التهابات بدون ريحة أو حكة

[أم حمودي وعبودي]

مرحبا بنات

دائماً لما وحدة تشتكي من الإفرازات نسمع الجواب إذا بدون ريحة أو حكة يعني طبيعية
صحيح الإفرازات طبيعية في فترة الحمل بس هذا ما يعني أنها ما تحتاج للعلاج
أنا رحت للدكتورة عشان عندي إفرازات بيضاء مع شوية إفرازات خضراء فاتحة مايلة للأصفر بدون حكة وريحة وبعد الفحص طلع عندي إلتهاب فطري وبكتيري والدكتورة خوفتني تقول الإلتهابات ممكن تفتح عنق الرحم وتعمل اجهاض أو ولادة مبكرة ولازم تتعالج في أسرع وقت
وأعطتني حبوب أنازول ثلاث مرات في اليوم لمدة 5 أيام
وتحاميل نيستاتين مرتين في اليوم لمدة 7 أيام
وعملت لي مزرعة للإفرازات والنتيجة آخذها بعد 4 أيام
المشكلة في تحاميل نيستاتين ما أقدر أدخلها للعمق لأنها تلتصق بمجرد أدخالها وأحاول بس تقوم تتفتت ، وشكلها مثل حبة البندول

[حرم العز]

غريبه .. لازم طيلة الحمل يكون افرزات شيء طبيعي

بس معلومه جديده بستشير دكتورتي فيها

[أم مـــاريا]

نفس الالتهاب البكتيري اللي جاني


خذت لي مسحه و باقي ماطلعت النتيجه
و عطتني جاينو دكتارين تحاميل ثلاث ايام ورا بعض اخذها
و مضاد حيوي مناسب للحامل اسمه زينات حبه كل ١٢ ساعه

مااحس بحكه ولا فيها ريحه
قالت لي اششربي مويه كثيييير


التحاميل حقتي عليها غلاف يلمع كنت لما ادخلها تذوب بيدي و تلصق برا
صرت اطلعها من الثلاجه و ع طول احط عليها زيت زيتون طبيعي امسحها ع خفييف و اقعد قعده كني بااتمرن سكوات و ادخلها بسهوله


حاسسه انه مع الحمل ضقت اصلا من تحت
و قاعده اعاني و انا احطها تصير طريه و مابعد دخلت ،




انتي اقعدي زي ماقلت لك عشان تتيسر الامور معك ويصير المكان اوسع شوي
و طلعيها من الفريزر خليها دقيقه بسس و حطيها ع طوول


الله يعينك يختي ❤️ ويبعد عنا و عنكم الششر

[حياتي توأمي]

الله يعينك يا اختي ويسهل عليكي الحمل والولادة

ويتمملك ع خير

اتبعي نصايح الأخت عهود ماقصرت بشرح كيفية وضع التحميلة

وفعلاً خليها بالفريزر عشان من تحطيها ماتلحق تتفتفت إلا وهي دخلت بالعمق


الله يسهل امورك

[أم حمودي وعبودي]

ان شاء الله أجرب طريقتك يا عهود قبل النوم

قبل شوي كنت عند الجيران ونزلت سوائل ولما رجعت البيت شفتها سوائل مثل الماء بدون ريحة وما أدري هي بسبب التحاميل ولا سائل الجنين .. خايفة

[υм вtℓαα]

ماقصرت الأخت عهود

بس سائل الجنين يكون دافي
بس أن شاءالله مافي إلا الخير

الالتهابات مشكله وتسبب ولاده مبكره
الله يتمملك على خير يارب

[وظني بك ياربي جميل]

طيب انا عندي افرازات من اول ماحملت بسيبطه لونها على يدي ابيض وع المناديل مايله للاصفر .. بدون حكه ولا ريحه
كيف اعرف اذا ذا طبيعي او لا ؟ الله يكفينا شر الوساوس

[أم حمودي وعبودي]

وظني بك يا رب جميل

طبعاً لازم فحص عند الدكتورة وعمل مزرعة
بس أنا قبل نتيجة المزرعة قالت ان عندي التهابات بكتيرية وفطرية وأعطتني العلاج
وإن شاء الله يوم الخميس أشوف النتيجة

[أم حمودي وعبودي]

هلا أم بتلاء

أنا ماني ناقصة كفاية الإجهاضات الي شفتها
وآخر واحد قالوا لي مجهولة الأسباب لأني كنت ماخذة كل العلاجات المعروفة بس يمكن بسبب الإلتهابات عشان كان عندي افرازات صفراء بدون ريحة وحكة وقلت للدكتورة وقالت طبيعي بدون فحص بعدها نزلت سدادة عنق الرحم ونزل الجنين

[بحــ العيون ــــــــر]

الله يتمم لك على خير يارب

والبنات مااقصرو معك ياالغلا