قالوا .. وقلنا .. وفعلاً احترنا

[آطياف]

قالوا .. وقلنا .. وفعلاً احترنا ..

اختلفت الأقاويل والعلوم عن معرفة جنس الجنين في الشهور الأولى من الحمل ..
في امور مشتركة .. وفي امور متناقضة كلياً ..

رغم ان احياناً يكون للام أكثر من تجربة حمل و ولادة ..
إلا ان ( الأعراض ) قد تختلف بين الحمل والاخر ( رغم تشابه جنس الجنين )

----------------------------------------------------



قالوا:
إذا كان شكل بطنج عريض ومفلطح ومنفرش وساير على الخواصر = بنت ..

وقالوا بعد:
إذا كان إمدوّر ومرتفع = بنت ..

وقالوا:
إذا اسمرّيتي وكان ويهج مصفر وداكن = بنت ..



ثم قالوا:
إذا كان وحامج شديد ودوم حاسه بدوخه ولوعه = بنت ..

وعقب قالوا:
إذا حبيتي الحلويات وكلتيها بشراهه = فيج بنت ..

وبعد قالوا:
إذادختي الشهر الرابع ومول ما حسيتي بحركة البيبي = بنت



وقالوا:
إذا زادت نسبة الافرازات عند الام = فيها بنت

وقالوا ايضاً:
إذا حسّت الحرمه بـ ويع في وسط المثانة = بنت

قالوا:
إذا حطيتي إيدج أسفل منطقة البطن وحسيتي بوجود شي إمدّور = بنت



وبعد قالوا:
إذا كان الخط البني اللي اسفل البطن على شكل خط مايل = بنت

ثم قالوا:
إذا خف الشعر في جسمك = بنت

----------------------------------------------------



وقالوا:
إذا كان شكل بطنج طويل وبارز جداً ونازل على جدام = فيج ولد

وقالوا:
إذا إحلوّيتي وكان ويهج مشرق وحيوي = ولد

ثم قالوا:
إذا كان وحامج خفيف ومول ما حسيتي فيه = فيج ولد



وقالوا:
إذا صابج صداع طول فترة الحمل = يعني انه حامل بولد

وعقب قالوا:
إذا حبيتي الموالح وكلتيها بشراهه = فيج ولد ..

وبعد قالوا:
إذا حسيتي بحركة البيبي في نهاية الشهر الثالث = ولد



وقالوا:
إذا كانت نسبة الافرازات قليلة عند الام = فيها ولد

وقالوا ايضاً:
إذا حسّت الحرمه بـ ويع على يمين وشمال المبايض = ولد

قالوا:
إذا حطيتي إيدج أسفل منطقة البطن وحسيتي بوجود شي طويل من الصبع بالعرض = ولد



وبعد قالوا:
إذا زادت نسبة نمو الشعر في جسمج، ولاحظتي انها زادت في منطقة البطن = ولد

وبعد قالوا:
إذا كان الخط البني اللي اسفل البطن على شكل خط مستقيم = ولد

وقالوا:
اللي ينزل عليها دم خفيف مع بداية شهور الحمل = ولد

----------------------------------------------------



نتمنى كل وحدة تذكر تجربتها الشخصية عن:
اعراض الحمل وعلاقته بجنس الجنين

1) شو سالفة الخط البني اللي في البطن، وهل لونه ودرجة ميلانه لها علاقة بجنس الجنين ؟
2) تتوقعون لون الحلمه سواء كان غامق او فاتح يعني انها بنت او ولد؟
3) الوحام الشديد والخفيف، يوحي بشي ؟
4) شكل البطن ( فوق / تحت ) ( منفرش / بارز) في الشهور الاولى او الاخيره
5) الحركه ( قوية / خفيفه )
6) النبض مثل الرعشة / رفّة الفراشه ، أو مثل الفقاعات والدقات ..

شو رايكم ...
نطلع بخلاصة واقعيه دقيقه بعيداً عن الأقاويل

[يكفيــــMوجووودكMــــني]

إذا كان شكل بطنج طويل وبارز جداً ونازل على جدام = فيج ولد
صحيح كنت كذا وجاني ولد
وقالوا:
إذا إحلوّيتي وكان ويهج مشرق وحيوي = ولد
وهذي بعد بس مو مرة
ثم قالوا:
إذا كان وحامج خفيف ومول ما حسيتي فيه = فيج ولد
انا كان وحامي وسط


وقالوا:
إذا صابج صداع طول فترة الحمل = يعني انه حامل بولد
ماصااابني صداااااااااااع ابد الا بالشهور الخيرة عشاااان السهر
وعقب قالوا:
إذا حبيتي الموالح وكلتيها بشراهه = فيج ولد ..
صحيح وحامي كله عالمواااالح
وبعد قالوا:
إذا حسيتي بحركة البيبي في نهاية الشهر الثالث = ولد
حسيت بنهايه الراااااابع


وقالوا:
إذا كانت نسبة الافرازات قليلة عند الام = فيها ولد
كااااااااانت وسط
وقالوا ايضاً:
إذا حسّت الحرمه بـ ويع على يمين وشمال المبايض = ولد
صحيح فيه الم بس لما رحت للدكتورة قااااالت هذا الجنين بجهه وحدة عشان كذا تتألمين
قالوا:
إذا حطيتي إيدج أسفل منطقة البطن وحسيتي بوجود شي طويل من الصبع بالعرض = ولد
امممممممم مااااااجربت


وبعد قالوا:
إذا زادت نسبة نمو الشعر في جسمج، ولاحظتي انها زادت في منطقة البطن = ولد
صح كااااان الشعر كثير
وبعد قالوا:
إذا كان الخط البني اللي اسفل البطن على شكل خط مستقيم = ولد
الخط البني كاااان طولي يعني قاااسم البطن من فوق لي تحت
وقالوا:
اللي ينزل عليها دم خفيف مع بداية شهور الحمل = ولد
نزل علي بس لان المشيمه نااااااااازله
----------------------------------------------------


مشكورة اختي عالموضووووع وفي النهااايه بنت ولا ولد مااايهم اهم شي
الخلقه الكاااااااااااامله والصحه...

[آطياف]

اهلين اختي
وفعلا المهم تمام الخلقه
وصحه الام والطفل
مشكوره ع المرور النايس

[العاااالي مستواها]

انا جبت 7 عيال ربي يصلحهم كل واحد شكل حتى البنات كل وحده شكل والعيال كل واحد شكل المهم الصحه والسلامه في الاخير

[دافئة المشاعر]

صادقه العالي

قالو وقلت واقاويل وتخريفات
انا وحده ماصدق مهما قالو
العرب يموتون يقلدون بعض مدري ليه!

عن تجربه كل حمل له لون وشكل
مع ان نفس الجنس عندي
والي من عند ربي حياهـ الله

نسآال الله الذريه الصالحه المعافاه دنيا واخره

[آمـ وليد]

:

آإآلصرآإحه مآإآدري توي وإآإذآ ع آإلقب مجرد نكـ ^ـ^

شفت في آإآخواتي وحريم إآآخوآني في آإآشيآإء صحيحه..

نقول إآإن شآإء آإلله ربي يرزقنآإ وكل من يتمنى ..

آإآلفـ شكر لكـ

:

[لمعة الماسة]

إذا اسمرّيتي وكان ويهج مصفر وداكن = بنت ..

إذا كان شكل بطنج عريض ومفلطح ومنفرش وساير على الخواصر = بنت ..

انا حاليا صاير معي كذا ولا ادري بس انشاء الله ولد