ودعت الشهر السادس بنزيف

[ديسمبرية]

السلام عليكم

أنا كتبت لكم قصتي مع إرتفاع الضغط والزلال والدكتور قرر يكتب لي على أبر مسيله عشان الدم يوصل للجنين ويتغذى كويس
أخذت إبر الكلكسان وما كملت أسبوع إلا على نزيف حاد
كان معاي مغص كل اليوم ما قدرت أنام هو صحيح كان مغص خفيف أخف من مغص الدوره بس اللي ميزه إنه كان مستمر نمت وقلت في نفسي إذا صحيت والمغص موجود بروح للمستشفى على طول
والله يا بنات ما كملت بنومتي ساعه إلا وأنا صحيت غرقانه والدم واصل لرجولي وأنتم بكرامه
قمت أبكي ورحت لأمي وعلى طول للمستشفى وخف النزيف مع أبر المثبتات لكن رجع لي ثاني يوم أقوى من أول يوم

الدكتور حكى إن الأبر المسيله مالها علاقه بس أنا كانت أموري ماشيه لا بأس قبل آخذها وإن سبب النزيف هو إنفصال جزئي بالمشيمه من أعلى وقال لي إحتمال الدم ما يتوقف للولاده

هل صحيح كلام الدكتور مع إني أشك بمصداقيته وأنه هو سبب النزيف اللي جاني لما وصف لي الأبر
يمكن حالتي ما تستدعي خاصة إني سألته لما وصف لي الأبر قلت ليش يادكتور توصفهم لي نهاية السادس حبوب البيبي الأسبرين اللي آخذها مو كفايه هل معي تخثر شديد بالدم قال لا بس أنا حاب إن البيبي يتغذى كويس

وهذي حكايتي ولليوم وأنا منومه بالمستشفى أنتظر النزيف يوقف