انا في هم بسبب هالمنام..زواجي وسقوط اسناني

[حبيبة يوبي]

السلام عليكم ورحمة الله وبركاتة..
انا اول مره اشارك ويارب ماتردوني خواتي وماحمسني اكون معاكم غير حبكم لبعض بصراحه..

المهم ياحبايبي ابي وحده تفسر حلمي الله يبشرها باللي يسرها يارب

حلمت قبل كم يوم اني متملكه وكنت مبسوطه وشفت بنت عمتي اسمها اسماء مستعجله تناديني ياصابرين روحي غسلي يدك بسرعه عشان ينقشو لك الحناء على يدك زواجك بعد اسبوعين رحت وانا مبسوطه ابي اغسل يدي بعد ماغسلت اشوف وجهي بالمرايه حلوه بس قربت اشوف اسناني إلا وكم سن طاح بيدي وارجع اشوف مره تانيه اقول ايش دا ليه اسناني تطيح اللي طحت كلها من الفك العلوي واجرب اهز واحد ويطيح بعد شفت نفسي بالمرايه وقعدت اضحك على شكلي بس مبين ان سنين او ازود طاحو بس اللي طاحت بيدي اكثر فيه الصغير والكبير واغلبها مسوسه قلت عادي وانا لامتها بيدي قلت بقول لزوجي بعد الزواج يوديني المستشفى واركب اسنان بيضا واحلى منها ورحت فوق السرير ولقيت اوراق كثيره كأنها اوراق مراجعات زوجي للمستشفيات رميتها كلها بعدها من فوق السرير وشلت اﻷسنان اللي بيدي حطيتها بكيس قلت بخليها عشان ياخدو مقاسات اسناني ﻷنها حلوه
وفجأه تغير المكان كأن زوجي يعقوب مع ولد عمي عيسى وشفت زوجي خش البيت ويطلع ع الدرج بسرعه وكان زعلان قلت غيره ولد عمي الله يهديه قلت ماعليه بأراضيه جيت بلحقه إلا ثلاث حيوانات تشبه الكلاب يبين انها أليفه بس انا خفت منها قفلت الباب وهي كانت تبي تخش وسكرته كويس وتأكدت انا مقفل ورحت لزوجي جري فوق الدرج ع شقتي لقيته بالحوش وشفت هناك شجره توت طالعه بحوش بيتي ولقيتها طلعت توت كبييير بحجم الفراوله فيه نوعين احمر وعنابي قطفت منه وحطيته بكرتونه بحظني وانا اجمع فيه بس اتذكر قطفت اول شي عنابي قلت حلوه بيحبها وبأراضيه فيها رحت انزل من الدرج لقيته جالس ع الدرج اللي تحت وزعلان حيل وانا فوق قمت ناديته عشان ارضيه قلت له انا حامل واقول بنفسي باقي ع دورتي 12يوم بس ابغاه يرضى وطالعني كأنه مو مصدقني ورجع نكس راسه..

انا ساكنه مع اهل زوجي بالحقيقه هم تحت وانا فوق وعندي حوش فوق بشقتي وصارت من قبل مشكله بيني وبينهم ظلموني بشغله عنده خوات ثلاث وامه تغار مني الله يصلحها وابوه يجرحوني وبهدلوني لدرجه ان ابويه قطع علاقته فيهم من قهره علي يعني قلت يمكن هالشي يساعد وزوجي بعد عنده نقل بعمله بس متى مدري وكمان زوجي له فتره يتعالج لنا خمس سنين زواج بس الله ماكتب لنا الخلفه لسا

[حبيبة يوبي]

صح نسيت اقول اللي كنت بتزوجه بالحلم هو نفسه زوجي

مشكورين..

[Sad]

والله اعلم
راح تحملي
وحدا من عيلتك قرايبك من نحية واالدتك هيموت

[حبيبة يوبي]

مشكورين ماقصرتو
الله يستر خفت بصراحه ربي يجيب الخير وكل اقدار الله خير

[jojo 123456]

انا سبق وشفت حلم ان ضرسي سقط وبعدها باياام اتوفى والدي


ان شاااء الله ما تشوفي شر ممكن ها الحلم ما يتحقق ويكون أضغات أحلام

[خلوني على صبري]

احيانا سقوط الاسنان هو هموم في حياتك وليس موت شخص ومن الافضل ماتفسري احلامك الا لشيخ متمكن معروف او اتركيه يطير وان شاء الله تستبشري خير

[أنوار الولاية]

اول شي طلعي صدقه اذا خايفه

وسقوط لاسنان مثل ما قالت لك الاخت خلوني على صبري مو شرط يفسر بموت احد الله يحفظ لكم اهلكم

وفي بعض الرؤى يكون ذلك السن المنزوع مسوس او به آفه فالرؤيا قد تكون مبشرة بالتخلص من شيئ فاسد او من انسان فاسد او التخلص من سنه لم تكن على مايرام ليبتدأ الحالم بالجديد وذلك ان ظهر سن بدل ذلك السن المنزوع او الساقط.

إقرأ المزيد على موضوع.كوم: سقوط الضرس في المنام - موضوع

إن شاء الله بشارة خير لكم

وعلى فكره زواجك من زوجك يفسر بأنه حمل ببنت

[حبيبة يوبي]

ماقصرتو بصراحه بيض الله وجيهم اسأل الله انه يريحكم مثل ماريحتوني
انا فعلا لي خمس سنوات في هم وانشاء الله تكون زوال همومي مو موت احد ومتفائله بالخير ان شاءالله وربي كريم مايرداحد