الأب الي راح احكي عنه هو والدي(حفظه الله) والزوجه هي انا
ما عمري تمنيت اكتب هذا الكلام ابدا بس انا طفح الكيل فيني وحابه اعرف منكم من الصح ومن الخطأ
والدي من النوع الحنون جدا بس في قلبه يعني ما يقدر يعبر بس المشكله انه يجرح كثير وتصرفاته غالبا ترفع الضغط كنت كثير اتحمله وانا بنت بس لما تزوجت صرت ما أقدر اتقبل هذه التصرفات لأنه يخرب حياتي مع زوجي وكثير اطيح من عينه بسبب تصرفات ابوي يعني مثلا
مره كنت لابسه طقم كان نص كم بس كان شكلي مره خيال وحتى زوجي انبهر بلبسي وما أشوف الاذيك النظرات الي تسم البدن منه قمت ولبست العبايه يعني خلاص لا ماسكت وقدام زوجي قال زين لبستي العبايه ولاعاد أشوفك بذا اللبس مره ثانيه
لا ومره قال لزوجي الرجال صح لايا خذ بشورة الحريم تخيلوا
وبيننا وبينهم 600كيلوا يعني سفر دقيت على امي وعلمتها بنجيلهم اليوم قالت حياكم
وشوقوا وش صار رحنا البيت لقيت اخوي الصغير هو الي يفتح الباب
سألته وين بابا وماما قال اليوم معزومين والله وقتها بغيت الارض تنشق وتبلعني ما دريت وش اقول لزوجي وهو عصب علي وقال وش يجيبنا اذا محد يبغانا ومن ذا الكلام بكيت وقلتله انا مكسوره قدامك فلا تزودها علي ولما رجعوا ولا كأن شيئ صار ولا حتى اعتذار
طيب شوفوا هذا الموقف ادهى وامر كنا بالعيد وزوجي احتار وش نجيب هديه لبابا المهم قررنا بالأخير جوال وشوفوا الموقف حطوا نفسكم مكاني قدمت له الهديه وجهي مبتسم وكل عام وانت بخير وما دريت الا وهو معصب وانا ما آخذ جوال من عيال أصغر مني ويرفع صوته وإذا أبي أغير جوالي مو منتظركم ومن هالكلام لحد ما إنهرت وبكيت وزوجي ما عرف وش يسوي من شدة بكائي كانت دموع وحده مصدومه طالعه من قلبها
تخيلوا حتى لما ولدت جاء زارني وكنت توني طالعه من العمليه فقلتله بابا شفت بنتي قال مو مهم هي المهم انت وبس زوجي بغى ينجن طيب قول حمدلله علا سلامتك انت وبنتك
وقعد يقول بنتك مو حلوه شكلها ازرق رغم ان الكل حتى الدكتور الجراح قاموا يقولون ماشاءالله تبارك الله انت جايبه قمر وهي يالبي وزنها كان 2كيلوا يعني ماله داعي يمدح ولا يذم وزوجي قاله ابي اعجل بالعقيقه قاله لا مو وقتها طيب وعصب على زوجي زوجي زعل وسكت وقبل يومين سويناها طيب احنا في مدينه وهم في مدينه تخيلوا مادق يقول مبروك دق يهزأ ويقول انا قلت لزوجك لا عشان تكلفت ولاده وعقيقه تقوموا تروحون وتسونها انتم ناس ما عندكم دم جالكم نفس تحتفلون من غيرنا ويقول انا مايهمني زوجك جنبك ولا لا خليه يسمع انا والله قعدت ابكي مدري ليه يسوي فيني كذا وامي دقت علي بعدين تقول يمزح بالله هذا مزح
ولما كنت عندهم بعد الولاده طبعا قعدت اسبوع وجيت عند زوجي والله ابوي كان وجهه اسود تقول احد ذا بحه طيب ليه عشان الراتب توه ما جاء وكان معاه فلوس بس وش دخل الراتب بالإبتسامه وما كان قاصر على البيت شيئ طيب ابتسم على الاقل بيض وجهي قدام زوجي وحسسه انك فرحان حتى زوجي قال لو الي مولود حفيد له من واحد من الاولاد ما كنت شفتيه كذا بس عشان انت بنت
تكفون قولولي حلمي افتخر بأهلي قدام زوجي بس مو بإيدي ومو ذنبي الي يسونه معذره على الاطاله بس والله هذا ولا شيئ من الي يصير حطو نفسكم مكاني وارجو كل وحده تقرأ تعطيني رأيها ولا تمر مرور الكرام فأنا بحاجه للنصيحه.
01-23-2011, 05:50 PM
إذا كنت زوجه وهذا والدك ماذا ستفعلين..الرجاءالدخول فورا
أم الكتكوته منونه 
رد: إذا كنت زوجه وهذا والدك ماذا ستفعلين..الرجاءالدخول فورا
جديد منتدى منتدى الحياة الأسرية والزوجية
العرض العادي
