بكرا اخر يوم في التاسع ,, ايش الحل ؟؟

[angel_nanour]

بكرا اخر يوم بالتاسع والله تعبت مو عااارف ايش اسوي مافي شي ما سويته الرحم عندي مفتوح 2 سم و شربت خروع مرتين وجاني طلق استمر معي 7 ساعات و راااح ولا كأنه في شي ,,
تعبت مو قادره امشي على قد ما مشيت بالسااااعاااات رجلي تورمت مافي وسيله ما استخدمتها ,, و بكره بخلص الشهر و لسه مافي اي اعرااااض بس يجيني الم ساعه و يروح و يختفي 20 ساعه
ايييييييييييش اسوي تعبببببببببببببببببت والله تعببببببببببببت

[أمـ وسامـ ..]

حبيبتي انتي لا تخافين ولا تفكرين واجد
طنشي
انا مثلك قبل يوم من التاسع ضحك ولعب ودنيا ولا في ربع الم
ولااااااااااااااااا شي
جاني طلق قبلها باسبوع وخفيف ومره وحده
ولا شي بعده
وسبحان الله اليوم الثاني صحيت الا انا بمووووت الم
فجـأه .. ولا خلصت ساعتين الا ولدت الحمدلله ياربي
لا تفكرين انتي
وعادي لو خلصتي التاسع مو مشكله
الله يسهل عليك حبيبتي ويفرج كربك
ويقومك سالمه

[angel_nanour]

الله يطمنك انشالله و ينولك مراادك ياارب امين والله ريحتيني
بصراحه فقدت الامل اني اولد الله يعين بس يااارب

[angel_nanour]

ررررررررررفع
بناات وينكممم

[حنونه رومنسيه]

الله يسهل عليك وعلينا امين

[توفيه الفوشيه]

الله يسهل عليك يارب ويولدك وتطلعين بسلامه

[ام الشبلين]

عاااادي جدا ,
لا تقعدي تستخدمي هالاعشاب والادويه اللي يقولون انها تجيب الطلق

خليك على طبيعتك ,
أنا ما جاني طلق اصلا إلا قبل ما اولد بثلاث ساعات
ومثلك لما دخلت المستشفى , وكشفت علي الدكتوره قالت الرحم
مفتوح 2 سم ,
هذا يوم الاربعاء الساعه 11 بالليل
يوم الخميس قبل العصر ولدت , وما دخلت غرفه الولاده إلا على الساعه 12
وهو الوقت اللي بدا فيه الطلق , وولدت الساعه 3


عادي لا تستعجلي على نفسك
كل شي بيجي في وقته ^_^

وعلى فكره انا خلصت الشهر التاسع , و كتب لي الدكتور طلق صناعي
وكان راح يولدني يوم 7 رمضان اللي راح ,,
لانه يقول اني مخلصه التاسع من اسبوع , وداخله العاشر
بس انا طنشته , وقلت ما راح اخليه يولدني غصب وانا ما فيني شي
المهم طنشته , وولدت يوم 23 رمضان

وما جاني طلق مثل ما قلت لك
قبل ما اولد بيوم , نزل مني سائل لزج , وهذا اللي خوفني
وخلاني اروح اكشف بالمستشفى ,
و لاني في القائمه السوداء عندهم , هربانه من التنويم مسكوني
هههههههههه
بس الحمد لله ولدت طبيعي وبدون طلق صناعي ,



الله يسهلها عليك ,,

[angel_nanour]

ياااااااااااارب سهلها علي و هونها .. ياااااااااااااااااارب اولد اليوم و يجي ابني سليم معافى يا ارحم الرحمين
يارب والله تعبت لك الحمد ولك الشكر يامناان يا رحمن يارحيم احمني اني استغيث برحمتك يا ارحم الرحمين ,, يااارب

[دانه بنت عزوز]

ربي يسهل عليك وعلينا يااااااااارب

ويجعلهاا ولااده ميسره

[Nana.1985]

انجل ان شاءالله تكوني ولدتي بالسلامة ...
انا باقيلي 4 ايام ولين دحين ولااااااااااااااشئ ...
بكرية ومني عارفة اش راح احس بس مليت انتظر ...
اليوم جاتني شوية سخونه وحرارة تروح وتجي واحسها قوية داخليه من برا الي يحسني مافيا حرارة .. الله يعين
وبطني بين اسهال وامساك الله يكرمكم ... تعبت