ادعوا لي يا خواتي بظهر غيب

[فطمطم 77]

السلام عليكم يا حبيباتي الخوات في هذا الصرح الجميل منتديات حوامل

انا اختفيت من المنتدى لفتره من الزمن لا تقل عن شهر تقريبا ولا وحده فيكن سالت فطمطم 77 وين ؟ وكنت مشرفة قسم وشالووني من الاشراف دون معرفه سبب غيابي الطويل سالوا انزين يمكن ماتييت وانقبريت اسم الله علي خخخخخ
لا لا عاادي ما عليكم انتوا خواتي

المهم انا مريت فترة الشهر ذيه في حالة مرضيه وترقدت في المستشفى لان صحتي تدهورت لاقصى حد وبعد الكشوفات والتحاليل ما في شي والحمدلله كلشي ايجابي بس الاطباء ما عرفوا سبب تدهور الحاله الصحيه والارتفاع المتزايد في درجة حرارتي دون سبب وما تنخفظ مدة 5 ايام لين طلعت وتميت تقريبا اسبوعين بدون اكل الا شي خفيف علشان اعيش بس خخخ طبعا الوزن فوووووف على قولتهم صرتي لقمه وويهج اختفى ( يااااا ويل حالي يبيلي فتره لين ارد وزني السابق )
المهم العائله اقترحوا ان اروح عن مطوع يقرا علي الرقيه الشرعيه طبعا انا اعرف ان فيني من زمان بلى لكن ما كنت اتوقع انها توصل للمرحله المتاخره
رحت حق مطوع في احد الدول المجاورة من دول الخليج
وبعد كم سؤال وجيه قرا علي وطبعا تعبت وكنت بموت في ليلتها
كل اللي انا فيه بسبب سحر معمول لي من زمااان وهو كان سبب تدهور الحالة الجسميه والنفسيه والاجتماعيه وكل ما يدور حولي يعني مسوية لي سحر التفريق ( الله لا يردها اللي تسوي الاسحار وتروح حق السحر والمشعوذين علشان تخرب بيوت الناس
وقالوا لي ان السحر يكون طبيعي في البدايه يجعل الشخص يضن ان هذا ابتلاء من الله سبحانه وتعالى وطبعا هو ابتلاء وقل لن يصيبنا الا ما كتبه الله لنا بس انا اتكلم بالمطلق لكن مع مرور الوقت كم سنة تتحول العوارض من طبيعيه الى اللا طبيعيه يعني مثل تدهور الحالة الصحيه بدون سبب والكوابيس المزعجه والضروف اللي تصير حواليج بس تعرفين انها مش طبيعيه

والحين يا خواتي انا اتعالج دينيا وان شاء الله تنزاح هالغمة مني لان يبيله كم جلسة مع المطوع والعلاج ذيه مطول
ادعوا لي يا خواتي ومن ظهر غيب ان الله يفرج عني وعن كل مسلمة من مضار الاسحار



ملاحضة :
الشيخ قال لي اذا صار واشتكيتي من تليف في الرحم او تكيس في المبايض تعالي لي على طوووول لان علاجج القران بس ,, مش علاج طبي ,, طبعا هو يقصد مثلا لكن هو يقصد اي مرض يصيبني
وانا اقول لكم يا خواتي اذا تحسون ان في شي من اعراض التكيسات او التليفات تروحون للرقيه الشرعيييه لان انتوا ما تعرفون عيون الناس وشرورهم وما فيها شي لو ترجعين للرقيه الشرعيه ويكون متمرس وخايف الله ويقرا عليج وعلى الماي او الزيت اللي تستخدمينه بارك الله فيكم ويزيح عنكم كل بلى