ماطاوعتـني زوجة اخوي .....فاتهمـتها بشرفهـا...؟؟؟؟؟؟‎‎ {قصة مــــــــؤثرة}

[يكفيــــMوجووودكMــــني]

السلام عليكم ورحمة الله وبركاته

قصة شاب كتبها بنفسه باحد المنتديات اقروها ولا تنسونهم من دعواتكم

قصة الشاب تبدأ من هنا
يمكــــن اعترافي جا متاخرررر لكن ماعاد اطيق الكتمااان
يارب تعفو عني
انا لي اخ متزوج من سنين
ويوم يتزوج كنت مراهق
وكانت زوجته جميله والشيطان يحليها بعيوني زود
سكن اخوي معنا بالبيت وزوجته كانت محترمه
كان بيتنا كله اولاد اخواتي متزوجات
وكنت احسد اخوي على زوجته
كنت اراقبها من كل مكان
اي فرصه اقدر اشوفها فيها ما افوتها
وحنا محافظين وزوجته كانت تتغطى عننا
تخدم امي تخدم ابوي الله يرحمه وتخدم الكل
اغلب وقتها هاديه قليلة الكلام
هالكلام تقريبا قبل 8 سنوات
انا كنت احبهاااا وماتروح عن بالي ابدا
كنت وقته مراهق وما افكر بتصرفاتي
كنت اسوي لها تصرفات ابيها تفهم اني احبها بس هي كانت مصفيه النيه
مدري ان كانها تفهمني بس تستغبي
او انها ماتفهمني خير شر
تعددت اساليبي وهي ابداااا ماكانت تفهم
مع الاسف تحسني مثل اخوهاااا
اما انا كنت احسها زوجتي
كنت اغار من اخوي عليهااااااا
كنت احسسسسسسسده
لدرجة اتمنا له الموت اقول بنفسي يمكن لو يموت اتزوجها انا
كبرت شوي وهي جابت اول طفل وفرحو فيه
وبعدها تفرقنا بالسكن
صرنا حنا ببيت واخوي وزوجته ببيت
طلعت شريحة سوا وحاولت اتحرش فيها واغازلها وهي ماتدري من انا
لكن مالقيت منها اي تجااااوب
كان هدفي وقتها اني احصل عليها
باي وقت واي طريقه
كنت اتجسس عليها واطل عليها وادخل عليها بدون ما اتنحنح عشان اشوفها
وكانت تتضايق مررره
ادوررررر اي شي حتى اتصل عليها
مثلا اتصل اقول لها صلحي لي حلا
او اسالها عن اي شي تاااافه بس اهم شي اتصل
صرت بالجامعه وياست منها
لان كل محاولاتي بائت بالفشل
طبعا محاولاتي غبيه زيي
كنت مثلا ارسل لها رسالة حب
ثم بعدها ارسل اعتذر اقول معليش ارسلتها بالغلط
كانت ترد بكلمه وحده >> حصل خير
لانها تشوووووووفني اخ لا اكثر ولا اقل
كنت اسوي تصرفات وتلميحات كل هدفي انه تحس بحبي
كانت تصرفاااااااااااتي كثيره ومتعدده
وهي ولا على بالها وماكانت تفكر اني ابي منها شي
كانت تمووووووووووت بزوجهاااا
واخووووي يموت فيهاااا
قبل تقريبا 3 سنوات كانو يرممون بيتهم
وكانت تنام عندنا وكان اخوي مشغول بالعمال
ومره شافتني واقف مع الشغاله
والشغاله كانت تتلزق فيني
دخلت علينا وانا مادريت ان البيت فيه احد
ويوم شافتنا طلعت ورقت غرفتهااااا
انا خفت تعلم امي ورقيت لهاااا واطق باب الغرفه ابي ابرر موقفي
وكانت ساكته وجلست اتعذر واشرح
كنت خايف تعلم وكنت اقول ان الشغاله تتحرش باخواني كلهممم
ردت علي بكلمه وحده والله ما انساهاااا
>>>> قالت يا فلان انا بستر عليك واعتبرني ماشفت شي
لكن اتمنى ماتسكت عن الشغاله وتعلم امك عنها
قلت طيب
ورحت لغرفتي وارسلتلي رساله تذكرني بالله وبعقوبة هالشي
وجلست ارسلها اني ندمان ومن هالكلام وان الشغاله هي اللي تبيني
ردت علي وقالت لاتسكت حرام ومدري ايش
كانت تنصحني كاني اخوهااا برسايل
وقلت لها ان شاء الله يا ام فلان انا بعلم امي عن الشغاله
مسحت رسايلهاااا ونمت
والعصر جتني اختي تصحيني
ودخلت الحمام واختي المتزوجه اخذت جوالي هي تحب التفتيش
وشافت السجل وشافت اني متراسل انا وزوجة اخوي
وسالتني خير ان شاء الله وش بينكم
انا توووووورطت وكنت ابي الفكه
وخفت تسال زوجة اخوي وتعلمها عن مصايبي
قلت اتغدا فيها قبل لا تتعشى فيني
قلت لها ان زوجة اخوي تافهه وتدور اي شي عشان تراسلني
واتهمت زوجة اخوي بقلة الادب
اختي انهبلت لاكن حلفتها ماتجيب طاري لاحد
وكنت خايف ان زوجة اخوي تتكلم عني وعن تصرفاااتي
فصرت بين فتره وفتره اخترع عليها شي واقوله لاختي
مثلا اقول انها ماتتغطى زين عني
وانها اذا مرررت من عندي تطلع صوت بووووسه
كنتتتتتتتتتت اكذب واكذب واكذب
لاني اخاف بيوم تفضح تصرفاتي لاني كنت مازلت اتحرش فيها
واختي كانت تعلم امي عن كلامي وانا ما كنت ادري
وامي تغيرت معاملتها لزوجة اخوي
بس زوجة اخوي حبيبه كانت قايمه بواجباتهاااا
ومحترمه نفسها بس صارت ترفض تجلس معنا
ولما نجتمع تجلس لحاااالهااااا
قبل فتررره تقريبا حوالي السنه
صارت مشكله بين اخوي وزوجته
وراحت زوجة اخوي لبيت اهلها
وكان الغلط من اخوي
وضاق صدر اخوي وجاي يشتكي لامي
قالت امي لاتضيق صدرك
ومن زين فلانه>> تقصد زوجته اصلان قليلة حياااا
ودايم تضايق اخوانك بتصرفاتهاااا وما تتغطى عنهم وتراسلهم ووووووووووووو
وجلست امي تعلمه عن الكلام اللي انا اخترعته عليهااا
واخوووووووووووووووي انجن
وجا يسالني وانا خفت وقلت ايه انها وانها وانها
وقلت له رح واسال خواتي اصلا دايم اشتكيها عندهم
بس هم بيسترون عليها
وراح سال خواتي وقالو خواتي فعلا من زمان يشتكي منها
ولبستهاااااااااااااااا التهمه بشكل خيااااااالي
تعب اخووووووووووووي جدااااا
وراح لاهلها واتهمها بشرفها وطلب مني اروح واشهد بهالشي
بالبدايه رفضت بس اخوي كان منهار وخفت السالفه تقلب علي
ورحت لاهلها وشهدت بهالشي
وصارت مشاكل بيننا وبينهم
وصااااااااارت بنظر اخوي والناس خاينه
وصار كلن يطلع حكي من راسه
وهي ماقدرت تطلع برائتها لان كل شي كان ضدهااا
واولهم اهلي
واخوي تعبت نفسيته جدا جدا
وانا بالبدايه ماهمني
وكنت متوقع انها بترسلي تتحيسب علي
لكــــــــن ابد ماتكلمت عني بشي
هي تعبت واخوي تعب
انا بالبدايه حسيت بفرح
كاني اقولهااا احسن ليه ماطاوعتيني
السالفه لها قرابة السنه
هي عند اهلهاااا
لكن اخوي ما طلقهاااا عناااااد معلقها يعني
واخوي الحين يدور عروس حتى يغيض مرة اخوي
انا الحين تعبااااااااااااااااااااااان
كل يوم زوجة اخوي تجيني بالحلم
تكون نحفانه ولابسه اسود
وتصرخ بوجهي الله لايحللك دنيا واخره
كل يووووووم احلم بهالحلم
كررررهت النوم
الموضوع طلع من يدي
وش اسوي مقدر اصلح اللي انكسر
لان لو طلعت زوجة اخوي بريئه
بصيييييييييير انا المتهمممم
واخوي عايفها بس مدري ان كان يحبها والا لا
ورافض يطلقهاااااا عشان مايبيها تتزوج
مدري عناد مدري حب
ومستحييييييييييييل يرجعهااااا مستحييييييييييييل
لان سمعتها تشوهت عندنا
ابيها تحللني وش لوووووووووووووون
ابي استسمح منها بس بنفس الوقت مابي احد يدري
لو يدري اخوي اني كذبت والله ان يقتلني
لو يدري اني كنت احب زوجته والله يحرقني
كنت مراهق وما افكر بتصرفاتي
لاتقولون لي اعترف بالحق مقدر مصيبه
يمكن يقطع راسي لو يدري اني كنت اتحرش فيها
حالهم ماراح يصلح
بس تعبت من الحلوم فيهاااا
تجيني تصررررخ بوجهي
ماااااااااااااااا احللك ماااااااااااااااااا احللك
تعبتتتتتتتتتتتت
وش السواةة انصحوني......



لاحول ولا قوة الا بالله !!
هالقصه من ايميلي واتمنى بس ماتكون مكرره او طرحت من قبل اخ او اخت
واتمنى الجميع يستفيد من هالقصه سوء حقيقه ام خيال وانا اولكم
كونو بخيرْْْْْْْْْْْْْْْ
منقوووووووووووووووووووووووووووولْْْْْْْْْْْْ