دعواتكم لي يا خواتي

[كلي تفائل بالله]

السلام عليكم ورحمة الله وبركاته

انا لي من زواجي اربع سنوات .... ومن الشهر اللي طاف بديت في إجراءات عمليه أطفال الأنابيب وتم ولله الحمد عملية السحب بسلام وخذو مني 13 بويضه وتلقحه 11 منها والحين اتصلو فيني قالو اربع أجنه مجمدينها ...بكره ان شاء الله الأحد صباحا موعد عمليه الإرجاع والله يسهل الأمور ولا يحرمني ولا يحرم اي حد خاطره في الذريه يا رب ياسميع .... خواتي ابي منكم دعواتكم وبشو تنصحوني بعد الترجيع شو أسوي

[nour karim]

الله يتمملك على الف خير واتمنى من البنات اللي جربو العملية ينصحوك بالتوفيق يااااااااااااااااارب

[نوني ستار]

ربي يعطيك مافي بالك ويجبر خاطرك يااااااارب
المهم انتي اتريحي نفسك نفسيا وجسديا وركزي ع النفسي
وربي امعاك وعالم بك
والحمد لله

[أم خالد7]

اهم شيء الراحه التامه بذات في الاسبوع الاولى
كثري شرب المويه
اشربي حليب كامل الدسم مع ملعقه نشاء
كثري من الخيار
اشربي عصير برتقال عشان مايكون عندك امساك.. الامساك مشكله
قللي من الشاي والقهوة
ابتعدي عن البهارات والحواذق والمخللات - العسل-التمر-القرفه
اهم شيء النفسيه تكون هادئه ومرتاحه ومتفائله .. الدكاتره يقولو النفسيه لها دور كبير في نجاح العمليه
ع الصعيد الديني- الاستغفار-الصدقه-صلاة الليل-صلاة الضحى فضلها كبير-اكثري من الصلاه على الحبيب -الدعاء بقين الاستجابه

والله يكرمني ويكرمك ويكرم كل متمني

[miya 12]

الله يثبت حملك ويرزقك بالذرية الصالحة

[كلي تفائل بالله]

مشكورين خواتي وانا في طريقي الي مستشفى لعمليه الترجيع

[نونة البحرين]

الله يسهل امورج
اهم شي الراحة ارتاحي و لا تتحركين كثير
اقري سورة البقرة على طول و امسحي على بطنك
بعد القراءة و اكثري من السوائل خصوصاً الماء و ابتعدي
عن الكوفي و الشوكولا
و ان شاء الله يثبتون الاجنة

[رونـــق!!]

..

وعليكم السلام ورحمة الله

ربي يسهل أمرك ويثبت حملك

يااااااارب تتم عملية الترجيع بسلام وتبشرينا بحملك قريبا إن شاء الله ..

فين صلحتي العملية أختي ؟

[أسيرة زوجي]

حبيبتي الله يوفقك و يسهل امرك يا رب

اهم شيء ابعدب عن التوتر و القلق

و ريحي حالك قدر الإمكان بعد عملية الترجيع و ان اسلزم الامر روحي لبيت اهلك عشان تلتزمي الراحة

ان شاء الله نفرح بخبر حملك قريبا

[bassouma]

الله يسهل أمورك و يرزقك الحمل يارب