سواد في اليدين والبطن هل هو علامه حمل ؟

[وظني بك ياربي جميل]

صباحكم رضا ومغفره يارب


عندي سمار بدا من كم يوم فبطني وبين الفخذين ويدي
انا بشرتي فاتحه ومبين شوي الفرق وانا ماتعرض للشمس وصارت بشرتي حساسه وجدا ناشفه
حتى لو دهنتها تنسف بسرعه ..
واحس اني ابرد بسرررعه .. انا قد حملت قبل بس ابدا ماكانت عذه اعراضي !!

تتوقعون مع الصيام والجو وانا اتوهم ولا حمل مين صار معاها كذا ؟

[وظني بك ياربي جميل]

وعندي الم بلثتي واسناني من كم يوم وانا الحمدالله مداومه عالتفريش ونظافه الاسنان والفم
وماعندي تسوس الحمدالله .. بس الم باللثه مع الاسنان تحت وفوق !!

[مرايمم]

الله يرزقك الحمل السليم بهذا الشهر الفضيل يارب
اعرف ان الاسوداد يصيبو حوامل الشهر السادس وفوق
الله يكتبلك حمل سليم معافى بلا زياده ولا نفصان

[وظني بك ياربي جميل]

امين مرايم ويااااك يارب بشريناا خللي اليوم كلير بلو يبين معاك ان شالله ..

وانا كمان اعرف السواد هذا يجي بشهور متقدمه مش بدايه الحمل!
غريبه ونفس الشي الم اللثه يجي على الشهور الاخيره

الله كريم

[مرايمم]

ما اقدر مافي باصات هالحزه ولو انطر عقب ساعه برد متأخر
اشوف لو ما يتني الدوره اليوم بروح الصبح خفيه مع ان عندي عزومه اشوف الوضع والله مالي نفس احلل خوف انصدم لاني حللت لي طلع عيوني من راسي وشفت خطين بالمره الاولى وقمت اعيد ما طلع الخط متعقده صراحه
الحين مغص اسفل البطن واذا كليت زيت احس برجع بس اقول بلا اوهام دورتك بتشرف اليوم ههههه
واكمل اكلي واذا ما حسيت بغثيان اقول تستعبطين تاكلين مثل الجمل من شوي كان غثيان طبعا بيني وبين نفسي ينيت
بس صج اعراض الدوره اليوم احس فيها
الله يجبر خواطرنا قاعدين نهلوس

[وظني بك ياربي جميل]

هي اعراض الحمل تتشابه احيانا مع اعراض الدوره وهذا اللي يزيد يحيرنا كلناااااا
الله يبشرك ياااارب قريب

[الحلم المنتظر]

صحيح هالاعراض هذي تجي بنهاية شهور الحمل
ممكن يكون عندك التهاب باللثه او شي لان الالم يكون سببه الالتهاب
بس شوفي كل شي جائز تخيلي انا يوم حملت يمكن ماتصدقين جاني نفط حوالي الشفه كلها وتحكني مرره واول مره يجيني كذا وبعدها بيوم تأخرت الدوره
ربي يرزقك الحمل هالششهر وتبشرينا

[همسات شجن]

انا جاتني كل اعراضك وطلعت حامل والله متردده ارد عليك ولا سمح الله لو ماطلعتي حامل تزعلي بس اعراضك جاتني قبل ماتتأخر الدورة وشكيت على طول بعدها والحمدلله طلعت حامل

[وظني بك ياربي جميل]

جزاكم الله خييير حباايبي .. الله يرزقكم ماتتمنون

همسات الحمدالله انك ردتيني كثير ريحتيني يمكن الله سخرك تطمنيني ماتدرين
طيب وش كانت اعراضك الثانيه ولا بس هذه ؟
انا ماعندي غثيان ولا وحم وباقي لدورتي 5 ايام تقريباا

[υм вtℓαα]

الله يبشرك بخبر يسرك ويفرح قلبك بالحمل السليم