذكوره وانا ترى اكثر الكمون واشيل الحلبه نهائي لان الماش يكفيني ويعطيني نفس المفعول بدون ريحه ولا قرف ...
واذا انتي خربانه مره وعندك مشاكل وافرازات وتوسع استعمليها من الدوره الاولى الى الدوره الثانيه يعني شهر متواصل وبعدها يصير كل دورة وراح تعجبك النتائج ... ان شاءالله
وذكرت قبل اذا اول مره تستعملينها ترى بتكون دورتك غزيره ويجيك مغص فقللي المقدار نص ملعقه مع كوب حليب دافي بعد الفطور فقط ...

الى الاخت مهاوي متى تستخدم الخلطه بالنفاس ؟يعني العشرين الاولى أو الاخيره ياليت تكتبين لنا نظامكم تاخذينه من الوالده الله يخليها لكم والاجر لك ولها انا شاء الله
معليش ارد انا ...
هذي طريقه امي الله يخليها لي وطبقتها بولاداتي روووووووعه <<< يازين الام بس واهتمامها
اول 3 ايام بدون حوايج فقط مرق لحم على الريق وعصيده وحليب دافي وقرص يعني فقط اكلات متنوعه ومفيده ..
رابع يوم تبدأ بالحلبه مع الحليب على الريق ...

بعد اسبوع تبدأ استعمال الحوايج .....الى قبل الاربعين بكم يوم عشان الريحه ..زائد الفلفل الاسود مع الحليب لوحده ..يعني ممكن الصبح حليب وحلبه وبالليل حليب وفلفل
فايدة الفلفل ينشط الارحام وينظفها ..
اما الحلبه من اليوم الرابع الى 20 فقط والحلبه اساسا ترم العظم يعني ماتستفيدين منها بعد العشرين وكثير تسبب لهم مويات فاسبوعين كفاايه ..

الكبو من يوم 30 واستمري اسبوع بس يطلع الهواء وينشف تمام ..

وبس ..
وبغيت أسألكم ياللي مجربــــــــــااااات
أنا بستخـــدم بنفااسي نظام قشر قهوه هل أستخدم الخلطه بدل سفوف الأيام الأولى أختي قشر قهوه (حلب - ماش)

وبالنسبه للتمر والرشاد
كثيييييير يقولوا لو أستخدمتيه أول النفاس يوقف الدم وتطهري بدري وبعد 30 ترجع لك الأفضل أنك تستخدمينه آخر النفاس
أبي خبراتكم ونصايحك
شوفي من تجارب البنات والمدح في الخلطة جربيها وان شالله تنفعك

اما التمر بالرشاد حطي كمية قليلة اول العشرين بعدين زيدي الرشاد بالعشرين الايام الباقية احنا نسوي كذا
هلا اختي كم تكفي الخلطة حق كم دورة لاني بغربة ومعاي المكونات بس قليلة
الكميه كثيره تكفي 4 او 5 دورات ..تقريبا
اذا كنتي تاخذين ملعقه قبل الفطور وقبل المغرب 5 ايام بالشهر ..
واحيانا تطول معك بس احفظيها بالفريزر ..

توخذ مرتين مرة في الصباح مع العصيدة واذا بتتحملين الحرارة مع كاس حليب ومرة مع العشاء

أنا بالنسبه لي جربتها لكن صار بأخر الدورة ينزل معاي سواااااد وكدرة مدري من ايش وخفت منها لي بصراحه ابي الحمل وطولت وهاذي الاشياء تنزل معاي زوجي طفش قال لاعاد تستخدمينه ؟؟؟وانا بصراحه مدري ناويه استخدمها هالشهر بس كيف استخدمها واذا بغيت استخدمها هل بتضرني من ناحية الحمل...

عزيزتي كل اللي استخدموها يمدحونها ويمكن هالسواد تنظفك منه شوفي الدورة اللي جاية لاتستخدمينها اذا مانزل منك هالشي معناتة انها تنظفك

الله يجزاك خير على هالخلطه

انا جربتها بنفاسي ماستخدمت الا هي والتمره مع الرشاد بس

والحمدلله طلعت مضبوطه
واختي كان معها اصوات واستخدمتها وتمدح فيها مرررررره

تنفع من دون الماش والحلبة والسكر نبات ؟؟

في بنات استخدموها بدون حلبة وهو افضل بس الماش اتوقع ظروري لانة يقوي الجسم وسكر النبات عشان يحلي لك الخلطة حابة تشيلينه شيلية وبالتوفيق

ياليت صاحبة الموضوع او اي وحدة عتيبية تفهمني
استخدمتها بس بعد ماخلصت دورتي طلع موية كثير استمر كم يوم ماادري وش السبب

المويه بسبب الحلبه ....
وقفيها فورا ...
واستعملي غسول مهبلي << ملي الغطاء الديتول الاخضر الشخصي + قارورة مويه + كسره مره
واتشطفي مرتين او ثلاث كل يوم راح يتوقف الماء خلال اسبوع او اقل ان شاءالله

وخلاص انسي الحلبه مادمتي تتأثرين منها وسوي الحوايج بدونها والماش افضل بكثييير للمرأه من الحلبه

جزاكم الله خييييييييييييير على تعاونكم وبجربها واقولكم ان شاء الله لاكن اكييييد كلها تغسل لاني سالت حرمه وقالت الحلبه ماتغسل والفلفل ينقى والشمر لايغسل بس الكمون يغسل//

انا مجربتها صراحه مررررررره حلوه بس حطيها في المرقوق أحسن شيء أو مرق اللحم رهيببببببه
وحطي بعد مع الخلطه عدس
جربتها وانا توني طالعه من النفااس ماشاء الله تبارك الله

منقوووووووووووووووووووووووووووول

عزيزة النفس · 02-24-2011, 09:38 PM

لطة العتيبيات على قولة وحده هنا بالمنتدى
اللي هي

كاس ماش / نص كاس شمر / نص كاس حلبه / ربع كاس حبه سودا / ربع كاس كمون / ربع كاس فلفل ابيض / ربع كاس فلفل اسود(مو ضروري للي مايتحمله)

تخلطينها وتطحنينها وتحطين ملعقه من الخلطه
على الاكل لاتطبخينها اقصد تاخذين منها ملعقه وتحطينها بطرف اكلك
اتمنى فهمتوا علي
واذا تبينها بالحليب حطي ربع كاس سكر نبات
والافضل تستخدم مع الاكل فايدتها اقوى

&&&&&&&&&&&&

اول 10ايام اكل رشاد ملعقه قبل الفطور وملعقه قبل الغدا وملعقه قبل العشاء

وما استخدم اللهوم ابد الا بعد الـ10 ايام الاولى
((هذا السر اللي للاسف كثير من البنات يجهلونه))

وبالدوره
اول 3الـ ايام رشاد والـ4 الايام الاخيره لهوم

&&&&&&&&&&&&&&&

بالنسبه للاكل

اول الـ20 يوم اكلي برّ فطوري وغداي وعشاي

الفطور
1- خبز مفروك بسمن وشوي بصل واحط ملعقة من خلطة الحلبه والحبه السودا مع العجينه ولانضجت العجينه فركت الخبز بالسمن والبصل
او
2- مصابيب نفس الشي احط ملعقه من الخلطه مع عجينة المصابيب واسويها عادي وخلطتها ياما اقطع بصل صغار واطبخه مع ملعقة سمن على النار لما يذوب البصل ثم اصبها على المصابيب واحط عليه ملعقتين عسل طبيعي وارج الحافظه لما تختلط بالمصابيب
شهيتوني فيها

ومع الفطور حليب الحلبه
طريقته
اغسل ملعقتين حلبه حب واحطهم من الليل في كوب ماء حار واغطيها واليوم الثاني اصفي الحلبه من الماء واخذ الماء واحط عليه كاسين حليب السعوديه او المراعي
واطبخه مع موية الحلبه واحط شوي سكر
ولا فاح الحليب حطيته بترمس خاص فيه
ويكفي حدود كوبين من الحليب

&&&&&&&&&&&&&&

الساعه 12 الظهر
كاس عصير برتقال مع بنجر (شمندر)

&&&&&&&&&&&

والساعه 2 الظهر الغدا
يا اما
1- مرقوق ومعه ملعقه من خلطة الحلبه والحبه السودا
او
2- رز حساوي مع سمن ولحم
او
3- عصيده بسمن وعسل
&&&&&&&&&&&&&

المغرب
قهوة قشر مع تمره خاصه
تمرتي مره لذيذه
اعجن تمر مع شوي رشاد وشوي سمن وشوي قرفه
واكور حدود 5 حبات وسط من التمره
واحط لكل يوم بكيس صغير
واحطهم بحافظه صغيره
اول شي اسوي لـ 5 ايام علشان ماينشف التمر وحلاته يكون لين وجديد اول باول
واذا خلص اسوي نفس الشي حق الـ5 ايام اللي بعدها

&&&&&&&&&&&&&&&&

الساعه 9 او 10 بالليل
العشاء
ياما
1- عصيده بالسمن والعسل وهذي بس اركز عليها بالـ20 يوم الاولى
او
2- مرق خضار ولحم معه ملعقه من خلطة الحلبه والحبه السودا واكله مع خبز وسلطه
او
3- مصابيب مع مرقة لحم معها ملعقه من خلطة الحلبه والحبه السودا

&&&&&&&&&&&&&&&&

وقبل انام
اخذ كاس حليب بالحلبه

&&&&&&&&&&&&&&&

الغسول

الاسبوعين الاولى
غسول طبي واغسل بماء دافي وملح فرنسي

وبعد الاسبوعين
استخدم الارطه وقشر الرمان
واخذهم من العطار علب معقمه ومغلفه
اللهم احطهم بقدر فيه مويه واتركهم يطبخون لما يثقل الماء
والقدر يكفي 10 ايام
العطار بالاحساء ومادري وين يبيعونها بالرياض
<<<<<<<<<< اهلها بالاحساء

اغتسل مرتين باليوم الصباح بعد الفطور وبعد المغرب

&&&&&&&&&&&&

والكبو مره باليوم بعد المغرب
احط شوي قشر بصل وشوي كمون وشوي خواجوا بس ماستخدم غيرهم ابد
لان المره تسبب شمم اذا طبخت او حطيتيها على الجمر
واكبر غلط تبخرين فيها
والفلفل الهوا مساوئه اكثر من محاسنه

&&&&&&&&&&&&&&&&

اهم شي وبالمختصر المفيد

1- الرشاد باول الـ10 ايام الاولى قبل الاكل ملعقه

2- والـ30يوم الاخيره تاكلين ملعقه من اللهوم بعد الفطور بساعه وقبل الغدا وقبل العشاء

3- الحلبه ماتضر ابد لا باول النفاس ولا باخره
ومايقوي العظام ويشد اللحم الا هي
واتركوا خرابيط البنات اللي كل يوم يطلعون بطب

4- والرشاد استخدامه ضروري اول ايام النفاس لان فايدته بالاول ينظف الرحم ويطهرك بسرعه ولاياثر على الرحم ابد
اما سالفة حار والرحم باول النفاس يكون رخوا وياثر فيه
هذي وربي خرابيط
اذا ماستخدمتيه باول النفاس وش فايدته باخر النفاس؟؟

كلامي من وحده خبيره بسوالف النفاس والدوره عمرها فوق 80 سنه
والله لو تشوفون بشرتها وقو لحمها ماتصدقون وهي بعمر 80 سنه

5- الجوع الجوع الجوع عدوا الرحم انتبهي تجوعين بالنفاس والدوره

6-تدفية الجسم ضروري بالصيف وبالشتاء
البسي شورت نص الفخذ قطن اصلي من نعومي
وبنطلون صوف خفيف بالصيف وثقيل بالشتاء
ولفي على راسك ملفع ضروري علشان مايجيك خوا الراس والهوا مايدخل اذانك
ولاتمشين على السراميك بدون شراب او شبشب

7- وهذا ضروري جداً كحلي عيونك بكحل قلم كل يومين علشان مايجيك خوا العين
واذا تبين تعرفين متى العين فيها خوا اذا مامسكت الكحل
والكحل زين بالنفاس والدوره
وبعض الحريم يستخدمون الحجر وانا مااستخدم الا القلم ومن مكياجي بعد خخخخ

ونفس الشي

الاكل
1- الـ20 يوم الاولى تركزين على البرّ
وبعدين براحتك اهم شي ماتجوعين
واكلو سلطه مع الغدا والعشاء
واخذوا عصير برتقال مع بنجر
او اي عصير طازج تحبينه

&&&&&&&&&&&&&&&&&

مابي وحده تقول باسمن وبنفجر من النظام هذا لان الوحده اذا ماهتمت بالنفاس وزان رحمها والله ماينفعها شي الا تتنفس مره ثانيه اربعين يوم
ولاطلعتي من الاربعين سوي رجيم وادخلي نادي وبيصر جسمك زي ماتبين
اهم شي الرحم ينرقع على قولة عمتي خخخخ

&&&&&&&&&&&

بالنسبه لعنايتي بجسمي انا حريصه على العنايه من احمل الين اطلع من النفاس
واهم شي ركزوا على الحمام المغربي الزين اللي يشيل الطبقه السودا اللي على الجسم خخخخخخ

منقوووووووووووووووووووووووول

ام خالودي · 03-05-2011, 09:36 AM

موضووووووووووع خطير
يعطيكي العافيه

سماء الاحساء · 03-07-2011, 03:50 PM

استفدت كثييييير
يسلمووووو وبالتوفيق

اتعبتني جروحي · 03-18-2011, 09:16 PM

مشكوووووووووره عزيزتي
الله يعطيك العافيه..

مدام الهام · 03-22-2011, 09:37 AM

شكرا ولي عودة

صمت وسكون · 03-22-2011, 09:46 AM

فديتك ياااعسل خلطة مضموونة وحلوووووة وانا عن نفسي معها على الخط ..<<عتيبية فديتهاا
يعطيك العافية ياعسل ..

طبيبة القلوب · 03-24-2011, 12:52 PM

استفساري الفلفل الاسود مطحون ؟؟ ولا حب ؟
والفلفل الابيض بودرة صح ؟؟

امي حياتي · 04-09-2011, 05:26 AM

كل وحده تقول كلام

احترت من تناقض الكلام

وحده تقول الحلبه بس عشره ايام وحده تقول اسبوعين ووحده تقول عشرين يوم

تصدقون من وانا بالسابع وانا ابي اجهز بس كل مااكتب نظام القى بنات يمدحون وبنات يذمون

وشوفوني الحين لي اسبوعين من ولدت ولا سويت شي

اابي شي مضمون ومجرب من غير ماادوخ من اختلف الكلام وش اسوي

دافئة المشاعر · 04-09-2011, 06:07 AM

فعلا شي يدوخ
كثرة الخلطات والخرابيط انا ضدها
كل وحده تسوي الي تحس نفسها تقدر عليه
الله المستعان

الف شكر ع هنقل
مع خالص التقدير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طبيخه العذراء للدوره والنفاس ترجعك بنت وتقضي على الافرازات ومشاكل النساء يوجد تجارب	ورود فوواحه	منتدى السوق التجاري	22	04-10-2012 09:46 PM
استفسار عن خلطة العتيبيات	ام اجمل طفل	منتدى فترة النفاس	15	03-25-2011 09:50 PM
قهوه مفيده و مجربه للدوره والنفاس	عزيزة النفس	منتدى فترة النفاس	17	02-10-2011 02:48 PM
كفتة الاندومي ....جربوها	ايلاف	قسم التغذية	2	02-02-2011 10:04 PM
علاج الالآم الحاده للدوره	عزيزة النفس	منتدى مشاكل الدورة الشهرية	2	01-16-2011 01:15 AM