اكل النفاس:الحسو بالصور

[عزيزة النفس]

الحسو مفيد جدا لصحة المراه والبنت

بالدوره والنفاس وبعض البنات اللي
ينفسون ببيتهم فديتهم يقدرون يتعلمون..

صور تفصيليه جدا جدا خطوه بخطوه..
بسم الله نبدي

المقادير الجدر الأول:
5قفاش حليب بودر
3فناجيل سكر
حبة بركه(مقادير الحبوب اوضح بالصور لان

حلبه
رشاد
قفشة وسط زعفران خيوط(القفشه=ملعقه)
وقفشة وسط صبغ العيش=زعفران يسمونه اعتقد
....
مقادير الجدر الثاني:
كوب طحين
ربع كوب حسو
كوب دهن

....
نذوب 5قفاش الحليب بجدر تارسين نصه ماي


نحط مقادير الاعشاب طبعا امي مقدارها كاهو الغطا الاحمر لوووووول
حبة البركه

الحلبه

رشاد


نخلط طبعا قبل لا نحطه عالنار

نحطه عالنار ونحط الزعفران الخيوط وصبغ العيش

تشوفون الجدر الثاني؟
نبلش ونخلي الاولي يفور على كيفه نقصر عليه
كوب الطحين ونحمس =نحركه


نضيف ربع قلاص حسو

نحرك

والله يابنات انا اصور ركضه وامي تشتغل مالها شغل فيني مندمجه
وكل شوي تقولي طلعي برا لا تحترقين لووووووول

بقت من الخدامه هاللقطه .قلاص الدهن

نحرك ليمى يصير كريمي ومافيه اي تكتل

لاتخلونه جذي حركوا بسرعه بسرعه يصير كريمي

من بعيد شكله امي حاره ماتغشمر خخخخخخخخخ


انتبهوا هالخطوه خطره!
صبي اللي بالجدر الأول(الحليب والحبوب..)الفاير
عالجدر الثاني(الطحين والحسو والدهن)
راح يطفر الحليب بشكل كبير (انا اخترعت وامي تقول برااااا)خخخخخخخخخ
انتي بعدي وتالي بسرعه قربي وحركي بسرعه لا يتكتل


قاعد يبطبط:>


حركي ليمى شوي تستوي الحبوب يعني أقل من5 دقايق تقريبا

وبالعافية


ودته أمي لجارتنا عليها بالعافية وخلتلي صحن
وودي اصور لكم ويه اختي واهي منصدمه
اننا ماخشينالها لووووووووووووووووووول
صحني كليت ثلاث ارباعه وعطيتها الربع الاخير
خخخخخخخخخخخخخخ خفت اقص
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 560x420.




وكانت بهارات الحسو تتكون من:
1 كوب سنوت ( كمون )
1 كوب جلجلان ( كزبرة )
1 كوب كركم ( العقدة الصفراء )
1 كوب بزار أسود ( فلفل أسود )
2/1 كوب زنجبيل
2/1 كوب دارسين ( قرفة )
2/1 كوب جبة الحلوة ( شمر )
2/1 كوب حبة سويدة ( الحبة السوداء )
4/1 كوب حلبة
وهذي طريقه ثانيه





الكل يعرف الحسو وله اكثر من طريقه

واحسن وقت لاكله هو وقت بعد الولاده


المقادير :

الكميه تكفي 4 اشخاص تقريبا او 3

3 اكواب حليب سائل ( المراعي )

فنجان حسو ( الحبه الحمرا ) منقوعه بكوب ماء لمده ساعه ..

واذا نشفت شوي زيدها ماي

ملعقتين طعام نشا

سكر حسب الرغبه

ملعقه هيل مطحون + نصف ملعقه زعفران منقوعه بفنجان ماء ورد



الطريقه :

في البدايه نحضر جدر ونضع الحليب مع السكر ..والنشا ونحركه ثم

نضعه على النار مع التحريك المستمر

ثم نضيف الزعفران والهيل وماء الورد ...ونتركه حتى يغلط شوي الحليب

بعد الغليان نضيف الحبه الحمرا المنقوعه ...ونحركه بسرعه وطبعا في

هذا الوقت بتلاحظون ان الخليط غلط

انا زدته نصف كوب حليب ..وقعدت احركه وتقريبا نتركه على النار ربع ساعه

على نار هادئه مع التحريك

بين فتره واخرى .... ومن ثم نقدمه وهو حار

تقدرون تاكلونه بملعقه كانه كسترد ...او نحطه في بيالات ونشربه كانه شاي

وعلى فكره ترى هو خفيف مب غليظ نفس المحلبيه .. يعني

قوامه بين الخفيف والغليظ ....

وتمتعوا بالطعم اللذيذ ... واسمحولي لاني ما اعرف اشرح ...

هذي صوره ثانيه ....بعد

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 640 * 480 و حجم 36KB.

[Om KHaled]

سُلمـــــــــــــــــــــــــــت يــــــــــــــــــــــــداكِ...

[مروج ام علي]

السلام عليكم
كيف عمل الحسو لما للحسو فوائد جمة
المواد:
1-الرشاد
2-كركم
3-طحين محمص حسب الرغبة
4-جورة بوة جوزة الطيب
كباب الصيني
5-كزبرة
6-كمون
7-حبة حلوة
8-زنجبيل
9-حلبة قليل
10-حبة سودة
11-سمسم
12-دهن حر
13-زعفران
14-هيل
15-فلفل اسود قليل
16-دارسين
17- ماء
هذه المواد التي يعمل منها الحسو الطريقة العراقية
ولكم الصحة والعافية تمنياتي بالشفاء العاجل اختكم مروج ام علي

[مروج ام علي]

السلام عليكم
اقدم لكم المواد التي يعمل منها الحسو
1-ماء
2-رشاد
3-كركم
4-طحين محمر قليل
5-جوزةبوة جوزة الطيب
6-كباب الصيني قرص القمر
7-كزبرة
8-كمون
9-جبة حلوة
10-زنجبيل
11-حلبة فليل
12جبة سودة
13سمسم
14-زيت
15-زعفران
16-هيل
17-فلفل اسود قليل
18-دارسين
هذه المواد التي يعمل منها الحسو الطريقة العراقية
ولكم الصحة والعافية وتمنياتي بالشفاء العاجل
اختكم مروج ام علي العراق

[مروج ام علي]

بسم الله الرحمن الرحيم

[ام اسكندر]

رهيبة
ماشالله رح يفيد الموضوع النفوسات

[نانا22]

يسلموا والله يعطيكم العافيه

[كارولينا]

هههاي والله اول مره اسمع فيه ايش الحسو والله جد مااعرفه

[شموخي غير..]

ماشاء الله يسلمو ايد امك اختي يهبل ماشاء الله هذا الاكل الزين مواكل ها الزمن الي ماينفع الواحده يخشها الهواء والالتهابات الحمدلله الله يخلي لك امك يارب الله يعطيهن العافيه يارب امهاتنا

[اجاتا]

شكله زاااااااااااااااااكي اهيئ اهيئ اهيئ