زوجي يقهرني ........آآآآآآآآآآآآآآآآآآآآآه

[أم الكتكوته منونه]

صباح ومساء الورد

انا قصتي قصه يعني ماكتبت هذا الموضوع الا لأني حاسه خلاص بتجيلي حاله نفسيه ومن مين
من زوجي العزيز
شوفو انا بعيده مره عن اهلي وعايشه غريبه ومالي اي احد اعرفه في هذه المدينه
ودوام زوجي فترتن فتره الصباح وفتره باليل
الشيئ الي راح يجنني زوجي هو عايش بس الله يرحمه يعني مو عايش معي ابدا
تخيلوا ياستات ممكن نقعد يومين مانحكي زي العالم مع بعض
والي عن جد يرفع الضغط كل يوم يدخل انا جوعان اول كلمه ينطقها
احط الاكل ابغى انام سواء الفتره الاولى او الثانيه كل شيئ اكل ونوم
القصه مو هنا ابدا
الحكايه اني كل ما اتكلم اقعد احكي ساعه بعدين يقول ها وش قلتي الحركه هذه باستمرار يسويها يعني لازم اعيد الكلمه اربع مرات عشان يرد احيانا اطلب شيئ لو انا على الاكل مثلا هات السلطه او كذا يقول ها ماسمعت واعيد ونفس الحركه
اكيد بتقولون مايسمع لا بسم الله عليه يسمع بس يكون يامشغول بالاخبار او على النت
دائما واذا عاتبته يعصب ويقول انتي ما تكلميني الا اذا كنت مهتم بشئ
الي يقهر انه بالفعل مهتم بكل شيئ الا انا والله راح انفجر شكلي راح انسى لغة الام من قلة الناس الي بحاكيهم
احيانا اقرر خلاص مثل ماهو ساكت دائما انا كمان اسكت ولا اسولف ولاشيئ
لاني مليت من كثر تكرار الكلام واحيانا يستفزني فارفض اعيد الكلمه يرد علي
اقله يعني انت كنت سامع يقول افكر بالجواب خير امتحان ثالث ثانوي اكون انا قايله مثلا هات منديل يقعد ساعه بالله وش دخل التفكير هنا
صبايا عن جد الموضوع مره مضايقني ما أدري وش اسوي .

[منتهى الرقة]

والله نفس زوجي بس فيه اختلافات بسيطة
اوقات لما اكلمه ويكون يشوف التلفزيون ياياشرلي اسكت او مايعطيني وجه اصلا واتفاجأ بعد ثلااث او اربع دقايق يسالين يقول وش قلتي قبل شوي؟؟
واذا سولفت له وطولتها احسه يطفش وينشغل بشي ثاني
يعني وانا بنص السالفة يقاطعني ويقولي شوفي شوفي اثاري اخونا فالله مشغول وانا مادري
واوقات يسالني يقولي ليش سويتي كذا ؟؟
ومايمديني افتح فمي ابغى ارد على سؤاله على طول يقولي خلاص خلاص مومهم انسي
بس مااسكت ارد حتى لو اني عارفه مارح يرد المهم انا ارتاح نفسيا
والي يقهر من جد
لما يرجع من الدوام او من اي طلعة يصجني بالسوالف وانا خبله اسمعه ههههه
ادري زودتها عليك وانتي مو ناقصة
بس عشان ابين لك ان اكثر الرجال كذا مو بس زوجك
الله يعينا ويعينك
اشعلي نفسك باي شي ثاني الرجال هذا طبعهم

[أم الكتكوته منونه]

حبيبتي نفس زوجي والله كل شيئ قلتيه عندي
بردتي قلبي والله يساعدنا ويساعدك

[ام جنى2009]

حبيبتي كانك بتحكي عن زوجي لا وازيدك من الشعر بيت زوجي عندو ممنوع الكلام في غرفة النوم ويقلي لما بدك تحكي معي فموضوع احكيه واحنا قاعدين برة وزيادة كمان زوجي مدخن يعني احس الدخان زوجتو الثانية ويحبها اكثر مني

آآآآآه شو احكيلك تتشكيلي الله يعينا عليهم بس

[جارة القمر]

ههههههههههههههههههههههه زوجي في من هالصفات كتتتتتتتتير
لسا انا طول لنهار ما بشوف زوجي الا وقت الاكل
وبعدها بيطلع من البيت وبيرجع وانا نايمه وما بحس فيه
ولما احكي معه بمواضيع ما بيهتم بيكون يشاهد التلفزيون
يعني معظم لرجال بهالصفات ...........بضل احكيليه
العين مغرفة الكلام

[البتول...]

حبيبتي الرجال كلهم كذا مايحبون يسولفون الا فالمواضيع اللي تهمهم مثل السيارات والدوام واي شيء يخصهم.....
انا نفس حالتك اسولف عليه واكون مندمجه فالسالفه واذا خلصت حكي قال هااااااه وش كنتي تقولين...!!
واذا قابل النت اوالتلفزيووووون (خاصه المباريات والاخبار) حدث ولاحرج مايدري عني ولاعن اللي حوله ...وانا تعودت التزم الصمت اذا شغل النت او التي في ...واذا شافني ساكته قال وش فيك سولفي خخخخخ....
الله يخليه لي يااااارب وش نسوي هذا طبعهم..
ولاتزعلين من زوجك اتحمليه....

[سيدة الغرام]

ياحياتي كل الرجال كذا زوجي كذا ياعمري

[أم الكتكوته منونه]

الله يسعدكم والحمدلله انكم رديتوا علي ماسويتو مثل زوجي
هههههههههههههههه سوالي عقده

[حنين الجنة]

يووووووووووووووه معقول وانا فكرت زوجى بس اللى كدا
اتاريهم نسخه واحده هههههههههههههه

شوفى انا دايما لما يسوى معى كدا اسوى نفسسسسسسسسسه بالظبط
اصحى من النوم واسوى نفسي هاديه وما اتكلم ابدا اللا اذا هو بدا ويكون الرد كلمة كلمتين بالكثير



والنتيجججججججه
بيتعدل 180 درجة
انصحكم بهالطريقة
بس لا تملون

[أسميه]

ههههههههههههههههههههههههههه
والله ضحكتيني انتي تتكلمين عن زوجي
استانسي ياحلوه الحال من بعضه

لكن نصيحه مني لك
الرجال يختلفون عن الحريم مايحبون كثرة الكلام
وهو يكون طفشان من الدوام والازعاج ويبي يرتاح في البيت وينام لا تتضايقين وتزعلين منه لانه هو جاي عندك يرتاح لا تطفشينه منك ومن بيتك بعدين يروح يدور مكان ثاني يرتاح فيه (وانت فاهمه قصدي) والله لا تتساهلين في الموضوع الرجال عجينه ثانيه بيلاقي نفسه مومجبور على التعب في الدوام والبيت
خليك الحضن اللي يرتاح له وكلميه عن الموضوع اذا كان رايق
وحسسيه انك حاسه بتعبه لكنك مشتاقه لكلامه لضحكته(يعني توددي لا تصدرين له اوامر اوتضجرمن تصرفاته)
واهتمي بلبسك وشكلك ومادام يسال عن الاكل فعملي حركات دلع في الاكل وانتي اكيد شاطره وعارفه