هل المثبت الدوفاستون و بيفولفيت يسبب عسر بالولادة

[أم التوم يارب]

هل المثبت الدوفاستون و بيفولفيت يسبب عسر بالولادة


سلام عليكم

بنات انا صرفت لي الدكتورة تبع الحي

دوفاستون 10 mg
بيفولفيت 1 mg



وإلى الان ماراجعت عند دكتورة لأن أبي ادخل الشهر الثالث وأصور الكيس وكذا واتطمن

هل العلاجات ضرورية أو تضر اللي فوق وهل استخدامها مهم ؟؟

وسمعت أن المثبت يقولون يسبب عسر بالولادة هل هو صحيح ؟


هل المثبت الدوفاستون و بيفولفيت يسبب عسر بالولادة

[أنوار الولاية]

المثبت يصرف عادةً في اول ثلاثة اشهر بعدين في الشهر الرابع تتكون المشيمه وهي الي تنتج الهرمون الي يثبت الحمل

لكن في حالات خاصه يصرفون لهم المثبت اكثر من ثلاثة اشهر

اما انها تسبب عسر الولاده ماعندي علم بس ماعتقد ليها دخل انت بتستخدميها اول الشهور

انا حملي السابق المثبت اخذته لين الشهر الرابع وولادتي عاديه الحمل لله مفعولها يروح ما بظل لك للاشهر الاخيره

الادويه الاول مثبت

الثاني ماعرف لشو

بس لازم تاخذي فولك اسد

[غفران]

دافستوون انا خديته في حملي وخديتة لين الولادة بس انا ولدت قيصري لان كان وضع البيبي مقعدي فاماادري اذا يسبب عسر ولادة او لا لكنه كويس والحين حامل واخد دافستون بعد

[أم حمودي وعبودي]

ما أتوقع يسبب عسر ولادة
أنا أخذته تحاميل سايكلوجيست لبداية الشهر الثامن ونهاية الثامن كان عندي بوادر ولادة بس ولدت أول اسبوع بالتاسع ولادة قيصرية عشان توأم بس الرحم عندي كان مفتوح لما رحت المستشفى 4 سم وكان عندي طلق عادي

بس في ناس ما اخذوا المثبتات وتعسرت ولادتهم

يعني ماله علاقة

وبعدين مو مهم تتعسر أو تتيسر قد ما هو مهم لسلامة الجنين

[υм вtℓαα]

ماله علاقه بعسر الولاده
المثبت ضروري حسب حالتك ان كان سبق لك اجهاض او نزول دم انذار سابق

بس لازم تاخذين فوليك اسد والدوفاستون ماراح يضر بشي
الثاني ماعرفته

[نوني الحلوة]

ايه يسبب تأخر ولادة هذا كلام الدكتوره لي
وصحيح تأخرت ولادتي وتعبت عشان تكون طبيعي
بس الحمد لله ولدت قيصري مرتين وكله بسبب المثبتات

[جنون الحب]

والله ماعندي علم انا هم سمعت بهالمعلومه
اول اجهاض لي كنت استخدم ابر وحبوب وقالت لي اتركها بالشهر الخامس وانو الوضع مستتب عندي لكن ربك اراد بعد تركها باسبوع تقريبا جاني طلق مفاجئ وانفكت موية البيبي وربي يعوضني خير
فيمكن في الحالات الطبيعيه اللي مو حرجه تسبب عسر ماادري بس لو تسألي دكتورتك احسن وكيف انتي تاخذيها بدون استشاره او شلون

[صغيرة أحمد]

مالها دخل المثبتات بتاخر الولادة .. استخدمت ابرة تثبيت كل اسبوع وتحاميل تثبيت ودفاستون وكلها مشيت فيها لللشهر الثامن لان عندي اجهاضات كثيرة وولدت اول اسبوع بالتاسع .. اللي حوضها ضيق هي سبب تاخر الولاده

[مهرة]

الحبوب الثاني هو نفسه حمض الفوليك عادي استخدامه